Date
बिहि, मंसिर ३, २०८३
Thu, November 19, 2026
Home Blog Page 754

सधैँ हिलो र पानी जम्ने सडक ढलान, सांसद यादवद्वारा उद्घाटन

0

वीरगंज । पर्सा क्षेत्र नम्बर एकका सांसद प्रदीप यादवले शनिबार वीरगन्ज महानगरपालिकाकाे वडा नम्बर ३० लालपर्सामा ढलान गरिएको सडकको उद्घाटन गरेका छन् ।

सांसद यादवको संसदीय विकास कोषको ३० लाख रुपैयाँबाट लालपर्साको सात सय मिटर सडक ढलान र नाला निर्माण भएकाे वताइएकाे छ । लालपर्साको मूख्य सडकदेखि ब्रहमस्थानसम्मको ७ सय मिटर सडक खण्डमा विगतमा जहिले हिलो र पानी जम्ने समस्या रहँदै आएको थियो ।

लामो समयदेखिको पानी जम्ने समस्याले लालपर्सावासीले सास्ती खेप्दै आएका थिए । वर्षातको समयमा भेडाहा खोलामा बाढी आउँदा उक्त सडकमा लामो समयसम्म पानी जमेर बाटो हिलाम्मे हुने गरेको थियो । पियरी माटोले बाटो पुरिन्थ्यो । सामान्य हिँडडुल गर्न समेत गाह्रो थियो । उक्त सडक खण्ड ढलान भएपछि लालपर्सावासीमा खुसीयाली छाएको छ ।

सांसद यादवले लालपर्सावासीको समस्यालाई सम्बोधन गर्दै आफ्नो संसदीय विकासको रकमबाट सडक ढलान गरिएको वताए ।

उपभाेक्ता समिति मार्फत गरिएको ढलान र नाला निर्माण कार्य इस्टीमेट भन्दा बढी रहेको छ । गाउँको वर्षौदेखिको समस्या समाधान हुने भएपछि स्थानीयले हौँसिएर निर्माण कार्यमा सहयोग गरेका उनले वताए ।

यसअघि लालपर्साको परसोतीपुरमा सांसद यादवले ४० लाख रुपैयाँको लागतमा नमुना सडक निर्माण गराएका थिए । सडक उद्घाटन कार्यक्रममा जसपाका इकाई अध्यक्ष दिनानाथ मण्डल, बरमा यादव, युवा नेता मनोज यादव, गगनदेव यादव, रामप्रवेश यादव, मनोज साह कानु, रामप्रवेश कलवार, सन्जीव ठाकुर लगायत स्थानीयको उपस्थिती रहेको थियो ।

पर्साका एसपी पाण्डेकाे सरुवा, बस्नेत आउँदै

0

वीरगंज । जिल्ला प्रहरी कार्यालय पर्साका प्रमुख प्रहरी उपरिक्षक बेल बहादुर पाण्डेकाे सरुवा भएकाे छ । उनकाे ठाउँमा महानगरिय प्रहरी परिसर काठमाडाैंमा कार्यरत रहेका प्रहरी उपरिक्षक रमेश कुमार बस्नेत आउने भएका छन् ।

पाण्डेलाई प्रहरी प्रधान कार्यालय कार्य विभाग सुरक्षा सेवा व्यवस्थापन महाशाखा नक्साल, काठमाडाैं पठाइएकाे छ ।

प्रहरी प्रधान कार्यालयले २२ जना प्रहरी उपरीक्षक(एसपी)को सरुवा गरेको छ । सरुवामा सात जिल्लाका प्रहरी प्रमुखको सरुवा भएको छ ।

सरुवाअनुसार पर्सामा रमेश कुमार बस्नेत, मकवानपुरमा सुरेन्द्र गुरुङ, नुवाकोटमा रामप्रसाद शाह, तनहुँमा राजेन्द्रबाबु रेग्मी, स्याङजामा राजीब बस्नेत, धादिङमा राकेश सिंह र सप्तरीमा अविनारायण काफ्लेलाई पठाइएको छ । उनीहरुमध्ये धेरै जिल्लामा अवधि नै नपुगी सरुवा गरिएको छ ।

