Date
बिहि, मंसिर ३, २०८३
Thu, November 19, 2026
Home Blog Page 773

अख्तियार विरुद्ध जसपाकाे दाेस्राे दिन पनि प्रदर्शन, चाैतर्फी आलाेचना

0

वीरगंज ।  जनता समाजवादी पार्टी (जसपा) पर्साले अख्तियार दुरुपयाेग अनुसन्धान आयाेग विरुद्ध आइतबार पनि वीरगञ्जमा विरोध प्रदर्शन गरेको छ । प्रदेश नम्बर २ को मुख्यमन्त्री तथा मन्त्रिपरिषदकाे कार्यालयमा अख्तियार दुरुपयोग अनुसन्धान आयोग बर्दीबासकाे कार्यालयले छापामारी गरेको विरुद्धमा जसपाले दोस्रो दिन पनि विरोध प्रदर्शन गरेको हो । 

जसपा पर्साका अध्यक्ष रामनरेश प्रसाद यादवको अध्यक्षतामा वीरगञ्जको घण्टाघरबाट शुरु भएको विरोध प्रदर्शन माइस्थान, महाविस्थान, आर्दशनगर, घडिअर्वा हुँदै पुनः घण्टाघरमा आएर कोण सभामा परिणत भएको थियो । विरोध प्रदर्शनमा सहभागीहरुले अख्तियार मुर्दावाद, संघियता मास्न पाइँदैन, छापामार शैली चल्दैन, मुख्यमन्त्री हाम्रा गौरव हुन् लगायतका नारा लगाएका थिए । 

कोण सभालाई समाजवादी मुस्लिम संगठनका केन्द्रिय अध्यक्ष मौलाना नुरुल होदा, प्रदेश सभा सदस्य सिँहासन साह कलवार, जसपाका केन्द्रिय सदस्यहरु टेकबहादुर शाक्य, मोहनलाल चौधरी, केन्द्रिय सदस्य एवम् प्रदेश सभा सदस्य करिमा बेगम, मधेश प्रदेश समिति सदस्य मदन प्रसाद चौहान, जसपाकी जिल्ला सदस्य एवम् पाेखरिया नगरपालिकाकी उप मेयर सलमा खातुन, सजपाका जिल्ला सचिव तबरेज अहमद लगायतले सम्बोधन गरेका थिए । 

सभालाई सम्बोधन गर्दै जसपा नेपालका नेताहरुले अख्तियारको छापामारी शैलीमा छापा मारेकाे भन्दै बिराेध गरेका थिए । उनीहरुले अख्तियार संघियता सिध्याउन खोजेको आरोप लगाए । अख्तियारले छापामार शैलीमा मुख्यमन्त्री कार्यालयमा छापा मार्नु नहुने वक्ताहरुकाे तर्क थियाे । 

वक्ताहरुले अख्तियार पुर्वाग्रही भएको समेत आरोप लगाए । मधेशी समुदायको त्याग र बलिदानीबाट प्राप्त भएका उपलब्धीहरु सहन नसकेर संघियता मास्न खोजेको उनीहरुकाे भनाई थियो । 

प्रदर्शन कार्यक्रममा सहभागि हुन गाउँ गउँबाट सर्वसाधारण र कार्यकर्ताहरुलाई बाेलाइएकाे थियाे । ट्याक्टरमा समेत पार्टी निकटका मानिसहरु प्रदर्शन कार्यक्रममा सहभागि हुन गाउँ गाउँबाट सदरमुकाम आएका थिए ।

‘बेटी बचाउ बेटी पढाउ’ कार्यक्रममा अनियमितता भएको आशंकामा अख्तियारको टोलीले बुधबार मुख्यमन्त्री तथा मन्त्रिपरिषद् कार्यालयमा छापामारी केही कागजात नियन्त्रणमा लिएकाे थियो ।

अख्तियारको छापामारीविरुद्ध जसपाको प्रदेश समितिको निर्देशन अनुसार प्रदेश २ को ८ वटै जिल्लाकाे सदरमुकाममा अख्तियार विरुद्ध प्रदर्शन भएको हाे । यसअघि शनिवार साँझ जसपाले अख्तियार कै विरुद्धमा मसाल जुलुश समेत प्रदर्शन गरेको थियो । 

