Date
बिहि, मंसिर ३, २०८३
Thu, November 19, 2026
Home Blog Page 770

पत्रकारलाई न्यायाधीश बन्नु हुँदैन् : मेयर सरावगी

0

वीरगंज । वीरगंजबाट संचालित “हाम्रो नेपाल दैनिक डककम” अनलाईन पत्रिकाको शनिबार एक कार्यक्रमको बिच उद्घाटन गरिएकाे छ । नेपाल पत्रकार महासंघ पर्साकाे सभा हलमा भएको कार्यक्रममा वीरगंज महानगरपालिकाका मेयर बिजय कुमार सरावगीले अनलाईन पोर्टलको उद्घाटन गरे ।

उद्घाटन कार्यक्रमलाई सम्बोधन गर्दै मेयर सरावगीले आफु सदवै पत्रकारहरुको हक हितका लागि अग्रसर रहेको वताउँदै पत्रकारहरुलाई न्यायधिश नबन आग्रह गरे । उनले सत्य, तथ्य र पत्रकार अचारसंहिताको पालना गर्दै समाचार सम्प्रेसण गर्न आग्रह गरे ।

महानगरपालिकाले पर्साको पत्रकारकारिताको विकास गर्ने उदेश्यका साथ कानुन बनाएरै काम गरी रहेको तथा पत्र पत्रिकाहरुलाई लाेककल्याणकारी विज्ञापनकाे व्यवस्था मिलाएको वताए । साथै पत्रकारिता अध्ययन गर्न चाहने पत्रकारहरुको लागि छात्रावृत्तिको समेत व्यवस्था गरेको मेयर सरावगीले जानकारी गराए ।

पत्रिकाका संचालक रामेश्वर चौरसियाको अध्यक्षतामा भएको कार्यक्रममा पकहा मैनपुर गाउँपालिकाका अध्यक्ष विजय कुमार चाैरसिया, नेपाल पत्रकार महासंघ प्रदेश नं. २ का महासचिव श्याम बन्जारा, पर्सा शाखाका अध्यक्ष अनुप तिवारी, समाजवादी प्रेस संगठनका नेता बृजलाल पासवान लगायतकाले शुभकामना मन्तव्य राखेका थिए भने कार्यक्रमको संचालन पत्रकार शम्भु कुमार सुमनले गरेका थिए ।

वीरगंज १४ मा एकीकृत समाजवादीकाे भेला सम्पन्न

0
वीरगंज । वीरगंज महानगरपालिकाकाे वडा नं. १४ मा नेकपा (एकीकृत समजबादी)को कार्यकर्ता भेला तथा शुभकामना आदान प्रदान कार्यक्रम सम्पन्न भएको छ ।
 
सम्पन्न भेलाले मदन कुर्मीको अध्यक्षतामा ३१ सदस्यीय वडा कमिटी गठन गरेको छ । जसको उपाध्यक्षमा राज श्रीवास्तव, सचिवमा प्रहलाद कोईराला, सह सचिवमा नरेंद्र पटेल र सदस्यहरुमा क्रमश धर्मेंद्र पटेल, मनीष पटेल अबास अंसारी, भोला अंसारी लगायत रहेका छन ।
 
सोही भेलाले प्रताप पटेलको अधक्षयता ११ सदस्यीय युवा संघ नेपालको वडा कमिटी समेत गठन गरेको छ । जसको उपाध्यक्षमा मनीष पटेल, मुफ्रादिउन अंसारी, सचिवमा चंदन पटेल रहेका छन् ।
 
मदन प्रसाद कुर्मीको अध्यक्षता र नेकपा एसका पोलिट ब्यूरो सदस्य रामचन्द्र साहकाे प्रमुख आतिथ्यतामा भएकाे भेलामा जिल्ला अध्यक्ष बालगोपाल थापा, वीरगंज माहानगर अध्यक्ष मनोज चौधरी, उपाध्यक्ष मन्जुर आलम, सचीव बृजलाल पासवान, युवा संघ नेपालका केन्द्रीय सदस्य अनिल पटेल, नेपाल दलित मुक्ती संगठन पर्साका अध्यक्ष सुशील हजरा, पार्टी जिल्ला कमिटी सदस्य तपसी पासवान लगायतले मन्तब्य ब्यक्त गरेका थिए ।
 

