Date
बिहि, मंसिर ३, २०८३
Thu, November 19, 2026
Home Blog Page 790

युवा बचनकाे कार्यक्रममा १३६ जनाद्वारा रक्तदान

0

वीरगंज । युवा वचनले पाँचौ पटक आकस्मिक रक्तदान कार्यक्रम सम्पन्न गरेको छ । वीरगंजकाे आदर्शनगरमा भएकाे कार्यक्रममा ६ जना महिलासहित १ सय ३६ जनाले रक्तदान गरेको आयाेजक संस्थाका किशन सर्राफले वताए ।

संस्थाका केन्द्रीय अध्यक्ष पियुष कादमियाको सभापतित्वमा भएको कार्यक्रममा वीरगञ्ज महानगरपालिकाका नगरप्रमुख विजय कुमार सरावगी, प्रमुख जिल्ला अधिकारी पिताम्बर घिमिरे, नेपाल रेडक्रस सोसाइटीका मधु राणा, ग्रिनसिटी सामुदायिक प्रहरी सेवा केन्द्र आदर्शनगरका अध्यक्ष जयप्रकाश खेतान, युवा नेता तथा समाजसेवी ओमप्रकाश सर्राफ, सामाजिक अभियन्ता प्रकाश थारू लगायतको सहभागिता रहेको थियो । 

 कार्यक्रममा अर्चना चौधरी ,लक्ष्मी गौतम , मुस्कान साबु , रेखा साह,  सुस्मीता गुप्ता, अंशुमन तिवारी, सुसिल पटेल, रबी साह, ओम झा लगायतले रक्तदान गरेका थिए । रक्तदान कार्यक्रम रक्तसञ्चार केन्द्र वीरगञ्जका प्रमुख सौरभराज पाण्डे नेतृत्वकाे प्राविधिकहरुकाे प्राविधिक सहयाेगमा भएकाे थियाे ।

भाेलेन्टियर समुहद्वारा शंकराचार्यकाे सरसफाईमा निरन्तरता

0

वीरगंज । भाेलेन्टियर समुह वीरगंजले फेरी नेपालको मुख्य प्रवेशद्वार शंकराचार्य गेटकाे सरसफाई अभियानलाई निरन्तरता दिएकाे छ । वीरगंजस्थित रहेकाे नेपालको मुख्य प्रबेशद्वार शंकराचार्य र त्यस वरिपरिकाे क्षेत्रकाे शनिबार सफाइ गरिएकाे भाेलेन्टियर समुह वीरगंजका संयोजक राजन श्रीवास्तवले बताए ।

कोभिड १९ को पहिलो प्रभाव शुरु हुन अगावै शुरु गरिएको सरसफाई कार्यक्रम संक्रमण बढनथालेपछी २६ औ हप्तामा फेरी संचालन गर्ने गरी समापन गरिएको थियो ।

सरसफाई कार्यक्रममा विगतका जस्तै वीरगंज महानगरपालिकाले दमकल पठाएर सहयाेग गरेकाे संयोजक श्रीवास्तवले जानकारी गराए । भाेलेन्टियर समुहले शंकराचार्यद्वारकाे सरफाईलाई निरन्तरता दिए पछि साे क्षेत्र पहिला भन्दा सफा देख्न थालेको थियो तर अभियान रोकिएपछी र संक्रमणले गर्दा फेरी समस्या उस्तै भएकोले अभियान पुन: संचालन गरिएकाे समुहका बिनय गुप्ताले बताए ।

वीरगंजका नगरप्रमुख विजय कुमार सरावगीको प्रमुख आतिथ्यमा भएकाे सरसफाई कार्यक्रममा विशिष्ट अतिथी प्रजिअ पिताम्बर घिमिरे, प्र.उपरीक्षक बेलबहादुर पाण्डे, सशस्त्र प्रहरी उपरीक्षक राजेन्द्र खडका, अनुसन्धान उपरीक्षक टीका पौडेल, अमन गुरुवाचार्य, पपु श्रीवास्तव, प्रकाश खेतान, दिलिप कार्कि, रबि वर्णवाल, समुहका कमलेश कुश्वाहा, विंकी सरार्फ, राधेश्याम गुप्ता, शेष हजरा, राज सरार्फ, किशन सरार्फ, अनिल हजरा, आकाश सरार्फ लगायतकाे सहभागीता रहेको थियो ।