अख्तियारले थालेकाे अनुसन्धानलाई प्रभावित पार्न जसपाले पर्दशन गरेकाे भन्दै यसकाे चाैतर्फी आलाेचना समेत भइरहेकाे छ । समाजिक संजालमा आलाेचकहरु विभिन्न थरीका व्यंगहरु गरेर पनि आलाेचना गरिरहेका छन् ।

बहुदरमाईमा एकीकृत समाजवादीकाे वडा कमिटि गठन

0

वीरगंज । पर्साको बहुदरमाई नगरपालिका वडा नं. ६ गम्हरीयामा नेकपा (एकिकृत समाजवादी) को वडा भेला सम्पन्न भएको छ ।

भेलाले श्रीलाल कुशवाहाको अध्यक्षतामा ५१ सदस्यीय वडा कमिटि गठन गरेको नेपाल दलित मुक्ति संगठन पर्साका अध्यक्ष सुशिल हजराले वताए । जुन समितिको उपाध्यक्षमा अफताब आलम, सचिवमा दिपनारायण प्रसाद कानु, सह–सचिवमा हरेराम प्रसाद कानु, सदस्यहरुमा रामेश्वर महतो, मकसुद मियाँ, मंजुर मियाँ, जयनारायण ठाकुर लोहार, बिरेन्द्र मुखिया बिन, सुर्यदेव प्रसाद, जलन्धर महतो, उमाशंकर साह कानु, उमेश साह कलवार, हरदेव साह कानु लगायतका रहेका छन् ।

अमिरका प्रसाद साहको अध्यक्षता र पार्टीका प्रदेश कमिटि सदस्य किशोरी कुशवाहाको प्रमुख आतिथ्यतामा भएको वडा भेलामा जिल्ला सचिवालय सदस्य मोहन यादव, जिल्ला कमिटि सदस्य ब्रह्मदेव गुप्ता, जयनारायण महतो नुनिया लगायतकाले शुभकामना मन्तव्य राखेका थिए ।

विद्यार्थीहरुकाे विदाई तथा सम्मान कार्यक्रम सम्पन्न

0
वीरगंज । वीरगंज गोल्डेन गेट एकेडमीद्वारा शनिबार बिधार्थीहरुकाे सम्मान तथा विदाई कार्यक्रम सम्पन्न भएकाे छ ।  रौतहट जिल्लाको मौलापुर नगरपालिकामा रहेकाे पिकनिक पार्कमा एक कार्यक्रमको आयोजना  गरि कक्षा १० का बिधार्थीहरुलाई सम्मान तथा विदाई गरेकाे हाे ।
 
विद्यालयका संचालक सगिर अंसारीको सभापतित्वमा भएकाे कार्यक्रममा विधालयका प्रधानाध्यापक शेख अमनद, कोडिनेटर भरत यादव, विदाई तथा सम्मान कार्यक्रमको संयोजक शेख अमजद, भोजपुरी टाइम्स दैनिक पत्रिकाका कार्यकरी सम्पादक एवम् नेपाल युवा परिषद प्रदेश नं २ का संयोजक श्रवण प्रसाद साह, फोटो पत्रकार शेष मखदुम जहागस्त, होटल व्यवसायी संघ पर्साका महासचिव तबरेज आलाम लगायत विधालयका शिक्षक शिक्षिका तथा विद्यार्थी सहभागिता रहेको थियो ।
 
विदाई तथा सम्मान कार्यक्रममा विद्यालयकाे तर्फबाट विद्यालयका कोडिनेटर भरत यादवलाई वेष्ट शिक्षकको एवार्डबाट सम्मानित गरिएको थियो । 

वीरगंजमा पूर्ण मास्क प्रयाेग सुनिश्चिताकाे शुभारम्भ

0

वीरगंज । कोरोना भाइरस संक्रमणबाट सुरक्षित रहन वीरगंजमा शनिबार पूर्ण मास्क प्रयाेग सुनिश्चिता शुभारम्भ कार्यक्रम गरिएकाे छ । युनिसेफ नेपाल, प्रदेश २ सरकारको सहयोग र वीरगंज माहानगरपालिकाको आयोजनामा दसैं तिहारमा हुने बढी भीडभाडलाई लक्षित गरी जनचेतनाका लागि शनिबार पूर्ण मास्क अभियान शरु गरिएकाे हो ।