चोरीको मोटरसाइकलसहित ३ जना पक्राउ

0
वीरगंज । पर्सा प्रहरीले शनिबार विहान चाेरीकाे माेटरसाइकलसहित ३ जनालाई पक्राउ गरेकाे छ ।
 
प्रहरी चौकी बसपार्कबाट खटिएको टोलीले वीरगंज महानगरपालिकाकाे वडा नं.२ छप्कैयाका २४ बर्षिय अरमान देवान, ३० बर्षिय सदाम अन्सारी र साेही ठाउँका २७ बर्षिय सहमत अन्सारीलाई पक्राउ गरेकाे हाे । 
 
सूचना परिचालन तथा प्रहरी कारवाहीको सिलसिलामा खटिएकाे टाेलीले वीरगंज महानगरपालिकाकाे वडा नं.१० स्थित प्रभु बैंक अगाडिबाट चाेरी भएकाे वीरगंज महानगरपालिकाकाे वडा नं.१५ का विवेक कुमार यादवको ना. ४८ प.९३६९ नम्बर भएको १५० सि.सि.को अपाचे मोटरसाइकलसहित तीनै जनालाई पक्राउ गरिएकाे प्रहरीले जनाएकाे छ ।
 
चोरी भएको मोटरसाइकलसहित चोरीमा संलग्न तीनै जनालाई नियन्त्रणमा लिई चोरी सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।

राउण्ड टेबलद्वारा दुई दिने नि:शुल्क स्वास्थ्य शिविर सुरु

0

वीरगंज । राउण्ड टेबल नेपालको अधीनमा रहेको वीरगञ्ज फ्रेण्डस् राउण्ड टेबल ८ को आयोजनामा रौतहट जिल्लास्थित इस्नाथ नगरपालिकाको डुमरियामा आयोजित दुई दिने नि:शुल्क स्वास्थ्य शिविर शुक्रबारदेखी सुरु भएकाे छ ।

ग्रामिण भेगका जनतालाई सुलभ र सहज स्वास्थ्य सेवा पुर्याउने उद्देश्यले आयोजना गरिएकाे नि:शुल्क स्वास्थ्य शिविरको पहिलो दिन शुक्रबार ५ सय जना भन्दा बढी विरामी लाभान्वित भएका छन् ।

इस्नाथ नगरपालिकाका नगर प्रमुख सन्तोष महेताको विशेष पहलमा डूमारिया हेल्थ पोस्टमा आयोजित शिविरमा वीरगञ्जबाट आएका विभिन्न रोगका विषेशज्ञहरुले विरामीहरुलाई परामर्श दिनुका साथै नि:शुल्क औषधीसमेत वितरण गरेका थिए ।

शिविरमा नारायणी अस्पतालका कन्सल्टेन्ट फिजिसियन डा. सरोज रोशन दास, नारायणी वयोधा अस्पतालकी प्रसूति विभाग प्रमुख सविना रेग्मी, नारायणी आई सेन्टरका राजेश यादव, प्रभात चौरसिया लागायातले विरामीहरुलाई परामर्श दिएको वीरगञ्ज फ्रेण्ड राउण्ड टेबल ८ का अध्यक्ष दिपल खन्नाले बताए ।

अध्यक्ष खन्नाका अनुसार स्वास्थ्य शिविर शनिवार पनि जारी रहने छ । शनिबारको शिविरमा थप ३ विषयका विषेशज्ञ चिकित्सकहरु आउने भएका छन् । शनिवारको शिविरमा नारायणी अस्पतालका बाल रोग विशेषज्ञ डा. नवीन झा, स्त्री तथा प्रसूति रोग विशेषज्ञ डा. प्रीति यादव, नेत्र रोग विशेषज्ञ डा. वि. डी. चौरसिया आउने लागेका हुन् ।

