माओबादी केन्द्र पर्साकाे दाेस्राे बैठक सम्पन्न, २७ जनालाई कारवाही गर्ने निर्णय
तलब बढेका ठाेरीका विद्यालय कर्मचारी र शिक्षकहरुद्वारा गापा अध्यक्ष सम्मानित
वीरगंज । पर्साकाे ठोरी गाउँपालिकाले न्युन तलबमा कार्यरत विद्यालय कर्मचारी र शिक्षकहरुकाे तलब बढाएकाे छ ।
गाउँपालिकाले सामुदायिक विद्यालयमा कार्यरत सबै बालविकास सहयोगी, कार्यालय सहयोगी, कार्यालय सहायक र स्वयम् सेवक शिक्षकको तलबमा कम्तिमा २ हजारदेखि २३३ प्रतिशत सम्म वृद्धि गरेकाे छ ।
गाउँपालिकाले संघीय अनुदानमा रु ८ हजारकाे मासिक तलबमा कार्यरत २७ जना बालविकास सहजकर्ताकाे तलब मासिक ७ हजारले बढाएर १५ हजार, गाउँपालिकाकाे अनुदानमा मासिक ६ हजारमा कार्यरत २१ जना बालविकास सहजकर्ताकाे मासिक तलब ९ हजारले बढाएर १५ हजार पुर्याएकाे छ ।
यस्तै, ४ हजार ५ सयदेखी ७ हजार ५ सय सम्म मासिक तलबमा कार्यरत २४ जना कार्यालय सहयोगीको तलब बढाएर १५ हजार पुर्याइएकाे छ ।
यस्तै, गाउँपालिकाको अनुदानमा १५ हजार मासिक तलबमा अधारभुत विद्यालयमा कार्यरत १० जना स्वयम् सेवक शिक्षककाे तलब मासिक २ हजारले बढाएर १७ हजार, मावि तहमा २५ हजारमा कार्यरत ३ जनाको शिक्षककाे तलब मासिक दुई हजारले बढाएर २७ हजार पुर्याइएकाे छ ।
यस्तै, मावि तहको विद्यालयमा ११ हजार ५ सयमा कार्यरत ५ जना कार्यालय सहायकको तलब मासिक ५ हजार ५ सयले बढाएर १७ हजार, टोल टोलमा सिकाई सहजीकरणका लागि नियुक्त गरिएका ५० जना घरदैलो स्वयमसेवकको तलब ५ हजारबाट बढाएर ७ हजार पुर्याइएकाे गाउँपालिकाले जनाएकाे छ ।
गाउँ सभाले गाउँपालिका अन्तर्गतकाे सामुदायिक विद्यालयहरुमा न्युन तलबमा कार्यरत १४० जनाको तलब वृद्धि गरेकाे हाे ।
गाउँपालिकाले तलब बढाएपछि ठाेरी गाउँपालिकाका अध्यक्ष पिएल श्रेष्ठलाई तलब बढेका विद्यालय कर्मचारी र शिक्षकहरु सम्मान गरेका छन् । मंगलबार एक कार्यक्रमकाे आयाेजना गरी उनीहरु गाउँपालिका अध्यक्ष श्रेष्ठलाई सम्मान गरेका हुन् ।
श्री ज्ञान ज्योती ने.रा.मा.वि. ठोरी ४, घ्याङडाँडामा भएकाे सम्मान कार्यक्रममा वाेल्दै गाउँपालिका अध्यक्ष श्रेष्ठले ठाेरीकाे शिक्षा सुधार उन्मुख रहेको वताए । भ्रखर केही दिन अगाडी सम्पन्न गाउँ सभाले शिक्षा, स्वास्थ्यमा जोड दिएको वताए ।
उनले त्यसै अन्तर्गत न्युन तलबममा कार्यरत विद्यालय कर्मचारी र शिक्षकहरुकाे तलब बृद्धि गरिएकाे वताए ।