विभिन्न संघ संस्था र स्वयंसेवकहरुको सहभागीतामा वीरगंज महानगरपालिकाबाट निस्केकाे प्रभात फेरी नगर क्षेत्रकाे परिक्रमा पश्चात घण्टाघरमा पुगी सम्पन्न भएकाे थियाे । प्रभात फेरीकाे क्रममा बजारमा मास्क प्रयाेग सम्बन्धि पम्पलेट समेत वितरण गरिएकाे थियाे ।

कोरोना संक्रमणको जोखिम कायमै रहेको र धेरै मान्छेमा अब कोरोनाको जोखिम नभएजस्तै लापरवाही गर्दै हिडेकोले सचेत गराउन मास्क अभियान शुरु गरिएकाे महानगर प्रमुख विजय कुमार सरावगीले वताए ।

उनले चाडवाड नजिकै आएको र धेरै मान्छेहरु विभिन्न स्थानबाट घर फर्किने हुँदा कोरोना संक्रमणको जोखिम रहेकोले त्यसबाट बच्नका लागि मास्क अनिवार्य गरिएको बताए । उनले मास्क नलगाई सेवा लिन आउनेहरुलाई कार्यालयमा प्रवेशमा समेत रोक लगाउन सबै कर्मचारीहरुलाई निर्देशन समेत दिइसकिएकाे जानकारी गराए ।

कार्यक्रममा वीरगंज महानगरपालिकाका प्रमुख प्रशासकीय अधिकृत प्रदीप कुमार निरौला, सामाजिक विकास तथा स्वास्थ्य महाशाखा प्रमुख अरुण कुमार महतो, नगर प्रमुखका प्रेस सल्लाहाकार गोविन्द देवकोटा लगायत महानगरपालिकाका स्वास्थ्य, सरसफाई शाखाका अधिकृत तथा कर्मचारी र विभिन्न संघ संस्थाका प्रतिनिधिहरुको सहभागिता रहेको थियो ।

नेकपा (एकीकृत समाजवदी)काे वीरगंज महानगर भेला सम्पन्न

0

वीरगंज । नेपाल कम्युनिष्ट पार्टी (एकीकृत समाजवादी)काे वीरगंज महानगर भेला शनिबार सम्पन्न भएकाे छ । राेयल पार्टी प्यालेसमा भएकाे भेलाकाे उद्घाटन पार्टीका केन्द्रिय सचिव नागेन्द्र चाैधरीले गरेका थिए ।

नगर भेलालाई सम्बाेधन गर्दै सचिव चाैधरीले दलाल पुंजिवादकाे पक्षमा नेकपा एमालेका अध्यक्ष केपी शर्मा ओली लागेपछि पार्टी भित्र बिद्राेह गर्नु परेकाे वताए । उनले कम्युनिष्ट पार्टी र जनताकाे मुख्य सत्रुकाे पक्षमा नै केपी ओली नेतृत्वकाे पार्टी लागेपछि बिद्राेह गरेर नेपाल कम्युनिष्ट पार्टी (एकीकृत समाजवादी) बनाउनु परेकाे वताए ।

उनले भने  “कम्युनिष्ट पार्टीमा व्यक्ति प्रधान हुँदैन, निति र संगठन प्रधान हुन्छ । तर अहिले एमालेमा व्यक्ति प्रधान भएका छन् । केपी ओलीले जे भन्छन्, त्यही हुन्छ ।” त्यही भएर एमाले कम्युनिष्ट पार्टी रहेने, त्यसैले नयाँ र सच्चा कम्युनिष्ट पार्टी एकिकृत समाजवादी बनाउनु परेकाे वताए ।

भेलाका प्रमुख अतिथी समेत रहेका सचिव चाैधरीले सच्चा कम्युनिष्टहरु सबै एकीकृत समाजवादी मै रहेकाे दाबी गर्दै समाजवादी क्रान्तिकाे लागि पार्टी गठन भएकाे वताए । अब समाजवादी क्रान्तिकाे समय आएकाेले दालाल, पुंजिवाद, नाेकर साहीकाे पक्षमा खडा भएकाहरुकाे विराेधमा आफुहरु लागेकाे वताए ।

पाेलिट ब्युराे सदस्य रामचन्द्र साहले पार्टीमा युवाहरुकाे आवश्यकता रहेकाे र पार्टीकाे निती पनि साेही अनुसार रहेकाेले पार्टीमा युवाहरुलाई लाग्न आग्रह गरे । उनले पार्टीमा युवाहरुलाई ४० प्रतिशत स्थान दिने पार्टीकाे निती रहेकाे वताए ।

