Date
बिहि, मंसिर ३, २०८३
Thu, November 19, 2026
Home Blog Page 772

तीन चक्के टेम्पो खरिदमा फाइनान्सको सुविधा

0

वीरगन्ज । वीरगन्ज बसपार्कस्थित लक्ष्मी मोटर्स प्रा.लि. र एन.आई.सि. एसिया लघुवित्तबीच तीन चक्के टेम्पोको फाइनान्स गर्ने सहमति भएको छ । मध्यम वर्गका व्यक्तिहरुले आफ्नो टेम्पो व्यावसाय संचालन गर्नका लागि क्रेताहरुको सहयोग पुग्ने उद्देश्यले एन.आई.सि. एसिया लघुवित्तसँग टेम्पो फाइनान्स गर्ने सहमति गरेको हो ।

जे.एस.ए. अटो प्राइभेट लिमिटेडको आधिकारिक विक्रेता वीरगन्ज बसपार्कस्थित श्री लक्ष्मी मोटर्स प्रा.लि.का प्रबन्ध निर्देशक अरुण कुशवाहा र एन.आई.सि. एसिया लघुवित्त सँस्था लालबन्दीका उप निर्देशक ढाल प्रसाद तिमिल्सिनाबीच अटो टेम्पोको फाइनान्स गर्ने लिखित सहमति भएको हो ।

लक्ष्मी मोटर्स प्रा.लि.को कार्यालयमा भएको सहमतिमा विभिन्न प्रकारको १० बुंदे सहमति भएको हो, जसमा टेम्पो किन्ने क्रेताको सुविधादेखि लघुवित्तले लगानी गर्दा अपनाउनुपर्ने सुरक्षाको विषयलाई समेटिएको छ ।

मुलुकमा अधिकाँश युवाहरु बेरोजगार रहेको अवस्थामा सानै लगानीमा आफ्नो व्यावसाय शुरु गर्न सक्ने अवस्थालाई मध्य नजर गर्दै लक्ष्मी मोटर्स प्रा.लि.ले फाइनान्सको सुविधा ल्याएको प्रबन्ध निर्देशक कुशवाहाले जानकारी दिए । उनका अनुसार तीन चक्के टेम्पो खरिद गर्दा एकै पटक भुक्तानी गर्न सक्ने अवस्था नरहेको पनि व्यक्तिहरु हुन्छन्, जसले आफ्नो जीविकोपार्जनका लागि व्यावसाय संचालन गर्न चाहन्छन्, तर सवारी किन्न सक्दैनन्, त्यस्ता मध्यम वर्गका व्यक्तिहरुको सहुलियतको लागि यो फाइनान्स सुविधा ल्याइएको बताए ।

यो फाइनान्सको सुबिधाले गर्दा कुनै व्यक्तिले कम्तिमा ४० प्रतिशत नगद भुक्तान गरि फाइनान्स गराएर तीन चक्के टेम्पो किन्ने सक्ने अवस्था सृजना भएको छ । सवारी किन्दा लघुवित्त र टेम्पोको अधिकृत विक्रेताबीच भएको सहमति अनुसार फाइनान्स गराउँदा क्रेताहरुले केही शर्तहरु पनि पुरा गर्नुपर्ने निर्देशक कुशवाहाले बताए ।

यस फाइनान्सले खास गरेर मध्यम वर्गका मजदुरहरुले लाभ लिन सक्ने उनको भनाई छ । साहुको टेम्पो भाडामा लिएर चलाउने चालकहरुले पनि यो सुविधाको सदुपयोग गर्दै आफ्नै टेम्पो किन्न सक्ने वातावरण सृजना भएको बताइएको छ । श्री लक्ष्मी मोटर्स प्रा.लि. जे.एस. ए. टेम्पोको नेपालको लागि आधिकारिक विक्रेता हो ।

