Date
बिहि, मंसिर ३, २०८३
Thu, November 19, 2026
Home Blog Page 796

त्रिजुद्ध माविका १०३ छात्रालाई साईकल वितरण

0

वीरगंज । वीरगंजकाे विर्तास्थित रहेकाे श्री त्रिजुद्ध महाविर प्रसाद रघुविर राम माध्यामिक विद्यालयका छात्राहरुलाई शुक्रबार साईकल वितरण गरिएको छ ।

प्रदेश २ सरकारले ल्याएको ‘बेटी पढाऊ, बेटी बचाऊ’ अभियान कार्यक्रम अन्तर्गत विद्यालयमा अध्ययन गर्ने कक्षा ८ का १०३ जना छात्राहरुलाई साईकल वितरण गरिएको हो ।

प्रदेश नम्बर २ का मुख्यमन्त्री लालबाबु राउत गद्दीको प्रमुख आतिथ्यतामा भएकाे साइकल वितरण कार्यक्रममा प्रदेश नं. २ का उर्जा तथा सिचाइ मन्त्री ओमप्रकाश शर्मा, वीरगंज महानगरपालिकाका मेयर विजय कुमार सरावगी लगायतकाे उपस्थिति रहेको थियो ।

यस्तै, साेही विद्यालयमा स्थापना भएकाे पुस्तकालयको समेत एक कार्यक्रमकाे बिच उद्घाटन गरिएको विद्यालयका प्रअ हरिन्द्र प्रसाद कुर्मीले वताए ।

अभिव्यक्तिकाे बिराेधमा पूर्व प्रधानमन्त्री भट्टराईको पुत्ला दहन

0

वीरगंज । विश्व हिन्दु परिषद नेपालले पूर्व प्रधानमन्त्री डा. बाबुराम भट्टराईको वीरगन्जमा पुत्ला दहन गरेको छ । सनातन धर्म विरुद्ध अभिव्यक्ति दिएको भन्दै परिषदले डा. भट्टराईको पुतला दहन गरेको हो ।

जनता समाजवादी पार्टीका संघिय परिषद अध्यक्ष समेत रहेका डा. भट्टराई विरुद्ध वीरगन्जमा नाराबाजीसहित जुलुस प्रर्दशन गर्दै उनको पुत्ला जलाएका हुन् । भारत युपीका मुख्यमन्त्री योगी आदित्यनाथले गंगा नदीमा दुध अर्पण गरी पुजापाठ गरीरहेको तस्बिरलाई भट्टराईले आफ्नाे समाजिक संजाल टुईटरमा हिन्दु धर्ममाथि अभद्र टिप्पणी गरेका थिए ।

उनले गरेको टिप्पणीको चौतर्फी रुपमा हिन्दुवादी संघ/संगठनहरुले विरोध गर्दै प्रर्दशन गरेको छन । त्यसकै क्रममा विश्व हिन्दु परिषद नेपालले पनि वीरगन्जमा भट्टराई विरुद्ध प्रर्दशन गर्दै उनको पुत्ला जलाएर कडा विरोध जनाएका हुन ।

वीरगंज माईस्थान चोकमा भेला भएका हिन्दु युवाहरुले भट्टराई विरुद्ध चर्को नाराबाजी गर्दै जुलुश प्रर्दशन गरेका हुन । विरोध प्रर्दशनमा हिन्दु युवाहरुले डा. भट्टराई मुर्दाबाद, हिन्दुधर्मलाई अपमान गर्न पाईदैन, भट्टराईलाई कडा कारवाही गर्नुपर्ने लगायतको चर्को नारा बाजी गरेका थिए ।

विरोध जुलुस नगरपरिक्रममा पश्चात घण्टाघर चोकमा पुगेर प्रहरीको कडा सुरक्षाका विच उनको पुत्ला दहन गर्दै चर्को आलोचना समेत गरेका थिए ।

