वीरगंज, ८ जेठ ।
वीरगंज महानगरपालिकाको वडा नं. २९, मुसैलीमा विद्यालय भर्ना सम्बन्धि जनचेतनामूलक सडक नाटक सम्पन्न भएको छ । नेपाल ग्रामीण पुनर्निर्माण संस्थाको सहयोग र एकता किशोरी संवाद संजालको आयोजनामा सडक नाटक भएको थियो ।
विद्यालय बाहिर रहेको वालवालिकाहरुलाई विद्यालय भर्ना गराउने उद्देश्यले सडक नाटक गरिएको किशोरी संवाद कार्यक्रमका सुपरभाईजर सुनेश्वर साहले वताए । संजालकी अध्यक्ष छठी कुमारी मण्डलको अध्यक्षता र संवाद अधिकृत प्रकाश पाण्डेको प्रमुख आतिथ्यतामा भएको कार्यक्रममा संवाद सहयोग समितिका रामचन्द्र गौरो, उमा राय माझी लगायतको मन्तव्य राखेका थिए ।
शिक्षाको महत्व, आवश्यकता, विद्यालय भर्ना लगायतका बिषयवस्तु समेटिएका नाटक किशोरीहरुले आफै प्रदर्शन गरेका थिए । सो कार्यक्रममा तारा किशोरी संवाद समुह, सितारा किशोरी संवाद समुह, स्थानिय लगायतको सहभागिता रहेको थियो ।