वीरगंज । वीरगंजकाे विर्तास्थित रहेकाे श्री त्रिजुद्ध महाविर प्रसाद रघुविर राम माध्यामिक विद्यालयका छात्राहरुलाई शुक्रबार साईकल वितरण गरिएको छ ।
प्रदेश २ सरकारले ल्याएको ‘बेटी पढाऊ, बेटी बचाऊ’ अभियान कार्यक्रम अन्तर्गत विद्यालयमा अध्ययन गर्ने कक्षा ८ का १०३ जना छात्राहरुलाई साईकल वितरण गरिएको हो ।
प्रदेश नम्बर २ का मुख्यमन्त्री लालबाबु राउत गद्दीको प्रमुख आतिथ्यतामा भएकाे साइकल वितरण कार्यक्रममा प्रदेश नं. २ का उर्जा तथा सिचाइ मन्त्री ओमप्रकाश शर्मा, वीरगंज महानगरपालिकाका मेयर विजय कुमार सरावगी लगायतकाे उपस्थिति रहेको थियो ।
यस्तै, साेही विद्यालयमा स्थापना भएकाे पुस्तकालयको समेत एक कार्यक्रमकाे बिच उद्घाटन गरिएको विद्यालयका प्रअ हरिन्द्र प्रसाद कुर्मीले वताए ।
