काठमाडौ । युवा तथा खेलकुद मन्त्रालयले राष्ट्रिय युवा प्रतिभा पुरस्कारका लागि युवाको छनोट गरेको छ । अन्तर्रा्ष्ट्रिय युवा दिवसका अवसरमा यही साउन २७ गते यो पुरस्कार प्रदान गरिने छ ।
विभिन्न विधामा योगदान पु¥याएका नौ जना युवा र युवाका क्षेत्रमा क्रियाशील दुईवटा संस्था पुरस्कारका लागि छनोट भएका छन् । मन्त्रालयले हरेक वर्ष राष्ट्रिय रूपमा योगदान पु¥याएका उदाहरणीय युवा र संस्थालाई सम्मान गर्ने गरेको छ ।
यस वर्षको राष्ट्रिय युवा प्रतिभा स्वयंसेवा विधामा पर्साका राजनकुमार श्रीवास्तव छनोट भएका छन । राष्ट्रिय युवा प्रतिभा विज्ञान प्रविधितर्फ गणेशविक्रम सिंह आले (तेह्रथुम) र यज्ञप्रसाद देवकोटा (जुम्ला)लाई संयुक्त रूपमा, मार्सल रोका (दाङ), सुमन पौडेल (कैलाली)लाई प्रदान गरिएको छ ।
यसैगरी उद्यमशीलतातर्फ व्यक्तिका रूपमा माला थापामगर (ललितपुर) र सृजना सोती (नवलपरासी) छनोट भएका छन ।
कला संस्कृति विधामा स्वजन रघुवंशी (ललितपुर), कृषितर्फ टोपलाल विक (बर्दिया) र प्रतिभा पुरस्कारका लागि दुईवटा संस्था छनोटमा परेका छन् ।
शिक्षातर्फ नेत्रहीन युवा सङ्घ नेपाल (सुकेधारा, काठमाडौँ) र उद्यमशीलता संस्था इप्सा नेपाल (तारकेश्वर, काठमाडौँ) छनोट गरिएको हो ।
रेडक्रस सोसाइटी पर्सामा कार्यरत श्रीवास्तवले आकस्मिक रूपमा आइपर्ने रगत सङ्कलन गरेर उनले हजारौँ गर्भवती र जोखिमपूर्ण अवस्थाका बिरामीको जीवन बचाएका छन । विपद्ममा राहत र उद्धारमा पनि श्रीवास्तवले सक्रियताका साथ जुट्ने गर्छन र किशोरीका लागि आत्मरक्षा (सेल्फ डिफेन्स) तालिम सञ्चालन गर्ने गरेकाले छनौटमा परेको जनाइएको छ ।
युवा तथा खेलकुद मन्त्रालयका सूचना अधिकारी सुशीला अर्यालले युवा प्रतिभाको छनोटका लागि मन्त्रालयले विज्ञ समूह बनाएको जानकारी दिँदै आवेदन दिएका र सिफारिस भएका मध्येबाट विज्ञ समूहले छनोट गरी अन्तिम रूप दिइएको बताए ।
छनोट भएका युवा र संस्थाले पुरस्कार नपाउनुपर्ने कुनै कारण भए मङ्गलबारसम्म उजुरी दर्ता गराउन मन्त्रालयले सूचना गरेको थियो । छनोट भएकाउपर कुनै उजुरी नपरेको जानकारी उनले गराए ।
उजुरी नपरेका कारण यो नामावली अन्तिम भएको हो । पुरस्कारका लागि योग्य युवालाई जसले पनि सिफारिस गर्न सक्ने र व्यक्ति स्वयंले आवेदन दिन पाउने व्यवस्था गरिएको छ । छनोट भएकामध्येबाट युवा प्रतिभा सम्मान कार्य्विधि, २०७२ अनुसार छनोट गरिएको मन्त्रालयले जनाएका छ ।