कोण सभालाई सम्बोधन गर्दै परिषदका वीरगन्ज महानगर उपाध्यक्ष कृष्णमोहन सहायले पौराणिक कालदेखि चल्दै आएको हाम्रो सनातन धर्म विरुद्ध बारम्बार आक्रमण गरी हिन्दुहरुको आस्थासंग खेलवाड गरेको प्रति घोर विरोध जनाउँदै हिन्दुको आस्थासंग खेलवाड गर्ने विरुद्ध अब प्रतिकारमा उत्रिने चेतावनी दिए ।

भट्टराईलाई चेतावनी दिदै उनले भने, तपाईलाई हाम्रो रितिरिवाज बारे जानकारी छैन भने आउँनुस् म तपाईलाई हिन्दुधर्मको रितिरिवाज बारे ज्ञान सिकाउँछौ तर हाम्रो हिन्दुआस्थामाथि प्रहार गर्न खोज्यो भने, हामी हनुमान भएर तपाईको छाती चिरेर त्यसको जवाफ दिने छौ ।

अल्पसंख्यकको राजनितिक गरेर चर्चा कमाउँन बहुसंख्यकको अपमान गर्ने राजनिति विगत केहि बर्षदेखि कथित जन आन्दोलन पछि यस्तोबिकृति बढ्दै गएको छ । बाबुराम भट्टराईको यो पहिलो घट्ना होईन उनले विगतमा पनि हिन्दु धर्म संस्कृतिलाई अपमानित हुने खालको अभिव्यक्ति दिदै आएको उनीहरुको गुनासो रहेको छ ।

विगत जनआन्दोलन पछि कम्युनिष्ट विचार धारा तथा माओवादी जनआन्दोलनबाट आएका कथित आफूलाई बुद्धिजिवि र सम्रान्त मान्ने मांसिकता भएका बाबुराम भट्टराईले विदेशीको डलर तथा ओलीवाईनमा रमाएर आफनो धर्म संस्कृति नष्ट पार्दै आएका छन ।

उनले हिन्दु धर्म संस्कृतिलाई समाप्त पार्नको लागि विदेशी एजेन्डा लिएर नेपालमा उनीहरुकै लागि राजनितिक गर्ने पछिल्लो समयमा हिन्दुआस्था माथि प्रहार गरेर आफनो राजनितिक चम्काउँने कार्य विगतदेखि नै गर्दै आएका हिन्दु अगुवाहरुको बताएका छन ।

चाँदीकाे गर गहनासहित एक जना पक्राउ

0

वीरगंज । पर्सा प्रहरीले चाँदीकाे गरगहानासहित एक जनालाई पक्राउ गरेकाे छ । सप्तरीकाे राजविराज उपमहानगरपालिका वडा नं. २ मेघरा निवासी चितवनकाे खैरेनी नगरपालिका वडा नं. २ स्थित रहेकाे श्रीया ज्वेलर्सका संचालक ४३ बर्षिय अंगत साहलाई प्रहरीले पक्राउ गरेकाे हाे ।

प्रहरी चौकी ईनर्वाबाट खटिएको चेकिङ टोलीले वीरगंज महानगरपालिकाकाे वडा नं.१६ स्थित शंकराचार्य गेटबाट बुधबार विहान साढे ८ बजे उनलाई नियन्त्रणमा लिएकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले बताए ।

भारतबाट अवैधरूपमा चाँदीका गरगहानाहरु ल्याउँदै गरेको सूचना प्राप्त भई खटेकाे प्रहरीले शंकास्पदरूपमा पैदल हिंडिरहेकाे उनलाई रोकी तलासी लिँदा निजले बोकेको फेक्टर एक्स लेखिएको कालो ब्याग भित्र चाँदी जस्तो देखिने धातुबाट बनेको तयारी गरगहनाहरू ५ के.जी.३३४ ग्राम  फेला परेको प्रवक्ता खनालले जानकारी दिए । 

उनलाई उक्त चाँदी सहित नियन्त्रणमा लिई आवश्यक कारवाहीको लागि राजश्व अनुसन्धान कार्यालय पथलैया, बारामा बुझाइएकाे प्रहरी कार्यालयले जनाएकाे छ ।

स्व. कुर्मीको श्रद्धान्जली सभा सम्पन्न

0

वीरगंज । नेपाली कांग्रेस परवानीपुरका नेता एवम् पूर्व गाविस अध्यक्ष स्व. किशोर कुमार कुर्मीको बुधबार श्रद्धान्जली सभा सम्पन्न भएकाे छ ।

