वीरगंज, ३० पुस ।
पर्सा प्रहरीले लागु औषध ईन्जेक्सन सहित १ जनालाई पक्राउ गरेको छ । पक्राउ पर्नेमा काठमाण्डौ महानगरपालिकाको वडा नं. १४, बल्खु बस्ने बर्ष ४० का बिमल रोक्का रहेका छन । रोक्काको साथबाट लागु औषध ईन्जेक्सन फेनारगन ३३ पिस, नुर्फिन ३३ पिस र डाईजिल्याव ३३ पिस फेला परेकोले नियन्त्रणमा लिईएको प्रहरीले जनाएको छ ।
प्रहरी चौकी बसपार्क पर्साबाट खटिएको प्रहरी टोलीले आइतबार सांस ८ बजेको करिबमा वीरगंज महानगरपालिकाको वडा नं. १६, बसपार्क स्थित सडक खण्डबाट रोक्कालाई पक्राउ गरिएको जिल्ला प्रहरी कार्यालय, पर्साले जनाएको छ ।
विभिन्न सवारी साधन तथा पैदल यात्री समेतको चेकजाँच गर्ने क्रममा दक्षिण भारत रक्सौलबाट उत्तर वीरगंज तर्फ पैदल हिडी आउदै गरेको रोक्कालाई लागु औषध सहित नियन्त्रणमा लिई जिल्ला प्रहरी कार्यालय, पर्सामा ल्याई लागु औषध शिर्षकमा मुद्दा दर्ता गरी थप अनुसन्धान भइरहेको प्रहरीको भनाई छ ।