वीरगंज : सखुवा प्रसौनी गाउँपालिकाले आफ्नो गाउँपालिकामा कार्यरत मोटरसाइकल दुर्घटनामा मृत्यु भएका ओभरसियर दिपेन्द्र गुरुङको परिवारलाई आर्थीक सहयोग गरेको छ । वीरगंज, श्रीपुर स्थित रहेको उनको घर मै पुगि गाउँपालिका अध्यक्ष प्रदिप जयसवालले रु एक लाख सहयोग गरेका हुन ।
शुक्रबार साझ घर मै पुगि गुरुङकी श्रीमती सिला कुमारी गुरूङलाई गाउँपालिकाको तर्फबाट रु एक लाख बराबरको चेक हस्तान्तरण गरिएको प्रमुख प्रशासकीय अधिकृत सन्देश यादवले वताए । फागुन ३० गते मोटरसाइकल दुर्घटना परि उनको उपचारको क्रममा मृत्यु भएको थियो भने उपचार खर्च गाउँपालिकाका कर्मचारीहरु आफुहरुमा संकलन गरि तिरेका थिए ।
यस्तै गाउँपालिका अर्का कर्मचारी जगरनाथ मण्डल धानुकलाई पनि रु ५० हजार सहयो गरिएको प्रशासकीय अधिकृत यादवले वताए । केही दिन पहिला कार्यालय सहयोगि धानुककि श्रीमतीको ग्यास सिलिन्डर पड्केर मृत्यु भएको र उनको दुबै हाथ जलेकोले सहयोग गरिएको यादवले जानकारी गराए ।
यस्तै गाउँपालिकाले ३ महिना पहिला मृत्यु भएका वडा अध्यक्ष वृजमोहन यादवका परिवारलाई पनि सहयो गरेको छ । स्व. यादवको वडा नं. ५, बलुवा स्थित घर मै पुगि गाउँपालिकाको एक समुहले रु एक लाख ५० हजारको चेक हस्तान्तरण गरेको हो ।