उनले भने “प्रत्येक बर्ष एक ढेड करोड नदि नियन्त्रणमा मै लगानि हुन्छ, माटो पुरी ग्रेबलमा पनि एक ढेड करोड खर्च हुन्छ भने गाउँपालिकाकाे शिक्षामा २ करोड किन लगानी गर्न सकिदैन् । भाैतीक बिकासले मात्र गाउँपालिकाकाे बिकास हुदैन्, शिक्षा, स्वास्थ्यकाे बिकास पनि हुनु पर्छ त्यसै साेच अनुसार शिक्षामा लगानी गरिएकाे हाे ।”
न्यून तलबमा कार्यरत कर्मचारी र शिक्षककाे तलब बृद्धि भएपछि गाउँपालिकाकाे शिक्षाकाे स्तर अझै सुधार उन्नमुख हुने उनले बिश्वास समेत व्यक्त गरे । उनले यहाँकाे सामुदायिक विद्यालयमा राम्रो पढाइ भएका कारण एक/दुई वटा निजि विद्यालय समेत बन्द नै भएको वताए ।
उनले स्वास्थ्य तर्फ गाउँपालिकामा एम्बुलेन्स फ्रिअ, अस्पतालहरुमा सहुलियत दरमा रक्त, पिसाबको परिक्षणको ब्यवस्था मिलाएको वताए । उनले एक हजार लिटर क्षमता भएको चिसियान केन्द्र तुरुन्तै संचालनमा ल्याउने वताए ।
कार्यक्रममा एकीकृत अखिल नेपाल शिक्षक संगठन ठोरीका अध्यक्ष दिपेन्द्र सापकोटा, शिक्षक माधव तिमिल्सिना, शिक्षिका सावित्री श्रेष्ठ, पारवती तमाङ, नारायण बहादुर गन्द्रभ लगायतकाले तलब बढाएकाेमा गाउँपालका अध्यक्षलाई मन्तव्य मार्फत धन्यावाद दिएका थिए । कार्यक्रमको संंचालन शिक्षक सुन बहादुर लामा (माईकल) ले गरेका थिए ।
कालिकामाईकाे बिरन्चीबर्वामा नेपाली कांग्रेसकाे पार्टी प्रबेश कार्यक्रम सम्पन्न
वीरगंज । पर्साको निर्वाचन क्षेत्र ४ को (ख) अन्तर्गत पर्ने कालिकामाई गाउँपालिकाको वडा नं.५ बिरन्चिबर्वामा साेमबार नेपाली काङ्ग्रेसको पार्टी प्रबेश कार्यक्रम सम्पन्न भएको छ ।
बिरन्चिबर्वा गाउँमा भएको कार्यक्रममा गत स्थानिय तहकाे निर्वाचनमा तत्कालिन राजपाबाट वडाध्यक्षका उम्मेदवार भएका माधो चौहfन, जंगबहादुर प्रसाद कुर्मी, जयबालक साह कानु, जामुन महताे चाैहान, चाेकट महताे चाैहान, करिमन महताे चाैहान, रामअयाेध्या चाैहान, रामानन्द चाैहान, ब्यास चाैहान, नरेश चाैहान, राजहरण चाैहान, राजकरण चाैहान, मुना साह कलवार, मदन हाजरा नेपाली काङ्ग्रेसमा प्रबेश गरेका छ्न ।
यस्तै, अमिरका राउत कमकर, राजेन्द्र साह तेली, लालजित साह तेली, भुलावन भगत माली, मजाहिर मियाँ, शिवभगत माली, दिनानाथ भगत माली, छठु महताे केंवट, रामायण भगत माली, दिना राउत कम्कर, अरुण कुमार रेवानी, अर्जुन महताे केंवट, सनु ठाकुर हजाम, गाैरीशंकर साह कलवार, विद्या भुषण प्रसाद, तेज बहादुर प्रसाद कुर्मी, जमुना महताे, साहेब हजरा, हरिन्द् हजरा, मदन राउत कुर्मी, रामवृक्ष राउत कुर्मी, परमानन्द हजरा, राजेश्वर ठाकुर लगायत एक सय जना भन्दा बढीले कांग्रेस प्रबेश गरेका हुन् ।
