Date
बिहि, मंसिर ३, २०८३
Thu, November 19, 2026
Home Blog Page 793

प्रेस युनियन पर्साद्वारा मन्त्री शर्मा सम्मानित

0

बीरगंज । नेपाल प्रेस युनियन पर्साले प्रदेश नं. २ का उर्जा तथा खानेपानी विकास मन्त्री ओमप्रकाश शर्मालाई एक कार्यक्रमका बिच सम्मान गरेको छ ।

प्रेस युनियन पर्साका अध्यक्ष रामनारायण कुर्मीको अध्यक्षतामा वीरगंजस्थित हाेटल भिस्वामा भएको कार्यक्रममा मन्त्री शर्मालाई फुलमाला तथा गमछा ओढाएर सम्मान गर्नुका साथै उनले पर्साको पत्रकारिता तथा प्रेस युनियनको विकासको क्षेत्रमा पु¥याएको योगदानको कदर गर्दै कदर पत्र समेत प्रदान गरिएकाे थियो ।

कार्यक्रमलाई सम्बोधन गर्दै मन्त्री शर्माले आफ्नो बुद्धिविवेकले भ्याए सम्म तथा आफ्नो मन्त्रालयसँग भएको स्रोत सधानले भ्याए सम्म यस क्षेत्रको विकासको लागि काम गर्ने प्रतिब्धता जनाए । उनले आफुले विगतमा पनि पत्रकारहरुको वृतिविकासको क्षेत्रमा काम गरेको तथा उर्जा मन्त्री भइसके पछि यहाँ सञ्चार क्षेत्रलाई परेको उर्जाको भारलाई कसरी कम गर्न सकिन्छ अथवा निशुल्क गर्न सकिन्छ त्यस क्षेत्र पनि काम गर्ने योजना बनाएको बताए ।

उनले निकै मजबुरीका साथ नेपाली कांग्रेस प्रदेश २ को सरकारमा सहभागी भएको वताउँदै नेपाली कांग्रेस सरकारमा सहभागी नभएको भए प्रदेश २ सरकार पनि धरापमा पर्ने तथा संघिय सरकारको जस्तो हालत हुने भएको कारण नेपाली कांग्रेस सरकारमा सहभागि भएकाे बताए । यो सरकार गठबन्धको सरकार भएको तथा स्रोत साधन पनि निकै कम रहेको भए पनि आफुले जन अपेक्षा अनुसार काम गर्ने शर्माले प्रतिब्धता व्यक्त गरे ।

कार्यक्रमलाई प्रजातन्त्रिक प्रध्यापक संघका उपाध्यक्ष कन्हैया झा, नेपाल तरुण दलका केन्द्रिय सदस्य हुकुम सिंह, बीरगंज उद्योग वाणिज्य संघका अध्यक्ष सुबोध गुप्ता, पत्रकार महासंघ एसोसिएट प्रदेश सदस्य सतोष मिश्रा, पत्रकार रितेश त्रिपाठी लगायतकाले सम्बोधन गरेका थिए । कार्यक्रमको संचालन नेपाल प्रेस युनियन पर्साका सचिव किशोर सिंहले गरेका थिए ।

राेट्याक्ट क्लब अफ वीरगंज मेट्रोपोलिसकाे अध्यक्षमा कर्ण र सचिवमा बर्णवाल

0

वीरगंज । रोट्याक्ट क्लब अफ वीरगंज मेट्रोपोलिसकाे पाँचौ पदस्थापन समारोह तथा धन्यवाद ज्ञापन कार्यक्रम शनिबार वीरगंजमा सम्पन्न भएको छ ।

वीरगंजकाे आदर्शनगरस्थित हाेटल पुजनमा भएकाे कार्यक्रममा वर्ष २०२१/२२ का अध्यक्ष आलाेक रन्जन कर्ण तथा क्लबका पदाधिकारी र कार्यसमिति सदस्यहरुलाई पदस्थापन गरिएको थियो ।

