Date
बिहि, मंसिर ३, २०८३
Thu, November 19, 2026
Home Blog Page 791

अवैधरूपमा भण्डारण गरेको लत्ताकपडा बरामद

0

वीरगंज । वीरगंज महानगरपालिकाकाे वडा नं. १० स्थित एक घरमा शुक्रबार प्रहरीले छापा मारेकाे छ । प्रदेश नं.२ प्रहरी कार्यालय, जनकपुरको सूचना संयन्त्र तथा जिल्ला प्रहरी कार्यालयसमेतको टोलीले शक्रबार विहान ९ बजे छापा हानेकाे थियाे ।

प्रहरी कारवाहीको क्रममा उक्त घरका कोठाहरू रीतपूर्वक खानतलासी गर्दा बिभिन्न किसिमका लत्ताकपडाहरु फेला परेको जिल्ला प्रहरी कार्यालय पर्साले जनाएकाे छ ।

कोठामा बस्ने मानिसहरू फरार रहेको हुँदा सो लत्ताकपडाहरू बरामद गरी रू चार लाख छ हजार मूल्याङ्कन गरी आवश्यक कारवाहीको लागि वीरगञ्ज भन्सार कार्यालयमा बुझाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

उक्त घरमा भारतबाट भन्सार छली ल्याइएका बिभिन्न किसिमका लत्ताकपडाहरू भण्डारण गरेको भन्ने सूचनाकाे अधारमा प्रहरीले छापा हानेकाे थियाे ।

खसीको मासु भनी बाख्राको मासु विक्री गर्ने पक्राउ

0

वीरगंज । प्रहरीले खसीकाे मासु हाे भनी बाख्राकाे मासु बिक्री गर्ने एक जनालाई वीरगंजबा पक्राउ गरेकाे छ । वडा प्रहरी कार्यालय श्रीपुरले वीरगंज महानगरपालिकाकाे वडा नं. १३ मुर्लीका २८ बर्षिय राेज अन्सारीलाई पक्राउ गरेकाे हाे ।

वीरगंज महानगरपालिकाकाे वडा नं.१३ मुर्ली बस्ने अब्दुल अन्सारीले सञ्चालन गरेको मासु पसलमा खसीकाे मासु भनि बाख्राकाे मासु बिक्री गर्ने अंसारीलाई पक्राउ गरिएकाे जिल्ला प्रहरी कार्यालय पर्साले जनाएकाे छ ।

प्रहरी टाेलीले उक्त पसलको तलासी लिँदा बाख्राको मासुमा खसीको अण्डकोष सिलाई बेचिरहेको फेला परेकोले अंसारीलाई सो मासुसहित नियन्त्रणमा लिई कालोबजारी सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

साथै उक्त पसल सञ्चालक अब्दुल अन्सारीको खोजतलास भइरहेको प्रवक्ता खनालले जानकारी दिए ।

करैयामाईकाे गाउँ सभा अझै भएन, जनप्रतिनिधि विच नै विवाद

0

बारा । आर्थिक बर्ष २०७८/०७९ काे नीति तथा कार्यक्रम पारित नहुँदै बाराको करैयामाई गाउँपालिकाले बिकास निर्माणकाे कार्य सुरु गरेकाे छ ।

असार १० गते भित्र गरि सक्नु पर्ने गाउँ सभा करैयामाई गाउँपालिकाकाे अझै सम्म हुन नसकेकाे वडा नं. १ वडा अध्यक्ष सोनालाल साहले बताए । गाउँ सभाबाट नीति तथा कार्यक्रम पारित गरेर मात्र नयाँ आर्थिक बर्षमा विकास निर्माण कार्य गर्न पाइने सरकारी नियम भएपनि गाउँपालिकाका अध्यक्ष भुनेश्वर धामीको निर्देशनमा गाउँपालिकाले १ करोड बराबरको लागतमा सडक निर्माण कार्य अगाडि बढाएको वडाध्यक्ष साहले बताए ।

गाउँपालिका अध्यक्ष धामीले गाउँ सभा नै नगरी गाउँपालिकाको वडा नं. ५ र ७ मा पर्ने ढोरियादेखि पिपरा र पिपरादेखि ढोरियासम्मको बाटो निर्माण कार्य अगाडि बढाएर बजेट दुरुपयोग गरेकाे वडाध्यक्ष साहले आराेप लगाए ।

