Date
बिहि, मंसिर ३, २०८३
Thu, November 19, 2026
Home Blog Page 753

सुन र चाँदीमा मूल्य वृद्धि

0

सोमबार नेपाली बजारमा सुनचाँदी दुबैको मूल्य वृद्धि भएको छ । नेपाल सुनचाँदी व्यवसायी महासंघका अनुसार यसदिन सुन तोलामा २०० रुपैयाँले र चाँदी १० रुपैयाँले वृद्धि भएको हो ।

बढेको मूल्यअनुसार आज छापावाला सुन प्रतितोला ९३ हजार ९०० रुपैयाँमा र चाँदी एकहजार २७० रुपैयाँमा कारोबार भइरहेको छ । गत आइतबार सुन प्रतितोला ९३ हजार ७०० रुपैयाँ र चाँदी एक हजार २६० रुपैयाँमा कारोबार भएको थियो । 

यस्तै, आज यता तेजाबी सुनको मूल्य समेत २०० रुपैयाँले नै बढ्दै प्रतितोला ९३ हजार ४०० रुपैयाँमा कारोबार भइरहेको महासंघले जनाएको छ ।

महिला विश्वकप छनौट खेलमा आज नेपाल हङकङक संग भिड्दै

0

आईसीसी महिला टी–ट्वान्टी विश्वकप एसिया छनोटको पहिलो खेलमा नेपाली महिला क्रिकेट टोलीले आज हङकङको सामना गर्दैछ । दुबईको आईसीसी क्रिकेट एकेडेमीमा नेपालले हङकङ विचको खेल सवा एघार बजे शुरु हुनेछ ।

नेपाल आज पहिलो खेलमा जित निकाल्दै प्रतियोगिताको सुखद सुरुवात गर्ने तयारीमा छ । हङकङपनि नेपाललाई स्तब्ध बनाउने योजनामा हुनेछ । पछिल्लो पटक नेपालले २०१९ मा भएको प्रतिस्पर्धामा नेपालले हङकङलाई चार विकेटले पराजित गरेको थियो ।

छनोटमा छ टोली सहभागी छन् । छनोटको विजेता टिमले विश्वकपको ग्लोबल छनोटमा स्थान बनाउने छन् । छनोट अन्तर्गत नै नेपालले मंगलबार भुटान, बिहीबार कुवेत, शुक्रबार मलेसिया र आइतबार युएइसँग प्रतिस्पर्धा गर्दैछ ।

अष्ट्रेलियाले अन्तर्राष्ट्रिय सीमा खुला गर्ने घोषणा : डिसेम्बर १ देखि प्रवेश अनुमति दिइने

0

एजेन्सी ।  अष्ट्रेलियाले अन्तर्राष्ट्रिय सीमा खुला गर्ने घोषणा गरेको छ । प्रधानमन्त्री स्कट मरिसनले आज पत्रकार सम्मेलन गर्दै डिसेम्बर १ देखि अन्तर्राष्ट्रिय विद्यार्थीसहित दक्ष कामदारलाई प्रवेश अनुमति दिइने जनाए ।.

त्यहाँका ८५ प्रतिशत जनसंख्याले कोभिड-१९ विरुद्धको खोप लगाइसकेपछि सरकारले यस्तो निर्णय लिएको हो । विदेशीको लागि सीमा खुला गर्ने निर्णयसँगै झन्डै २ लाख भिसावाहक विदेशी तत्कालै अष्ट्रेलियामा भित्रिने अपेक्षा गरिएको छ ।

डिसेम्बर १ देखि पूर्णमात्रा खोप लगाएका र दक्ष कामदारसहितका विद्यार्थीले प्रवेश पाउने जनाइएको छ । तर, अष्ट्रेलिया जाने विद्यार्थीले क्वारेन्टिन बस्नुपर्छ वा पर्दैन भन्ने निर्णय चाहिँ सम्बन्धित राज्य सरकारले गर्ने भएका छन् ।

रौतहटमा माहुरीको आतंक, १ दर्जन भन्दा बढि मानिस घाइते

0

‍‍वीरगंज ।  रौतहटको कटहरियामा माहुरीको टोकाइबाट महिला बालबालिका सहित करीब एकदर्जन मानिस घाइते भएका छन्।
त्यस नगरकक्षेत्र भित्र माहुरीको टोकाईबाट कटहरिया ५ का युवाहरु राकेश गिरि, नवल साह, सोनालाल साह, ओमप्रकाश साह, पवन साह, शिवसंकर साह, पारस साह, तीन जना बालबालिका, एकजना महिला लगायत १ दर्जन बढी मानिस घाइते भएको स्थानियले जनाएका छन ।

घाइते मध्ये केहिको  अवस्थामा गम्भीर रहेकोले तिनका उपचार प्राथमिक स्वास्थ केन्द्र कटहरिया र केहिको निजि अस्पतालमा  भइरहेको पीडित मध्येका राकेश गिरिले बताएका छन ।