शिविरमा भोलि आँखामा समस्या भएका रोगीहरुलाई नि:शुल्क चस्मा वितरण कार्यक्रम रहेको खन्नाले जानकारी दिए । स्वास्थ्य शिविरमा नगरपालिकाका स्वास्थ्य शाखा प्रमुख शेख इसराजुल, हेल्थ पोष्ट इन्चार्ज विजय यादव, स्वास्थ्यकर्मी अरुण महेता, धुर्व श्रीवास्तव, सुनिल साह, विवेक गुप्ता, प्रीति साह, समाजसेवी सुधाकर महेता, मनोज महेता लगायतले सहयोग गरेका थिए ।

प्रसौनी गापामा जडान गरिएकाे सिसिटिभि क्यामेराको उद्घाटन

0

वीरगंज । बाराको प्रसौनी गाउँपालिकामा सिसिटिभि क्यामेराको शुक्रबार एक कार्यक्रकाबीच उद्घाटन गरिएकाे छ । कार्यक्रमका प्रमुख अतिथी प्रसौनी गाउँपालिकाका अध्यक्ष भोला गुप्ताले जडा गरिएकाे सिसिटिभी क्यामेराकाे उद्घाटन गरेका हुन् ।

सिसिटिभी क्यामराकाे उद्घाट गर्दै गाउँपालिका अध्यक्ष गुप्ताले क्यामरा जडान गरिएकाे  क्षेत्रमा अब चोरी, डकैती, लागू पदार्थ सेवन लगायतका घटनाहरु नियन्त्रण गर्न सहयोग पुग्ने विश्वास व्यक्त गरे । उनले गण्डक, प्रसौनी बजारदेखि भलुहि चौकसम्म सिसिटिभी क्यामेराको विशेष निगरानी हुने बताए ।

साथै अध्यक्ष गुप्ताले प्रसौनी मात्र नभई कलैया बजारसम्म अरू पलिकसँग समन्वयगरी सिसिटिभी क्यामेरा जडान गर्न आफू तयार रहेको बताए ।

जिल्ला प्रहरी कार्यालय बाराका प्रहरी उपरीक्षक दीपेन्द्र शाहीले सिसिटिभी क्यामेरा जडानले शान्ति सुरक्षा लगायत चोरी, डकैती, लागू पदार्थ सेवन आदि रोकथाम गर्नमा विशेष सहयोग पुग्ने हुनाले यस कार्यको लागि प्रसौनी गाउँपालिकालाई धन्यवाद दिए ।

साथै उनले समाजमा भएका विकृतिलाई रोकथाम गर्न र शान्ति सुरक्षा कायम राख्न सबैलाई सहयोग र साथ दिन आग्रह गरे ।

नेपाल तरुण दल बाराका अध्यक्ष एवम् नेपाली कांग्रेसका महासमिति सदस्य लोकेश सिंहले सिसिटिभी क्यामेरा जडानले अब यस क्षेत्रमा शान्ति सुरक्षामा ठूलो सफलता हासिल गरेको बताए । उनले आउने दिनमा अझ सामाजिक सेवामा काम गर्न आफू तयार रहेको बताए ।

कार्यक्रममा प्रसाैनी गाउँपालिकाका सबै वडाका वडाध्यक्षहरुले शुभकामन व्यक्त गरेका थिए ।

कार्यक्रममा स्वागत मन्तब्य गाउँपालिकी उपप्रमुख गिता साहले गर्नु भएको थियो भने कार्यक्रमको सञ्चालन गाउँपालिकाका निम्ति प्रमुख प्रशासकीय अधिकृत सुरेश साहले गरेका थिए ।

कार्यक्रममा सुरक्षा कर्मी, कार्यपालिका सदस्य, समाजसेवी, बुद्धिजीवी लगायत सञ्चार कर्मीहरुको उपस्थिति रहेको थियो ।

