वीरगंज । नारायणी आयल रिफाईनरी उधाेग प्रा.लि. वीरगंजले एडभान्स मेडिकेयर हस्पिटल वीरगंजलाई एक थान भेन्टिलेटर सहयाेग गरेकाे छ ।
उद्याेगका संचालक सजन कुमार चाचानले हस्पिटलका प्रबन्ध संचालक जनार्दन सिंह क्षेत्रीलाई साेमबार एक कार्यक्रमका बिच साे भेन्टिलेर हस्तान्तरण गरेका हुन् ।
कर्पाेरेट समाजिक उत्तरदायित्व काेषबाट सहयाेग स्वरुप रु ८ लाख ८० हजार मुल्य पर्ने भेन्टिलेटर सहयाेग गरिएकाे उद्याेगका संचालक चाचानले वताए ।
भेन्टिलेटर हस्तान्तरण कार्यक्रममा बाेल्दै अस्पतालका प्रबन्ध संचालक सिंहले एडभान्स हस्पिटल नाफा कमाउन संस्था नभई सेवा गर्ने मुलक संस्था भएकाे वताए । उनले समाजिक उत्तरदायित्वलाई बहन गर्दै हस्पिटललाई भेन्टिलेटर सहयाेग गर्ने उद्याेगलाई धन्यावाद समेत व्यक्त गरे ।
सिंह कै अध्यक्षतामा भएकाे कार्यक्रममा हस्पिटलका संचालक नरेन्द्र कुमार साह, सुमन कुमार क्याल, नारायणी आयल रिफाईनरी उधाेगका संचालक समिति सदस्य सतीश कुमार चाचान, सुभांसु कुमार चाचान, व्यवस्थापक नवलकिशाेर यादव, डा. उदय नारायण सिंह लगायतकाे उपस्थिती रहेकाे थियाे ।