नव प्रबेशीहरुलाई नेपाली काङ्ग्रेसका नेताहरु फुल माला र अबिरको टीका लगाई पार्टीमा स्वागत गरेका थिए ।
मधेशकाे मांग नेपाली कांग्रेसले पुरा गर्छ : नेता रिजाल
पार्टी प्रबेश कार्यक्रमलाई सम्बोधन गर्दै नेपाली काङ्ग्रेसका केन्द्रिय सदस्य रमेश रिजालले संविधानलाई ट्रेकमा ल्याउन नेपाली काङ्ग्रेस सरकारमा गएको वताए ।
उनले नेकपा एमालेका अध्यक्ष समेत रहेका केपी शर्मा ओलिको बदमासी कारण संविधान ट्रेक बाहिर गएकोले ट्रेकमा ल्याउन नेपाली काङ्ग्रेसका सभापती शेरबहादुर देउवा सरकारको नेतृत्व गर्नु भएको बताए । उनले मधेशको बाकी रहेको धेरै काम नेपाली काङ्ग्रेसले गर्ने समेत वताए ।
काङ्ग्रेस नै सबै समस्याको समाधान गर्ने बताउँदै नेता रिजालले मधेशकाे माग पनि नेपाली कांग्रेसले नै पुरा गर्ने वताए ।
कार्यक्रमका प्रमुख अतिथी समेत रहेका नेता रिजालले भ्रष्टाचारको विरुद्ध नगरे सम्म देशममा शुसासन कायम नहुने वताए । राजनीति कमाउने ठाउँ नभएको बताउँदै उनले त्यस्तो व्यक्तिकाे नेपाली काङ्ग्रेसमा ठाउँमा नभएको वताए । नेता रिजालले पालिकामा बढदै गएकाे भ्रष्टाचार र अनियमितताको बिरोध गर्न आहवान समेत गरे ।
उनले भने “बढ्दाे भ्रष्टाचारकाे विराेध गर्नुस् । अहिले नेपाली काङ्ग्रेसको सरकार छ, डाराउन पर्दैन् । कसैले कसैलाई फसाउन सक्दैन् ।”
नेपाली कांग्रेसकाे सपना अझै अधुराे छ : जिल्ला सभापति द्विवेदी
नेपाली कांग्रेस पर्साका सभापति अजय द्विवेदीले नेपाली कांग्रेसकाे सपना अझै अधुराे रहेकाे वताए । उनले कानुनकाे शासन नभए सम्म जनताकाे सपना पुरा नहुने, जनताकाे सपना पुरा नभए सम्म कांग्रेसकाे सपना पुरा नहुने वताए ।
उनले भने “अहिले पनि आम जनता प्रहरी कार्यालयमा एकलै जान सक्छन् ? अदालतमा विना पैसाकाे फाइल अगाडी बढन सक्छ ? बैंकमा विना घुषकाे सर्वसाधारणले ऋण पाउन सक्छन् ? त्यसैले कानुनकाे शासन हुनु पर्छ, विधिकाे शासन हुनु पर्छ, जनताले न्याय पाउनु पर्छ तब गएर नेपाली कांग्रेसकाे सपना पुरा हुन्छ ।”
कार्यक्रमका विशिष्ठ अतिथी समेत रहेका सभापति द्विवेदीले मधेश आन्दोलन जायज भएको वताए । उनले राजनीतिबाट आम जनता प्ररस्टेशन हुन थालेकोले त्यो हटाउन जरुरी रहेको धारणा राखे ।
काङ्ग्रेसको सपना पूरा गर्न साझ संकलप लिनु पर्ने वताउँदै नेता द्विवेदीले प्रजातन्त्रको बिकल्प नभएको वताए । नेपाली काङ्ग्रेस मात्र प्रजातन्त्रलाई बलियो बनाउन सकने दाबी गरे ।
