Date
बिहि, मंसिर ३, २०८३
Thu, November 19, 2026
Home Blog Page 771

बैष्णाे मन्दिरमा “बजरङ्गबली ब्यायामशाला” संचालन

0

वीरगंज । हिन्दु स्वय् सेवक संघले वीरगंजकाे वाइपास राेडमा रहेकाे बेष्णाे मन्दिरमा बजरङ्ग बलि ब्यायामशाला संचालनमा ल्याएकाे छ । ब्यायामशालाकाे उद्घाटन एक कार्यक्रमका हिन्दु स्वयंसेवक संघका बिभाग संघचालक एवम् नेपाल भारत सहयोग मन्चका अध्यक्ष अशोक बैध उदघाट गरे ।

ब्यायामशालाकाे उद्घाट गर्दै अध्यक्ष बैधले मनुष्यलाई स्वस्थ्य रहन ब्यायाम जरुरी रहेकाे वताए । कार्यक्रमका प्रमुख अतिथी समेत रहेका बैधले संचालनमा आएकाे ब्यायामशालाले युवाहरुलाई ब्यायाम गर्न सुविधा हुने वताए ।

ब्यायामशाला उद्घाटन कार्यक्रममा वीरगंज उद्याेग वाणिज्य संघका माधव राजपाल, संघका बिभाग सेवा प्रमुख रामेश्वर गुप्ता, दिपेश मेहता, रन्जीत साह लगायतकाे उपस्थितमा रहेकाे थियाे ।

कुस्ती खेल मधेसको पहिचान : मेयर सरावगी

0

वीरगंज । कुश्ती खेल मधेस र मधेसीको पहिचान भएको वीरगंज महानगरपालिकाका मेयर विजय कुमारले बताएका छन् ।

हरेक बर्ष जस्तै यसबर्ष पनि वीरगंज महानगरपालिकाको वडा नम्बर २८ बगही (ईनर्वा टोल) मा आयोजना गरिएको माहाविरी मेला र कुस्ती प्रतियोगिताको बिहीबार उद्घाटन गर्दै मेयर सरावगी मधेसमा लोकप्रिय रहेको कुश्ती खेलले राष्ट्रियस्तरमा मधेसी र अन्तराष्ट्रिय स्तरमा नेपालको नाम कमाएको बताए ।

उनले लोकप्रिय र अन्तराष्ट्रिय स्तरमा समेत स्थापित हुन सक्ने खेल राज्यको उपेक्षामा परेको भन्दै यसलाई स्थानीय तहको सरकारले सकेजति सम्वद्र्धनमा सहयोग गर्ने बताए ।

रात्री माविकाे भवनमा “भोजपुरी प्रतिष्ठान”को कार्यालय उद्घाटन

0

वीरगंज । भोजपुरी भाषा, कला संस्कृतिको जगेर्ना गर्ने उद्देश्यका साथ बीरगंज महानगरपालिकाद्वारा स्थापना गरिएको भोजपुरी प्रतिष्ठानको कार्यालय बिहिबार एक समारोहका बीच उद्घाटन गरिएको छ ।

वीरगंज महानगरपालिकाका नगर प्रमुख विजय सरावगीले वीरगन्ज महानगरापलिका ८ वडा समितिको कार्यालय भएको भवनमा भोजपुरी प्रतिष्ठानको कार्यालय स्थापना गरी उद्घाटन गरेका हुन् । वीरगंज महानगरपालिकाले भोजपुरी प्रतिष्ठानको आफ्नै भवन निर्माणका लागि ५० लाख रुपैयाँ विनियोजन गरी भवन निर्माणको समेत शिलान्यास सम्पन्न भई सकेको छ ।

भवन निर्माण नहुँदा सम्म रात्रि माविमा प्रतिष्ठानको कार्यालय सञ्चालनमा रहने नगर प्रमुख सरावगीले बताए । प्रतिष्ठानका संरक्षक समेत रहेका वीरगन्जका नगरप्रमुख विजयकुमार सरावगीले भोजपुरी भाषा आफैमा निकै समृद्ध रहे पनि उपेक्षाको शिकार भएको बताए ।