यस विषयमा गाउँपालिकाका अध्यक्ष धामीसँग बुझ्दा उपभोक्ता समिति मार्फत काम भईरहेको तथा ६ सय मिटरको सडक ढलान गर्न दुई वटा उपभोक्ता समिति गठन गरी काम भईरहेको बताए ।

उनले गाउँपालिकाका प्रशासकीय अधिकृतले नियमसंगत ढङ्गले कार्य आदेश दिएको दाबी गरे । गापा अध्यक्ष धामीले गएको आर्थिक वर्षको बाँकी काम १८ नम्बर फाइलमा लगेर गर्न मिल्ने प्रतिक्रिया दिए । तर, गाउँपालिका वडा नं. ५ का वडाध्यक्ष उमेश चौधरीले आफुलाई यसबारे केही थाहा नभएको र आफ्नै वडामा बनाएको उपभोक्ता समिति बारे पनि आफुलाई केही जानकारी नभएको वताए ।

वडाध्यक्ष चौधरीले गाउँपालिकाका अध्यक्षले ठाडो शैलीमा नियम मिचेर काम अगाडि बढाएको बताए । गाउँसभाबाट नीति र कार्यक्रम पारित नभई योजना समेत छनोट भई नसकेको अवस्थामा अध्यक्ष र प्रशासकिय अधिकृतको मिलोमतोमा यस वर्षको बजेट दुरुपयोग भएपछि गाउँपालिकाको बोर्ड सदस्य र कर्मचारीमा चरम असन्तुष्टि रहेको छ ।

बजेट दुरुपयोगबारे चरम असन्तुष्टि रहेपनि आफ्नो वडाको बजेट कटौती हुने डर्रले कसैले पनि कुनै प्रतिक्रिया नजनाएको श्रोतको दाबि छ ।

यता, वडा नं. २ का वडाध्यक्ष सुरेन्द्र चौधरीले गाउँपालिका अध्यक्ष र प्रशासकिय अधिकृतले कुनै न कुनै नियमलाई टेकेर बजेट प्रयोग गरेको हुनसक्ने बताएका छन् ।

यस विषयमाम योजना प्रमुख विरेन्द्र कुशवाहा र वरिष्ठ इन्जिनियर अवधेश प्रसादसँग प्रतिक्रिया लिन खोज्दा प्रष्ट प्रतिक्रिया आएन । उपभोक्ता समिति मार्फत निर्माण कार्य भईरहेको भनिए पनि सडक ढलान ठेकेदार मार्फत भईरहेक स्थानियहरुले वताएका छन् ।

स्थानीयहरुका अनुसार गापा अध्यक्ष धामीले आफ्ना आसेपासेलाई उपभोक्ता समिति बनाएको भए पनि काम ठेकेदार मार्फत नियम विपरित काम गरिरहेका छन् । एकै ठाउँको सडकका लागि करोडौँ बजेट राखेका गापा अध्यक्षले वर्षाको बेलामा पनि जबरजस्ती काम गर्न लगाएर कमसल काम गराएको स्थानीयहरु बताउँछन् ।

तर गापा अध्यक्ष धामीले भने इन्जिनियरको इस्टिमेट अनुसार आफै उपस्थित भएर आरसीसी ढलान गराएकाले काम नियम संगत तवरले भएको दाबी गरे ।

यता, प्रमुख प्रशासकिय अधिकृत यादवले भने आर्थिक वर्षको अन्त्य तीर उपभोक्ता समितिले सबै निर्माण सामाग्री खसालेर काम शुरु गरेको भएपनि वर्षाका कारणले काम सम्पन्न नभएको बताए । सोही कामलाई सम्पन्न गर्न म्याद थप गरेर काम सुचारु गरिएको भएपनि गत आर्थिक वर्षमा सम्पन्न नभएका कामलाई बहुवर्षीय योजनामा परिणत गरी बोर्डबाट अनुमोदन गर्न बाँकी रहेको उनले वताए ।

बोर्डले अनुमोदन नगरेको खण्डमा बजेट निकासामा समस्या हुन सक्ने प्रशासकिय अधिकृत यादवको भनाई छ । उनले जनप्रतिनिधीहरुबीच कुरा नमिल्दा गाउँसभा प्रभावित भएको बताउँदैं छिट्टै गाउँसभा गर्ने तयारी भईरहेको जानकारी दिए ।