जगरनाथपुर गाउँपालिकाको बजेट ४० करोड ५ लाख

0

वीरगञ्ज । पर्साको जगरनाथपुर गाउँपालिकाले ४० करोड ५ लाख ४६ हजार रुपैयाँको बजेट ल्याएको छ । गाउँपालिका कार्यालयमा शनिबार आयोजित छैठौं गाउँसभामा बजेट प्रस्तुत गरिएको हो । 

सामाजिक सुरक्षा भत्ता ७ करोड, संघीय र प्रदेश सरकारको वित्तिय समानीकरणबाट प्राप्त हुने रकम क्रमशः ११ करोड ६८ लाख र ७९ लाख ८२ हजार, प्रदेशबाट आउने विशेष अनुदान ३० लाख, समपुरक अनुदान २० लाख, आन्तरिक अनुदान ६ करोड र गरिबसँग विश्वेश्वर कार्यक्रम मार्फत आउने ५ लाख ४६ हजार रुपैयाँ गरी ४० करोड ५ लाख ४६ हजार रुपैयाँको बजेट ल्याइएकाे गाउँपालिकाले जनाएकाे छ ।

बजेटमा स्वास्थ्य, शिक्षा र कृषिलाई प्राथमिकता राखिएको गाउँपालिका अध्यक्ष जालिम मियाँ मन्सुरीले वताए । उनले गाउँपालिकामा आफूले सक्ने विकास गरेको दावी गरे ।

‘एक हजार ५ सय वटा जति योजना केन्द्रबाट आयो, ३ हजारको हाराहारीमा गाउँपालिकाको योजनाबाट काम भएको छ । ५ सय वटा जति योजना प्रदेश सरकारबाट आएको थियो’ उनले भने ‘टोल टोलमा विकास पुगेको छ । पक्की हुन बाँकी रहेको सडक पनि ढलान गरेर आमा, दिदिबहिनी, छोरी बुहारीलाई चप्पल हातमा लिएर हिँड्नुपर्ने अवस्थाको अन्त्य गर्छु ।’

४ हजार जेष्ठ नागरिकलाई छाता, लाइट, कम्बल बाँडिसकेको बताउँदै उनले ८ हजार परिवारलाई ग्याँस सिलिण्डर दिने तयारी भइरहेको सुनाए । उनले आफ्नो नाममा रहेको १४ कठ्ठा जमिन गाउँपालिकालाई दिने घोषणा समेत गरेका छन् ।

गाउँ कार्यपालिका कार्यालयकाे सभा हलमा भएकाे गाउँ सभामा वडाध्यक्षहरु मंगरू राउत गदी,  प्रभु प्रसाद नुनिया, गाउँपालिकाकाे याेजना शाखा प्रमुख दिपेन्द्र चाैधरी इन्जिनियर सदाम हुसेन लगायतकाे सहभागिता रहेकाे थियाे । 

गाउँ सभामा उपस्थित ३ दर्जन पत्रकारहरुलाई सम्मान समेत गरिएकाे थियाे ।  कार्यक्रमकाे संचालन स्वास्थ्य संयोजक प्रबेन्द्र साहले गरेका थिए । 

मन्दिरमाथी आक्रमण गरेको भन्दै पाकिस्तान बिरुद्ध वीरगन्जमा प्रदर्शन

0
वीरगंज । पाकिस्तानको पञ्जाब प्रान्तस्थित भोङ बजारमा रहेको सिद्धीबिनायक मन्दिरमा बिहीबार भएको तोडफोड घटनाप्रति विश्व हिन्दु परिषद नेपालले घोर भत्सर्ना गर्दै पाकिस्तान बिरुद्ध वीरगन्जमा प्रदर्शन गरेको छ ।
 