कार्यक्रमका अध्यक्ष इलाका प्रहरी कार्यालय प्रसौनीका प्रहरी निरीक्षक विन्देश्वर यादवले कार्यक्रममा आएको सलाह सुझावलाई समेटेर शान्ति, सुरक्षा दिनमा आफू प्रतिबद्ध रहेको बताए ।

वीरगंज चिनी कारखानाको क्वाटरमा आफन्तकाे रजाई, केहीले भाँडा पनि लगाएकाे खुलासा

0

बीरगंज । वीरगंज चिनी कारखानाको क्वाटर मनपरी प्रयोग भइरहेको पाइएको छ । कारखाना संचालनका बेला त्यहाँ कार्यरत कर्मचारी बस्न बनाइएको क्वाटर कारखाना बन्द भएसँगै त्यसमा बसिरहेका कर्मचारीलाई प्रयोग गर्न दिइएको थियो ।

तर कारखाना बन्द भएको करिब २० वर्ष हुँदा अहिले अधिकांश क्वाटरमा पूर्व कर्मचारी छैनन् । केहीमा पूर्व कर्मचारीका भाइभतिज छन् भने केहीमा क्वाटरको संरक्षणको जिम्मा लिएकाहरुले भाडामा मान्छे राखेको पाइएको छ ।

अहिले क्वाटरमा करिब १२० परिवार बसिरहेका छन् । चिनीमिलको भौतिक संरचनासहितको जिम्मेवारी अर्थमन्त्रालयले जिल्लास्थित कोष तथा लेखा नियन्त्रकको कार्यालयमार्फत करारका कर्मचारीलाई दिएको छ ।

तर करारमा रहेका चिनी मिलका प्रशासक अवधकिसोर सिंहसहितको टोलीले भने क्वाटरलाई कमाई खाने भाडो बनाएको स्रोतको दावी छ ।

चिनीमिल बन्द हुँदा अधिकांस कर्मचारीले सेवासुविधा लिँदै अवकास लिए । त्यसमध्ये अहिले पनि १८३ जना कर्मचारीले अवकास लिएका छैनन् । क्वाटरमा बस्न पहिलो प्राथमिकता उनै कर्मचारीले पाउनु पर्ने हो । तर ती कर्मचारी क्वाटरमा बस्न पाएका छैनन् ।

मिलको प्रशासकको जिम्मेवारी पाएका सिंहले आफ्नो मनपरी रुपमा पूर्व कर्मचारीको नातागोता नै नपर्नेलाई पनि पैसा लिएर क्वाटर दिलाएको स्रोतको दावी छ ।

चिनी कारखानासँग कुनै तालुक नै नराख्नेलाई क्वाटरमा राखिएको भन्दै प्रहरीसम्मै उजुरी पुगेको छ । तर पनि क्वाटर खालि गरेर वास्तविक व्यक्तिलाई दिन संरक्षणको जिम्मा लिएकाहरु हिच्किचाइ रहेका छन् ।

रामाशंकर पटेल पर्साकै धोविनी निवासी हुन् । उनको कारखानासँग कुनै लेनदेन छैन । तर उनलाई कारखानाका प्रशासक सिंहले मासिक भाडा लिएर क्वाटरमा राखेको स्रोतको दावी छ ।

यस विषयमा प्रहरीमा उजुरी नै परेको र छलफल गरेर कारखानासँग सम्बन्धित नरहेकालाई निकाल्न भनिएको भए पनि सिंहले त्यता व्यक्तिहरुबाट क्वाटर मुक्त गराउन सकेका छैनन् । चिनी कारखानाको पूर्ण संरक्षण कोष तथा लेखा नियन्त्रकको कार्यालय वीरगञ्जले गरिरहेको छ । त्यही मातहत रहेर प्रशासकको जिम्मेवारी सिंहले पाएका हुन् ।