गत वर्षका निकासा हुन बाँकी रहेका योजनाहरुको सन्दर्भमा बोर्ड बैठकमा प्रस्ताव गरिने र अनुमोदन भए मात्रै भुत्तानी हुने उनले प्रस्ट पारे । गाउँ सभा नहुँदा अन्य विकास निर्माण कार्य संचालनमा ढिलाई भएकाे छ ।

स्वास्थ्यकर्मी कुटपिट गर्नेमाथी कारवाही गर्न सि.एम.ए. संघकाे माग

0

वीरगंज । स्वास्थ्यकर्मी कुटपिट गर्ने दाेषी उपर कारवाहीकाे माग गर्दै  नेपाल सि.एम.ए. संघ पर्साले बिहिबार पर्साका प्रमुख जिल्ला अधिकारीलाई ज्ञापन पत्र बुझाएका छ ।

संघका जिल्ला अध्यक्ष याेगेन्द्र प्रसाद चाैरसिया र सचिव सुदर्शन साहद्वारा हस्ताक्षरित ज्ञापन पत्रमार्फत पर्साकाे छिपहरमाई गाउँपालिका वडा नं. ४ बंजारीस्थित संचालनमा रहेकाे साह हेल्थ क्लिनिकका संचालक अनिल कुमार साहलाई  कुटपिट गर्नेहरुमाथी कारवाहीकाे माग गरिएकाे हाे ।

 ज्ञापन पत्रमा स्थानिय राजाबाबु यादवले मेराे घरमा गई मेराे बुवालाई इन्सेक्सन लगाईदिनु स्वास्थ्यकर्मी साहलाई भन्दा साहले क्लिनिकमा रहेकाे इमरजेन्सि बिरामीहरुलाई हेरेपछि हिडछु भन्दा उनी घर फर्केर गएकाे र त्यसकाे भाेली पल्ट मंगलबारकाे दिन उनीसहित क्लिनिकमा आएकाे पांच जनाकाे समुहले साहमाथी कुटपिट गरेकाे उल्लेख गरिएकाे छ ।

संघल प्रमुख जिल्ला अधिकारी पिताम्बर घिमिरेलाई ज्ञापन पत्र बुझाउँदै स्वास्थ्यकर्मी साहमाथी निर्घात कुटपिट गर्ने राजाबाबु यादवसहितकाे समुहलाई अविलम्ब पक्राउ गरी कानुन बमाेमाेजिम कारवाही गर्न माग गरेकाे हाे ।

ज्ञापन पत्र बुझाउन जिल्ला प्रशासन कार्यालय पर्सा पुगेका सि.एम.ए. संघका पदाधिकारीहरुले स्वास्थ्यकर्मी साहकाे साथै उनकाे बुवा र आमामाथी पनि अपराधिक शैलीमा कुटिपिट भएकाे वताए ।

ज्ञापन पत्र बुझ्दै प्रमुख जिल्ला अधिकारी घिमिरेले कुटपिट गर्ने विरुद्ध इलाका प्रहरी कार्याय पाेखरियामा उजरी दिन भनेका थिए । ज्ञापन पत्र बुझ्दै उनले भने तपाईहरु साे क्षेत्रकाे इलाका प्रहरी कार्यालय पाेखरियामा गएर उजरी दिनुस्, उजरी लिए नलिएकाे बारे पनि मलाई फाेन मार्फत जानकारी गराउनु हाेला ।” 

ने.रा.मा.वि. निचुटामा साईकल वितरण

0

वीरगंज । प्रदेश नं.२ सरकारको “बेटी पढाउ, बेटी बचाउ” अभियान अन्तर्गत पर्साकाे पटेर्वा सुगाैली गाउँपालिकाकाे वडा नं. ५ मा रहेकाे नेपाल राष्ट्रिय मा. वि. निचुटामा अध्ययनरत कक्षा-८ का छात्राहरुलाई साईकल वितरण गरिएको छ ।