परिषद पर्साको अगुवाइमा वीरगन्जको माइस्थान मन्दिर अगाडि बाट पाकिस्तानका प्रधानमन्त्री इमरान खानको तस्बिर सहित निकालिएको बिरोध जुलुस नगर परिक्रममा गरिएको थियो । प्रदर्शनमा सहभागीहरुले पाकिस्तानी प्रधानमन्त्री खान बिरुद्ध चर्को नाराबाजी गरेका थिए ।
 
हिन्दुमाथीको आक्रमण बन्द गर, मन्दिरमाथी आक्रमण गर्ने दोषीलाई कडा कारवाही गर, हिन्दु एकता जिन्दाबाद, गर्भले भनौ हामी हिन्दु हौ लगायतको नारा समेत बिरोध प्रदर्शनका सहभागीले लगाएका थिए ।
 
पाकिस्तानमा बारम्बार अल्पसंख्यकको रुपमा रहेका हिन्दुलाई लक्षित गर्दै आक्रमण गर्दै आएको भन्दै आक्रोशित युवाहरुले पाकिस्तानी झण्डा समेत जलाएका थिए ।
 
बिरोध प्रदर्शनलाइ सम्बोधन गर्दै विश्व हिन्दु परिषद नेपालका महासचिव जितेन्द्र कुमार सिहले सिद्धीबिनायक मन्दिरमा भएको आक्रमणको घटनालाइ पाकिस्तानी सरकारले निश्पक्ष रुपमा छानबिन गरि जिहादी मानसिकता बोकेका दोषीलाई कडा भन्दा कडा कार्वाहीको माग गरे ।
 
पाकिस्तानमा पटकपटक अल्पसङ्ख्यक समुदायमाथि आक्रमण भइरहेको हुँदा आउँदा दिनमा यस किसिमका घटना दोहोरिन नदिन, अल्पसङ्ख्यक समुदायलाई संरक्षण गर्न र आफ्नो धार्मिक आस्था प्रकट गर्न सकिने वातावरण बनाउन पाकिस्तान सरकारसँग माग समेत उनले गरे ।
 
उनले भने, पाकिस्तानमा बिहिबार भएको घटना नयाँ होइन, जिहादी मानसिकता बोकेका पाकिस्तानी मुस्लिमले बारम्बार हिन्दुमाथी आक्रमण गरे पनि पाकिस्तान सरकार उनिहरुलाई कारवाही नगरी उल्टै सम्रक्षन गर्दै आएको आरोप लगाए ।
 
उनिहरुले हिन्दु चेलिहरुको बलात्कार, जबर्जस्ति बिवाह गरि धर्मपरिवर्तन, बिरोध गर्दा हत्या लगायतको घटना हिन्दुमाथी हुँदै आएको समेत उनले बताए । भारत पाकिस्तान बटवाराको बखत पाकिस्तानमा ४२ प्रतिशत भन्दा बढी हिन्दु बसोबास गर्दै आएका थिए, उनले भने, पाकिस्तानी मुस्लिमले जबर्न धर्म परिवर्तन, हत्या गरेका कारण अहिले २/३ प्रतिशतमा अल्पसंख्यकको रुपमा बस्दै आएपनी पाकिस्तान सरकारले शान्ति सुरक्षाको प्रत्याभुती दिलाउन सकेका छैन ।
 
नेपालमा मुस्लिमहरु अल्पसंख्यकको रुपमा भएपनी बहुसंख्यक हिन्दु समाजले सम्मान दिएको छ, उनिहरुमाथी कुनै आच आउन दिएको छैन । यहाँ सम्म प्रदेश २ को मुख्यमन्त्री मुस्लिम भएपनी बहुसंख्यक हिन्दु समाजले उनलाइ स्वीकार्य गर्दै आएको छ, उनले भने, मुस्लिम मुलुकमा हाम्रो समाज अल्पसंख्यक रहेपनी उनिहरुलाइ प्रताडित गर्ने काम भएको छ ।
 
पाकिस्तान सरकारले यथाशिघ्र जिहादी मानसिकता बोकेका कटरपन्थी मुस्लिमलाई कारवाही गरेन भने नेपालमा पनि यसको नकारात्मक असर पर्न सक्ने चेतावनी समेत उनले दिए । बिरोध प्रदर्शनमा विश्व हिन्दु परिषद नेपाल पर्साका जिल्ला सचिव कृष्णमोहन सहाय, नगर अध्यक्ष बृजेश मल्लिक लगायत हिन्दु युवाहरुको उल्लेखनीय सहभागिता रहेको थियो ।