भोजपुरीभाषी क्षेत्रबाट नै यसको ओज र गरिमा पुर्नस्थापीत हुन जरुरी रहेकोले वीरगंज महानगरपालिकाले ऐन निर्माण गरेर भोजपुरीमा काम गर्नका लागि प्रतिष्ठान नै खडा गरेको बताए । अहिले राष्ट्रिय जनगणनामा भोजपुरी भाषाको संख्या कम देखाउने गरी ‘तथ्यांकीय गडबडि हुने संभावना रहेकोले यसप्रति चनाखो रह्न’ कार्यक्रमको प्रमुख अतिथीको रुपमा बोल्दै उनले अह्वान गरे ।

भोजपुरी भाषा, कला संस्कृतिको उत्थानको लागि स्थापना गरिएको प्रतिष्ठान भएको भोजपुरी साहित्यकार एवं प्रतिष्ठानका अध्यक्ष द्विवेदीले बताए । उनले भाषा माथी नियोजित प्रहार भएकोले चनाखो हुनुपर्ने बताए ।

कार्यक्रमको अध्यक्षता समेत गरेका द्विवेदीले आश्चर्यजनक रुपमा नेपालमा भोजपुरी भाषीको संख्या २०६८ सालमा भएको राष्ट्रिय जनगणनामा घटाइएको बताए । यसको बारेमा उनले तथ्यांक प्रस्तुत गरेर प्रस्ट पारे ।

राष्ट्रिय जनगणना २०४८ अनुसार भोजपुरी भाषीको जनसंख्या कुल जनसंख्याको ७.५०% थियो जुन २०५८ मा थोरै बृद्धी भएर कुल जनसंख्याको ७.५३३% प्रतिशत हुन पुगेको उनले स्मरण गराए । तर राष्ट्रिय जनगणना २०६८ मा आश्चर्यजनक रुपमा यसमा कमी आएको उनले बताए ।

‘२०६८ को जनगणना अनुसार भोजपुरी भाषीको संख्या घटेर ५.९८२२ प्रतिशतमा सिमित भएको छ,’ सम्बोधनको क्रममा द्विवेदीले भने, ‘अहिले पनि देशको तेस्रो ठुलो भाषा भए पनि आगामी दिनमा यसको संख्या कम भयोे भने यो चौथो भाषा बन्न पुग्नेछ ।’

भोजपुरी प्रतिष्ठानको उद्घाटन भएको कार्यालयमा आयोजित उक्त कार्यक्रममा नेपाल पत्रकार महासंघका केन्द्रीय सदस्य केसी लामिछानेले भाषालाई जोगाउन सचेत हुनुपर्ने र यसको समृद्धीलाई बचाउन यसको हकमा प्राज्ञिक तथा साहित्यिक गतिबिधहरु हुनु पर्ने बताए ।

वीरगन्ज महानगरपालिका नम्बर ८ का अध्यक्ष राजकिशोर कानुले भाषाको जगेर्नामा प्रतिबद्ध भएर लाग्नुपर्ने बताए । 

कार्यक्रम मै प्रतिष्ठानकाे कार्यकारिणी सभा सदस्यमा मनोनित भएका भोजपुरी टाइम्स दैनिकका प्रकाशक अजय कुमार चौरसिया, भोजपुरी माटी पत्रिकाका रामप्रसाद साह, भाेजपुरी भाषा मे संचालित आपन वीरगंज अनलाईनका मिथिलेश चौरसिया, राजेन्द्र सिंह नेपाली, ध्रुव सिंह ठकुरी, डा. हरेन्द्र हिमकर लगायतकालाई मनोनित पत्र वितरण गरिएकाे थियाे ।

उद्घाटन कार्यक्रमकाे संचालन प्रतिष्ठानका सदस्य पत्रकार रितेश त्रिपाठीले गरेका थिए ।

वीरगंजमा ‘ह्वीर्लपुल होम एपलाइन्सेस’ शाेरुम खुल्याे, नेता रहबरले गरे उद्घाटन

0

वीरगंज । विगत एक दशकदेखि वीरगंजकाे लिंकरोडस्थित संचालनमा रहेको लक्की इम्पेक्सले आफ्नो शाखा विस्तार गरेको छ । इम्पेक्सले शाखा विस्तारको क्रममा वीरगंज महावीरस्थानस्थित मेनरोडमा ‘ह्वीर्लपुल होम एपलाइन्सेस’ को शोरुम संचालनमा ल्याएको हो ।

