Date
बिहि, मंसिर ३, २०८३
Thu, November 19, 2026
Home Blog Page 777

वयोधा अस्पतालकाे आयाेजनामा विश्व मुटु दिवस मनाइयाे

0

दिपेन्द्र यादव/
बारा । बाराकाे सिमरामा विश्व मुटु दिवस मनाइएकाे छ । नारायणी वयोधा अस्पताल वीरगंजकाे आयोजनामा सिमरा चोकमा जनचेतनामूलक कार्यक्रम गरि दिवस मनाइएको हाे ।

सिमरा चोकबाट निस्केकाे चनचेतनामूल र्‍याली टेलीकॉम चोक, विमान स्थल रोड हुँदै पुनः सिमरा चोकमा पुगी समापन भएको थियो ।

विश्व स्वास्थ्य संगठनको तथ्यांक अनुसार विश्वमा कुल जनसंख्याको ८० प्रतिशत र नेपालमा गरिएको अध्ययन अनुसार दुई तिहाई नेपालीहरु मुटुको रोग, मधुमेह, मृगौलाको रोग क्यान्सर लगायतका नसर्ने रोगको जोखिमबाट ग्रसित छन । नसर्ने रोगहरुबाट उत्पन्न हुने स्वास्थ्य जटिलता र कुल मृत्युदरमा मुटुरोग प्रमुख कारक तत्व रहेको विश्वभरिका अनुसन्धानहरुले देखाएका छन ।

मुटुरोगबाट जोगिने प्रमुख उपायहरुमा स्वस्थ्यकर जीवनशैली सन्तुलित भोजन, प्रशस्त शारीरिक व्ययाम, धुम्रपान र मध्यपान सेवन नगर्ने, दैनिक पाँच ग्राम भन्दा धेरै नुन सेवन नगर्ने र नियमित रक्तचाप चेकअप आदि पर्दछन् ।

विश्व मुटु दिवसलाई मध्यनजर गर्दै वयाेधा अस्पतालले २०७८ असोज ६ गतेदेखी १३ गते सम्म बिभिन्न ठाउँमा सचेतना मुलक कार्यक्रम “स्वस्थ मुटु सशक्त जीवन” मूल नारा सहित वॉक ए थान कार्यक्रम गरी मनाइरहेकाे अस्पतालका बजार प्रतिनिधि कृष्ण साहले जानकारी दिए ।

देशव्यापी गरिने यस प्रकारका जनस्वास्थ्य सम्बन्धी राष्ट्रिय अभियानलाई राज्यले देशको स्वास्थ्य प्रणालीमा समाहित गर्दै दीर्घकालीन रुपमा सरकारले नेतृत्व लिनु पर्दछ तथा अनुसन्धानबाट प्राप्त नतिजालाई मुटुरोगको नियन्त्रणको लागि निर्माण गरिने स्वास्थ्य नीतिको प्रमाणको रुपमा उपयोग गरिनु पर्ने उनले वताए ।

अस्पतालका मुटु रोग बिसेशज्ञ डा. राधा भट्टाराईकाे अध्यक्षतामा भएकाे कार्यक्रममा अस्पतालका स्वास्थकर्मी, स्थानीय युवा तथा बिभिन्न संघ संस्थाका प्रतिनिधिहरुको सहभागिता रहेको थियो ।

पटेर्वा सुगौलीकाे ७ विद्यालयका १९० छात्राले पाए साइकल

0

वीरगंज । प्रदेश नं.२ सरकारको मुख्यमन्त्री “बेटी पढाउ, बेटी बचाउ” अभियान अन्तर्गत पर्साकाे पटेर्वा सुगौली गाउँपालिका वडा नं. ४ मा रहेकाे श्री जनता अधारभुत विद्यालय पथरैयाकाे कक्षा-८ मा अध्ययनरत ६ जना छात्राहरुलाई साईकल वितरण गरिएको छ ।

यस अघि श्री नेपाल राष्ट्रिय मा. बि. निचुटामा ४४ थान, नेपाल राष्ट्रिय मा. बि. सुगौलीमा ५१ थान, नेपाल राष्ट्रिय आ. बि. पटेर्वामा ८ थान, नेपाल राष्ट्रिय आ. बि. लक्षमिपुरमा १८ थान, नेपाल राष्ट्रिय आ. बि. बेलवामा १७ थान, नेपाल राष्ट्रिय मा. बि. रङ्गपुरमा ४६ थान गरि पटेर्वा सुगौली गापाको ७ बिधालयमा १९० थान साइकल  वितरण जसपाका युवा नेता शिव कुमार साहले जानकारी दिए ।