भाेजपुरी टाईम्सकाे ७ औं बार्षिकाेत्सवमा आमाकाे छात्रावासमा ब्यग र स्टेशनरी सहयाेग

0

वीरगंज । नेपालकाे एक मात्र भाेजपुरी भाषामा वीरगंजबाट प्रकाशिकत “भाेजपुरी टाईम्स दैनिक” पत्रिका साताैं बर्ष पुरा गरी आठाैं बर्षमा प्रबेश गरेकाे छ ।

आठाैं बर्षमा प्रबेश गरेकाे अवसरमा पत्रिकाले वीरगंजकाे आदर्शनगरस्थित रहेकाे आमाकाे मायाँ छात्राबासमा रहेका छात्रहरुकाे लागि ब्याग र स्टेशनरी सहयाेेग गरेकाे छ । 

छात्राबासममा रहेका २० जना बालबालिकाहरुकाे लागि पत्रिकाले आफ्नाे ७ औं बार्षिकाेत्सवकाे अवसरमा एक/एक थान ब्यज्ञ, आधा दर्ज काँपि, कलम क्यालकुलेटर सहयाेग गरेकाे हाे ।

पत्रिकाका प्रकाशक अजय चाैरसियाकाे अध्यक्षतामा भएकाे कार्यक्रममा छात्राबासका प्रमुख रुपेश हास्दालाई साे सामग्री हस्तान्तरण गरिएकाे थियाे ।

कार्यक्रममा बाेल्दै रेडियाे वीरगंज एमएमका कार्यकारी अध्यक्ष ध्रुव साहले भाेजपुरी भाषामा पत्रिका प्रकाशन गर्न कठिन काम भए पनि ७ बर्षदेखी निरन्तर रुपमा प्रकाशन हुँदै आएकाेमा प्रशंसा गरे ।

कार्यकारी अध्यक्ष साहले भाेजपुरी भाषामा प्रकाशन हुँदै आएकाे पत्रिकाले भाेजपुरी भाषाकाे संरक्षण तथा प्रबर्द्धनकाे काम गरेकाे वताए । उनले नेपालकाे एक काम भाेजपुरी भाषा प्रकाश हुँदै आएकाे पत्रिकालाई विभिन्न निकायले सहयाेग गर्नु पर्ने वताए । 

कार्यक्रममा प्रेस चाैतारीका केन्द्रिय सदस्य बृजलाल पासवान राघव साह, बिश्व हिन्दु परिषद नेपालका संगठन सचिव प्रहलाद रेग्मी, पत्रिका सम्पादक संताेष चाैरसिया, हिन्दु स्वम् सेवक संघका जनकपुर संवाहक रन्जित साह लगायतकाले सुभकामना मन्तव्य राखेका थिए । 

कार्यक्रममा स्वागत मन्तव्य पत्रिकाका कार्यकारी सम्पादक श्रवण साहले राखेका थिए भने कार्यक्रमकाे संचालन पत्रकार शम्भु कुमार सुमनले गरेका थिए ।

नयाँ युगको दुई बर्ष र धारा ३७० को खारेजीले सबै उत्साहित

0

-माेहन सिंह (मधेशी पत्रकार समाज, केन्द्रिय अध्यक्ष)

स्वतन्त्रता दिवस २१९ को अवसरमा बोल्दै, लद्दाखका लोकसभाका सांसद जम्याङ्ग छिरिङ नामग्यालले भनेका थिए, “लद्दाख र यसका जनताले पहिलो पटक संविधानको धारा ३७० लाई खारेज गरेको कारणले यसको वास्तविक स्वतन्त्रता मनाइरहेका छन् । लद्दाखको केन्द्र शासित सरकारले यस क्षेत्रलाई समृद्धिमा पुर्‍याउँछ र जनताको चौतर्फी विकास सुनिश्चित गर्नेछ ।”