पटेर्वा सुगाैलीमा बक्तृत्वकला प्रतियोगिता सम्पन्न

0

वीरगंज । पर्साकाे पटेर्वा सुगौली गाउँपालिका वडा नं. ४ सुगौलीमा शनिबार बाल अधिकारको सुनिश्चितताका लागि स्थानिय तहको भुमिका बिषयक बक्तृत्वकला प्रतियोगिता सम्पन्न भएको छ ।

दिब्य युवा क्लब पर्सा र एक्सनएड नेपालको संयुक्त साझेदारीमा पटेर्वा सुगौली गाउँपालिकाम सञ्चालित स्थानिय अधिकार कार्यक्रम अन्तर्गत अन्तर्राष्ट्रिय बाल दिवसको अवसरमा पालिका स्तरीय वक्तृत्वकला प्रतियाेगिता सम्पन्न भएकाे हाे ।

प्रतियाेगितामा पटेर्वा सुगाैली गाउँपालिका वडा नं. ५ निचुटाकी काजल पटेल प्रथम, साेही ठाउँकी दिपावली साह दाेस्राे, वडा नं. ३ की निर्जला कुमारी तेस्राे र वडा नं. ४ की संतोषी राम चाैथाे भएका थिए ।

बर्तमान अवस्थामा बालबालिकाहरुको समन्वय सहकार्य स्थानिय सरकार वा पालिकासंग एकदमै न्युन रहेकोले यसलाई सुधार गर्न र पालिकाको ध्यानाकर्ष गराउनका लागि प्रतियाेगिता आयाेजना गरिएकाे आयाेजकले जनाएकाे छ ।

बालबालिकाहरुले आफ्नो बालअधिकारको वारेमा वकालत गर्न समुदाय, समाज, घरपरिवारका साथै स्थानिय सरकारसंग पनि वकालत गर्न, हकहितका लागि आवाज उठाउन त्यतिकै जरुरी देखिन्छ किनभने बालबालिकाहरुको बिकासमा स्थानिय सरकारको ठुलो योगदान रहेको दिव्य युवा क्लबका कार्यकारी निर्देशक रामाकान्त पटेलले वताए ।

दिब्य युवा क्लबका अध्यक्ष देवनाथ ठाकुर अध्यक्षता र पटेर्वा सुगौली गापाका शिक्षा शाखा प्रमुख शम्भु साहकाे प्रमुख आतिथ्यतामा प्रतियाेगितामा श्री.ने.रा.मा.बि.सुगौली दा.पु.का प्रधानाध्यापक मोहन दास थारु, महिला अधिकार मञ्चकी अध्यक्ष मिना देवी चौधरी, दिब्य युवा क्लब पर्साका कार्यकारी निर्देशक रामाकान्त प्रसाद कुर्मी लगायतकाे उपस्थिती रहेकाे थियाे ।

प्रतियाेगितामा पटेर्वा सुगौली गाँउपालिकाका ५ वटै वडामा गठित बाल क्लब, किशोरी समुहहरुको बालबालिकाहरु तथा अभिभावकहरुको उपस्थिति रहेको थियो ।

पकहा मैनपुरमा नेकपा एस निकट युवा संघकाे कमिटी गठन

0

वीरगंज । नेकपा एकीकृत समाजबादी निकट युवा संघ नेपाल पकहा मैनपुर गाउँपालिकाको भेला शनिबार सबैठवामा सम्पन्न भएको छ । सम्पन्न भेलाले मन्जय महतोको अध्यक्षतामा १०१ सदस्यीय युवा संघको गाउँपालिका स्तरिय कमिटी गठन गरेको छ ।

जसको उपाध्यक्षमा अजय राम, जितेन्द्र प्रसाद यादव, सचिवमा प्रकाश पटेल, सह-सचीवमा रोहित यादव, जुगुल यादव, कोषाध्यक्षमा बलिराम शर्मा, सदस्यमा अर्जुन बैठा, बिरेन्द्र पासवान, प्रमोद पटेल, लालबाबू पटेल, राजिन्द्र पटेल, अनिल पटेल लगायतका चयन भएका छन् ।

एकीकृत समाजवादी पकहामैनपुर गाउँपालिका कमिटीका अध्यक्ष मदन हजराको अध्यक्षता र जिल्ला सचिवालय सदस्य बृजलाल पासवानको प्रमुख आतिथ्यमा भएकाे भेलामा युवा संघ पर्सा अध्यक्ष भुपेन्द्र साह, दलित मुक्ती संगठन पर्साका अध्यक्ष सुशील हजरा, उपाध्यक्ष अमरदेव पासवान, सचीव साधु राम, समाजबादी प्रेस संगठन पर्साका नेता मनोज पटेल, बिन्दुभुशन साह लगायतले शुभकामना मन्तव्य ब्यक्त गरेका थिए ।