भारतिय दूतावास वीरगंजका बाणिज्य दुत शैलेन्द्र कुमारकाे प्रमुख आतिथ्यमा एवं जसपा नेपालका प्रदेश सदस्य दिपक यादवको विशेष पहलमा एक कार्यक्रमका विच ४४ जना क्षात्राहरुलाई साइकल वितरण गरिएको जसपाका युवा नेता शिव कुमार साहले बताए ।

नेपाल राष्ट्रिय मा. वि. निचुटाको प्र.अ. श्याम घिमिरेको अध्यक्षतामा भएको कार्यक्रममा जसपा नेपालको संघीय परिषद सदस्य सलाउदिन अहमद, मुस्लिम फोरम केन्द्रिय अध्यक्ष नुरुलहोदा अन्सारी, प्रदेश सदस्य दिपक यदव, क्षेत्रीय अध्यक्ष नगेन्द्र यादव लगायतकाे सहभागिता रहेको थियो ।

वीरगंजमा निटको टायल्सको शो रुम संचालन, मन्त्री शर्माले गरे उद्घाटन

0

वीरगंज । वीरगजमा निटको टायल्सको फ्रेनचाईजिजमा आकर्शक शो रुम खुलेको छ । निटकाे कम्पनीका टायल्स र मार्बलको शो रुमको उद्घघाटन प्रदेश २ का उर्जा तथा खाने पानी मन्त्रि ओमप्रकास शर्माले गरेका छन् ।

शाे रुमकाे उद्घघाटन गर्दै मन्त्री शर्माले कोरोना कालमा उधोगीहरुकाे अवस्था नाजुक रहको वताए । उनले बैंकका ब्याज र कर्मचारीहरुका तलबले गर्दा ब्यवस्यामा क्षति वताएकाे वताए । तर पनि उधाेगीले आफनो कर्म नछाडनु हिम्मतका साथ व्यवसायी प्रति अग्रसर हुनु स्वागत याेग्य रहेकाे वताए ।

नेता तथा व्यावसायी मोहम्मद सहाबुदिनले वीरगञ्जमा र्निमाण भइरहेका घर तथा होटलमा चाहीने राम्रो टायल्स र मार्बलका लागी भारत, काठमान्डौं अन्य स्थानमा अब जानु नपर्ने वताए ।

उनले भने “पछिल्लो समय टायल्स र मार्बलका लागी दिल्ली अथवा देशकै राजधानी काठमान्डौ जानु पर्ने अवस्था थियाे । बजारमा विभिन्न थरीका टायल्स र मार्बल कम्पनिका शोरुम भएता पनि निट्कोे कम्पनीको भारत तथा विश्वमा आफनो छुटै पहिचान रहेको छ । त्यसैले अब बाहिर जानु पर्दैन ।”

उद्घघाटन कार्यक्रममा वीरगंज महानगरपालिकाकी उप मेयर शान्ति कार्की, राजनितीकर्मी राम नारायण प्रसाद कुर्मी, ध्रुव नेपाल, निट्को कम्पनिका प्रतिनिधिद्वय सिनियर रिजनल म्यानेजर उत्तम रिमाल, इन्जिनियर नवल चन्द्रा, एरिया म्यानेजर बिमल ज्ञवाली लगायतको उपस्थिती रहेको थियो ।

नापी कार्यालय पर्साका प्रमुख सिंहद्वारा अनियमितता, सेवाग्राही र कर्मचारी पिडित

0

वीरगंज । नापी कार्यालय पर्साका कार्यालय प्रमुखको लापरवाही बढदैगएपछि सेवाग्राही मात्रै होईन स्वयं सो कार्यालयका कर्मचारीहरु समेत पिडित भएका छन् ।

कार्यालय प्रमुखले अनियमित ढंगले निःशुल्क रुपमा उपलब्ध हुने फारममा समेत पैसा खाने गरेको खुलासा भएको छ । नापी कार्यालय पर्साका प्रमुख रामविनय कुमार सिंहले जग्गाको कित्ताकाट फारम र हालसाविक विवरण फारम कार्यालयले निःशुल्क रुपमा उपलब्ध गराउनु पर्नेमा सेवाग्राहीलाई सो फारम किन्न लगाएर पैसा असुल्ने गरेको बताईएको छ ।