श्री जनता आधारभुत बिधालय पथरैयाको अध्यक्ष रामेश्वेर राउतको अध्यक्षतामा भएको साइकल वितरण कार्यक्रममा जसपाका पर्सा जिल्ला अध्यक्ष रामनरेश यादव, प्रदेश सदस्य दिपक यादव, क्षेत्रिय अध्यक्ष नगेन्द्र यादव, युवा नेता शिव कुमार साह र पालिका शिक्षा प्रमुख सम्भु साह तेलिले मन्तव्य ब्यक्त गरेका थिए ।

कार्यक्रममा जसपा नेपालको स्थानीय नेता रसिद मिया, नेपाल शिक्षक महासंघ पटेर्वा सुगौली गाउँपालिका अध्यक्ष मोहन दास, प्र.अ. लक्षमी नारायण ओझैया, इलाका प्रहरी पथरैयाका प्रहरी सहायक निरीक्षक कृष्ण यादव, बिधालयका शिक्षक र बिद्यार्थी एवं स्थानीय नागरिकको सहभागिता रहेको थियो ।

थारु गीत ‘ओ सजन’ बोलको गीत सार्वजनिक

0

चर्चित गायक नरेश जोगी र चर्चित गायिका अन्नु चौधरीको थारु गीत ‘ओ सजन’ बोलको गीत सार्वजनिक भएको छ ।

पिके फिल्मस् युट्युब च्यानलबाट सार्वजनिक गरिएको गीतमा गायक नरेशको शब्द तथा सङ्गीत छ । गीतलाई गणेश चौधरीले एरेञ्ज गर्नुभएको छ ।

म्युजिक भिडियोमा रियल हिरो अभिनेता पल शाह र कविता राय फिचर्ड हुनहुन्छ । पल र कवितासँगै कृष्ण जोशीको पनि अभिनय भिडियोमा देख्न सकिन्छ ।

विक्रम चौहानले निर्देशन तथा कोरियोग्राफ गरेको म्युजिक भिडियोमा पल र कवितालाई थारु समुदायको बिहेको भेषमा पनि देख्न सकिन्छ ।

लागु औषधसहित अलाैंका २ जना पक्राउ

0

वीरगंज । पर्सा प्रहरीले लागु औषधसहित  दुई जनालाई पक्राउ गरेकाे छ । लागु औषध नियन्त्रण व्यूरो तथा प्रहरी चौकी बसपार्कबाट खटिएको संयुक्त टोलीले वीरगंज महानगरपालिकाकाे वडा नं.१७ अलौं बस्ने वर्ष ३९ को  बिनोद दास हरिजन र वडा नं.१७ कै सिमान टोल बस्ने वर्ष २३ को सुनिल साहलाई नियन्त्रणमा लिएकाे हाे ।

बिशेष सूचनाको अधारमा संयुक्त टाेलीले शुक्रबार दिउसाे १:३० बजे वीरगञ्ज महानगरपालिकाकाे वडा नं.१५ बसपार्कस्थित सडकखण्डबाट दुबै जनालाई लागु औषधसहित दुबै जनालाई पक्राउ गरेकाे जिल्ला प्रहरी कार्यालय पर्साले जनाएकाे छ ।

ना.३५ प ४०४८ नम्बरको कालो सुपर स्प्लेण्डर मोटरसाइकललाई रोकी जाँच गर्दा मोटरसाइकलकाे पछाडि बसेकाे बिनोद दास हरिजनले बोकेको कालो प्लाष्टिकको झोलामा लुकाइछिपाई ल्याएको लागु औषध नाईट्राभेट ट्याब्लेट एक हजार ४ सय ७० पिस फेला परेको जिल्ला प्रहरी कार्यालय पर्साका प्रबक्ता एवम् प्रहरी नायब उपरिक्षक ओमप्रकाश खनालले जानकारी दिए ।

पक्राउ परेका दुबै जनालाई बरामद लागु औषध र माेटर साइकललाई जिल्ला प्रहरी कार्यालयमा राखी लागु औषध सम्बन्धी कसूरमा अनुसन्धान अगाडि बढाइएको उनले वताए ।

नेकपा (एकिकृत समाजवादी) पर्साद्वारा संगठन विस्तारमा तिब्रता

0
वीरगंज । नेकपा (एकीकृत समाजबादी) पर्साले संगठन विस्तारलाई तिब्रता दिएकाे छ । जिल्ला कमिटीकाे सपथ ग्रहण र विभागिय जिम्मेवारी वाँडफाडपछि विभिन्न पालिकामा संगठन विस्तारमा नेताहरु जुटेका छन् ।
 