राेटेरियन शशि रंजन कलवारले क्लबका अध्यक्ष कर्णकाे सपथ ग्रहण गराएका थिए भने अध्यक्ष कर्णले क्लबका पदाधिकारी र रोटेरियन अनिल जैसवालले सदस्यहरुलाई सपथ ग्रहण गराएका थिए ।

क्लबका उपाध्यक्षमा रविन श्रेष्ठ, सचिवमा दिपु बर्णवाल, सह सचिवमा अंशुल अग्रवाल, काेषाध्यक्षमा निखिल गुप्ता, सह काेषाध्यक्षमा निश्चल प्रजापती, सदस्यमा सुधिर प्रजापती, आनन्द साह, प्रबिन माली, राहुल साह, विकास साह कानु लगायतकाले सपथ ग्रहण गरेका थिए ।

यस्तै, क्लबकाे सर्भिस डाइरेक्टरमा मधु प्रजापती, कम्युनिटी सर्भिस डाइरेक्टरमा राेहित गुप्ता, प्रोफेसनल सर्भिस डाइरेक्टरमा मेघा दाधिच, इन्टरनेशनल सर्भिस डाइरेक्टरमा मुकेश साह, सर्जेन्ट एट आमर्स पल्लव ठाकुर रहेका छन् ।

कार्यक्रममा बाेल्दै क्लबका अध्यक्ष कर्णले वर्ष २०२१/०२२ मा रोट्रयाक्ट क्लब वीरगंज मेट्रोपोलिसले रचनात्मक कार्यलाई अगाडी बढाउने विश्वास व्यक्त गरे ।

कार्यक्रममा क्लबकी निबर्तमान अध्यक्ष सलाेनी राैनियार वर्ष २०२०/०२१ मा क्लबले संचालन गरेकाे कार्यक्रम बारे प्रस्तुती मार्फत जानकारी गराएकी थिइन । क्लबले विभिन्न विद्यार्थीहरुलाई छात्रवृती प्रदान, रक्तदान लगायतकाे कार्यक्रम गरेकाे उनले जानकारी गराइन ।

कार्यक्रममा राेटेरियन संजय साह, शशि रंजन कलवार, सुरेश गाेर्खाली, हरिओम साह, चन्दन सिंह, आयुष गुप्ता, अमित शर्मा, प्रकाश कर्ण लगायतकाे सहभागिता रहेकाे थियाे भने कार्यक्रमकाे संचालन मेघा दाधीच र मधु प्रजापतीले गरेकी थिइन ।

साथीलाई काठमाडाैंबाट वीरगंज बाेलाएर हत्या गर्ने ३ जना पक्राउ

0

वीरगंज । पर्सा प्रहरीले एक युवकलाई लुटपाट गरी हत्या गरेकाे आराेपमा ३ जनालाई पक्राउ गरेको छ । प्रहरीले सर्लाही लालबन्दी नगरपालिका वडा नं. १ घर भई काठमाडौंमा बस्ने २७ वर्षीय सुजन भन्ने ज्ञानु पाख्रिनको लुटपाट र हत्यामा संलग्न तीनै जनालाई बिहीबार पक्राउ गरेको हो ।

पक्राउ पर्नेमा पर्सा जिल्ला बीरगन्ज महानगरपालिका वडा नं. ७ रामटोलका २५ वर्षीय राम महर्जन, सोही ठाउँका विक्की भन्ने २७ वर्षीय दिप लामा तामाङ र बारा जिल्ला फेटा गाउँपालिका वडा नं. ३ का धनन्जय रजक रहेका छन् ।

लुटपाट गरेको अन्य धनमाल लिई फरार हुने भारत बिहार, पूर्वी चम्पारण, जिल्ला मोतीहारी घर भई बीरगन्ज महानगरपालिका वडा नं. १६ नगवा बस्ने रवि सर्राफको खोजतलास भईरहेको जिल्ला प्रहरी कार्यालय पर्साका प्रवक्ता एवम् प्रहरी नायव उपरिक्षक ओम प्रकाश खनालले वताए ।