बाराको परवानीपुर गाउँपालिका वडा नं. ५ बहुअरी टाेल निवासी कुर्मीकाे निधन भएकाे १२ औं दिनकाे पुण्य तिथीमा श्रद्धाञ्जली कार्यक्रम सम्पन्न भएकाे हाे । नेताहरुले उनकाे तस्बिरमा अबिरकाे टिका र फुलकाे माला लगाई श्रद्धान्जली दिएका थिए । 

नेपाली कांग्रेसका महाधिबेसन प्रतिनिधि जगदिश साह, वडा नं २ का वडा अध्यक्ष ईश्वरी साह, बारा जिल्लाको क्षेत्र नं. ४ को ख का प्रदेश सभा सदस्यका प्रत्यासी विजय गुप्ता, परवानीपुर गाउँपालिका अध्यक्षका प्रत्यासी लालबाबु यादव, पाँच वटै वडाका सभापति, युवा नेता हरिओम पटेल, लोहा सिंह लगायत पार्टीका नेता, कार्य कर्ताहरुले श्रद्धान्जली दिएका थिए ।

हिन्दु धर्ममाथी टिप्पणी गर्ने बाबुराम भट्टराईलाई कारवाही गर्न माग

0

वीरगंज । नेपाल विश्व हिन्दु महासंघले जनता समाजवादी पार्टीका संघिय परिषद अध्यक्ष एवम् पूर्व प्रधानमन्त्री डा. बाबुराम भट्टराईमाथी कारवाही गर्न माग गरेकाे छ ।

डा‍. भट्टराईले आफ्नाे ट्विटरको माध्यमबाट वैदिक सनातन हिन्दु धर्म र संस्कृतिलाई लक्षित गरि अत्यन्त अभद्र र आपत्तिजनक टिप्पणी गरेको भन्दै महासंघले कारवाहीकाे माग गरेकाे हाे ।

विश्व हिन्दु महासंघका अध्यक्ष केदारनाथ दहाल र सचिव अभिषेक तिवारीले संयुक्त रुपमा विज्ञप्ती जारी गर्दै बहुसंख्यक हिन्दु धर्मावलम्बीहरुको आस्था माथि खेलवाड गर्दै पुर्व प्रधानमन्त्री समेत रहेका व्यक्तिले गरेका यस्ता आपत्तिजनक, घृणित र अभद्र टिप्पणीको कडा शब्दमा निन्दा तथा भत्सर्ना गरेका छन् ।

विज्ञप्तीमा नेपालमा बस्ने हामी तीन करोड नेपालहरु मध्ये ८४ प्रतिशत हिन्दु तथा ओमकार परिवार गरि ९४ प्रतिशतले वैदिक सनातन हिन्दु धर्म संस्कृति आत्मसात गरेका छाैं । विदेशी मिसिनरी शक्तिहरुद्वारा संचालित व्यक्ति तथा संगठनहरुले पटक पटक हिन्दु धर्मावलम्बीहरुको आस्था संग खेलवाड गर्दै आएको तथ्य पछिल्लो घटनाक्रमहरु बाट उजागर भएको कुरा सर्वविदितै छ। उल्ले गरिएकाे छ ।

त्यस्तै जारी विज्ञप्तीमा असामाजिक तत्वहरुलाई कानुनी कार्यवाही हुन नसक्दा उनीहरुको दुष्टता र मनोबल झनै बढीको देखिन्छ। पुर्व प्रधानमन्त्री डा. भट्टराई कि पत्नी पुर्व मन्त्री हिसिला यमि, पुर्व मन्त्री मो. इस्तियाक राई त्यसै गरि राजनीति विश्लेषक सि.के. लाल जस्ता विभिन्न पात्रहरू द्वारा पटक पटक वैदिक सनातन हिन्दु धर्म र संस्कृति लाई लक्षित गरि आपत्तिजनक र अभद्र टीका टिप्पणी हुने गरेको पाइएको उल्लेख गरिएकाे छ ।