नेकपा एकिकृत समाजवादीकाे पकाहा मैनपुर गाउँपालिकामा शुक्रबार गाउँपालिका कमिटी गठन भएकाे छ । पकहा मैनपुर गाउँपालिकाको वडा नं. ४ लाहावरथकरीमा भएको गाउँ भेलाले मदन हजारा पासवानको अध्यक्षतामा ५५ सदस्यीय कमिटी गठन गरेकाे हाे ।
 
नव गठित कमिटीको उपाध्यक्षमा हमिद मियाँ, सन्तोष चौरसिया, सचीवमा रामसेवक पाण्डे, सह – सचीवमा रामप्रबेस राम, खुबलाल राम, सदस्यहरुमा सुखाडि महतो, साधु राम, कमरुल हाेदा मियाँ, श्यामबाबु ठाकुर, बदरी देवान, फाजनिती ठाकुर, दिलिप शर्मा, महेन्द्र पासवान, जाेखन साह, श्यामबाबु प्रसाद चाैरसिया, महेन्द्र कुशवाहा लगायतका रहेका छन् ।
 
पार्टीका जिल्ला कमिटी सदस्य प्रभु कुर्मीको अध्यक्षता र पार्टीका पर्सा अध्यक्ष बालगोपाल थापाकाे प्रमुख आतिथ्यतामा भएकाे भेलामा प्रदेश कमिटी सदस्य किशोरी कुशवाहा, जिल्ला सचिवालय सदस्यहरु बृजलाल पासवान, राघव साह, मोहन यादव लगायतकाले शुभकामना मन्तव्य ब्यक्त गरेका थिए भने कार्यक्रमकाे संचालन हमिद मियाँले गरेका थिए ।
 
यस्तै, बहुदरमाई नगरपालिकाकाे वडा न. ४ मा नेकपा (एकिकृत समाजवादी) कमिटी शुक्रबार गठन भएको छ । बहुदरमाई नगरपालिकाकाे वडा नं. ४ स्थित बिश्रामपुरमा भएको वडा भेलाले चन्द्रिका प्रसाद कलवारको अध्यक्षतामा ३५ सदस्यीय वडा कमिटी गठन गरेको हो ।
 
नव गठित कमिटी वडा कमिटीको उपाध्यक्षमा बिरेन्द्र यादव, सचिवमा डा. कमोद ठाकुर, सह-सचीवमा सन्जय कलवार र सदस्यहरुमा नवदिन राय भट, जितेन्द्र कुशवहा, ध्रुप सागर गुप्ता, भगवान साह तेलि, हेवन्ती देबी, फुलमती देबि, जितेन्द्र कुशवाहा, सन्जय साह रौनियार लगायतका रहेका छन् ।
 
उक्त भेलामा नेकपा एकिकृत समाजवादीकाे प्रदेश कमिटी सदस्य किशोरी कुशवहा, जिल्ला सचिवालय सदस्य एवं बहुदरमाइ नगरपालिका अध्यक्ष मोहन यदाव, सचिव ब्रहमदेव गुप्ता लगायतले शुभकामना मन्तव्य ब्यक्त गरेका थिए भने कार्यक्रमकाे संचालन डा. कमोद ठाकुरले गरेका थिए ।
 
यस अघि बहुदरमाई नगरपालिका र बिन्दवासिनी गाउँपालिकामा गाउँ कमिटी गठन भइसकेकाे छ । शनिबार सखुवाप्रसाैनी गाउँपालिकामा र वीरगंज महानगरपालिकाकाे वडा नं. १७ र २१ मा कमिटी गठन गर्ने कार्यक्रम रहेकाे जिल्ला कमिटीका सचिवालय सदस्य बृजलाल पासवानले जानकारी दिए ।

पटेर्वा सुगौलीको सातौं गाउँ सभा सम्पन्न

0

वीरगंज । पर्साको पटेर्वा सुगौली गाउँपालिकाको सातौं गाउँ सभा बिहिबार सम्पन्न भएको छ । 

गाउँपालिका अध्यक्ष हरिनारायण चौधरीको अध्यक्षतामा भएकाे गाउँ सभामा आर्थिक बर्ष २०७८/०७९ को लागि ३६ करोड ८९ लाख २६ हजार ९ सय १३ रुपैया बराबरको बजेट गाउँपालिकाकी उपाध्यक्ष ममताको महतोले प्रस्तुत गरेकी छिन् । गाउँ सभाले चालु आर्थिक बर्षमा संचालनको हुने योजनाहरुलाई समेत पारित गरेको छ ।

