वीरगंज । बाराको परवानीपुर गाँउपालिका वडा नम्बर ५ बहुअरीमा एक दिने नि:शुल्क आँखा तथा दाँत शिविर सम्पन्न भएको छ ।
सानो दीपको आयोजना र वीरगंज सामुदायिक आँखा केन्द्रको सह आयोजनामा तथा डाक्टर्स क्लबको सहयोगमा शिविरमा १ सय ७२ जनाले आँखा तथा दाँत सम्बन्धी सेवा लिएकाे सानाे दिपका अध्यक्ष कृष पटेलले जानकारी दिए ।
सानाे दिपका अध्यक्ष पटेलकाे अध्यक्षतामा भएको शिविरकाे उद्घाटन नेपाली कांग्रेस बारा क्षेत्र -४ ख का सभापति लोकेश सिंहले गरेका थिए ।
सो शिविरमा जेकजाँच गराएकाहरुलाई वीरगंज सामुदायिक केन्द्रको अर्थोडोन्टिक सेन्टरमा जाँदा चश्मा र दन्त उपचारमा २० प्रतिशतसम्म छुट दिने पनि सुविधा उपलब्ध गराउने वीरगंज सामुदायिक केन्द्रका चिकित्सक डाक्टर प्रभात चौरसियाले बताए ।
साथै परीक्षण गराएकहरुलाई नि. शुल्क औषधी र हाईजिङ किट ब्याग वितरण, आवश्यक परामर्श उपलब्ध गरिएको अध्यक्ष पटेलले बताए ।