पार्टीकाे पर्सा जिल्ला इन्चार्ज समेत रहेका साहले लामाे समयपछि पार्टीकाे बहुमतकाे सरकार केपी ओलीकाे नेतृत्वमा बनेपनि उनले सरकारकाे नेतृत्व गरेकाे ३ बर्ष सम्म पार्टीकाे कुरा नसुनेका कारण विद्राेह गर्नु परेकाे वताए ।

पार्टीका वीरगंज महानगर अध्यक्ष मनाेज चाैधरीकाे अध्यक्षतामा भएकाे भेलामा जिल्ला अध्यक्ष बाल गाेपाल थापा, प्रदेश कमिटी सदस्य सुरेन्द्र यादव, किशाेरी कुशवाहा, जिल्ला सचिवालय सदस्य सुबादार यादव, शान्ति महर्जन, युवा विभागका जिल्ला इन्चार्ज अनिल पटेल लागायतकाले शुभकामना मन्तव्य राखेका थिए ।

भेलाकाे मनाेज चाैधरीकाे अध्यक्षतामा १५१ सदस्यीय महानगर समिति गठन गरेकाे छ । नवगठित समितिकाे उपाध्यक्षमा मंजुर आलम र सचिव बृजलाल पासवान लगायतका चयन भएका छन् ।

हिमानी शाहको जन्मोत्सव वीरगंजमा पनि मनाईयो 

0
वीरगंज ।  पूर्व यूवराज्ञी हिमानी शाहको ४६ औं जन्मोत्सव शुक्रबार एक समारोहका बीच वीरगंजमा पनि मनाइएको छ ।
 
जन्मोत्सवको अवसरमा नेपाल राष्ट्रबाद संघले वीरगंजको घण्टाघरवाट निकालेको र्‍याली माईस्थान, आदर्शनगर, अलखियामठ, घडिअर्वा हुँदै पुनः घण्टाघरमा पुगी कोण सभामा परिणत भएको थियो ।
 
कोण सभामा बक्ताहरुले राजाकाे कुनै बिकल्प नरहेको बताउँदै देशको वर्तमान अवस्थाका वारेमा चर्चा गरेका थिए ।
 
नेपाल राष्ट्रबाद संघका केन्द्रिय अध्यक्ष जनकलाल शाहको अध्यक्षतामा भएको कार्यक्रममा संगीता देवी, उमाशंकर प्रसाद, संतोष कुमार गुप्ता, राजेन्द्रपाल, हरेराम प्रसाद, अच्छेलाल साह, बजरंगबली साह लगायतकाले मन्तव्य व्यक्त गरेका थिए । 

हेल्मेटमा लुकाइ ल्याउँदै गरेकाे १५ लाख रकमसहित ३ जना पक्राउ

0

वीरगंज । पर्सा प्रहरीले हेल्मेट भित्र लुकाईछिपाई ल्याइरहेका स्राेत नखुलेकाे १५ लाख रकमसहित ३ जनालाई पक्राउ गरेकाे छ ।

जिल्ला प्रहरी कार्यालय पर्साबाट खटिएकाे प्रहरी टाेलीले भारत जिल्ला पुर्वी चम्पारण थाना कंगेली-१ बसतपुरका २५ बर्षिय बिक्रम पटेल, भारत जिल्ला मोतिहारी थाना पलनवा भेलाहीका २९ बर्षिय मुकेश पटेल र पर्साकाे धोविनी गाउँपालिका वडा नं.३ हरिहरपुरका २३ बर्षिय बलिराम पटेललाई पक्राउ गरेकाे हाे ।

सूचना परिचालन तथा प्रहरी कारबाहीको सिलसिलामा छप्कैया-सिर्सिया नाका हुँदै हुण्डी कारोबार हुँदैगरेको सूचना प्राप्त भई खटिएको टोलीले वीरगंज महानगरपालिकाकाे वडा नं.२५ सिर्सिया छोटी भन्सार अगाडिबाट तीनै जनालाई पक्राउ गरिएकाे जिल्ला प्रहरी कार्यालय पर्साले जनाएकाे छ ।