जम्मू र कश्मीरको लागी विशेष संवैधानिक प्रावधान ५ अगस्त २०१९ मा खारेज भएको दुई बर्षपछि, उपत्यकामा शान्ति बहाल भएको छ । होइन भने सामान्य मानिसहरु जो अरू बेला सधैं आतंकवादी गतिविधिहरुको डर बोकेर जीवन विताइरहेका थिए अनि यसको समाप्तिको अन्तमा राहतको सास फेरिरहेका छन् ।

यो कार्यलाई ऐतिहासिक गल्ती सच्याउन केन्द्र सरकारले उठाएको सबैभन्दा साहसी कदमको रुपमा लिइन्छ, धारा ३७० को खारेजले यो प्रमाणित गरेको छ कि, भोट ब्याङ्याकलाई लक्षित तुष्टीकरण राजनीतिले वर्षौंदेखि क्षति पुर्‍याइरहेको थियो । जबकि देशका वास्तविक सरोकारवालाहरु सीमान्तकृत थिए । यो स्वतन्त्रता र संविधानको साँचो आत्माको विरुद्धमा गयो जसको लागी धेरै मानिसहरुले आफ्नो रगत बहाए ।

सरकारले ऐतिहासिक गल्ती सुधार्ने बित्तिकै कश्मीर उपत्यकामा मात्र नभई जम्मू र लद्दाखमा पनि नयाँ बिहानी सुरु भएको छ । रोजगारी सृजना भैरहेको छ र क्षेत्र अब शान्ति बहाली र यसको साक्षी छ, जो लगानीकर्ताहरुलाई लगानी गर्नको लागी विकास गर्ने प्राथमिक खुड़किलो भएको छ ।

पहिला धारा ३७० लाई बेवास्ता गरिएको थियो, जबकि पूर्व जम्मू कश्मीरको एक विशेष समुदायबाहेक विभिन्न जातीय समूहहरुलाई सधैं उपेक्षा गरिएको थियो । धारा ३७० को सबैभन्दा ठूलो कमी जम्मू कश्मीरको जनता धेरै केन्द्रीय सरकारका योजनाहरुबाट वञ्चित भएकाले मात्र नियन्त्रण रेखा नजिक बस्नेहरु आरक्षणको हकदार थिए । अब आरक्षणको प्रावधान पहाडी भाषा बोल्ने मानिसहरु अनि समाजको आर्थिक रूपदेखि कमजोर वर्गहरुलाई विस्तार गरिएको र समेटिएको छ । सातौं केन्द्रीय वेतन आयोगको लाभहरुलाई तीन लाखभन्दा बढी जम्मू र कश्मीरका कर्मचारीहरु लाभान्वित भएका छन् ।

हालमा आतंकवादी गतिविधिहरुको संख्या, निर्दोष मानिसहरुको हत्या हुने जस्ता घटनाहरूको दर न्यूनतम् रहेको छ । ५ अगस्त 2019 भन्दा पहिलेको अवस्थाको तुलनामा कम संख्यामा युवाहरु उग्रवादमा सामेल हुने अनि विद्यालय छोड्ने दर पनि घटेको छ ।

कश्मीरी पंडितहरु जो विदेशी शक्तिहरूद्वारा वित्त पोषित आतंकवाद र क्षेत्रवादको सबैभन्दा ठूलो शिकार भएका थिए । जो विगत धेरै बर्षदेखि गम्भीररुपमा पीडित थिए । उनीहरूमा अब शान्ति र सद्भावनाको निर्माण हुने आशाको किरण पल्हाउन थालेको छ । धारा 370 खारेज नगरिएको भए उनीहरुमध्ये हजारौंका संख्यामा विभिन्न विकासका प्रक्रियामा भाग लिन सक्षम हुने थिएनन्, अब उनीहरू सरकारी जागिरमा सामेल भएका छन् । केन्द्र सरकारद्वारा कश्मीरी पंडितहरुको रुपमा परिचित कश्मीरी आप्रवासीहरुको स्थानान्तरण, पुनर्वास र आजीविकाको लागी छुट्टै कोष पनि छुट्याएको छ ।

