वीरगंज । वीरगन्ज महानगरपालिकाका नगर प्रमुख विजय कुमार सरावगीले मंगलबार वीरगंज महानगरपालिकाकाे वडा २७ भवानीपुरमा निर्माण भएकाे विद्यालय भवनको उद्घाटन गरेका छन् ।
महानगरपालिकाको नगरस्तरीय बजेटबाट निर्माण गरिएको चार कोठे भवनको महानगर प्रमुख सरावगीले उद्घाटन गरेका हुन् ।२/२ कोठे भवनको १५/१५ लाख गरी ३० लाख रुपैयाँको लागतमा ४ कोठे भवनको निर्माण भएकाे नगर प्रमुख सरावगीले वताए ।
विद्यालयको पर्खाल निर्माणका लागि ९ लाख, शौचालय निर्माणका लागि ७ लाख र खेल मैदानमा माटो पुर्नका लागि २ लाख रुपैयाँ महानगरपालिकाबाट उपलब्ध गराइएको नगरप्रमुख सरावगीले जानकारी गराए ।
त्यसैगरी आगामी वर्ष नेपाल सरकारको बजेटबाट १२ कोठे भवन निर्माणका लागि पनि पहल गर्ने नगरप्रमुख सरावगीले प्रतिबद्धता जनाए ।
