[real3dflipbook id=”156″]
अध्यक्ष चौरसियाको व्यापक भ्रष्टाचार बिरुद्ध युवाहरुको प्रदर्शन
पर्साको पकहा मैनपुर गाउँपालिकाका अध्यक्ष बिजय चौरसियाको व्यापक भ्रष्टाचारको बिरुद्धमा युवाहरुले बिरोध प्रदर्शन गरेका छन् । गाउँपालिका अध्यक्ष चौरसियाले पालिकामा व्यापक अनियमितता गरी भ्रष्टाचार गरेको भन्दै सो गाउँपालिकाका करिब सयौंभन्दा बढि युवाहरुले आज बिरोध प्रदर्शन गरेका हुन ।
पकहा मैनपुरका गाउँपालिकाकाको वडा नं. १ देखी ५ सम्मका युवाहरुले पकहा मैनपुर चौकदेखी सयौंको संख्यामा मोटरसाईकल ¥याली निकाली गाउँपालिका अध्यक्ष चौरसियाको बिरुद्धमा भ्रष्टार बन्द गर, भान्जाको नियुक्ति खारेज गर, उपभोक्ता समिति पारदर्शि गर जस्ता विभिन्न नारा लेखिएको प्ले कार्डसहित गाउँपालिका परिक्रममा गरी बिरोध गरेका हुन ।
मोटरसाईकल ¥यालीसहित युवाहरुको ¥याली पालिकाको सबै वडा परिक्रमा गरी गाउँपालिका कार्यालय अगाडी कोण सभामा परिणत भएको थियो । कोणसभालाई सम्बोधन गर्दै नेकपा एमालेका गाउँपालिका संयोजक अकलेश साह, नेविसंघका राकेश कुशवाह र जसपका युवा नेता नवलकिसोर पटेल लगायतकाले गाउँपालिका अध्यक्षले गरेको भ्रष्टाचारको बिरोधमा मन्तव्य राखेका थिए ।
प्रहरीको साहार लिएर केही ढिलो गाउँपालिका अध्यक्ष चौरसियाले युवाहरुको १५ बुंदे ज्ञापन पत्र बुझेका थिए । सोही क्रममा कर्मचारी र युवाबिच भनाभन हुँदै समान्य झडप समेत भएको थियो । नेपाल प्रहरी र सशस्त्र प्रहरीले भिडलाई नियन्त्रण गर्दै भडकाउ भएको स्थितलाई समान्य बनाएको थियो ।
भारतीय स्वतन्त्रतामा नेपालको योगदानको चर्चा, नेपाली पत्रकार टोलीलाई भारतमा ठाउँठाउँमा स्वागत
बैशाली (भारत), २५ साउन । भारतले आफ्नो ७५ औं स्वतन्त्रता दिवस अर्थात १५ अगस्त नजिकिदैे गर्दा त्यहाँको बिहार प्रान्तको ऐतिहासिक शहर बैशालीमा आयोजित एक कार्यक्रमका सहभागिहरुले भारतको स्वतन्त्रता आन्दोलनमा नेपाली जनता र नेताहरुको पनि योगदान रहेको चर्चा गरेका छन् ।
महात्मा गान्धीले ब्रिटिश शासनको बिरुद्धमा ‘भारत छोडो’ आन्दोलन अगस्त ९ तारेखका दिन सुरु गरेको दिवस पारी मिडिया फोर बोर्डर हार्मोनी बैशाली शाखाले आयोजन गरेको मैत्री संवाद कार्यक्रममा सहभागिहरुले यस्तो चर्चा गरेका हुन । आयोजकले नेपालबाट पुगेका ११ जना पत्रकारसहित १४ सदस्यीय टोलीलाई स्वागत तथा सम्मान गरेका थिए ।
‘हामी भारतबासी जनता अहिले जुन ७५ औं स्वतन्त्रता दिवस मनाई राखेका छौं त्यसलाई प्राप्त गर्न भएका भारतीय स्वधीनता आन्दोलनमा नेपालीहरुको पनि योगदान छ । त्यसको लागि हामीले यहाँहरुलाई सम्मानित गर्दछौंं,’ कार्यक्रमको अध्यक्षता गरेका आयोजक संस्थका अध्यक्ष प्रभातकुमारले भने, ‘किनकी छिमेकी मित्रराष्ट्र नेपालप्रति हाम्रो बिशेष सम्मान छ । त्यसतै विश्वलाई शान्तिको ज्ञान दिने भगवान बुद्धप्रति र नेपालका बिषेश्वरप्रसाद कोइरलालगायत तमाम प्रजातन्त्रवादी नेताहरुप्रति सम्मान प्रगट गदैछौं ।’
नेपालको प्रजातन्त्र प्राप्तिको आनदोलनमा भारतीयहरुको योगदान पनि त्यतिकै महत्वपुर्ण रहेको भन्दै वक्तहरुले यसलाई ऐतिहासिक, समाजिक, संस्कृति र भौगोलिक साझापनाको संज्ञा दिए । यसकै कारणले नेपाल र भारतको सम्बन्ध आफैमा बिशिष्ठ खालको भएको उनीहरुले बताएका थिए । बैशालीका वरिष्ठ पत्रकार अनिल कुमारले नेपाल र भारतको सम्बन्ध प्रचीन कालदेखि रहीआएको बताए । बैशाली नगर यस सम्ँबन्धको पुरानो साक्षी भएको उल्लेख गर्दै उनले भगवान बुद्ध र महाबिरको कालखण्डलाई पनि स्मण गरे ।