हत्या र लुटपाटमा संलग्न ४ जनाले लुटपाट गर्ने योजना बनाई राहुल महर्जनको पुरानो चिनजानको साथी ज्ञानु पाख्रिनलाई बीरगञ्ज बोलाएको अनुसन्धानबाट खुलेको प्रवक्ता खनालले बताए । महर्जनको निम्तोमा आफ्ना दुई साथीहरुसहित बुधबार साँझ काठमाडौंबाट वीरगंज आएका पाख्रिन र ४ जना अभियुक्तहरुसहित ७ जना सो साँझ दीप लामा तामाङको खाली घरमा बसेका थिए ।

सबै जना रातभरि मापसे गरी बसेकोमा बिहीबार बिहान १ः३० बजेतिर अभियुक्तहरुले आफ्नो याेजनालाई सफल बनाउन पाख्रिनलाई मात्र वियर किन्ने बहानामा वीरगंजकाे रामटोलस्थित एकान्त स्थानमा लगेर लुटपाट गरी हत्या गरेकाे प्रहरीले जनाएकाे छ ।

प्रहरीले जनाए अनुसार अभियुक्तहरुले पाख्रिनको घाँटीमा लक लगाई अँठ्याई ज्यान लिई उनको सुनको सिक्री, सुनको औँठी, घडी र नगद दश हजार लुटपाट गरेका हत्या गरेका हुन् । सो पश्चात् लुटपाट गरेको धनमाल रवि सर्राफले राखी तत्काल फरार भएको र अन्य तीन जना फरार हुने क्रममा नियमित गस्तीमा घटनास्थल नजिक प्रहरी टोलीले तत्काल उनीहरुलाई पक्राउ गरेको प्रवक्ता खनालले जानकारी दिए ।

प्रहरीले घटनास्थल तथा घटना विवरण यकिन गरी थप अनुसन्धान गर्दा तामाङले घटनास्थल नजिकै नालामा लुकाएको सुनको सिक्रीको टुक्रा समेत बरामद भएको छ ।

हाल पक्राउ परेका तीनै जनामाथि कर्तव्य ज्यान सम्बन्धी कसूरमा पर्सा जिल्ला अदालतबाट दिन ७ दिन म्याद थप गरी अनुसन्धान अगाडि बढाइएको प्रहरी प्रवक्ता खनालले जानकारी दिए ।

बारबरा पुरस्कारबाट डा. सिंह पुरस्कृत

0

वीरगञ्ज । वीरगञ्जको नारायणी अस्पतालका वरिष्ठ फिजिसियन डा. निरज कुमार सिंह बारबरा पुरस्कारबाट पुरस्कृत भएका छन् । बारबरा फाउण्डेसनले शनिबार काठमाण्डौमा एक कार्यक्रम गरी डा.सिंहलाई रु.२ लाख ५० हजार रासीको पुरस्कारका साथ सम्मान पत्रले पुरस्कृत गरेको हो ।

बारबरा फाउण्डेसनद्वारा शनिबार काठमाण्डौमा आयोजित सम्मान कार्यक्रमकाबीच डा.सिंहलाई पूर्व राष्ट्रपति डा. रामबरण यादबले रु.२ लाख ५० हजार रासीको पुरस्कारका साथ सम्मान पत्रले पुरस्कृत गरे । कोभिड महामारी विरुद्ध प्रदेश २ मै उल्लेखनीय भूमिका निर्वाह गरेवापत सिंह प्रतिष्ठित बारबरा पुरस्कारबाट पुरस्कृत भएका हुन् ।

चिकित्सा विधा तर्फ यो पुरस्कार प्राप्त गरेसँगै सिंह यो पुरस्कार प्राप्त गर्ने प्रदेश २ मै पहिलो चिकित्सक बनेका छन् । डा. सिंह कोभिड महामारीको समयमा नारायणी अस्पतालमा आउने संक्रमितको उपचार र महामारी नियन्त्रणमा समाजलाई सचेत पार्ने काममा निरन्तर खटेका थिए ।