भारतबाट आउँदै गरेका ना.६० प. ५९९८, ना.४१ प. १०४८ नम्बरको सिडी डिलक्स मोटरसाईकल र ना.६४ प. ८३५९ नम्बरको सुपर स्पेलेन्डर मोटरसाईकल चढी आएकाहरुलाई रोकी तलासी लिँदा निजहरूले हेल्मेटभित्र लुकाइछिपाई ल्याएको श्रोत नखुलेको नेपाली रू १५ लाख ५० हजार फेला परेको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

उक्त रकम बरामद गरी मोटरसाइकलसहित निजहरूलाई नियन्त्रणमा लिई बैंक तथा वित्तीय संस्था सम्बन्धी ऐन, २०७३ बिरूद्वको कसूरमा अनुसन्धान अगाडि बढाइएको उनले जानकारी दिए ।

नेपाल दलित मुक्ती संगठन पर्साको भेला सम्पन्न

0

वीरगंज । नेकपा (एकीकृत समाजवादी) निकट नेपाल दलित मुक्ती संगठन पर्साको जिल्ला भेला शुक्रबार वीरगंजमा सम्पन्न भएको छ । वीरगंजकाे लिंक राेडस्थित हाेटल कुमु प्यालेसमा भएको भेलाले सुशील हजराको अध्यक्षतामा ५१ सदस्यीय जिल्ला समिति गठन गरेको छ ।

नवगठित दलिती मुक्ती संगठन पर्साको उपाध्यक्ष अमरदेव पासवान, जयमती राम, सचिव साधु राम, सह सचिव सुरेश महतो तत्वा, मुकेश महरा, सदस्यहरु अशोक महतो, बिन्दा पासवन, भुलन हाजरा, भुलन राम, शोभा देबी राम, धनजय राम, कन्हैया राम, रामबाबु राम, बिपनि महरा, सनि पासवान, प्रकाश महरा, सकुन्तला पासवान, सुनरी राम, पतिया देबी राम, शारदा देवी राम, काेशिला देबी राम, मैना देवी राम, सुनिल राम, विकास बैठा, राजकुमारी देवी राम लगायतका रहेका छन् ।

समितिकाे घाेषणा नेपाल दलित मुक्ती संगठन पर्साका इन्चार्ज बृजलाल पासवानले गरेका थिए । समितिकाे घाेषणा गर्दै पार्टीकाे जिल्ला सचिवालय सदस्य समेत रहेका इन्चार्ज पासवानले ५१ सदस्यीय समिति मध्ये हाल ४३ जनाकाे चयन गरिएकाे र बाकी ८ जना पछि थप गरिने जानकारी दिए ।

भेलालाई सम्बाेधन गर्दै नेकपा एकीकृत समाजवादीका केन्द्रिय सचीव नागेन्द्र चौधरीले दलित मुक्तिकाे लागि संगठनले काम गर्नु पर्ने वताए । उनले कानुनी रुपमा सबै जातिकाे बराबरी अधिकारी रहेकाे लागे आफ्नाे अधिकारीकाे लागि दलित आफै अगाडी आउनु पर्ने वताए ।

कार्यक्रमका प्रमुख अतिथी समेत रहेका सचिव चाैधरीले भने “दलित समुदायबाट पनि सांसद, मन्त्री, मुख्य मन्त्री बन्नु पर्छ । त्यसकाे लागि गाउँ गाउँमा बुझाउनु पर्छ ।”

पाेलिट ब्युराे सदस्य रामचन्द्र साहले दलित समुदायकाे विकासकाे लागि चेतना जरुरी रहेकाे वताए । उनले चेताना र शिक्षाकाे साथै संगठित भए दलित समुदायकाे विकास हुने वताए ।  

प्रभु पासवानको अध्यक्षतामा भएकाे भेलामा नेपाल दलित मुक्ति संगठनका केन्द्रिय उपाध्यक्ष श्री प्रसाद पासवान, पार्टीका पर्सा जिल्ला अध्यक्ष बालगोपाल थापा, प्रदेश सदस्य किशोरी कुशवाहा, जिल्ला सचिव बिक्रम चौरसिया, वीरगंज महानगर अध्यक्ष मनोज चौधरी, जिल्ला सचिवालय सदस्य सुभादार यादव, जिल्ला सदस्य एवम् पकहा मैनपुर गाउँपालिका अध्यक्ष मदन हजरा पासवान लगायतकाले शुभकामना मन्तब्य राखेका थिए ।