कटहरिया ५ स्थित कटहरिया एफएमको पुर्वपटी एउटा गोठमा ती युवाहरु तास खेलिरहेका बेला , गोठको पुर्वपटी सिमलको रुखमा रहेको माहुरिको घारमा उडिरहेको एउटा चराले ठोकिएपछी आक्रोशित  माहुरीहरुले एकैपटक हजारौंको संख्यामा उनिहरुमाथी आक्रमण गरेको थियो ।

 

आमिर खानको लाल सिंह चड्ढा , यशको KGF 2 सँग भिड्ने

0

आमिर खान प्रोडक्सन तथा वायकम-१८ स्टुडियोले शनिवार ‘लाल सिंह चड्ढा’ को एक रोमान्टिक पोस्टर सार्वजनिक गर्दै २०२२ को अप्रिल १४ लाई प्रदर्शन मिति घोषणा गरेको हो । यसअघि यो चलचित्र भ्यालेन्टाइन डेको अवसर पारेर ११ फेब्रअरीमा प्रदर्शनमा आउने तयारीमा थियो । सार्वजनिक पोस्टरमा आमिर खान र करीना कपूरलाई देख्न सकिन्छ ।

‘लाल सिंह चड्ढा’ हलिउड स्टार टम ह्याक्सको हलिउड चलचित्र ‘फरेस्ट गुम्पस’को हिन्दी रिमेक हो । यो चलचित्रले अस्कार अवार्ड समेत जितेको थियो । चलचित्रको कथा १९८४ मा भारतीय प्रधानमन्त्री इन्दिरा गान्धीको हत्यापछि भारतमा सिख समुदायको विरुद्ध लडेकाहरूको कहानीमा आधारित रहेको छ ।

चलचित्रमा अभिनेत्री करीना कपुरले आमिरको श्रीमतीको भूमिका निर्वाह गरेकी छन् । आमिर खान प्रोडक्सनको व्यानरमा निर्माण भएको यस चलचित्रलाई आमिरकी पत्नी किरण रावले निर्माण र अद्धैत चन्दनले निर्देशन गरेका हुन् । चलचित्रमा प्रीतमको संगीत छ भने अमिताम भट्टाचार्यले गीत लेखेका छन् ।

कोराना महामारीले झण्डै दुई वर्ष ठप्प बनेको चलचित्र क्षेत्र ‘सूर्यवंशी’को प्रदर्शनसँगै चलायमान हुन थालेसंगै आउँदो वर्ष २०२२ मा भारतका दुई ठूला चलचित्र एकै मितिमा भिड्ने भएका छन् । २०२२ को अप्रिल १४ (नेपाली नयाँ वर्ष बैशाख १) मा बलिउडको बहुप्रतिक्षीत चलचित्र ‘लाल सिंह चड्ढा’ र साउथको ‘केजीएफ २’ बक्सअफिसमा एकअर्कासँग भिड्न लागेका हुन् । ट्रेड एनालिस्ट तरण आदर्शले यी दुई चलचित्रको भिडन्त २०२२ को सबैभन्दा ठूलो हुने सामाजिक सञ्जालमा उल्लेख गरेका छन् ।

क्रुज ड्रग्स मामिलामा बम्बे हाईकोर्टको फैसला : आर्यन खानविरुद्ध प्रमाण पुगेन

0

शाहरुख खानका छोरा आर्यन खान संलग्न क्रुज ड्रग्स मामिलामा बम्बे हाईकोर्टले शनिबार बिस्तृत फैसलाको कपी जारी गरेको छ । ‘प्रथम दृष्टया आरोपीहरुविरुद्ध त्यस्तो कुनै प्रमाण मिलेन, जसले यो विषय साबित गरोस् कि उनीहरुले ड्रग्ससँग सम्बन्धि कुनै अपराध गर्ने षड्यन्त्र गरेका थिए,’ फैसलामा उल्लेख छ । 

यसअघि आर्यन र उनका दुई साथीहरु जमानतमा रिहा भएका थिए । २८ अक्टुबरमा आर्यन, अरबाज मर्चेन्ट र मुनमुन धमेचाको जमानत अदालतले स्विकारेको थियो । त्यसैगरी आर्यनको ह्वाट्सएप च्याट सार्वजनिक भएको र उनले अन्य तीन आरोपितहरुसँग मिलेर कुनै अपराध गर्ने षड्यन्त्र गरेको विषय त्यसमा पनि नदेखिएको अदालतले जनाएको छ ।

एनडिपिएस अधिनियमको धारा ६७ अन्तर्गत एनसिबीद्धारा दर्ज गरिएको आर्यन खानको बयानको प्रयोग केवल मामिलाको जाँचका लागि मात्रै गर्न सकिने पनि आदेशमा उल्लेख छ । तर, अभियुक्तहरूलाई एनडिपिएस अधिनियम अन्तर्गत अपराधी ठहर गर्ने अनुमान लगाउन वा साबित गर्नका लागि यस बयानको प्रयोग गर्न नसकिने पनि उल्लेख छ । 

 