नेपाली काङ्ग्रेसको कालिकामाई गाउँपालिका वडा नं. ५ का सभापति अमिरका ठाकुरको सभापतित्वमा भएको कार्यक्रममा प्रदेश सभा सदस्य शंकर चौधरी, महासमिती सदस्य बशिष्ठ नारायण कुर्मी, बृहस्पति श्रेष्ठ, कृपा सिन्दु चौधरी, जिल्ला सचिव किशाेरी साह, जिल्ला सदस्य नवीन सिंह, क्षेत्रीय नं. ४ का सभापती रमेश पाण्डे, क्षेत्र नं. ४ काे (ख) का सभापति श्रीकान्त यादव, छठु साह, उमेश चाैहान लगायतकाले मन्तब्य राखेका थिए । कार्यक्रमकाे संचालन रामाकान्त प्रसाद कुर्मीले गरेका थिए ।
जिउँदै मानिसलाई मृत घोषणा गरेको भन्दै भवानी हस्पिटलमा तोडफोड
वीरगंज । वीरगञ्जको लिंक रोडस्थित रहेकाे भवानी हस्पिटल एण्ड रिसर्च सेन्टरमा जिउँदै मानिसलाई मृत घोषणा गरेको भन्दै तोडफोड भएको छ ।
जिउँदै मानिसलाई मृत घोषणा गरेको भन्दै मृतकका आफन्त र गाउँलेहरुले हस्पिटल एण्ड रिसर्च सेन्टरमा कार्यरत चिकित्सक र नर्समाथि आक्रमण समेत गरेका थिए ।
गाउँलेहरुसहितका आफन्तको आक्रमणबाट अस्पतालका एक चिकित्सक र एक नर्सलाई चोट लागेको छ । तोडफोडका क्रममा सीसाले लागेर एक बिरामी कुरुवा महिला घाइते भएकी छन् । आक्रोसित गाउँले र आफन्तजनले अस्पतालको इमर्जेन्सी कक्षमा समेत पसेर साइनबोर्ड पनि फ्याँकेर हो हल्ला गर्दै प्रदर्शन गरेका थिए ।
घटनाबारे थाहा पाए लगत्तै घटनास्थलमा पुगेको प्रहरी र प्रदर्शनकारीबीच समेत केहिबेर झडप समेत भएकाे थियाे । पछि प्रहरीले लाठीचार्ज गरेर भीडलाई तितर वितर पारेको थियो ।
ताेडफाेडमा संलग्न रहेको आरोपमा प्रहरीले वीरगञ्ज महानगरपालिका वडा नम्बर २० का राकेश राम, सुरेश राम, अक्षय राम र भीम रामलाई पक्राउ गरेको जिल्ला प्रहरी कार्यालय पर्साका प्रवक्ता एवम् प्रहरी नायब उपरीक्षक ओमप्रकाश खनालले बताए ।
अस्पतालका निर्देशक रामराज श्रेष्ठका अनुसार पहिल्यैदेखि मुुटु रोगबाट ग्रसित ३२ वर्षीया रमितादेवीलाई उपचारका लागि आइतबार बिहान १० बजेतिर अस्पताल ल्याइएको थियो । चिकित्सकले चेकजाँच गर्दा उनको मृत्यु भइसकेको थियो ।
अस्पतालले मृत घोषणा गरेपछि आफन्तले अन्तिम संस्कारका लागि लिएर गएका थिए । तर १ बजेतिर रमितालाई पुनः अस्पतालमा फिर्ता ल्याई आफन्त र गाउँलेले जिउँदो मानिसलाई मृत घोषणा गरेको भन्दै प्रदर्शन गरेका थिए ।
‘अस्पताल ल्याएलगत्तै चिकित्सकले चेकजाँच पछि रमितालाई मृत घोषित गरेका थिए । परिवारका सदस्यहरुले शंका लागेर पुनः ल्याउनुभएछ । ईसीजी लगायत जाँच गरेर हेर्दा शरीरमा प्राण थिएन’ उनले भने, ‘नुहाउने क्रममा यताउता चलाउँदा चलेको जस्तो लागेको हुन सक्छ भनेर आफन्तलाई त कुरा बुझाइसकेका थियौं, तर सँगै आएका केही उछृङ्खल व्यक्तिहरुले अस्पताल तोडफोड गर्नुको साथै चिकित्सक र नर्समाथि आक्रमण गरे ।’