विजयादशमीकाे अवसरमा सरसफाई

0

वीरगंज । विजया दशमीकाे अवसरमा भन्सार एरिया टोल सुधार समितिले मंगलबार सरसफाई गरेको छ । वीरगञ्ज महानगरपालिकाकाे वडा नम्बर १६ मा गठित टोल सुधार समितिले वीरगंज भन्सार क्षेत्रमा सरसफाई गरेको हो ।

समितिका अध्यक्ष लालदेव प्रसाद यादवको अध्यक्षतामा भएको सरसफाई कार्यक्रममा वीरगंज भन्सार प्रमुख हरिहर पाैडेल, समितिका उपाध्यक्ष फरिद आलम, सचिव उमेश लामा, कोषाध्यक्ष विजय साहसँगै अन्य पदाधिकारी एवम् सदस्यहरुको सहभागिता रहेको थियाे । 

जिल्ला बचत संघकाे १४ औं स्थापना दिवस वीरगंजमा मनाइयाे

0

वीरगंज । जिल्ला बचत तथा ऋण सहकारी संघ लि. पर्साले एक कार्यक्रमकाे आयाेजना गरेर आफ्नाे १४ औं स्थापना दिवस मनाएकाे छ । स्थापना दिवसकाे अवसरमा वीरगंजमा भएकाे कार्यक्रमकाे उद्घाटन राष्ट्रिय सहकारी विकास बोर्डका पूर्व सञ्चालक समिति सदस्य शम्भु गुप्ताले गरेका थिए ।

कार्यक्रमका प्रमुख अतिथी समेत रहेका गुप्ताले शुभकामना मन्तव्य राख्दै सहकारी संघले साकोसकोहरुकाे मन जित्न सफल भएकाे वताए ।

कार्यक्रममा संघका जिल्ला अध्यक्ष राजेश पंडितले संचालक समितिले निर्णय गरेको पाँच वटा उप–समितिका पदधीकारीहरुलाई आ–आपनो जिम्मेवारी बहन गर्न आग्रह गरे ।

संघका अध्यक्ष पण्डितकाे अध्यक्षतामा भएकाे कार्याक्रमा जिल्ला कृषि सहकारी संघ लि. पर्साका अध्यक्ष शिव कुमार साह, लेखासमितिका संयोजक राजेन्द्र प्रसाद जयसवाल, राष्ट्रिय सहकारी बैक लि. वीरगंज शाखाका प्रवन्धक संजय कुमार महतो र नेफ्स्कुन फील्ड कार्यालयका इन्चार्ज बृजेश गुप्ताले मन्तव्य राखेका थिए ।

कार्यक्रमकाे स‌ंचालन संघका महासचिव जिष्णु बरालले गरेका थिए ।

मापदण्ड पालना नगर्ने चितवनका ६ मेडिकल कारबाहीमा

0

भरतपुर । चितवनको भरतपुरमा सञ्चालनमा रहेका ६ वटा मेडिकललाई स्थानीय प्रशासनले कारबाही गरेको छ ।

भरतपुरको चौबिस कोठीमा सञ्चालनमा रहेका ती मेडिकललाई कारबाही स्वरुप  पाँच हजारदेखि तीन लाख रुपैयाँसम्म जरिबाना गरिएको हाे ।

जिल्ला प्रशासन कार्यालयका मुद्दा शाखाका नायब सुब्बा गोपीचन्द्र दवाडीका अनुसार कारबाहीमा पर्नेमा नवल डेन्टल क्लिनिक, भरतपुर पोलिक्लिनिक, नवल पोलिक्लिनिक, मिराकल फर्मा, रिजन फार्मेसी र अपोलो डेन्टल छन् ।

सहायक प्रमुख जिल्ला अधिकारी चुडामणि शर्माका अनुसार नवल डेन्टल क्लिनिक, भरतपुर पोलिक्लिनिक र नवल पोलिक्लिनिकलाई  तीन/तीन लाख रुपैयाँ जरिबाना गरिएको छ ।

यस्तै, मिराकल फर्मालाई  दुई लाख ५० हजार, रिजन फार्मेसीलाई  २० हजार र अपोलो डेन्टल क्लिनिकलाई पाँच हजार रुपैयाँ जरिबाना तोकिएको उहाँले जानकारी दिनुभयो ।