प्रदेश–२ मा एकीकृत समाजवादीबाट दुई मन्त्रीले लिए शपथ

0

वीरगंज ।  नेकपा (एकीकृत समाजवादी) प्रदेश नम्बर–२ सरकारमा सहभागी भएको छ । आइतबार बिहान नेकपा (एकीकृत समाजवादी)बाट दुई मन्त्रीले पद तथा गोपनीयताको शपथ लिएका छन् ।

प्रदेश प्रमुख हरिशंकर मिश्रले उद्योग, पर्यटन, वन तथा वातावरणमन्त्रीमा शत्रुधन महतो र कानुन, न्याय तथा प्रदेश मामिलामन्त्रीमा प्रमोद यादवलाई शपथ खुवाएका हुन् ।

अब प्रदेशमा चारदलीय गठबन्धनको सरकार भएको छ । जनता समाजवादी पार्टी (जसपा)को नेतृत्वमा नेपाली कांग्रेस तीन, नेकपा (एकीकृत समाजवादी) दुई र नेकपा (माओवादी केन्द्र) एक मन्त्रालयसहित सरकारमा छन् ।

थ्रेसरले च्यापीदा जगरनाथपुरका ८ वर्षीय बालकको मृत्यु

0
death boday_kalikatimes
सांकेतिक तस्बिर

वीरगंज । पर्साको जगरनाथपुर गाउँपालिका वडा नम्बर ६ माधवपुरमा धान झार्ने थ्रेसरले च्यापीदा एक बालकको मृत्यु भएको छ । स्थानिय भुटेश्वर साहका ८ वर्षिय छोरा ओमबाबु साहको मृत्यु भएको प्रहरीले जनाएको छ ।

थ्रेसरले च्यापेर गम्भीर घाइते भएका उनलाई उपचारको लागि तराई अस्पताल ल्याइएको थियो । उपचारको क्रममा राति साढे ९ बजे बालकलाई अस्पतालले मृत घोषित गरेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओम प्रकाश खनालले जानकारी दिए । 

शनिबार राति साढे ८ बजे ना ६ त ५०४५ नम्बरको ट्याक्टरमा थ्रेसर जडान गरी धान झार्न लैजाँदै गर्दा अचानक थ्रेसर पल्टिदा ओमबाबु किचिएका थिए । 

उनको शव पोष्टमार्टमका लागि नारायणी अस्पतालमा राखिएको प्रहरीले जनाएको छ । प्रहरीले थ्रेसर र ट्याकटर नियन्त्रणमा लिएको छ । ट्याक्टर चालक भने फरार भएका छन् । उनको खोजी भइरहेको प्रहरीले जनाएको छ ।

जसपाको कार्यकारिणी समितिको बैठक बस्दै, प्रदिप यादवमाथि कारबाहीबारे टुङ्गो लगाइने

0

वीरगंज ।  जनता समाजवादी पार्टी नेपालको आज कार्यकारिणी समितिको बैठक बस्दैछ । बैठकमा पार्टीका सांसद प्रदीप यादवलाई सोधेको स्पष्टीकरणको बारेमा छलफल हुने बताइएको छ ।

कार्यालय प्रमुख प्रकाश अधिकारीका अनुसार सांसद यादवले दिएको जवाफको बारेमा पार्टीमा छलफल भइरहेको र आज बस्ने बैठकले त्यसलाई टुङ्गो लगाउने बताए । उनले भने, ‘प्रदीपजीले स्पष्टीकरण बुझाइसक्नु भएको छ, यसबारे आज टुङ्गो लगाइनेछ ।’

जसपाले कात्तिक ११ गते प्रदीप यादवलाई स्पष्टीकरण सोधेको थियो । यादवले स्पष्टीकरणको जवाफ पार्टीलाई बुझाइसकेका छन् । मन्त्री नपाएको भन्दै प्रदीप यादवले जिल्लादेखि केन्द्रसम्म पार्टीविरुद्ध आन्दोलन गर्न लगाएको आरोप उनीमाथि रहेको छ । सोहीबारे यादवलाई सात बुँदे स्पष्टीकरण सोधिएको थियो ।

स्रोतका अनुसार जवाफमा यादवले आफूमाथि लगाइएका सबै आरोपहरु अस्वीकार गरेका छन् । यादवले आफू कुनै पनि आन्दोलन नगराएको तथा पार्टीको पद्धति र प्रक्रियामा रहेर काम गरिरहेको दाबी गरेका छन् ।

पार्टीका अन्य कुनै पनि नेता तथा कार्यकर्ताले कसैको नाम लिएर आन्दोलन गरे त्यसको जिम्मेवार आफू नहुने पनि उनले जवाफमा लेखेका छन्  ।

पार्टीको अनुशासनविपरित आफूले कुनै पनि कार्य नगरेको, पार्टी कार्यालय तोडफोड, पार्टी अध्यक्षको पुतला जलाउने लगायतका कार्यमा आफ्नो कुनै पनि संलग्नता नरहेको पनि यादवले दाबी गरेका छन् ।