फाउण्डेसनले यो विधा तर्फ डा. सिंहसहित देशभरका २० जना चिकित्सकलाई पुरस्कृत गरेको छ ।

यस्तै फाउन्डेसनले कोभिड महामारीविरुद्धको लडाइँमा अग्रणी भूमिका निर्वाह गरेका भरतपुर, पाटन, नेपाल प्रहरी र नेपाल एपीएफ अस्पताल, नेपाल एम्बुलेन्स सेवा, हामी नेपाल र नेपाली सेना मृत शरीर व्यवस्थापन समूहलाई संस्थागततर्फ विशिष्ट सम्मान प्रदान गरेको छ ।

नर्सिङ विधामा २७ जना नर्सलाई १ लाख २५ हजार रुपैयाँ राशिको पुरस्कार प्रदान गरिएको छ । जस अन्तर्गत नारायणी अस्पतालमै कार्यरत स्टाफ नर्स सुभद्रा चौधरी यो पुरस्कारबाट पुरस्कृत भएकी छिन् । मेडिकल सपोर्टतर्फ ल्याब र प्यारा–मेडिकल क्षेत्रमा योगदान गर्ने ९ जनालाई जनही १ लाख नगदका दरले पुरस्कृत गरिएको छ ।

स्वास्थ्य सहयोगी कर्मचारीतर्फ ५ जनालाई १ लाख नगदका दरले नै पुरस्कृत गरिएको छ । उत्कृष्ट व्यवस्थापन, सार्वजनिक नीति विधामा विभिन्न अस्पतालका १९ जना विभागीय प्रमुखलाई पुरस्कार र सम्मान प्रदान गरिएको छ ।

तीमध्ये ३ जनालाई जनही नगद २ लाख ५० हजारसहित पुरस्कार दिइएको र अन्यलाई सम्मान गरिएको छ । बारबरा फाउण्डेशनका अध्यक्ष सन्दुक रुइतले यो सम्मानले स्वास्थ्यकर्मी तथा स्वास्थ्य संस्थालाई काम गर्ने हौसला मिल्ने विश्वास ब्यक्त गरे ।

पूर्व जिल्ला सभापति फजिल अहम्मदकाे निधन

0

वीरगंज । पर्साको पुर्ब जिल्ला सभापति फजिल अहम्मदको निधन भएको छ । धोबिनी गाउँपालिका वडा नम्बर ५ धोबिनी निवासी ९० बर्षीय अहम्मदकाे शनिबार विहान निधन भएकाे हाे ।

अहम्मदकाे वीरगंज ११ श्रीपुर नयाबस्तीमा रहेकाे आफ्नै घरमा निधन भएको स्थानिय जसपाका नेता सलाउदीन अहम्मदले बताए ।

अहम्मद कुश्ती पहलावन खलिफाको नामबाट पनि प्रचलित थिए । अहहम्मद पंचायती ब्यवस्थामा ३ कार्यकाल १८ बर्ष जिल्ला सभापति भई काम गरेका थिए । कुश्तीमा पनि प्रख्यात रहनु भएको सभापतिको कार्यकाल बिनाबाधा अडचनको तीनै कार्यकाल सफल भएको थियाे ।

वहाँको पारथी शरीरलाई निजी निवास धोबिनीमा नै धार्मिक परम्परा अनुसार शनिबार दिउसो ४ बजे हुने परिवारिक स्राेतले जनाएकाे छ ।

जीविकोपार्जनको लागि महिला समुहका सदस्यहरुलाई बाख्रा वितरण

0
वीरगंज । जीविकोपार्जनको लागि पर्साकाे पटेर्वा सुगौली गाउँपालीकाका ३ ओटा महिला समुहका सदस्यहरुलाई बाख्रा वितरण गरिएकाे छ । दिव्य यूवा क्लव पर्सा र एक्सन एड नेपालको साझेदारीमा संचालनमा रहेको स्थानीय अधिकार कार्यक्रम अन्तर्गत बाख्रा वितरण गरिएको हो ।
 