त्यसैगरी अहिले कार्यालय प्रमुख सिंहको लापरवाहीको कारण प्रत्येक बर्षका श्रेस्ता मर्मत गर्नु पर्नेमा दुई बर्ष देखि श्रेस्ता मर्मत नगर्दा जिर्ण भएको कार्यालयका कर्मचारीहरुले नै बताएका छन ।

त्यसैगरी कार्यालय प्रमुख सिंहले जनताले तिरेको राजस्वबाट जग्गा नाप्न खटिएका कर्मचारीको पारिश्रमिक कार्यालयबाट दिनु पर्नेमा दुई बर्षदेखि पारिश्रमिक नदिई आफैले खाने गरेको पिडित कर्मचारीहरुले बताएका छन ।

नापी कार्यालयको व्यवस्थापनमा कम्प्युटर सम्बन्धी सामग्री, फर्निचर, स्टेशनरी लगायतका विविध सामग्री विग्रिएको र खरिद गरिएको भनि विल बनाएर रकम खाने गरेको हाल वीरगंजको विर्ता धर्मशाला नजिकै ७५ हजारमा घर भाडामा लिए पनि घरबेटीलाई ५० हजार रुपैया दिने गरेको र अरु रकम आफैले खाने गरेको कार्यालयका अन्य कर्मचारीहरुले बताएका छन् ।

अहिले भाडामा लिएको घर जिर्ण भएको र कार्यालय कोठामा पानी पसेर नक्सा तथा श्रेस्ता विग्रिने अवस्थामा पुगेको बताईएको छ ।

यसैगरी ६ महिनादेखि अहिले सम्म एक पटक पनि स्टाफ मिटिङ्ग नगराएको र केन्द्रले बारम्वार ताकेता गर्दा पनि कार्यालयमा डिजिटल लागु गर्न ध्यान नदिएको आरोप कर्मचारीहरुले लगाएका छन् ।

कार्यालय प्रमुख सिंहले करारमा रहेका कार्यालय सहयोगीहरुको पोशाक भत्ता निकालेर आफैले खाने गरेको र एउटै मान्छेलाई अफिस र फिल्ड दुई ठाउँमा खटाई फिल्डको पैसा आफै बुझने गरेको गुनासो समेत कर्मचारीले गरका छन् । नापी कार्यालयका प्रमुखको लापरवाहीले हद पार गरेपछि अहिले पिडित कर्मचारीहरु अख्तियारमा समेत उजुरी गर्ने तयारीमा रहेका छन् ।

जिराभवानीकाे वडा नं. २ मा निर्मित वडा कार्यालय भवनकाे उद्घाटन

0

वीरगंज । पर्साकाे जिराभवानी गाउँपालिका वडा नं. २ मा निर्माण भएकाे वडा कार्यालय भवनकाे बुधबार उद्घाटन गरिएकाे छ ।वडा कार्यालय भवनकाे एक कार्यक्रमकाे बिच गाउँपालिका अध्यक्ष रामप्रित महताेले उद्घाटन गरेका हुन् ।

भवन उद्घाटन गर्दै गाउँपालिका अध्यक्ष महताेले भवन निर्माणबाट वडा कार्यालय संचालनमा सहज हुने वताए । उनले लामाे समयदेखी भवन अभावमा वडा कार्यालय संचालनमा हुँदै आएकाे समस्या भवन निर्माणले समाधान हुने वताए ।

आर्थिक बर्ष २०७४/०७५ र २०७७/०७८ काे याेजना अन्तर्गत निर्माण वडा कार्यालय भवनकाे निर्माण कार्य सम्पन्न भएकाे प्रमुख प्रशासकिय अधिकृत प्राण मेहताले वताए ।

३ वटा काेठा, एउटा तालिम हल र एउटा सधारण हल भएकाे एक तल्ले भवन निर्माण भएकाे प्रमुख प्रशासकिय अधिकृत मेहताले जानकारी दिए ।

भवन उद्घाटन कार्यक्रममा गाउँपालिकाकी उपाध्यक्ष उषा देबी थरुनी, वडाध्यक्ष महादेव महताे थारु, वडा सदस्य नन्दकिशाेर प्रसाद कानु, शंकर पटवारी, श्रीकान्ती देबी, सहुत देवी, गाउँपालिकाका कर्मचारी सराेज दास, उपेरन्द्र चाैधरी लगायतकाे उपस्थिती रहेकाे थियाे ।