मापदण्ड पूरा नगरेको, खरिद बिक्री बिल नराखेको, दक्ष जनशक्तिको नियुक्त र शैक्षिक प्रमाणपत्र नराखेको, बढी मूल्यमा औषधि बिक्री गरेको, समय सकिएका औषधि छुट्टै नराखि एकै ठाउँमा राखेको, अनुमति नलिइ सञ्चालन गरेको लगायत कारण उनीहरुलाई कारबाही गरिएको शर्माले बताउनुभयो ।

एमआईएस अपरेटर र फिल्ड सहायकहरुको समिति गठन

0

वीरगंज । धनुषामा पनि एमआईएस अपरेटर र फिल्ड सहायकहरुको समिति गठन भएकाे छ । जिल्ला समन्वय समितिको सभा हलमा भएको एमआइएस अपरेटर र फिल्ड सहायकहरुकाे भेलाले शुशिल कुमार यादवको अध्यक्षतामा १३ सदस्यीय जिल्ला समिति गठन गरेको हाे ।

जुन समितिको उपाध्यक्ष विवेक कुमार यादव, राजेश यादव, सचिव कल्पना कुमारी, सहसचिव धिरज साह, कोषाध्यक्ष सुनिल कुमार सिंह राजपुत, सदस्य अन्जु कुमारी, शिव नारायण सिंह, पुजा साह, श्रवण साह, दिपेन्द्र झा, मंकेश्वर यादव, संजय साह रौनियार रहेका छन् ।

यस्तै भेलाले बिष्णुदेव यादवको संयोजकत्वमा ३ सदस्यीय सल्लाहकार समिति पनि गठन गरेको एमआईएस अपरेटर तथा फिल्ड सहायक समिति पर्साका कोषाध्यक्ष जितेन्द्र यादवले जानकारी दिए ।

यस्तै, महोतरीमा पनि एमआइएस अपरेटर र फिल्ड सहायककाे जिल्ला स्तरिय समिति गठन भएकाे छ । रामगोपालपुर नगरपालिकाकाे सभाहलमा भएकाे एमआईएस अपरेटर तथा फिल्ड सहायकहरूकाे भेलाले प्रविण कुमारकाे अध्यक्षतामा ११ सदस्यीय जिल्ला स्तरीय समिति गठन गरेकाे छ ।

नवगठित समितिकाे उपाध्यक्ष मुकेश महतो, कोषाध्यक्ष बिनिता कुमारी यादव, सचिव सत्यम सिंह ठाकुर, सहसचिव अमरेन्द्र कुमार महतो, सदस्यमा प्रविण कुमार मंडल, सरोज कुमार पाण्डेय, दिपक यादव, विपिन कुमार पण्डित, आलोक कुमार यादव चयन भएका छन् ।

त्यसैगरी, भेलाले रामनाथ रायको संयोजकत्वमा ४ सदस्यीय सल्लाहकार समिति गठन भएको छ । जुन समितिमा भाष्कर मल्लिक, मंजु कुमारी महरा र शेष नारायण राय यादव रहेका छन् ।

धाेबिनीमा सेवा निवृत भएका शिक्षहरु गाउँपालिकाद्वारा सम्मानित

0

वीरगंज । पर्साको धोबिनी गाउँपालिकाको वडा नं. ५ धोबिनीमा साेमबार सेवा निवृत शिक्षककाे बिदाई तथा सम्मान कार्यक्रम  सम्पन्न भएको छ। धोबिनी गाउँपालिकाकाे आयाेजनामा भएकाे कार्यक्रमकाे उद्घाटन गाउँपालिका अध्यक्ष सुरेश प्रसाद कुर्मीले गरेका थिए ।

