वीरगंज । पर्सा प्रहरीले ३ जना फरार प्रतिवादीलाई पक्राउ गरेको छ । पर्साको पकहा मैनपुर गा.पा. वडा नं.१ धोरे निवासी बर्ष ४८ को मदन प्रसाद चौहान, बर्ष ५५ को मेघराज साह र बिरगंज महानगरपालिका २ छपकैया निवासी बर्ष ५१ को मक्सुद मिया तेलीलाई प्रकाउ गरेको हो ।
पक्राउ परेका चौहान पर्सा जिल्ला अदालतको मिति २०७५।०१।२४ गतेको फैसलाले ला.औ.गाँजा/चरेश मुद्दामा ९ महिना २३ दिन कैद र रु.५,०००।– जरिवाना भई फरार रहेका थिए । साह २ बर्ष १९ दिन कैद र रु. ७,०००।– जरिवाना फैसला भई फरार रहेका थिए ।
चौहान र साहलाई आफ्नै गाँउ घरमा लुकिछिपी बस्दै गरेको अवस्थामा जिल्ला प्रहरी कार्यालय तथा प्रहरी चौकी धोरे, पर्साबाट खटिएको प्रहरी टोलिले सोमबार पक्राउ गरी आवश्यक कारवाहीको लागि अदालतमा पेश गरिएको जनाएको छ ।
मियाँ पर्सा जिल्ला अदालतको मिति २०७२/०२/०५ गतेको फैसलाले ज.ज.क.उ.मुद्दामा रु.१,०००।– जरिवाना भई फरार रहेका थिए ।
मियाँलाई पनि आफ्नै गाँउ घरमा लुकिछिपी बस्दै गरेको अवस्थामा जि.प्र.का. तथा व.प्र.का. विर्ता, पर्साबाट खटिएको प्रहरी टोलिले पक्राउ गरी आवश्यक कारवाहीको लागि अदालतमा पेश गरिएको जिल्ला प्रहरी कार्यालय पर्साले जनाएको छ ।