पर्सा, २९ चैत ।
पर्साको सखुवा प्रसौनीमा शुक्रबार कुष्टरोग अभियानका स्वयं सेवकहरुको लागि एक दिने अभिमुखिकरण कार्यक्रम सम्पन्न भएको छ । सखुवा प्रसौनी गाउँपालिको स्वास्थ्य शाखाको आयोजनामा भएको कार्यक्रम सम्पन्न भएको हो ।
गाउँपालिकामा बैशाख ८ गते देखी हुने कुष्टरोग निवारण अभियानको लागि गरिने घरदैलो कार्यक्रमको लागि खोजि टोलीमा खटिने स्वयं सेवकहरुको अभिमुखिकरण सम्पन्न भएको स्वास्थ्य संयोजक राजेश रौनियारले वताए ।
सखुवा प्रसौनी गाउँपालिको वडा नं. १, मधुवन मथवलमा भएको कार्यक्रममा जिल्ला स्वास्थ्य कार्यालयका शम्भु यादव र स्वास्थ्य संयोजक रौनियारले प्रशिक्षण दिएका थिए ।
यस्तै सखुवा प्रसौनी गाउँपालिकामा प्रारम्भीक कक्षा पढाई कार्यक्रम अन्तर्गत विद्यालय व्यवस्थापन समिति तथा अभिभावक संघका पदाधिकारीहरुको लागि २ दिने क्षमता विकास तालिम सुरु भएको छ ।
तालिमको उदघाटन गर्दै गाउँपालिका अध्यक्ष प्रदिप जयसवालले प्रारम्भीक शिक्षा बलियो भए भविष्यमा विद्यार्थीहरुको पढाई राम्रो हुने वताए । कार्यक्रमका प्रमुख अतिथी समेत रहेका अध्यक्ष जयसवालले शिक्षा क्षेत्रको सुधारको लागि विद्यालय व्यवस्थापन समिति लाग्नु पर्ने निर्देशन समेत दिए ।
तालिममा प्रारम्भीक कक्षा पढाई कार्यक्रमका जिम्मेवार व्यक्ति भरत सहनी र समाजिक विकास शाखाका विनोद यादवले प्रशिक्षण दिइरहेको गाउँपालिकाका प्रमुख प्रशासकिय अधिकृत संदेश यादवले वताए ।