हिन्दु आस्थासंग खेलावाड गर्ने जसपा हिन्दु विरोधी पार्टी होे : विहिप नेपाल
वीरगंज । विश्व हिन्दु परिषद नेपालले हिन्दु विरोधी अभिव्यक्ति दिने पूर्व प्रधानमन्त्री एवं जनता समाजवादी पार्टीका संघिय परिषद अध्यक्ष डा. बाबुराम भट्टराईको कारवाहीको माँग गर्दै जिल्ला प्रशासन कार्यालय पर्सा र जनता समाजवादी पार्टी कार्यालय पर्सामा ज्ञापन पत्र बुझाएको छ ।
भट्टराईले सनातन हिन्दु धर्म विरुद्ध ट्विट गरेको विरोधमा विश्व हिन्दु परिषद नेपाल आन्दोलित बन्दै भट्टराईलाई कडा भन्दा कडा कारवाहीको माँग गर्दै ज्ञापन पत्र बुझाएको हो । बहुसंख्यक जनताहरुको आस्था एवं मनोभावना माथि ठाडो प्रहार गर्दै धार्मिक साँस्कृतिक परम्परा विरुद्ध अभद्र टिप्णी गर्नु अक्षम्य, निन्दनीय एवं दुर्भाग्यपूर्ण रहेको ज्ञापन पत्रमा उल्लेख छ ।
परिषदका जिल्ला अध्यक्ष ओम प्रकाश साह, सचिव कुन्दन श्रीवास्तव र महानगर अध्यक्ष बृजेश मल्लीकले प्रमुख जिल्ला अधिकारी र जसपालाई ज्ञापन पत्र बुझाउँदै, हिन्दु आस्थासंग खेलवाड गर्ने भट्टराईलाई कडा कारवाही नगरिए देशभरीनै आन्दोलन गर्ने चेतावनी दिए ।
परिषदका जिल्ला अध्यक्ष ओम प्रकाश साहले जनता समाजवादी पार्टी हिन्दु विरोधी पार्टी रहेको आरोप समेत लगाए । भट्टराईले ट्विट्को विरोधमा देशभरी पुतला दहन हुदाँ समेत जसपा पार्टीले अन्देखा गर्नु नै हिन्दु विरोधी पार्टी रहेको प्रमाणित रहेको उनले बताए ।
उनले भने, भट्टराईले हिन्दु समाजसंग माफी समेत नमाग्नुले बहुसंख्यक हिन्दुहरुको भावनालाई लत्याएको र हिन्दु मतको अपमान गरेकोले जसपा हिन्दु विरोधी पार्टी नै रहेको हाम्रो ठहर छ ।
बहुसंख्यक हिन्दुहरु कै मत लिई अस्तित्वमा रहेको जसपाका डा. बाबुराम भट्टराई लगायतका नेताहरुले पटक पटक सनातन हिन्दुधर्म विरोधी वक्तत्व दिदै आएका छन, उनले भने, जसपाले ती नेताहरु विरुद्ध कुनै कारवाही नगुर्नले जनता समाजवादी पार्टीको राजनैतिक चरित्रमाथि नै शंका उत्पन्न भएको छ ।
जसपा हिन्दु विरोधी पार्टी कै रुपमा प्रस्तुत भएको विश्व हिन्दु परिषद नेपाल लगायत धार्मिक संघ संगठन तथा समाजले महसुस गर्न थालेको परिषदका महानगर अध्यक्ष बृजेश मल्लीकले बताए ।