सभाले चालु आर्थिक बर्षमा शिक्षा,स्वास्थ्य, कृषि, भौतिक पूर्वधार विकास, सडक खानेपानी, समाजिक विकास र सार्वजनिक मठ मन्दिर धार्मिक एवम् ऐतिहासिक ठाउँहरुको संरक्षण लगायतलाई विशेष प्राथमिकताकामा राखेकाे छ ।

गाउँपालिका प्राङ्गणमा भएकाे गाउँ सभामा वडाध्यक्षहरु फरमान मिया, विजय गैरे, माधव राउत, राजेश्वर महतो, मोतिलाल साह,  गाउँ कार्यपालिका सदस्य ,वडा सदस्यहरु एवम् पालिकाको कर्मचारीहरुको उपस्थिती रहेको थियो ।

कार्यक्रममा स्वागत मन्तव्य प्रमुख प्रसासकिय अधिकृत भुजेन्द्र प्रसाद यादवले गरेका थिए भने कार्यक्रमको संचालन समाजिक शाखा प्रमुख राजकुमार महतोले गरेका थिए ।

पटेर्वा सुगाैलीमा जसपाकाे संगठन विस्तार तथा सुदृढीकरण कार्यक्रम सम्पन्न

0
वीरगंज । पर्साकाे पटेर्वा सुगौली गाउँपालिकाको भथौडामा जनता समाजवादी पार्टी नेपाल नेपालको संगठन विस्तार तथा सुदृढीकरण कार्यक्रम सम्पन्न भएकाे छ ।
 
कार्यक्रमका प्रमुख अतिथि निलम्वित सांसद हरिनारायण रौनियारले पार्टीलाई अझै शसक्त बनाउन गाउँ गाउँमा संगठन बिस्तार गर्नु पर्ने वताए । उनले पार्टी भित्र रहेका राम्रो कुराहरुलाई जनतालाई बुझाउन जरुरी रहेकाे र पार्टीलाई अझै बलीयो रुपमा अगाडि बढ्नको लागि सुदृढीकरण गर्ने समेत जरुरी रहेको वताए ।
 
पार्टीका पटेर्वा सुगाैली गाउँपालिका अध्यक्ष रामधेनि यादबको अध्यक्षतामा भएकाे कार्यक्रममा पूर्व मन्त्री मोहनलाल चौधरी, अतिथि केन्द्रीय सदस्य फिरोज मंसुर, जिल्ला अध्यक्ष रामनरेश यादब, केन्द्रिय परिषद सदस्य शलाउदिन अहमद, जिल्ला सचिव तबरेज अहमद, मौलाना नुरुलहोदा, शिक्षक फोरम अध्यक्ष हरेन्द्र चौरासीया लगायतकाले मन्तव्य राखेका थिए ।

पर्सामा अन्तराष्ट्रिय सांकेतिक भाषा दिवस मनाइयाे

0

वीरगंज । पर्सामा अन्तराष्ट्रिय सांकेतिक भाषा दिवस मनाइएकाे छ । जगरनाथपुर गाउँपालिकाकाे वडा नं. २ लक्षमिपुरस्थित रहेकाे श्री नेरा प्राविमा कलर छनाैट र चित्र छनाैट प्रतियाेगिताकाे आयाेजना गरी दिवस मनाइएकाे हाे ।

दिव्य युवा क्लब र भिएसाे नेपालकाे सांझेदारीमा संचालित किशाेरी सशक्तिकरणकाे लागि शिक्षा कार्यक्रम अन्तर्गत भएकाे प्रतियाेगितामा ११ जना बहिरा बालबालिकाहरुले भाग लिएका थिए ।

कलर छनाैट प्रतियाेगितामा मुस्कान खातुन प्रथम, प्रियाँका कुमारी पटेल दाेस्राे र पुजा कुमारी तृतिय भएकाे किशाेरी सशक्तिकरणकाे लागि शिक्षा कार्यक्रमकाे परियाेजना संयाेजक गणेश ठकुरीले जानकारी दिए ।

यस्तै, कलर छनाैट प्रतियाेगितामा पनि क्रमश पहिलाे, दाेस्राे र तेस्राे उनीहरु नै भएकाे परियाेजना संयाेजक ठकुरीले जानकारी गराए ।प्रतियाेगितामा सहभागि सबै जनालाई पुरस्कार समेत वितरण गरिएकाे थियाे ।