पटेर्वा सुगौलीगाउँपालीकाकाे वडा नं. १ मा रहेको बनशक्ति महिला समुहका २३ जना, वडा नं. ५ मा रहेको संसारीमा महिला समुहका ८ जना सदस्य र सातोमाई महिला बचत समुहका ९ जना सदस्य गरि कुल ४० जनालाई जिवीकोपार्जनको लागि बाख्रा वितरण गरिएको दिब्य युवा क्लबका कार्यकारी निर्देशक रामाकान्त प्रसाद कुर्मीले वताए ।
 
महिलाहरु समाजमा आफ्नो पहिचान कायम गर्न नसक्नुको कारण भनेको महिलाहरु आर्थिक रुपमा सशक्त नभएर हो । आर्थिक रुपमा सशक्त नभएको कारणले गर्दा महिलाहरुले घरेलु हिंसा देखी लिएर सामाजिक दुर्व्यवहार समेत सामना गर्नु परिरहेको छ । सामाजिक मुल्य मान्यताको कारणले गर्दा महिलाहरुले आयआर्जनमा सहभागि हुनको लागि समेत समस्या रहेको अवस्थामा महिलाहरुले घरायसी काममा मात्रै व्यस्त भएर समय बिताउने गरेको अवस्था रहेको छ ।
 
यस अवस्थालाई सहज बनाउनको लागि दिव्य यूवा क्लवले पटेर्वा सुगौली गाउँपालीकामा महिला अधिकारको क्षेत्रमा जीविकोपार्जनलाई केन्द्रमा राखेर क्रियाकलापहरु संचालन गरिरहेको छ । यसै कार्यक्रम अन्तर्गत रहेर गठन तथा परिचालनमा रहेको महिला बचत समुहहरुमा आवद्ध रहेका महिलाहरुको लागि आयआर्जनमा संलग्नता वृद्धि गर्नको लागि घुम्ती कोष परिचालन तथा महिलाहरुको क्षमता अभिवृद्धि गर्ने क्रियाकलापहरु संचालन गरिरहेको छ ।
 
स्थानीय समुहमा आवद्ध महिलाहरुले बाख्रा पालन गरि जिवीकोपार्जन गरि आर्थिक रुपमा सशक्त भएर परिवारको आर्थिक उपार्जनमा सहयोग गर्न बाख्रा वितरण गरिएकाे कार्यकारी निर्देशक कुर्मीले वताए ।
 
दिव्य युवा क्लवका अध्यक्ष देवनाथ ठाकुरको अध्यक्षयता र पटेर्वा सुर्गौली गाउँपालीका वडा न. ५ का वडाध्यक्ष मोतिलाला साह तेली को प्रमुख आतिथ्यतामा भएकाे बाख्रा वितरण कार्यक्रममा बाल प्रायोजना संयोजक सुनील भारती, वित्त तथा प्रशानन अधिकृत श्यमकिशोर चौहान लगायतकाे सहभागिता रहेको थियो ।

पर्सामा बलात्कार र आत्महत्याकाे घटनामा वृद्धि

0

वीरगंज । पर्सा जिल्लामा विभिन्न अपराधिक घटनाहरु बृद्धि भएको छ । कोरोना महामारीको कारण जारी गरिएको लकडाउनको अवधिमा गत वर्षको तुलनामा यो वर्ष कर्तव्य ज्यान, ज्यान मार्ने उद्योग, आत्महत्या, बलात्कार, लागू औषध, सार्वजनिक शान्तिविरुद्धको कसुरलगायतका अपराधिक घटनाहरुमा बृद्धि भएको जिल्ला प्रहरी कार्यालय पर्साको तथ्यांकले देखाएको छ ।