वीरगंज २१ मा मुस्लिम युवाहरुकाे कमिटी गठन

0
वीरगंज । वीरगंज महानगरपालिकाकाे वडा नं. २१ मा लाेकतान्त्रिक समाजवादी पार्टी (लाेसपा) निकट मुस्लिम युवा कमिटी गठन गरिएको छ। लाेसपा निकट मुस्लिम युवाहरुकाे एक भेलाले मेराज आलमकाे अध्यक्षतामा  १५ सदस्यीय मुस्लिम युवा कमिटी गठन गरेकाे लाेसपाका नेता मुकेश द्विवेदीले जानकारी दिए ।
 
जुन कमिटीकाे उपाध्यक्षमा कलाम आलम, सजीवमा फिरोज आलम, सह सचिवमा अरसद हुसैन, कोषाध्यक्षमा महमद आलम, सदस्यमा सम्सुल आलम, सरोज आलम, समजाद आलम, रबनेश आलम, सैफ अली, नसिब आलम, नवाब आलम, तब्रेजा आलम, आवास आलम, यीमरान आलम, बसिर आलम, सैयाद आलम, दिलसाद आलम, प्रविज आलम र सानिए आलम रहेका छन् ।
 
लोस्पाका स्थानिय नेता संजय मण्डलकाे अध्यक्षतामा भएकाे भेलामा लोसपा मुस्लिम विभागका अध्यक्ष वकील हावारी, नगर युवा अध्यक्ष राजु गुप्ता, लोसपाका युवा नेता अजय महतो, वडा नं २१ का युवा समितिका अध्यक्ष पुरुषोतम पटेल, रुपेश यादव, सिपलाल राम लगायतको उपस्थिती थियो भने कार्यक्रमको सहजीकरण कृष्णा पटेलले गरेका थिए ।

बाल दिवसको अवसरमा वक्तृत्वकला प्रतियोगिता सम्पन्न

0

 वीरगञ्ज । अन्तराष्ट्रिय बाल दिवसको अवसरमा वीरगञ्जमा वक्तृत्वकला प्रतियोगिता सम्पन्न भएको छ । चाइल्ड हब नेपालले दिवसको अवसरमा वीरगञ्जस्थित त्रिजुद्ध महाविर प्रसाद रघुविर राम उच्च माद्यामिक विद्यालयमा आयोजना गरेको प्रतियोगिता सम्पन्न भएको हो ।

चाइल्ड हब नेपालका अध्यक्ष आमिर हवारीको अध्यक्षतामा भएको प्रतियोगितामा १२ जनाको सहभागिता रहेको थियो । प्रतियोगितामा श्रेया राय प्रथम, आदित्य चौरसिया द्वितिय र आयुषी तिवारी तृतिय भएका थिए । विजेताहरुलाई शिल्ड, मेडल र प्रमाण पत्र प्रदान गरिएको थियो भने सहभागी सबैजनालाई प्रमाण पत्र वितरण गरिएको चाइल्ड हब नेपालकी सहसचिव अनिता गिरीले जानकारी दिइन् ।

प्रतियोगितामा वीरगञ्ज पब्लिक कलेजका प्रबन्ध निर्देशक प्राध्यापक डा. दिपक शाक्य, रोयल एकेडेमीकी प्रबन्ध निर्देशक बिजया ओझैया र युवा अभियान्ता साथै नृसिँह माविका शिक्षक दिलिपराज कार्कीले निर्णायकको भूमिका निर्वाह गरेका थिए ।

कोभिड १९ ले बालबालिकाको शिक्षामा पारेको प्रभाव र न्युनिकरणका उपाय विषयक वक्तृत्वकला प्रतियोगितालाई सम्बोधन गर्दै वीरगञ्ज महानगरपालिकाका नगर प्रमुख विजय कुमार सरावगीले बालबालिकाको क्षमता अभिवृद्धि र व्यक्तित्व विकासका लागि वक्तृत्वकला प्रतियोगिताले महत्वपूर्ण भूमिका खेल्ने बताए ।

