वीरगंज । नेपाल पत्रकार महासंघकाे केन्द्रिय समितिमा पर्साबाट ३ जनाकाे उम्मेदवारी परेको छ ।
प्रेस युनियन, प्रेस संगठन लगायतकाे ११ पत्रकार संगठनकाे प्यानलबाट नेपाल पत्रकार महासंघकाे सचिव (मधेशी) पदमा पर्साका पत्रकार दिपेन्द्र चाैहान र केन्द्रिय सदस्य (दलित) पदमा पर्साका पत्रकार बृजलाल पासवानकाे उम्मेदवारी दर्ता भएकाे हाे ।
त्यसैगरी, प्रेस चाैतारीबाट पत्रकार महासंघकाे केन्द्रिय सदस्यमा पर्साका पत्रकार केशी लामिक्षानेले उम्मेदवारी दिएका छन् ।
महासंघकाे केन्द्रिय सचिवमा उम्मेदवारी दिएका पत्रकार चाैहान नेपाल पत्रकार महासंघ प्रदेश न. २ का अध्यक्ष एवम् प्रेस युनियनका नेता हन् भने केन्द्रिय सदस्यमा उम्मेदवारी दिएका पत्रकार पासवना प्रेस संगठन नेपाल प्रदेश नं. २ का सचिव र अर्का केन्द्रिय सदस्यका उम्मेदवार लामिक्षाने लामिक्षाने नेपाल पत्रकार महासंघ प्रदेश नं. २ का उपाध्यक्ष एवम् प्रेस चाैतारीका लेखा समिति सदस्य हुन् ।
यही चैत २५ गते हुने पत्रकार महासंघकाे निर्वाचानकाे लागि तीनै जनाकाे उम्मेदवारी दर्ता भएकाे हाे ।
केन्द्रिय सचिब (मधेस) पदमा उम्मेदवारी दिएका चौहानले प्रतिगमन विरुद्ध लागेका लोकतन्त्रबादी पत्रकारहरुलाई विजय गराउन अपिल गरे । सञ्चार क्षेत्रको संरक्षण र कसैको दवावमा जान नदिनका निम्ती केन्द्रसम्म पहल गर्ने र सञ्चार जगतलाई स्वतन्त्र र स्वच्छ बनाउने अभिप्रायले आफूले उम्मेदवारी दिएको चौहानले वताए ।
त्यसैगरी केन्द्रिय सदस्यमा उम्मेदवारी दिएका पासवानले पत्रकारहरुको साझा संगठन नेपाल पत्रकार महासंघको केन्द्रिय समितिमा दलित मधेसीले अवसर पाउन गौरवको कुरा भएको बताए ।