तसर्थ वैदिक सनातन हिन्दु धर्म र संस्कृति प्रति यस्ता आपत्तिजनक तथा अभद्र टिप्पणी गर्ने व्यक्तिहरुलाई यथाशीघ्र कानुनी दायरा भित्र ल्याइ कडा भन्दा कडा कार्यवाही गर्न सम्बन्धित निकाय समक्ष नेपाल विश्व हिन्दु महासंघले जोडदार माग गरेकाे छ ।

सामाजिक अभियन्ता कञ्चन झा नेपाली कांग्रेस प्रबेश, अब राजनीति गर्ने

0

वीरगंज । सामाजिक अभियन्ता कञ्चन झा नेपाली कांग्रेसमा आवद्ध भएर जनताको सेवामा लाग्ने उदघोष गरेका छन् ।

झाले कुनै तामझाम नगरि मञ्च र सभा समारोहको परम्परागत शैली तोड्दै आफू नेपाली कांग्रेसमा प्रवेश गरेको एक भिडियो मार्फत सूचित गरेका छन् । सामाजिक सञ्जाल फेसबुकमा सार्वजनिक गरिएको करिब २ मिनेटको भिडिओमार्फत झाले आफू कांग्रेसमा आवद्ध भएको प्रष्ट्याएका छन् ।

वीपी स्मृति दिवसको अवसर पारेर कांग्रेससँग जोडिएको औपचारिक घोषणा गरेका झा १५ वर्षदेखि वीरगञ्जलाई मुख्य थलो बनाएर विभिन्न सामाजिक क्रियाकलाप गर्दै आईरहेका थिए । सामुदायिक संस्था सानो पाइलाको संस्थापक समेत रहेका झा समाजिक विकृति विरुद्ध खर्रो रुपमा उत्रेका थिए । सोहि कारण समुदाय स्तरमा पनि उनको राम्रो प्रभाव छ ।

सामुदायिक हित र उत्थानका लागि लागिपरेका झा यसअघि कुनै पनि पार्टीमा खुलेका थिएनन् । वीरगञ्ज महानगरलाई सम्बोधन गर्दै झाले भिडिओमार्फत भनेका छन्, ‘हामीबीचको विश्वासलाई उपलब्धिपूर्ण उँचाइमा पु¥याउन जननायक वीपी कोइराला स्मृति दिवसको विशेष दिनमा नेपाली कांग्रेस मार्फत नयाँ यात्रा थालनी गरेको छु ।’ यो भिडिओ हेर्दा झा वीरगञ्जलाई नै आधार बनाएर राजनीतिमा अघि बढ्न चाहेको बुझिन्छ ।

भिडिओमा झाले वीरगञ्जको सौन्दर्य, सम्भावना, समस्या र समाधान तथा समुदाय सहभागितालाई खास जोड दिएका छन् । शारांसमा, वीरगञ्जवासीसँगै सामूहिक पाइला चाल्ने र भोजपुरीया नगरी वीरगञ्जलाई खुसहाल सहर बनाउने झाको अन्तरनिहित चाहना भिडिओमा व्यक्त गरिएको छ ।

वीरगञ्ज महानगरमा केन्द्रीत रहेर सामुदायिक सशक्तिकरण अभियानको अगुवाई गरिरहेका झा वीरगञ्जवासीका समस्या र चाहनाबारे जानकार छन् ।

कुलतमा फसेका युवा, बेचबिखनमा परेका चेलिबेटि, भूकम्प पिडित, अभिभावकविहीन बालबालिका संरक्षण, कोभिड, बाढी पिडित लगायतका प्राकृतिक विपद्मा तथा अप्ठेरोमा परेको समुदायसम्म तत्कालै पुगेर समस्या सम्बोधन गर्न सक्ने खुबीले झा चाँडो प्रभाव जमाउन सकेका छन् । वीरगञ्जका युवाहरूमा समेत पनि उनको राम्रो प्रभाव छ ।