कार्यक्रमकाे उद्घाट गर्दै अध्यक्ष कुर्मीले शिक्षकहरुले दिएको शिक्षाबाट जीवन उज्यालाे हुने वताए । उनले भने “जसकाे घरमा शिक्षा छैन, त्यको घर अन्धकारमा रहेको छ । जसकाे घरमा शिक्षा छ, उसकाे घरमा उज्यालो छ ।”

त्यँही भएर शिक्षा दिएर भविष्यलाई उज्यालो बनाउने शिक्षकहरुलाई जहिले पनि सम्मान गर्नु पर्छ । उनले छोरा र छोरा बिच भेदभाव नगरी एक सम्मान विद्यालय पठाउन अभिभावकहरुलाई आग्रह समेत गरे ।

आफ्नाे पहिलो प्राथमिकता शिक्षा र स्वास्थ्य रहेको वताउँदै अध्यक्ष कुर्मीले गाउँपालिकाका तीन वटा माध्यमिक विद्यालयमा प्लस २ थप गरिएकाे वताए । उनले शिक्षक कमि रहेकाे विद्यालयहरुमा छिट्टै नै शिक्षक पदपुर्ती गरी चाँडै शिक्षालाई प्रभावकारी बनाउने प्रतिबद्धता समेत जनाए ।

नेपाल शिक्षक संघ धोबिनी गाउँपालिकाका अध्यक्ष आरिफ हुसेन अंसारीको अध्यक्षतामा भएको कार्यक्रममा १५ जना सेवा निवृत शिक्षक र दुई जना कार्यालय सहयोगीहरुलाई बिदाई तथा सम्मान गरिएकाे थियो ।

कार्यक्रममा श्री काली प्रसाद लाखे माविका गोरख नाथ तिवारी, कमलेश चौरसिया, शिवलाल साह, जगदिश प्रसाद कुर्मी, अन्य विद्यालयहरुबाट धुरुप साह कानु, धुरुप प्रसाद कुर्मी, अमरुलाह अालम, सुर्यनारायण महतो, जगदिश महतो, सुरेन्द्र पाण्डे, हरेन्द्र प्रसाद साह, अबदुलाह मियाँ , रैसुल अाजम, लक्ष्मी प्रसाद कुर्मी, सरजुग बैठा, सेवा निवृत भएका शिक्षकहरुलाई सम्मान गरिएकाे थियाे ।

यस्तै, सेवा निवृत भएका विद्यालयका कार्यालय सहयाेगी अदालत कुर्मी र असोक साह कानुलाई पनि सम्मान गरिएकाे थियाे ।

कार्यक्रममा उपाध्यक्ष पारसनाथ प्रसाद कुर्मी, प्रमुख प्रसासकिय अधिकृत राजु साह, वडाध्यक्ष मनाउर मियाँ, राजकिशाेर पटेल, ललन कुर्मी, नेपाल शिक्षक संघ पर्साका अध्यक्ष प्रदिप जैसवाल, नेपाल शिक्षक संगठनका अधयक्ष शिवानाथ महतो थारु, संघिय शिक्षक फोरमका अध्यक्ष असोक साह, नेपाल शिक्षक महासंघका पर्साका अध्यक्ष तिर्थराज यादव, कोषाध्यक्ष बिनोद गिरी, सदस्य कृष्ण मुरारी साह, श्री काली प्रसाद लाखे मा. विका प्रधानाध्यापक मदन साह लगायतकाे सहभागिता रहेको थियो ।

कार्यक्रमकाे संचालन शिक्षक सुनिल मुखियाले गरेका थिए । कार्यक्रममा विद्यार्थीहरुले गित र नृत्य समेत प्रस्तुत गरेका थिए ।

वीरगंज क्लेजद्वारा पत्रकार पासवानसहित ३ जना सम्मानित

0

वीरगंज । वीरगंज कलेजले आयाेजना गरेकाे स्वागत तथा प्रशिक्षण कार्यक्रम साेमबार सम्पन्न भएको छ । एसईई उत्तिर्ण गरि कक्षा ११ का विभिन्न संकायमा भर्ना भएका विद्यार्थीहरुको लागि कलेजले आयोजना गरेकाे ३ दिने कार्यक्रम सम्पन्न भएको हो ।

