वीरगंज, १८ असोज ।
विन्दवासिनी गाउँपालिकाको श्री ज्ञान सागर दलित प्रा.वि. गर्दौलमा आज छात्रवृति वितरण तथा वृक्षारोपण कार्यक्रम सम्पन्न भएको छ । वडा नं. १ का वडा अध्यक्ष सागिर मियाँको अध्यक्षतामा र गाउँपालिका अध्यक्ष श्रीलाल साह कानुको प्रमुख आतिथ्यतामा भएको कार्यक्रममा विद्यालयमा अध्ययनरत सम्पूर्ण वालवालिकाहरुलाई विद्यालय पोशाक र स्टेशनरी सामग्री वितरण गरिएको छ ।
विद्यालय प्राङ्गण मै विभिन्न प्रजातिका ५० वटा विरुवा समेत रोपिएको गाउँ कार्यपालिका कार्यालय समाजिक विकास शाखाका रमेन्द्र नाथ तिवारीले वताए । कार्यक्रममा गाउँपालिकाकी उपाध्यक्ष किरण देवी गुप्ता, समाजसेवी बब्लु श्रीवास्तव, वडा सदस्य गम्भीरा साह लगायतकाको सहभागिता रहेको थियो ।
प्रतिक्रिया लेख्नुहोस