वीरगंज, २३ असोज ।
जिल्ला प्रहरी कार्यालय, पर्साले लागु औषध सहित एक जनालाई पक्राउ गरेको छ । वीरगंज १५ बस्ने मिथलेश साहको छोरा २४ बर्षका मुरारी झालाई प्रहरीले पक्राउ गरेको हो ।
भारतबाट नेपाल तर्फ कालो झोला बोकी आइरहेको अवस्थामा चेकजाच गर्दा लागु औषध उइन क्रेक्स १०० एमएलका ५० बोतल र नाईट्रोभेट ६ पतामा १५ पिसको दरले ९० पिस फेला परेको प्रहरीले जनाएको छ ।
वीरगंज महानगरपालिका वडा नं. २, श्रीसियाबाट सोमबार सांझ ६ बजेको करिबमा झालाई प्रकाउ गरिएको जिल्ला प्रहरी कार्यालय, पर्साले जनाएको छ ।
प्रतिक्रिया लेख्नुहोस