समसामयिक विषयवस्तुको ज्ञान हुनु र त्यसको बारेमा आफ्नो धारणा व्यक्त गर्न सके सफल हुन कसैले नरोक्ने नगर प्रमुख सरावगीको भनाई छ ।

कार्यक्रममा त्रिजुद्ध स्कुलका प्रधानाध्यापक हरेन्द्र प्रसाद कुर्मी, सामाजिक अभियानता ओमप्रकाश सर्राफ, स्माईल डेन्टल क्लिनिकका निर्देशक डा. आमिर आलम, हेल्थ असिस्टेन्ट एम.डी. सैनुल्लाह हवारी लगायतले शुभकामना मन्तव्य व्यक्त गरेका थिए । 

वीरगंजको वडा नं. ११ र १२ मा माओवादी केन्द्रको सम्मेलन सम्पन्न

0

वीरगंज |  नेकपा माओवादी केन्द्र वीरगंज महानगरपालिका वडा नं ११ को वडा सम्मेलन शनिवार सम्पन्न भएको छ। सम्मेलनले अजय महतो धानुकको अध्यक्षतामा २१ सदस्यिय वडा समिति गठन भएको अनेरास्ववियू(क्रान्तिकारी) वीरगंज महानगर उपाध्यक्ष रामबाबु मण्डलले जानकारी दिए।

जुन वडा समितिको उपाध्यक्षमा राजकपुर मण्डल,सचिवमा विरेन्द्र मण्डल, कोषाध्यक्षमा शान्ति देवी मण्डल, सदस्यहरुमा अब्दुल सकुर हवारी,संजय गिरी,नागेन्द्र पटेल,आकाश पटेल, रामबाबु मण्डल, विनोद पटेल, आबिद हुसेन, दामोदर मण्डल, आदित्य मण्डल, ममता मण्डल, सम्सुल हवारी, चम्पा देवी, मिना देवी,अवधेश गिरी, महेश महतो , रन्जु देवी मणडल र लालमुनि मणडल रहेका छन । 

यस्तै, वीरगंज महानगरपालिकाको वडा नं १२ को पनि वडा सम्मेलन सम्पन्न भएको छ। सम्मेलनले जयलाल साह कानुको अध्यक्षतामा २१ सदस्यीय समिति सर्वसहमत चयन गरेको छ।

जुन समितिको उपाध्यक्षमा आविद अंसारी सचिवमा सागिर अंसारी, सह-सचिवमा विकाश शर्मा लगायतका रहेको अनेरास्ववियू(क्रान्तिकारी) पर्साका सह-संयोजक एहसान अंसारीले जानकारी दिए ।

हरेक रात अभिषेक बच्चनले सुत्नुअघि ऐश्वर्या रायसँग माफी माग्दथे, कारण यस्तो

0

बलिउडका निकै रुचाइएका जोडी ऐश्वर्या राय बच्चन र अभिषेक बच्चनको केमिस्ट्री सबैलाई मनपर्छ, यी दुईबीच वर्षौंदेखि उत्कृष्ट सम्बन्ध देखिएको छ । तर श्रीमान्–श्रीमतीबीचको एउटा सिक्रेट अभिषेक बच्चन आफैंले एउटा अन्तरवार्तामा खुलाएका छन् ।

वास्तवमा केही वर्ष अघि ऐश्वर्या राय बच्चन र अभिषेक बच्चन एउटा अन्तरवार्तामा उपस्थित भएका थिए । इन्डिया डटकमको खबर अनुसार यसै अन्तरवार्तामा अभिषेक बच्चनले आफ्नो वैवाहिक जीवनको विषयमा रोचक तथ्य खुलाएका थिए ।

उक्त कुराकानीमा यो जोडीले आफ्नो पनि अन्य जोडीको जस्तै थुप्रै पटक बहस हुने गरेको स्वीकार गरे । ऐश्वर्याले पनि यसबारे कुरा गर्दै अभिषेक र आफूबीच कुनै न कुनै कुरामा ठाकठुक परिहाल्ने बताइन् । तर यसलाई उनले झगडा नभई असहमति बताएकी थिइन् । उनले भनिन्, ‘यस्सो ठाकठुक भएन भने त जीवन बोर भइहाल्छ नि ।’

