वीरगंज । वीरगंजको मेन रोड तोडने पक्षमा शनिबार वीरगंजमा प्रदर्शन भएको छ । वीरगंजको घण्टाघरमा जम्मा भएका युवाहरुले मेन रोड नतोडन पक्षमा लागेकाहरुको विरुद्ध प्रदर्शन गरेका हुन ।
वीरगंजको घण्टाघरबाट सुरु भएको युवाहरुको विरोध प्रदर्शन माइस्थान, महाबिरस्थान, आदर्शनगर, घडिहर्वा हुदै पुनः घण्टाघर पुगि सम्पन्न भएको थियो । युवाहरुले दलालहरु होसियार, वीरगंजको मेन रोड २५/२५ फराकिलो पार, विकास विरोधी मुर्दावाद, युवाशक्ति जिन्दावाद, नेपाल सरकारको निर्णय कायम गर, गण्डक सम्म २५ मिटर वीरगंजमा १५ मिटर किन लगायतका चर्को नाराबाजी समेत गरेका थिए ।
वीरगंजको मेन रोड फराकिलो नभए सम्म विकास नहुने संदिप बिक्रम साहले वताए । वीरगंजको मेन रोड फराकिलो नपार्न डेलिगेशन गएका नेताहरु विरुद्ध आक्रोश पोख्दै साहले सच्निु पर्ने वताए । आउदो पिढीको लागि पनि सडक फराकिलो पार्नु पर्ने वताउदै साहले दालाली गर्नेहरु विरुद्ध युवाहरु अगाडी सरिसकेको वताए ।
प्रदर्शन रामबाबु मण्डल, अकलेश साह, महमुद अन्सारी, सन्दिप बिक्रम साह, रंजित चौरसिया, राकेश पटेल, दाउद अंसारी, शेख सलाम, उमेश कुशवाहा, सागिर अंसारी, जउआद अंसारी, दिपक पटेल लगायतको सहभागिता रहेको थियो ।
आइतबार जिल्ला प्रशासन कार्यालय पर्सामा वीरगंजको मेन रोड फराकिलो पार्न दबाव सवरुप ज्ञापन पत्र बुझाइने अकलेश साहले वताए ।