महावीरस्थान पमपम विल्डिङ्गको पश्चिमतर्फ मेनरोडमा संचालनमा आएको शाेरुमकाे उद्घाट नेकपा (माओवादी केन्द्र)का वीरगंज महानगर इन्चार्ज रहबर अन्सारीले गरेका थिए । शाेरुमकाे उद्घाटन गर्दै नेता अन्सारीले युवाहरु आफ्नै मुलुकमा व्यवसाय गरेर बस्नु पर्नेमा जाेड दिए । उनले विदेश जानु भन्दा स्वदेश मै राेजगार गर्नु उत्तम रहेकाे वताए ।

लक्की इम्पेक्सले सि.जि., एल.जि. तथा हुण्डाई ब्राण्डका आधिकारिक विक्रेता भई कार्य गर्दै आइरहेकोमा हाल ह्वीर्लपुल होम एपलाइन्सेससँग आवद्ध भई शोरुम विस्तार गरेकोमा खुशी व्यक्त गर्दै इम्पेक्सका संचालक महम्मद इन्ताफले यस कम्पनीसँग आबद्ध भई भविष्यमा ग्राहकहरुलाई सेवा सूविधाबाट सन्तुष्ट पार्ने प्रतिबद्धता व्यक्त गरे ।

साथै कम्पनीका प्रतिनिधि शूसान्त महर्जनले लक्की इम्पेक्सलाई बधाई दिदै निकट भविष्यमा आकर्षक अफरहरु तथा सर्भिसबाट ग्राहक वर्गमा लोकप्रिय ब्राण्डको रुपमा स्थापित गर्न कटिबद्ध रहेको जानकारी दिए ।

इम्पेक्सका संचालक महम्मद इन्ताफको सभापतित्वमा भएकाे उद्घाटन कार्यक्रममा नेपाल होटल तथा पर्यटन व्यवसायी महासंघ प्रदेश २ का सचिव तबरेज आलम, जसपाका नेता नेजामूद्दिन समानी, प्याब्सन पर्साका पूर्व अध्यक्ष इमामूद्दिन समानी तथा लोमस डिजिटल प्रा.लि.का प्रतिनिधि शूसान्त महर्जन लगायतको उपस्थिति रहेको थियो ।

उक्त शोरुम मार्फत ह्वीर्लपुल कम्पनीको इलेक्ट्रोनिक्स होम एपलाइन्सेन्स विक्री वितरण हुने शोरुमका संचालक महम्मद इन्ताफले जानकारी दिए ।

एमाले परित्याग गरी सखुवा प्रसाैनीका एक दर्जनले गरे जसपा प्रबेश

0

वीरगंज । पर्साकाे निर्वाचन क्षेत्र नं. ३ का नेकपा एमालेका पूर्व क्षेत्रिय सचिव समि कपुर गिरीसहित एक दर्जन स्थानिय नेताहरु जनता समाजवादी पार्टी (जसपा)मा प्रबेश गरेकाे छन् ।

गिरीसहित नेकपा ऐमालेबाट निर्वाचित सखुवा प्रसाैनी गाउँपालिका वडा नं. १ का वडा सदस्य रामा खाँ थारु, ऐमालेका पूर्व गा.वि.स. अध्यक्ष अनुरूध प्रसाद यादव, सुकदेव प्रसाद यादव, गत स्थानिय तहकाे निर्वाचनमा नेकपा ऐमालेबाट सखुवा प्रसाैनी गाउँपालिकाकाे उपाध्यक्षमा चुनाव लडेकी केदार कुमारी बिश्वकर्माका दाई कर्ण बहादुर बिश्वकर्मा जसपामा प्रबेश गरेकाे सखुवा प्रसाैनी गाउँपालिकाका अध्यक्ष प्रदिप जयसवालले वताए ।

यस्तै, नेपाली कांग्रसबाट सखुवा प्रसाैनी गाउँपालिकाकाे वडा नं. १ का धनजित पटवारी, प्रभु महतो उराव लगायत एक दर्जन भन्दा बढी स्थानिय नेताहरु जसपामा प्रबेश गरेकाे जसपाका जिल्ला सदस्य समेत रहेका गाउँपालिका अध्यक्ष जयसवालले जानकारी दिए ।