कलेजका सञ्चालक समितिका अध्यक्ष डा. दिपेन्द्र कुमार चौधरीको अध्यक्षतामा भएको कार्यक्रममा संविधान दिवसकाे अवसरमा जन सेवा प्रदान गरेकाेमा कदर गर्दै कलेजले पत्रकार बृजलाल पासवानसहित ३ जनालाई सम्मान समेत गरेकाे थियाे ।

यस्तै, पत्रकार पासवानसहित कोभिड महामारीका क्रममा जनजीवन साम्य पार्न योग्दान पुर्याएको भन्दै कलेजले सामाजिक अभियन्ता कमल चौगाई र ओम प्रकाश सर्राफलाई सम्मान गरेको थियाे ।

कार्यक्रमका प्रमुख अतिथी बीरगन्ज महानगरपालिकाका नगरप्रमुख विजय कुमार सरावगीले सम्मान पत्र र दोसल्ला ओढाएर तीनै जनालाई सम्मान गरेका थिए ।

सम्मान ग्रहणपश्चात कार्यक्रममा वाेल्दै पत्रकार पासवानले जीवन सफल हुन संसारकाे सफल व्यक्तिहरुकाे इतिहास अध्ययन गर्दै आफ्नाे पनि आत्मबल मजबुत पारी मिहेनेत साथ अध्ययन गर्नु पर्ने वताए । उनले संसारका सफल व्यक्तिहरुकाे बारेमा अध्ययन गरे धेरे ज्ञान मिल्ने वताए । 

सामाजिक अभियन्ताद्वयले परिवर्तनका संवाहक भनिने युवाहरुको जमात सामाजिक क्षेत्रमा सक्रिय हुनुपर्नेमा जोड दिए । हरेक सामाग्रीको डेट एक्सपाएर हुने जस्तै अब पुराना नेताहरुको डेट एक्सपाएर भएको बताउँदै अध्यक्ष चौगाईले पुराना नेताहरुको अनुभव र नयाँ सृजनशिल युवाहरुको क्षमता र ज्ञानका आधारमा सरकार सञ्चालन गर्ने बेला आएको बताए ।

भिस्वा हाेटलमा भएकाे कार्यक्रममा वीरग‌ंज उद्याेग वाणिज्य संघका उपाध्यक्ष हरि गाैतम, नेपाल पत्रकार महासंघ प्रदेश नं. २ का सचिव श्याम बन्जारा, बैंक अफ काठमाडाैं प्रदेश न‌ं. २ का प्रमुख दिपक कुमार श्रेष्ठ, वीरगंज कलेजका प्रमुख विनाेद गुप्ता, नेपाल दलित मुक्ति संगठन पर्साका अध्यक्ष सुशिल हजारा लगायतकाे सहभागिता रहेकाे थियाे । 

कालिकामाईकाे गदियानीमा आगलागी

0

वीरगंज । पर्साकाे कालिकामाई गाउँपालिकाकाे वडा न‌ं. २ गदियानीमा आइतबार राती आगलगी भएकाे छ । राती ११ बजेकाे करिबमा भएकाे आगलगीले स्थानिय धर्मनाथ महताेकाे कंची घर जलेर नष्ट भएकाे प्रहरीले जनाएकाे छ ।

आगलगीले घर पूर्ण रुपले जलेर नष्ट हुनुकाे साथै घरमा रहेकाे धान, चामल, काठ र एउटा भैंसी जलेकाे पिडितले जनाएका छन् । लामघुटे धपाउन बालीएकाे घुर (आगाे) बाट भएकाे आगलगीले अनुमानित दुई लाख बराबरकाे क्षति भएकाे जनाइकाे छ ।

कालिकामाई गाउँपालिकामा आगाे निभाउने दमकल नभएका कारण समयमा अरु पालिकाकाे दमकल पुग्न नसके पनि स्थानियहरुकाे केही समयपछि आगाे निभाउन सफल भएका थिए ।