दुई वर्षअघि धारा 370 खारेजको विरोधमा आवाज उठाउनेहरुले यो पुरानो संवैधानिक विशेष प्रावधानलाई हटाउनु किन आवश्यक थियो भन्ने तथ्यलाई राम्रोसित अनि छिट्टो बुझ्दै आएका छन् ।

आलोचकहरुले अब यो तर्क बुझिसकेका छन् कि धारा ३७० लाई खारेज गर्नु किन आवश्यक थियो ? यो लद्दाख र जम्मूका जनतासहित सबै सीमान्तकृत समुदायहरुलाई न्याय गर्नको लागी गरिएको हो । लेह र लद्दाखमा बौद्ध समुदाय जसले आफूहरूलाई सधैं उपेक्षित र बेवास्ता गरिएको महसुस गरिरहे थिए, हालमा भएको क्षेत्रको राजनैतिक र भौगोलिक पुनर्गठनले उनीहरुलाई आफ्नो भाग्य चलाउन मद्दत गरिरहेको अनुभव गरिरहेका छन् ।

लेह र लद्दाखका बौद्ध समुदाय मात्र होइन, गुर्जर बकरवाल, गोर्खा समुदाय, सिख, वाल्मीकी र पश्चिमी पाकिस्तानका शरणार्थी, जो सबै भेदभावपूर्ण कानूनको शिकार भएका थिए, नयाँ कानून लागू भएपछि उनीहरु अब धेरै उत्साहित भएका छन् । जम्मूका बासिन्दाहरुलाई पनि लाग्थ्यो कि जम्मू सधैं धन र स्रोतहरुको लागी बेवास्ता गरिएको थियो, अब उनीहरुले यो महसुस गर्न थालेका छन् कि पुनर्गठनले विकास ल्याइरहेको छ। धारा ३७० लाई खारेज गर्ने कार्यमा भाजपाको मात्र समर्थन थिएन । कांग्रेसका बरिष्ठ नेता र पूर्व प्रधानमन्त्री मनमोहन सिंहले पनि समर्थन जनाएर उनी सर्वोच्च स्थानमा उभिएका थिए । जब उनले भनेका थिए, “धारा ३७० लाई खारेज गर्ने अनि नयाँ कानून लागू गर्ने कार्यमा कांग्रेसको सैद्धान्तिक समर्थन रहेको छ ।”

धेरै युवा कांग्रेस नेताहरुले, आफ्नो पार्टीको केन्द्रिय समितिले उठाएको पाइलाको विरोध गरे तापनि, व्यक्तिगत रूपमा ऐतिहासिक सुधारको समर्थन गरे । जम्मू र कश्मीर जो अन्यथा सबै गलत कारणहरुले सधैं समाचारहरूको हेडलाइन्समा आउने गर्थ्यो, हाल विकासको बाटोमा द्रूतगतिमा दौडिरहेको छ । अहिलेसम्म सीमान्तकृत जनता र समुदायले वास्तविक स्वतन्त्रताको स्वाद लिन थालेका छन् ।

लोकतन्त्रको अर्थ समावेशिता हो र जबसम्म सरोकारवालाहरुलाई त्यसको सञ्चालन समूहमा लिएर उनीहरुलाई राष्ट्रको बिकासको पक्षमा उभ्याइँदैनन् तबसम्म उनीहरुलाई कहिल्यै थाहा पनि हुँदैन कि देश अरुहरूको जस्तै उनीहरुको पनि हो । धारा ३७० को खारेजले भेदभावका सबै ढोकाहरू बन्द गरिएको छ । विगत दुई बर्षदेखि केन्द्र शासित प्रदेशहरु जम्मू कश्मीर र लद्दाखको जनताले शान्तिपूर्ण वातावरणमा जीवन विताइरहेको छ अनि राष्ट्र निर्माणमा आफ्नो सर्वश्रेष्ठ समय खर्चिरहेको छ ।।

हिन्दुराष्ट्र स्वाभिमान जागरण अभियान पर्सामा गठन

0

वीरगंज । नेपाललाई हिन्दुराष्ट्र कायम गराउँन हिन्दुराष्ट्र स्वाभिमान जागरण अभियान पर्सामा गठन गरिएको छ । गाउँ गाउँ हामी जाऔं—आफनो धर्म आर्फै बचाऔ, धर्म रिपेक्षतालाई डाँडो कटाऔं हिन्दुराष्ट्र पुन लेखाऔं भन्ने मुल नाराका साथ हिन्दुराष्ट्र स्वाभिमान जागरण अभियान अन्तरर्गत पर्सामा गठन गरिएको हो ।