नव प्रबेशीहरुलाई जसपा नेपालका अध्यक्ष उपेन्द्र यादवले काठमाडाैंकाे बालकुमारीस्थित पार्टी कार्यालयमा एक कार्यक्रमका बिच फुलकाे माला र अविरकाे टिका लगाएर पार्टीमा स्वागत गरेका थिए ।

साे अवसरमा जसपा नेपालका उपाध्यक्ष रामश्य यादव लगायतका नेताहरुकाे पनि उपस्थिती रहेकाे थियाे ।

एचएसएसका संभाग प्रचारक सेन्चुरीकाे निधन, वीरगंजमा दिप प्रज्वलन

0

वीरगंज । हिन्दु स्वंयसेवक संघ नेपालका संभाग प्रचारक राधेश्याम सेन्चुरीकाे भएको असामयिक निधन प्रति हिन्दु स्वयंसेवक तथा प्राज्ञिक विद्यार्थी परिषद नेपालले बुधबार सांझ वीरगंजमा दिप प्रज्वलीत गरी श्रद्धाञ्जली अर्पण गरेको छ ।

वीरगंजकाे घण्टाघर चोकमा हिन्दु स्वयंसेवक तथा प्राज्ञिक विद्यार्थी परिषदका कार्यकर्ताहरुले सेन्चुरीकाे तस्बीरमा माल्यार्पण तथा मैनबति बालेर दिप प्रज्वलीत गर्दै श्रद्धाञ्जली अर्पण गरेका हुन ।

श्रद्धाञ्जली अर्पण कार्यक्रममा परिषदका राष्ट्रिय सचिव धनश्याम नायक, नगर अध्यक्ष पल्लवी हरलाल्का, राष्ट्रिय छात्रा प्रमुख लक्ष्मी कर्ण, जानकी प्रदेश छात्रा प्रमुख सुष्मा तिवारी, संघका जनकपुर सम्भाग रन्जित साह लगायतले सेन्चुरीकाे असमायिक निधन प्रति शोक अर्पण गर्दै उनले समाज र राष्ट्रको लागि पु¥याएको योगदान बारे चर्चा गरेका थिए ।

सेन्चुरी हिन्दु स्वयंसेवक संघ नेपालको विराटनगर संभाग प्रचारक रही नेपालगंज संभाग प्रचारकको योजनामा आफनो दायित्व निर्वाह गर्दै आएका थिए । उनले संगठन, समाज र राष्ट्रका लागि पु¥याएको योगदान कहिल्ये विर्सने नसकिने स्वयंसेवकहरु बताउँछन ।

प्राज्ञिक विद्यार्थी परिषद नेपाल प्रदेश १ र २ को संगठन सचिवकाे रुपमा समेत काम गरीसकेका सेन्चुरीको मंगलबार राती सुति रहेको बेला उनको निधन भएको थियो । चिकित्सकले हृदयघातका कारण उनको मृत्यु भएको पुष्टि समेत गरीसकेको छ ।

उनकाे असामयिक दुःखद निधन भएको खवरले संघ परिवारलाई शोकसंतप्त स्तब्ध बनाएको संघले जनाएकाे छ । हिन्दु स्वयंसेवक तथा प्राज्ञिक विद्यार्थी परिषदका कार्यकर्ताहरुले उनको आत्मले स्वर्गमा बास पाओस र भगवान पशुपतिनाथ सँग कोटि–कोटी प्रार्थना गर्दै शोकसंतप्त परिवारजन एवं आत्मीय सम्पुर्ण चित–परिचितहरुलाई धैर्यधारण गर्न शक्ने शक्ति प्राप्त होस भन्दै भावपुर्ण समवेदना सहित हार्दिक श्रद्धाञ्जली अर्पण गरेका छन् ।

वीरगंजबाट बेचबिखनमा परेकी एक युवतीकाे उद्दार, संलग्न एक जना पक्राउ

0
वीरगंज । मानव बेचबिखनकाे आराेपमा प्रहरीले एक जनालाई पक्राउ गरेकाे छ भने एक जना महिलालाई उद्दार समेत गरेकाे छ । सशस्त्र प्रहरीले वीरगंज महानगरपालिकाकाे वडा न‌. १७ अलाैंबाट भारतको विहार राज्य पूर्वी चम्पारण थाना पलनवा, पोष्ट भेलाही, मुसहर्वा ग्रामपञ्चायत वडा नं. ३ घर भएका ३२ बर्षिय रेयान खान भन्ने मुन्ना आलमलाई पक्राउ गरेकाे हाे ।
 