प्रहरी कार्यालयको तथ्यांक अनुसार आर्थिक वर्ष २०७७÷७८ को हालसम्म कर्तव्य ज्यानका १७ वटा, ज्यान मार्ने उद्योगका ३५ वटा, आत्महत्याका ११७ वटा, जबजस्ती करणीका ३८ वटा, बालयौन दुरुपयोगका ७ वटा, लागू औषधका १३३ वटा मुद्दाहरु दर्ता भएका छन् ।

विगत तीन वर्षको तथ्यांकलाई केलाउँदा उल्लेखित अपराधिक घटनाहरुमा क्रमिक रुपमा वृद्धि हुँदै गएको देखिएको छ । मुलुकभर पछिल्लो समय दिनहुँ बलात्कारको घटना वृद्धि भइरहेको अवस्थामा पर्सामा पनि बलात्कार र आत्महत्या एवं लागूऔषधका घटनामा व्यापक वृद्धि भएको देखिन्छ ।

स–साना बालिका होस् अथवा युवती, अर्धवैशे आईमाई समेत बलात्कारको सिकार भइरहेका छन् । यही साउन ९ गते एक महिला यात्रा गर्ने क्रममा ४ दिनसम्म पटक–पटक बलात्कारको शिकार भएकी थिइन् ।

काठमाडौंको कलंकीबाट बुटवलको लागि हिँडेकी उक्त महिलालाई ४ जना ट्रक चालक एवं सह चालकले ४ दिनको अन्तरालमा पटक–पटक ट्रक भित्रको केबिनमै सामुहिक बलात्कार गरेका घटना सार्वजनिक भएको थियो ।

सोही घटनाका बलात्कार गर्ने दुईजना चालकलाई पर्सा प्रहरीले नियन्त्रणमा लिएर कारवाही प्रक्रिया अगाडि बढाएको छ । प्रहरी समक्ष उजुरी परेका घटनाहरुको मात्रै तथ्यांक प्रस्तुत गरिएको छ । तर, गुपचुप रहेका कयौं बलत्कारहरुका घटनाहरुको त कुनै हिसाबै नै छैन । बलत्कार पीडितहरुमध्ये अधिकांश बालिका र किशोरी भएको पाइएको छ ।

बलात्कारका अधिकांश घटनामा बालिका पीडित हुनु दुःखद विषय हो । नजिकका नातेदार, आफन्त तथा छरछिमेकीबाट समेत बालिका असुरक्षित देखिएको छ । १५ वर्षको किशोरले १३ बर्षीया बालिकाको बलात्कार गरेको घटना पनि छ ।

उक्त घटनाले पनि समाज कतातिर जाँदै छ भन्ने देखाउँछ । विगतमा चेतनाको अभाव र प्रतिष्ठाको डरले मुद्दा दर्ता नगर्ने परिपाटी देखिएको भएपनि पछिल्ले समय त्यसको विरुद्ध महिलाहरु उभिन थालेका छन् । निरिह र अबोध बालिकामाथि जघन्य किसिमका बलात्कारका घटना भइरहेका छन् । त्यसमा पनि दलित, विपन्न समुदायका बालिकाहरु बढी रहेका छन् । जघन्य अपराधका घटनाहरु जनप्रतिनिधिकै रोहबरमा मिलाउने प्रवृत्ति पनि देखिएको छ ।

जिल्ला प्रहरी कार्यालय पर्सामा आर्थिक वर्ष २०७७÷७८ को हालसम्म दर्ता भएका मुद्दाहरुको आरोपमा २१ जना महिला एवं १ हजार ९२ जना पुरुष गरि १ हजार १ सय १३ जना प्रतिवादी पक्राउ परेका छन् भने ४० जना महिला र ७ सय ७ जना पुरुष गरि ७ सय ४७ जना प्रतिवादी फरार रहेको जिल्ला प्रहरी कार्यालय पर्साले जनाएको छ ।