नेपालबाट गएको पत्रकारसहितको टोलीलाई सन १८१६ मा ऐतिहासिक सुगौली सन्धी भएको ठाउँ सुगौलीमा मिडिया फोर बोर्डर हार्मोनीको स्थानीय शाखाले स्वागत गरेर बैशालीतर्फ प्रस्थान गराएको थियो । त्यसपछि संस्थाको मुजफरपुरस्थित मुख्य कार्यालयले चियापान आयोजन गरर स्वागत गरेको थियो । अपहरान्नमा बैशालीमा उक्त कार्यक्रम आयोजित भएको थियो ।
कार्यक्रमा बोल्दै नेपालका पत्रकार बृजलाल पसवान, मनोज पटेल, नरेश सर्राफ,अमित साह, शम्भु कुमार सुमन, अजय चौरसिया, हरीशंकर शर्मा, संतोष साह, उदय दास लगायतले नेपाल भारत सम्बन्ध थप सुदृढ बनाउदै लैजानु पर्ने बताए । टोलीमा सहभागि पत्रकार विनोद पटेलले आफुहरु अगामी १० दिनसम्म भारतमा यात्रामा रह्ने बताए ।
बहुदरमाईबाट लागु औषध गाँजा बरामद
वीरगंज । पर्साकाे बहुदरमाई नगरपालिकाकाे एक घरुबाट लागुु औषध गाँजा बरामद भएकाे छ ।
इलाका प्रहरी कार्यालय पाेखरियाबाट खटिएकाे प्रहरी टाेलीले बहुदरमाई नगरपालिकाकाे वडा नं. ९ स्थित असगर देवान भन्ने नैमाेदिन देवानकाे घरबाट ३५ किलाे लागुऔषध गाँजा बरामद गरेकाे हाे ।
सूचना परिचालन र प्रहरी कारवाहीको सिलसिलामा साे ठाउँमा लागु औषध गाँजाको ओसारपसार हुने गरेकाे सूचना प्राप्त भई ईलाका प्रहरी कार्यालय पोखरियाबाट खटिएको टोलीले आइतबार ०३:०० बजे छापा हानेकाे थियाे ।
प्रहरी टोलीलाई देख्नासाथ देवान भागी फरार भएको र निजको घरकोठा रीतपूवर्क खानतलासी गर्दा निज सुत्ने कोठाभित्र जस्ताको बक्सामुनी लुकाइछिपाई राखिएको लागु औषध गाँजा २० के.जी. र भन्साकोठामा राखिएको गाँजा १४ के.जी. गरी जम्मा ३४ के.जी. लागु औषध गाँजा फेला प्रहरीले जनाएकाे छ ।
बरामद उक्त गाँजा ईलाका प्रहरी कार्यालय पोखरियामा ल्याई लागु औषध सम्बन्धी मुद्दामा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।
साथै निज असगर देवान भन्ने नैमोदिन देवानको तदारुक्ताका साथ खोजतलास भइरहेको उनले जानकारी गराए ।
सुन र चाँदीका गर गहनासहित एक जना पक्राउ
वीरगंज । भारतबाट अवैधरूपमा सुन र चाँदीका गरगहानाहरु ल्याउँदै गरेका एक जनालाई प्रहरीले पक्राउ गरेकाे छ ।
ईलाका प्रहरी कार्यालय पोखरियाको चेकिङ टोलीले आइतबार विहान ०९:१५ बजे पर्साकाे जगरनाथपुर गाउँपालिका वडा नं.२ निवासी १९ बर्षिय साेनु कुमार साेनारलाई प्रहरीले पक्राउ गरेकाे हाे ।
जगरनाथपुर गाउँपालिकाकाे वडा नं. २ स्थित सडक खण्डमा शंकास्पदरूपमा पैदल हिंडिरहेका निम्न व्यक्तिलाई रोकी निजको तलासी लिँदा निजले बोकेको कालो रंगको ब्यागभित्र चाँदी जस्तो देखिने धातुबाट बनेको तयारी गरगहनाहरू १ के.जी.९७० ग्राम र सुन जस्तो देखिने धातुबाट बनेको तयारी गरगहनाहरू १४.४०० मिली ग्राम फेला परेको प्रहरीले जनाएकाे छ ।
निजलाई उक्त सुन चाँदीसहित नियन्त्रणमा लिई आवश्यक कारवाहीको लागि राजश्व अनुसन्धान कार्यालय पथलैया, बारामा बुझाउने कार्य भइरहेको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।












