वीरगंज । किशाेरी संवाद कार्यक्रम अन्तर्गत ६ जना किशोरीहरुलाई आज विभिन्न सामग्री वितरण गरिएकाे छ । एक कार्यक्रमका बिच टेलर्स सामाग्री ४ जनालाई, बिउटी पार्लर सामाग्री १ जनालाई र खाजा तथा किराना पसलको लागी आवस्यक पर्ने सामाग्रीहरु १ जनालाई बितरण गरिएको किशोरी संवाद कार्यक्रमका संवाद अधिकृत प्रकाश पाण्डेले वताए ।
युरोपियन युनियनको आर्थिक सहयोग तथा नेपाल ग्रामीण पुननिर्माण संस्थाद्वारा संचालित किशोरी संवाद कार्यक्रम अन्तर्गत पर्साकाे वीरगंज महानगरपालिका वडा नं २९, ३० र ३१ का अति गरिव, दलित, जनजाती, मुस्लिम तथा अपांग भएका, बिधालय जानबाट बन्चित भएका किशाेरीहरुलाई सामग्री वितरण गरिएकाे उनले जानकरी गराए ।
बालबिवाह तथा बेचबिखनको उच्च जोखिममा रहेका किशोरीहरुलाई बालबिवाह तथा बेचबिखन हुनबाट बचाई आत्मनिर्भर बनाउने उदेश्यले सामग्री सहयाेग गरिएकाे पाण्डेले वताए ।
१ वर्षको संवाद केन्द्रमा भएको जिवन उपयोगी सिपहरुको छलफलबाट आफ्नो ब्युटि पार्लर पसल खोलि आत्मनिर्भर हुने सपना पुरा भएको दिव्या संवाद केन्द्र, कोनियाकी अन्जली चौधरीले वताईन ।
अपांग भएपनि आफुले लेडिज टेलर पसल खोलि आत्मनिर्भर हुने सपना थियो आज किशोरी संवाद कार्यक्रमले पुरा गरिदिएको साबित्रि कुमारी महत्तोले वताईन ।
त्यसैगरी किशोरीहरु, महिला तथा बालबालिकाका लागि स्वस्थ, पोषणयुक्त खाना/तरकारि प्रवर्धन गर्ने उदेस्यले पर्सा वीरगंज महानगरपालिका वडा नं २९, ३० र ३१ वाडमा ३५० जना र बाराका ४५० जना किशोरीहरुलाई बिउ बितरण गरिएको किशाेरी संवाद कार्यक्रमका सुपरभाईजर सुनेश्वर साहले वताए ।