Date
बिहि, मंसिर ३, २०८३
Thu, November 19, 2026
Home Blog Page 742

नेपाली कांग्रेसको १४औँ महाधिवेशन आज देखि सुरूः ५० लाखको सजावट

0

काठमाडौं ।  नेपाली कांग्रेसको १४औँ महाधिवेशन शुक्रबार (आज) देखि सुरू हुँदै छ । महाधिवेशन स्थल भृकुटीमण्डपमा यतिबेला कांग्रेस पार्टीको झण्डा, चुनाव चिन्ह रुख अंकित र फूलमालाले सजाइएको छ ।

महाधिवेशनका लागि स्टेज निर्माणको काम सकिएर अहिले सजाउने काम भइरहेको छ । यस्तै, महाधिवेशन स्थल जाने विभिन्न सडकको बीचमा पनि स्वागत द्वार राखिएको छ ।

महाधिवेशन स्थलमा स्टेज निर्माणदेखि सिंगार्ने काम रोशन आर्टस् सर्भिसले लिएको छ । आर्टस्का प्रोपाइटर रोशन जयसवालका अनुसार स्टेज निर्माण र सिंगारको लागत ५० लाख रुपैँया जति लाग्ने भएको छ ।

आयोजकले पछि डिजाइनहरु थप्दै गएपछि लागत बढेको छ । अहिलेसम्मको खर्च हेर्दा ५० लाखसम्म लाग्ने देखिन्छ । थप हिसाब गर्नै पर्छ’, उनले भने ।

आज दिउँसो एक बजे महाधिवेशनको उद्घाटन गर्ने पार्टी कार्यालयले जनाएको छ । महाधिवेशनमा देशभरबाट चार हजार ६०० जना प्रतिनिधीहरू सहभागि हुनेछन् ।

करार शिक्षकलाई स्थायी गर्ने निर्णय तत्काल खारेज गर्न ७ विद्यार्थी संगठनको चेतावनी

0

सात विद्यार्थी संगठले त्रिभुवन विश्वविद्यालयले करार शिक्षकलाई स्थायी गर्ने निर्णय तत्काल खारेजीको माग गरेका छन्।

सात विद्यार्थी संगठनले बिहिबार  एक विज्ञप्ति जारी गर्दै आन्तरिक प्रतिस्पर्धाको नाममा गरिने उक्त प्रक्रियाले विश्वविद्यालयको गुणस्तर खस्किने र गलत नजिर बस्ने स्पष्ट पारेका छन्।

उनीहरूले उक्त निर्णय कार्यान्वयन हुन नदिने र त्यसका निम्ति संयुक्त विद्यार्थी आन्दोलन शसक्त प्रतिरोधमा उत्रने चेतावनीसमेत दिएका छन्।

विज्ञप्ति निकाल्नेमा नेपाली कांग्रेस निकट नेपाल विद्यार्थी संघ, माओवादी निकट अखिल (क्रान्तिकारी) अध्यक्ष पञ्चा सिंह, एकीकृत समाजवादी निकट अनेरास्ववियू कार्यबहाक अध्यक्ष वसिम आलाम, जसपा निकट समाजवादी विद्यार्थी युनियन अध्यक्ष रुपनारायण श्रेष्ठ, क्रान्तिकारी माओवादी निकट अखिल क्रान्तिकारी अध्यक्ष हरिकृष्ण गजुरेल, नेकपा निकट अखिल क्रान्तिकारी) अध्यक्ष प्रकाश शाही र राष्ट्रिय जनमोर्चा निकट अखिल छैठौंका अध्यक्ष देवेन्द्र कुँवर छन्।

यस विषयलाई लिएर त्रिवि केन्द्रीय क्याम्पसमा भएको प्रदर्शनमा प्रहरी हस्तक्षेप र गिरफ्तारीको खेद व्यक्त गर्दै विद्यार्थी आन्दोलनलाई एक्यवद्धता जनाउन शुक्रवार १ बजे किर्तिपुर क्याम्पसमा बृहत प्रदर्शनसहित सभाको आयोजना गर्ने विद्यार्थी संगठनहरुले जनाएका छन्।