तर सिंहले क्वाटरको रेखदेख गर्नुको सट्टा क्वाटरलाई दुरुपयोग गरिरहेको स्रोतले दावी गरेको छ ।

यस बारेमा सिंहसँग बुझ्दा केही व्यक्ति कारखानासँग असम्बन्धित रहे पनि धेरै जसो पूर्व कर्मचारी नै अहिले पनि क्वाटरमा बसिरहेको दावी गरे ।

कारखानासँग असम्बन्धित व्यक्ति रामाशंकर पटेलको विषयमा सिंहले आफुले पटेललाई क्वाटर खाली गर्न भनी सकेको बताए ।

पटेललाई क्वाटर खाली गर्न कोलेनिकाले समेत पत्रचार गरेको तथा सो बिषयमा वडा प्रहरी कार्यालयमा समेत छलफल भएको सिंहले स्वीकार गरे । तर पनि पटेलले क्वाटर खाली नगर्नु कारण कार्यालयकै कर्मचारीहरुको मिलोमतो रहेको क्वाटरमै वसिरहेका एक जनाले नाम नछाप्ने सर्तमा बताए ।

कारखानामा भइरहेको गतिविधिका विषयमा कोष तथा लेखा नियन्त्रक कार्यालयले खासै चासो नदिँदा क्वाटरको दुरुपयोग हुनुका साथै सरकारी सम्पत्तीमाथी लुट मच्चि रहेको छ ।

चिनिमेलको रेखदेखमा खटिएका सिंहसहितका सुरक्षा गार्ड प्रमुख रत्नशमशेर राणा लगायतले सर–सफाईको नाममा लखौं मुल्य पर्ने काठको गोलाईका साथै फलामका महंगा समानहरु पटक–पटक बिक्री गर्दै आएका छन् ।

करारका कर्मचारीले आफ्नो स्वार्थका लागि कारखानाको सम्पत्ती दोहन मात्रै ध्यान दिएका हुन् । कारखानासँग सम्बन्ध नरहेकाहरुलाई क्वाटर खाली गर्न कोलोनिकाले पटक पटक पत्राचार गर्दै आएको छ ।

कोलोनिकाका प्रमुख रुद्र कार्कीले पटेल बसिरहेको कोठासहित कारखानासँग असम्बन्धित व्यक्तिको कोठा खालि गर्न आदेश दिएको बताउँछन् ।

तर पनि पटेलसहित कैयन परिवार करारकै कर्मचारीको मिलेमतोमा निर्वाध बस्दै आइरहेका छन् ।

बाहिर वस्दा घर भाडा महंगो पर्ने तर क्वाटरमा बसे कर्मचारीलाई केही पैसा दिए पनि हुने भएकाले कर्मचारीसँगको मिलेमतोमा असम्बन्धित व्यक्तिहरुले क्वाटरमा कब्जा जमाउन पुगेका हुन् ।

क्वाटर कब्जा गरेकाहरुले अटेरी गरेका त छँदै छन् तर अवधकिशोर सिंह तथा कारखानाका सुरक्षा प्रमुख रतनशम्शेर राणाले समेत कोनेलिकाको आदेशलाई अटेरी गर्नुलाई अर्थ पुर्ण रुपमा हेरिएको छ ।

प्रदिप यादवलाई मन्त्री नबनाएपछि उपेन्द्र यादवलाई काला नाग भन्दै वीरगंजमा प्रदर्शन

0

वीरगंज । पर्सा क्षेत्र नं. १ बाट निर्वाचित प्रतिनिधि सभा सदस्य प्रदिप यादवलाई जनता समाजवादी पार्टी (जसपा)ले मन्त्री नबनाएकाे आक्राेशमा वीरगंजमा प्रदर्शन भएकाे छ ।