बीरगञ्ज महानगरपालिका वडा नं.१७ अलौमा साेमबार विहान  खटिएको सशस्त्र प्रहरीको टोलीले आफन्त नेपाल संस्थाको समन्वयमा भारततर्फ जान लागेका १ जना महिला तथा १ जना पुरुषलाई शंका लागी नियन्त्रणमा लिएकाे थियाे ।
 
सशस्त्र प्रहरीले निजहरूलाई जिल्ला प्रहरी कार्यालय पर्सामा बुझाएपछि सोधपुछ गर्दा जिल्ला नुवाकोट घर भएकी २३ वर्षीया निज महिलालाई मुन्ना आलमले फेसबुकमार्फत चिनजान गरी आफू पहिल्यै विवाहित भएको तथ्य लुकाई झुट्ठा प्रेम सम्बन्ध राखी विवाह गर्ने बहानामा नारायणगढ, चितवन बोलाएका थिए ।
 
उनले प्रहरीलाई झुक्याउने उद्देश्यले बुर्का लगाइदिई बीरगञ्जसम्म ल्याई ईनर्वा नाका भनी सिर्सिया नाकातर्फबाट सीमापार गराई भारत लगी बेचबिखन गर्ने उद्देश्य रहेको प्रारम्भिकरूपमा खुल्न आएको जिल्ला प्रहरी कार्यालय पर्साले जनाएकाे छ ।
 
सोही बमोजिमको पीडितबाट जाहेरी दरखास्त  प्राप्त गरी ति महिलालाई झुक्याई बेचबिखन गर्ने उद्देश्यले लैजाने कार्यमा संलग्न मुन्ना आलमलाई पर्सा जिल्ला अदालतबाट सोही मितिमा दिन १० दिनकाे म्याद थप गरी मानव बेचबिखन कसूरमा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

बारामा प्रहरी दिवसकाे अवसरमा ६५ जनाद्वारा रक्तदान

0

कलैया । बाराकाे कलैयामा ६६ औ प्रहरी दिवसकाे अवसरमा बुधबार रक्तदान कार्यक्रम सम्पन्न भएकाे छ ।

विश्व हिन्दु युवा संघ र सकारात्मक यूथ साेसाईटी कलैयाकाे आयाेजनामा भएकाे कार्यक्रममा २ महिलासहित ६५ जनाले रक्तदान गरेकाे रक्त संचार केन्द्र वीरगंजका प्रमुख साैरभ राज पाण्डेले वताए ।

कलैयास्थित भरत चाैकमा भएकाे कार्यक्रममा सुस्मिता पाैडेल, महमद सिकिन्द्र अन्सारी, कृय्ष्ण बहादुर बुद्ध, प्रमाेद दहाल, ओमप्रकाश गुप्ता, दिली मायाँ कार्की, राजेश साह, कमलेश साह, अनिल कुमार यादव, दिपक यादव, साविर अन्सारी लगायतकाले रक्तदान गरेकाे प्रमुख पाण्डेले जानकारी दिए ।

विश्व हिन्दु युवा संघका अध्यक्ष सागर पटेलकाे अध्यक्षता र कलैय उपमहानगरपालिकाका मेयर राजेश राय यादवकाे प्रमुख आतिथ्यतामा भएकाे कार्यक्रममा बाराका प्रमुख जिल्ला अधिकारी कृष्ण बहादुर कटुवाल, जिल्ला प्रहरी कार्यालय बाराका प्रहरी उपरिक्षक दिपेन्द्र साही ठकुरी, सशस्त्र प्रहरी उपरिक्षक रविन राज कर्णजित लगतयतकाकाे उपस्थिती रहेकाे थियाे ।

रक्तदान कार्यक्रम रक्त संचार केन्द्र वीरगंजका प्राविधिक जितेन्द्र कुशवाहा नेतृत्वकाे प्राविधिकहरुकाे सहयाेगमा भएकाे थियाे ।