विश्व हिन्दु परिषदले विभिन्न हिन्दुवादी संघ सगठनको शुक्रबार वीरगन्जमा गराएको भेलाले पूर्व प्रधानाध्यापक सत्रुधन गिरीको संयोजगत्वमा ६ सदस्यीय हिन्दुराष्ट्र स्वाभिमान जागरण अभियानको पर्सा जिल्ला तदर्थ समिति गठन गरिएको हो ।

नव गठित तदर्थ समितिको सदस्यमा अधिवक्ता विजय कुमार, उपभोक्ता मंचका धिरज शर्मा, अधिकारकर्मी जयकरण मिश्र र सुनिल मल्लिक रहेका छन । तदर्थ समितिले एक महानगरपालिका, ३ नगरपालिका र १० गाउँपालिकामा संगठन विस्तार समितिको मुल रुप दिने संयोजक गिरीले बताए ।

नव गठित तदर्थ समितिका संयोजक गिरीले जिल्लाभर सुतेको हिन्दुलाई जागरुक बनाई आफनो धर्म र संस्कृतिको रक्षाको निम्ती नेपाललाई पुन हिन्दुराष्ट्र कायम गराई हिन्दुराष्ट्र स्वाभिमान जागरण अभियानलाई सफल बनाउँन प्रतिबद्धता जनाए ।

भेलालाई सम्बोधन गर्दै अभियानका अभियानता तथा विश्व हिन्दु परिषद संगठन मन्त्री जितेन्द्र कुमार सिंहले नेपाललाई पश्चिमि मुलुकको ईसारामा जबरजस्ती धर्मनिरपेक्ष बनाईएको आरोप लगाए ।

उनले भने, मुलुकका प्रमुख राजनितिक दलहरुले युरोपियन डलरमा आफनो धर्म संस्कारलाई नै बेचेर जबरजस्ती हिन्दुराष्ट्र खारेज गरेका हुनाले नेपाललाई पुन हिन्दु राष्ट्र कामय गराउँन देशभरीको हिन्दु समाज सगठित हुनुपर्छ ।

धर्मनिरपेक्षताको आड्मा मुलुकमा बढ्दै गएको ईसाई र मुस्लीमिकरणका कारण हिन्दुधर्म नै संकटमा पर्न थालेको भन्दै नेपालमा रहेको ९४ प्रतिशत ओमकार परिवारले समयमै सचेत भई आफनो धर्मको रक्षाको निम्ती पनि अगाडी बढ्नु पर्नेमा जोड समेत उनले दिए ।

हिन्दु स्वयंसेवक संघ पर्साका संघचालक ललन द्धिवेद्धीको संयोजगत्वमा सम्पन्न भएको भेलामा विभिन्न हिन्दुवादी संघ संगठन, संचारकर्मी लगायतको सहभागिता रहेको थियो ।

प्रभु साहकाे पहलमा पर्सामा पनि आइटी आर्मी गठन

0

वीरगंज । नेकपा (एमाले) का नेता एवं पूर्वमन्त्री प्रभु साहले सूचना प्रविधिको प्रयोग गरेर नयाँ युग निर्माण गर्ने लक्ष्यका साथ आईटी आर्मी गठन गरिएको बताएका छन् । 

शुक्रबार वीरगञ्जको होटेल पदम पार्टीमा आयोजित आइटी आर्मीकाे प्रथम जिल्ला भेलालाई सम्बोधन गर्दै पुर्वमन्त्री साहले यस्तो बताएका हुन । पुर्वमन्त्री साहले आईटी आर्मीले मुलूकमा व्याप्त दुराचार, भ्रष्टाचार, बेथितीको विरुद्ध संघर्ष गर्दै बिधमान राजनीतिक संकटको सामना गर्ने दिशामा महत्वपूर्ण भूमिका खेल्ने बताए ।

