राहुल गुप्ता ।
वीरगंज, २५ असोज ।
हुलाकी सडक अन्तर्गत ड्राइपोर्ट देखी तिलावे पुल सम्मको सडक धुलो मै भएको प्रति नेवि संघले आज प्रमुख जिल्ला अधिकारी लोकनाथ पौडेलको ध्यान आकर्षण गराएको छ ।
बाटो निर्माणको जिम्मा पाएका पप्पु कन्स्ट्रक्सन प्रालिको लपर्वाहीका कारण लामो समय देखी पर्साका जिल्लाका जनताहरु धुलो मै यात्रा गर्न बाध्य भएकोले समस्यालाई मध्यनजर गर्दै नेवि संघ क्षेत्रिय समितिहरुले प्रजिअ पौडेलको ध्यान आक्रर्षण गराएका हुन ।
नेवि संघ पर्सा क्षेत्र नं. २ का सभापति रञ्जीत पटेल, ३ का सभापति चन्दन सहनी र ४ का सभापति विकास तिवारी द्वारा हस्ताक्षरित ज्ञापन पत्र जिल्ला प्रशास कार्यालय, पर्सा मै पुगी विद्यार्थी नेताहरुले बुझाइएका थिए ।
बाटो धुलो मै भएका कारण पर्सा क्षेत्र १ देखी ४ सम्म जोडने मुख्य सडक खण्ड भएर यात्र गर्ने दिनहु १००० औं जनताहरुको स्वास्थ्यमा प्रत्यक्ष असर परिरहेकोले तुरुन्त छानवि गरि समस्या समाधान गर्नु पर्ने नत्र हामी आन्दोन गर्ने बाध्य हुने छौं नेवि संघले ज्ञापन पत्र मार्फत चेतावनी समेत दिएको छ ।