१५ वर्ष लामो समाजसेवाको यात्रामा झाले सञ्चारकर्मलाई पनि प्रमुख माध्यम बनाउँदै आएका छन् । अलजजीरा, सीजीटीएन लगायत अन्तर्राष्ट्रिय सञ्चारमाध्यमको अनुभव बटुलेका झाले काठमाडौंबाट प्रकाशित हुने पत्रिकाहरूमा समसामयिक विषयहरूमा स्तम्भ लेख्दै आएका छन् ।

समाजवादी विद्यार्थी युनियन पर्साका उपाध्यक्षसहित ११ जनाले दिए राजिनामा

0

वीरगंज । जनता समाजवादी पार्टी निकट समाजवादी विद्यार्थी युनियन पर्साका बरिष्ठ उपाध्यक्ष कृष्ण चाैरसियासहित ११ जनाले राजिनामा दिएका छन् ।

पार्टीका संघिय परिषद अध्यक्ष डा. बाबुराम भट्टाराईले समाजिक संजालमा हिन्दु धर्ममाथी अघात पुग्ने गरी दिएकाे अभिव्यक्ति प्रति आपती जनाउँदै आफुहरुले सामुहिक रुपमा राजिनामा दिएकाे उपाध्यक्ष चाैरसियाले वताए ।

उनीसंगै जिल्ला सचिव राजु राज गिरी, काेषाध्यक्ष सुशिल यादव, सदस्यहरु सन्दीप चौहान, अंकुश मण्डल, प्रित्तम उपाध्याय, रवि गुप्ता, ओमहरी यादव, राजकुमार साह, भुवन गिरी, दिलखुश देवानले राजिनामा दिएका हुन् ।

उनीहरुले आफुहरु आवद्ध रहेको संगठन निकट पार्टी कै संघिय परिषद अध्यक्ष डा. भट्टाराईले आफ्नो टुईटर मार्फत हिन्दु धर्ममाथी अघात पुग्ने गरी दिएको अभिव्यक्ति प्रति खेद समेत प्रकट गरेका छन् ।

यस अघि पनि उनेले बारम्बार हिन्दु धर्ममाथी अघात पुग्ने र हिन्दु समुदायलाई अपमानित हुने गरी अभिव्यक्ति दिदै आउनु भएकोले हाम्रो धर्म र संस्कृृति माथी आँच पुग्ने हुँदा हामी उहाँ अध्यक्ष रहेको पार्टी निकट विद्यार्थी संगठनका पदाधिकारीहरुले सामुहिक रुपमा राजिनामा दिन बाध्य भएकाे चाैरसियाले वताए ।

यसका साथै पार्टीको विद्यान विपरित एकतर्फी रुपमा संघिय परिषद अध्यक्ष डा. भट्टाराई र पार्टी अध्यक्ष उपेन्द्र यादवले विभिन्न प्रलोभनमा परी मधेश आन्दोलनका मुद्दा समेत छोडेको निष्कर्ष निकाल्दै आफुहरु पार्टीमा रहीरहनु कुनै औचित्य नरहेको ठहर गर्दै राजिनामा दिएकाे जिल्ला सचिव राजु राज गिरीले वताए ।

उनले भने नेताहरुले मधेशका मुद्दाहरु आफनो निजी मन्त्रालयको लोभ लालच र स्वार्थका लागि पटक पटक धोका समेत दिदै आएको हाम्रो निष्कर्ष रहेको छ । पार्टीको गतिविधि र हिन्दु धर्ममाथि बारम्बार आघात हुने गरी दिएको अभिव्यक्तिको घोर विरोध गर्दै पार्टीमा रही रहनु औचित्य नभएको हुनाले आजको मिति देखि लागु हुने गरी पार्टीबाट सामुहिक रुपमा राजिनामा दिएका छौ ।”

समाजवादी विद्यार्थी युनियन पर्साका अध्यक्षलाई बुझाउने राजिनामा जनता समाजवादी पार्टी पर्सा, जनता समाजवादी पार्टी नेपाल केन्द्रिय कार्यालय काठमाण्डौ, समाजवादी विद्यार्थी युनियन केन्द्रिय कार्यालय काठमाण्डौ र समाजवादी विद्यार्थी युनियन, प्रदेश नं‍. २ जनकपुरलाई समेत वाेद्धार्थ गरिएकाे छ ।