‘सिटीभिटीले चिकित्सा शिक्षा ऐन विपरित गर्न खोजेको भर्नाको बारेमा हाम्रो ध्यानाकर्षण भएको छ। रोकिएको पिसिएल नर्सिङको भर्ना तत्काल खुलाउन माग गर्दछौं। चिकित्सा शिक्षा आयोगले निर्धारण गरेको शुल्कबाहेक थप शुल्क उठाउने मेडिकल कलेजलाई कारबाही गर्न सरकारसँग माग गर्दछौं। अन्यथा विद्यार्थी आन्दोलनले नै कारवाही गर्ने चेतावनी दिन चाहन्छौं,’ विद्यार्थी संगठनद्वारा जारी विज्ञप्तिमा भनिएको छ, ‘पूर्वाञ्चल विश्वविद्यालयले विगत डेढ वर्षअघि लिएको परीक्षाको परीक्षाफल आजसम्म प्रकाशन नगरेकाले विद्यार्थीहरुको करियरलाई असर परिरहेको छ । यस्ता विषयमा गैरजिम्मेवार नबन्न पदाधिकारीलाई खवरदारी गर्दछौं। र विश्वविद्यालयको क्यालेन्डर बनाई कडाईका साथ कार्यान्वयन गर्न माग गर्छौं।.

दैनिक उपभोग्य बस्तुमा भएको महँगीलाई नियन्त्रण गर्न सरकारले कदम चाल्नुपर्ने भन्दै विद्यार्थी संगठनहरुले पेट्रोलियम पदार्थको मुल्य वृद्धि विरुद्धको आन्दोलनलाई सशक्त बनाउँदै थप कठोर कार्यक्रम सार्वजानिक गर्ने जनाएका छन्। सेतोपाटी साभार

३ दिने च्याऊ,तरकारी तथा फलफुल खेती तालिम सम्पन्न

0

वीरगंज । कृषि ज्ञान केन्द्र पर्साकाे आयोजनामा  ३ दिने युवा लक्षित शिप विकास क्षमता अभिवृद्धि व्यावसायिक च्याउ, तरकारी तथा फलफूल खेती तालिम बिहिवार सम्पन्न भएको छ।

निम्न आय भएका किसानहरुलाई व्यावसायिक तरकारी खेती गरेर आत्मनिर्भर बनाउन आर्थिक स्तरमा पनि सुधार ल्याउन सकिने र विदेश पलायन हुने युवाहरुलाई स्वदेश मै आत्मनिर्भर बनाउने उद्देश्यले तालिम आयाेजना गरिएकाे कृषि ज्ञान केन्द्र वीरगंजका नि. प्रमुख मुनिलाल प्रसादले बताए ।

३ दिन सम्म चलेको तालिममा कृषि सम्बन्धी आवश्यक ज्ञान र सीप सिकेर त्यसलाई व्यवहारमा लागू गर्न समेत तालिमका सहभागीहरुलाई व्यवहारमा ल्याई जिविको पार्जनको रुपमा यस शिपलाई अगाडी बढाउन  उनले आग्रह गरे । नेपालका अधिकांश नागरिक कृषिमा नै आत्मनिर्भर रहेकाले किसानलाई व्यावसायिक तरकारी खेतीमा आकर्षित गर्न यस्ता तालिमहरुको भविष्यमा पनि गराउने  प्रमुख मुनिलालले बताए ।

तालिममा सहभागिहरुलाई आवशयक च्याउ खेती गर्न बिऊ, पलास्टि, किताब सहित  प्रमाणपत्र बाडिएको थियो। कृषि ज्ञान केन्द्रको प्रमुख मुन्नीलालकाे अध्यक्षतामा भएको कार्यक्रममा गणेश मिश्रले सहजिकरण तथा प्रशिक्षण गरेका थिए ।

जुन तालिममा पर्सा जिल्लाका १४ वटै पालिकाबाट किसानहरुको सहभागिता रहेको थयो ।

बङ्गलादेशमा विद्यार्थीको हत्या आरोपमा संलग्न रहेको २० जनालाई मृत्युदण्ड

0

 बङ्गलादेशमा विद्यार्थीकाे हत्यामा संलग्न रहेको आरोपमा २० जनालाई मृत्युदण्डको सजाय सुनाइएको छ । २१ वर्षीय अब्रार फहादको हत्याको आरोपमा २० जनालाई मृत्युदण्ड र पाँच जनालाई आजीवन कारावासको सजाय सुनाइएको वकिल अब्दुल्लाह अबुले बताउनुभएको छ ।

सामाजिक सञ्जालमा सरकारको आलोचना गर्ने विश्वविद्यालयका विद्यार्थी फहादको सन् २०१९ मा हत्या भएको थियो । उनको हत्या आरोपमा बङ्गलादेशले आज २० जनालाई मृत्युदण्डको सजाय सुनाएको सरकारी वकिललाई उद्धृत गर्दै समाचार संस्था एएफपीले जनाएको छ । 

‘अदालतकाे फैसलाबाट म खुसी छु’, फैसलापछि अदालतबाहिर पत्रकारसँग फहादका बुबा बरकाट उल्लाहले भन्नुभयाे, ‘दाेषीहरूले सजाय छिट्टै पाउनेमा विश्वस्त छु ।’ 