सांसद यादवका समर्थकहरुले वीरगंजकाे घण्टाघरमा जसपाका अध्यक्ष उपेन्द्र यादवकाे पुत्ला जलाउँदै प्रदर्शन गरेका हुन् । प्रदर्शनकारीहरुले पर्सा जिल्लालाई घात गर्न पाइदैन् , उपेन्द्र यादव  मुर्दाबाद, काला नाग मुर्दाबाद,  जसपाका शान प्रदिप यादव जिन्दावाद, नेता कस्ताे ? प्रदिप यादव जस्ताे लगायतका चक्राे नारा लगाएका थिए ।

कुन्दन कुमार सिंहको नैतृत्वमा भएकाे प्रदर्शनमा जसपाका वीरगंज महानगरका उपाध्यक्ष शेख रुस्तम, समाजवादी युवा संघका वीरगंज महानगर अध्यक्ष सद्दाम हुसैन, हरिन्द्र साह, अंशु साह कानू, समाजवादी विद्यार्थी यूनियन पर्साका अध्यक्ष एजाज बाबु रांकि, मनाेज यादव लगायतकाकाे सहभागिता रहेकाे थियाे ।

लक्ष्मीपुरमा नेपाली कांग्रेसकाे पार्टी प्रबेश कार्यक्रम सम्पन्न, दुई दर्जनले गरे प्रबेश

0

वीरगंज । पर्साकाे जगरनाथपुर गाउँपालिका वडा नं. २ लक्ष्मीपुरमा शुक्रबार नेपाली कांग्रेसकाे पार्टी प्रबेश कार्यक्रम सम्पन्न भएकाे छ । कार्यक्रममा जनता समाजवादी पार्टी (जसपा) र लाेकतान्त्रिक समाजवादी पार्टी (लाेसपा) परित्याग गरी दुई दर्जनले नेपाली कांग्रेसमा प्रबेश गरेका छन् ।

कार्यक्रममा स्थानिय नेता लालबाबु चाैहान, रामबाबु चाैहान, जमुना यादव, प्रभु चाैहान, नागेन्द्र प्रसाद चाैहान, अजय प्रसाद चाैहान, असर्फी यादव, सुकई यादव, काशी प्रसाद चाैहान, उमेश गिरी, सुरेश प्रसाद चाैहान, मुकेश प्रसाद चाैहान, ठग  महताे, गाया यादव, माया यादव लगायतकाले पार्टी प्रबेश गरेकाे नेपाली कांग्रस पर्सा क्षेत्र नं. ४ का सचिव श्रीकान्त यादवले जानकारी दिए ।

पार्टी प्रबेश कार्यक्रमलाई सम्बाेधन गर्दे नेपाली कांग्रेसका केन्द्रिय सदस्य रमेश रिजालले नेपाली कांग्रेसकाे विकल्प नरहेकाे दाबी गरे । उनले अहिले चुनाव कसले गराउन विषयमा देशमा राजनिति भइरहेकाे वताए । 

कार्यक्रमका प्रमुख अतिथी समेत रहेका नेता रिजालले नेपाली कांग्रेस नेतृत्वकाे सरकार नै स्थानिय, प्रदेश र संघकाे निर्वाचन गराउन वताए । उनले भने “नेपाली कांग्रेस नेतृत्वकाे सरकार भए पनि गठबन्धनले सरकार संचालन गरेका कारण साेचे अनुसारकाे काम प्रधानमन्त्री देउवाले गर्न सक्नु भएकाे छैन् । तर पनि मन्त्री परिषद विस्तार लगतै नै सरकारकाे काम, कारवाहीले गति लिन्छ ।

उनले एमसिसि पास भए अमेरिकाले देश कब्जा गर्छ गाउँ गाउँमा फैलाइएकाे हल्ला गलत भएकाे वताए ।   

नेपाली कांग्रेसका वडा सभापति एकबाली साहकाे अध्यक्षतामा भएकाे कार्यक्रममा प्रदेश सभा सदस्य शंकर चाैधरी, महासमिति सदस्य बशिष्ठ नारायण कुर्मी, रामदेव चाैहान, जिल्ला सदस्य प्रेम थापा लगायतकाले शुभकामना मन्तव्य राखेका थिए ।