कथित राजनेता द्धारा पटक पटक हिन्दु विरोधी वक्तव्य दिईनुले उनी विधर्मी शक्तिद्धारा परिचालित रहेको समेत स्पष्ट पार्दै यस्ता विधर्मीलाई सरकार र जसपाले कारवाही नगरे जनताले नै कारवाही गरेर पाठ सिकाउँने उनले बताए ।
धर्म संस्कृति विरोधी तत्वहरुलाई साथ दिने जुनसुकै राजनैतिक दलको राजनैतिक अस्तित्व समेत समाप्त पार्न हिन्दु समाज एवं विश्व हिन्दु परिषद नेपाल लगायतका हिन्दु संगठनहरु पछि नपर्ने उनले बताए ।
नेपालको मौलिक धर्म संस्कृति विरुद्ध चौतर्फी आक्रमण भईरहको वर्तमान परिस्थितिमा हिन्दु समाज संगठित हुनुको विकल्प छैन । हामी समय मै सावधान भएनौ भने परिस्थिति झन प्रतिकुल हुने निश्चित छ उनले भने, ।
हाम्रा विच संक्रिय रहेको असमाजिक हिन्दु विरोधी तत्वहरुको समय मै पहिचान गरी पूर्ण बहिष्कार गर्न जसपा लगायतका सम्पूर्ण राजनैतिक दलहरुका नेता कार्यकर्ताहरुलाई परिषद नेपालले अपिल समेत गरेको छ ।
भाेलन्टियर समुहले पुन: सुरु गर्याे शंकराचार्यद्वाराकाे सरसफाई
बीरगंज । भाेलेन्टियर समुह वीरगंजले शंकराचार्य गेटको सरसफाई गरेको छ । नेपाल भारत सीमा क्षेत्रमा रहेकाे शंकाराचार्य गेट र आसापासका क्षेत्रमा समूहले सरसफाइ गरेकाे हाे ।
यसअघि २६ हप्तासम्म लगातार गेटकाे सरसफाइ गरेकाे समूहले काेराेना संक्रमणकाे जाेखिमका कारण अभियान स्थगित गरेकाे थियाे । शनिबार सुरू भएकाे सरसफाइ अब उपरान्त निरन्तर सञ्चालन हुने समूहका संयाेजक राजन श्रीवास्तवले जानकारी गराए ।
“यसअघि २६ हप्तासम्म सञ्चालन गरेकाे अभियान महामारीका कारण स्थगित गरेका थियाैं, अब निरन्तर सञ्चालन हुन्छ,” संयाेजक श्रीवास्तवले भने, “घण्टाघर सरसफाइ पनि गर्याैं, यसलाई पनि निरन्तरता दिनेछाैं ।”
शंकराचार्य गेट सरसफाइ गरेकाे समूहले शनिबार नै बीरगन्जकाे केन्द्रविन्दुमा अवस्थित घण्टाघरकाे सरसफाइ समेत गरेकाे थियाे ।
यसै बिच नगर प्रमुख विजय कुमार सरावगीले स्थलगत निरीक्षक गर्नुकाे साथै उक्त स्थललाइ सौर्न्दर्य बनाउनका लागि विभिन्न निकाय संग समन्वय एवं सहकार्य गर्ने प्रतिबद्धता जनाएका छन् । साथै बिगतमा गरिएकाे सरसफाईबाट अवश्य पनि धेरै परिवर्तन भएको र आजबाट फेरि भोलेन्टियर समुहले सुरुवात गरेको सरसफाइ कार्यमा महानगरकाे हातेमालो रहिरहने भन्दै समुहलाइ शुभकामना दिनु भएको भाेलन्टियर समुहका महासचिव श्याम सरार्फले वताए ।
सरसफाई कार्यक्रममा समुहका कमलेश कुश्वाहा, विंकी सरार्फ, राधेश्याम गुप्ता, शेष हजरा, राज सरार्फ, किशन सरार्फ, अनिल हजरा, आकाश सरार्फ लगायतको सहभागिता रहेको थियो ।












