वीरगंज । पर्साको कालिकामाई गाउँपालिकाको वडा नम्बर २ भेडिहारीको श्री सुकई साह माध्यमिक बिधालयका ५ जना शिक्षकलाई गाउँपालिकाले १५ महिना देखी तलबभत्ता नदिदा शिक्षकहरु मर्कामा परेका छन ।
नियमित रुपमा अध्ययन अध्यापन गराउदै आएका शिक्षकहरुले पटक पटक तलबभत्ता मांग गर्दा एक हप्ता, पन्द्र दिन, महिनामा दिन्छौ भन्दा भन्दै १५ महिना बितिसक्दा पनि तलबभत्ता नपाएको शिक्षक जयप्रकाश चौरसियाले बताए ।
बिगतका बर्षमा बिषयगत शिक्षक नरहेको भन्दै सो बिधालयका बिधार्थीहरुले अध्ययन अध्यापन अवरुद्ध गरी बिधालयमा तालाबन्दी गर्दा भएको सहम्मती अनुसार ५ जना शिक्षकहरुलाई स्वयसेवकको रुपमा बिधालयमा पढाउन राखिएको थियो । गाउँपालिकाको गाउँ सभा भए पनि गाउँपालिका भरीकै बिधालयको लागि बजेट नछुटयाइएकोले शिक्षकहरुको तलबभत्ता दिन समस्या भएको शिक्षक स्रोतको दावी छ ।
यता शिक्षकहरुले तलब नपाउदा केही दिन पढाउन छोडे पछि प्रत्येक दिन ५ घण्टीको घण्टी अध्ययन अध्यापन अवरुद्ध हुदा बिधालय ब्यवस्थापन समितीका अध्यक्ष शिवपुजन साह तेली अग्रसरता देखाएका छन । अध्यक्ष तेलीका अनुसार काम गरेको रकम पाउनु हुनेछ भन्दा आश्वास पाएका शिक्षकहरुले आज देखी पुन कक्षाकोठामा पढाउन गएको अध्यक्ष तेलीले बताए ।
केही दिनमा ५ जना शिक्षकहरुको तलबभता नपाए फेरी शिक्षकहरुले पढाउन छाडने शिक्षक लक्ष्मण ठाकुरले बताए । बिधालय ब्यवस्थापन समितीका अध्यक्ष शिवपुजन साहले यस बिषयमा आफु गम्भीर रहेको र आफु शिक्षा विकास समन्वय कार्यालय बिरंगज पर्सा, बिधालयका प्रध्यापनाध्यापक, वडाअध्यक्ष, प्रमुखप्रशासकिय अधिकृत र अभिभावकहरु सित रायसल्लाह गरी तुरन्त समस्याको सामाधान गर्ने वताका छन ।