वीरगंज । पर्साको सखुवा प्रसौनी गाउँपालिकामा एकल महिला सम्मान कार्यक्रम सम्पन्न भएको छ ।
गाउँपालिकाको वडा नं. ५ महुवनस्थित स्वास्थ्य चौकीमा आईतबार भएको कार्यक्रममा गाउँपालिका अध्यक्ष प्रदीप जयसवालले एकल महिलाहरुलाई छाता र टच वितरण गरि सम्मान गरेका थिए ।
वडाध्यक्ष रुपलाल यादवको अध्यक्षतामा भएको कार्यक्रममा प्रमुख प्रशासकीय अधिकृत भुजेन्द्र कुमार चा्रैधरी, समाजिक शाखा प्रमुख बिनोद यादव, वडासचिव रमेश साह लगायतको सहभागिता रहेको थियो ।
यसैगरी, वडा नं. ३ कटेयामा पनि एकल महिला सम्मान कार्यक्रम सम्पन्न भएको गाउँपालिकाका योजना शाखा प्रमुख सुनिल कलवारले बताए ।
वडा अन्तर्गतका एकल महिलाहरुलाई छाता र टर्च वितरण गरि गाउँपालिका अध्यक्ष जयसवालले सम्मान गरेको उनले जानकारी दिए । सो कार्यक्रममा वडा अध्यक्ष सलिम अंसारी, वडा सचिव बृजकिसोर प्रसाद लगायतको सहभागिता रहेको थियो ।