उनले वर्तमान अस्पष्ट व्यवस्थाले मच्चाएको अस्थिरता र अराजता तथा सामन्तवादको बाँकी रहेको अवशेषले समाजमा फैलाएको भ्रमलाई निस्तेज गर्ने कार्यमा समेत आईटी आर्मी सफल हुने बताए । 

भेलाले संताेष पटेलकाे संयाेजकत्वमा ५१ सदस्यीय आईटी आर्मीकाे पर्सा जिल्ला कमिटी गठन गरेकाे छ ।

भेलामा प्रदेश सभा सदस्य कुन्दन कुशवाहा, नेता इशलाम हवारी,  उमेश कुशवाहा, अमिताभ बचन दास लगायतकाले मन्तव्य राखेका थिए भने कार्यक्रमकाे संचालन सुनिल राैनियारले गरेका थिए ।

रौतहटमा मानव अधिकार अनुगमन समिति गठन, संयोजकमा झा

0
रौतहट । रौतहटमा मानव अधिकार अनुगमन समिति गठन गरिएको छ । जिल्लामा पछिलो समय मानव अधिकार उल्लंघनका घटना बढेको र दोषी उन्मुक्ति पाउन थालेपछि त्यसलाई रोकथाम तथा नियन्त्रण गर्नका लागि ७ सदस्यीय जिल्ला स्तरीय मानव अधिकार अनुगमन समिति गठन गरिएको वताइएकाे छ ।
 
रास्ट्रिय मानव अधिकार आयोगका प्रतिनिधि अर्थात मानव अधिकार अधिकृत मनमाया राणाको विशेष उपस्थितीमा नेपाल पत्रकार महासंघ रौतहट शाखाको कार्यालय गौरमा शुक्रवार बसेको बैठकले उक्त समिति गठन गर्ने तथा पदाधिकारी चयन गर्ने निर्णय गरेको हो ।
 
बैठकबाट समितिको संयोजकमा नेपाल पत्रकार महासंघ रौतहटका अध्यक्ष प्रेमचन्द्र झालाई चएन गरिएको छ । अध्यक्ष झाको संयोजकत्वमा गठित मानव अधिकार अनुगमन समितिको सदस्यहरुमा नेपाल वार एसोसिएसनका जिल्ला अध्यक्ष राजाराम यादव, गैर सरकारी संस्था महासंघका अध्यक्ष रामपुकार यादव लगाएतलाई सर्वसहमतिले चयन गरिएको छ । 
 
जिल्लामा केही दिनयता घरेलु हिंसा, बलात्कार, यौन दुव्र्यवहार, वालविवाह, गालीगलौज, कुटपिट लगाएतका घटनामा वृद्धि भएको छ । यस्ता घटनाका दोषी कार्यवाहीको भागिदार हुनुपर्नेको सट्टा उन्मुक्ति पाउने गरेको र पिडितले न्याय नपाउने प्रवृति बढेको छ । तर अब कुनै पनि घटनाका पिडितलाई जसरी पनि न्याय दिलाउने र पिडक अर्थात दोषीलाई कानुनी कार्यवाही गर्नका लागि दवाव सृजना गर्ने काम यो गठित समितिले गर्ने नवगठित समितिका संयोजक एवं पत्रकार महासंघ राैतहटका अध्यक्ष प्रेमचन्द्र झाले बताए ।
 
जिल्लामा अब कुनै पनि घटना भए घटनास्थल पुगेर अनुगमन गर्ने र सत्य तथ्य पता लगाउने, पैरवी गर्ने, त्यसको पुर्ण विवरण सहितको प्रतिवेदन सम्बन्धित ठाउँमा पठाउने काम आफुहरु गर्ने मानव अधिकार अनुगमन समितिका संयोजक झाले बताए ।
 
कुनै पनि घटनाको सत्य तथ्य पत्ता लगाई दोषीलाई कार्यवाही र पिडितलाई न्याय दिलाउनका लागि दवाव सृजना गर्ने काम आफुहरु गर्ने भएको हुँदा अबदेखी कुनै पनि अपराधीले अपराध गरेर उन्मुक्ति पाउन नसक्ने उनले बताए ।