अभिषेकले किन माग्दथे माफीः

यो कुराकानीमा अभिषेकले आफ्नो वैवाहिक जीवनलाई सही तरिकाले चलाउनका लागि एउटा गोप्य कुरा बताएका थिए । उनले भने, ‘हामीले झगडा गरेर कहिले पनि नसुत्ने निर्णय गर्यौं । त्यसैले म हरेक दिन सुत्नुभन्दा अघि हरेक गल्तीका लागि माफी माग्ने गर्दथेँ ।’

यसबारे ठट्टा गर्दै उनले भने, ‘महिला यसै पनि आफ्नो गल्ती मान्दैनन् त्यसैले धेरैजसो झगडामा मैले नै माफी माग्थेँ ।’

‘चपली हाइट- ३’ को ट्रेलर सार्वजनिक

0

अर्जुनकुमारको निर्माण रहेको फिल्म ‘चपली हाइट ३’ को ट्रेलर सार्वजनिक गरिएको छ । शुक्रबार दरबारमार्गको राइजिङ मल स्थित क्युज सिनेमाज्मा आयोजित एक कार्यक्रमका बीच ट्रेलर सार्वजनिक गरिएको हो । २ मिनेट ३६ सेकेण्डको अवधिको ट्रेलरमा फिल्मको केही  महत्वपूर्ण अंश समेटिएको छ । सस्पेन्स र थ्रीलर शैलीमा ट्रेलर तयार गरिएको छ । 

स्वस्तिमा खड्का, आमिर गौतम, सुपुष्पा भट्ट, महेश त्रिपाठी, अर्पण थापा, तिकमान श्रेष्ठ, दीपाश्री निरौला, लक्ष्मी बर्देवा, लोकेन्द्र लेखक, विशाल पहारी, जीवन भट्टराई, सुष्मा निरौला लगायतका कलाकारको अभिनय फिल्ममा छ । आगामी पुस २ गतेबाट प्रदर्शन मिति तोकिएको फिल्मका कार्यकारी निर्माता नरेन्द्र महर्जन र हेमन्त धामी हुन् ।

आकाश बरालको कथा तथा सम्वाद रहेको फिल्ममा डिपी खनालको शब्द, सुभाष भुषाल र अर्जुनकुमारको संगीत, अष्ट महर्जनको द्वन्द्व छ । दिर्घ खड्काको सम्पादन र पुरुषोत्तम प्रधानको छायाङ्कन रहेको फिल्म क्राइम–थ्रिलर जनरामा निर्माण भएको हो । फिल्मको निर्देशन निकेश खड्काले गरेका हुन् ।

स्वस्तिमा खड्काले पहिलो पटक आफूले फरक जनराको फिल्ममा काम गरेकाले नयाँ अनुभूति भएको बताइन् । दर्शकले फिल्म रुचाउने उनको भनाई रहेको थियो । कार्यक्रममा निर्माता अर्जुनकुमार,अभिनेत्री सुपुष्पा भट्ट, निर्देशक निकेश लगायतले फिल्मको बिषयमा धारणा राखेका थिए । 

भैरहवामा कांग्रेसका दुई पक्षबीच झडप

0

काठमाण्डाै – कांग्रेसको १४ औं महाधिवेशन अन्तर्गत रुपन्देहीको क्षेत्र नं ३ (क) को मतगणनाका क्रममा झडप भएको छ ।

सिद्धार्थनगर नगरपालिकाको भैरहवामा भएको झडपमा पाँच जना घाइते भएका छन् । घाइते भएकामध्ये क्षेत्रीय सचिव पदका उम्मेदवार शैलेश पन्तको लुम्बिनी प्रादेशिक अस्पतालमा उपचार भइरहेको छ । अरुको भीम अस्पताल भैरहवामा उपचार भइरहेको छ ।

मतगणना स्थलमा संस्थापन पक्षले आक्रमण गरेको नेता रामचन्द्र पौडेल पक्षको आरोप छ । विवादका कारण मतगणना स्थगित भएको अध्यक्ष पदका उम्मेदवार पुरण श्रेष्ठले बताउनुभयो । प्रदेश-३ (क) मा संस्थापन पक्षबाट सुरेन्द्र जङ्ग थापा र नेता पौडेल पक्षबाट पुरणप्रसाद श्रेष्ठ उम्मेदवार हुनुहुन्छ ।