मृत्युदण्डकाे सजाय सुनाइएकामा विश्वविद्यालयमा इन्जिनियरिङ र टेक्नाेलाेजी पढ्ने २० देखि २२ उमेर समूहका रहेका छन् । हत्या गरिएका फहाद पनि उनीहरूसँगै पढ्दै आएका थिए ।

अम्बानीलाई पछ्याउदै विक्की कौशल–कट्रिना कैफ

0

विक्की कौशल र कट्रिना कैफ राजस्थानमा विवाह बन्धनमा बाँधिदैछन् । ८ डिसेम्बरमा बिहान ११ बजे यो जोडीको हल्दी सेरेमनी हुनेछ र त्यसपछि आफ्टर पार्टी हुनेछ । ९ डिसेम्बर दिउँसो यी दुई विवाह बन्धनमा बाँधिनेछन् । यो विवाहलाई गोप्य बनाउनका लागि विवाहमा आउने हरेक पाहुनाले जिरो मोबाइल पोलिसी अपनाउनुपर्नेछ ।

विवाहका बेला कसैलाई पनि मोबाइल फोन भित्र लैजाने अनुमति छैन । यसैबीच यदि कसैले आफ्नो मोबाइल कुनै आवश्यक काममा लागि लैजान चाहन्छन् भने उनीहरुको मोबाइल क्यामरामा ‘डिजिटल मिडिया सिक्योरिटी स्टिकर’ लगाइनेछ । यस्तो गरेपछि पाहुनाले भित्र कुनै पनि प्रकारको फोटो र भिडियो खिच्न पाउने छैनन् । स्रोतलाई विश्वास गर्ने हो भने यदि कसैले स्टिकर निकाल्ने कोसिस गरेको खण्डमा उनीहरुमाथि कानुनी कारवाहीसमेत हुनसक्छ ।

अम्बानीको छोराको विवाहमा यस्तै गरिएको थियोः

यसअघि यो प्रविधिको प्रयोग मुकेश अम्बानीका छोरा आकाश अम्बानीको विवाहमा भएको थियो । आज पनि कोही अम्बानीको घरभित्र जान्छन् भने उनीहरुले मोबाइल स्टिकर प्रोटोकलको पालना गर्नुपर्ने भारतीर सञ्चार माध्यमले बताएका छन् ।

लागुऔषध नाईट्रोभेट ट्याब्लेट सहित एक जना पक्राउ

0
chori aaropma pakrau_kalikatimes

वीरगंज । पर्साको जिराभवानी गाउँ पालिकाबाट प्रहरीले अबैध लागुऔषध नाइट्रोभेट ट्याबलेट सहित एक जनालाइ पक्राउ गरेको छ ।

प्रहरी चौकी महादेव पटि बाट प्रहरी सहायक निरीक्षक ईन्दिबर चौधरीको नेतृत्वमा रहेको प्रहरी टोलिले नियमित चेकजाँचको क्रममा जिराभवानी गाउँपालिका वार्ड नम्बर १ को ओरिया खोलामा चेकजाँच गर्ने क्रममा ना २२ प ६८३५नम्बरको पलसर मोटरसाइकल मा सवार भइ भारतको भङ्गहाबाट आउदै गरेका जितपुरसिमरा उपमहानरपालिका वार्ड नम्बर ४ बस्ने हिर्दिया चौधरीको छोरा अन्दाजी बर्ष १९/२० को  बिकाश चौधरी पक्राउ परेका छन। 

उनकोको साथबाट प्रहरीले २५५ पिस नाइट्रोभेट ट्याबलेट बरामत गरेको ईलाका प्रहरी कार्यालय पटेर्वा सुगौलीका प्रहरी निरीक्षक रामकाजी थापाले जानकारी दिनुभयो । पक्राउ गरिएका बिकास चौधरीलाई आवश्यक कार्वाहीको लागि मोटरसाइकल र लागुऔसध टयाबलेट सहित जिल्ला प्रहरी कार्यालय पर्सामा पठाइएको प्रहरी निरीक्षक थापाले जानकारी दिनुभयो ।

आज विवाह पञ्चमी : राम र सीताको विवाह गरी मनाइने

0

प्रत्येक वर्ष मार्गशीर्ष शुक्ल पञ्चमीका दिन मनाइने विवाह पञ्चमी पर्व आज (बुधबार) श्रीरामचन्द्र र सीताको पूजा आराधनासहित प्रतीकात्मक रूपमा विवाह गरिदिएर देशभर मनाइँदै छ।

त्रेतायुगमा आजकै दिन अर्थात् मार्गशीर्ष शुक्ल पञ्चमीका दिन सीता र रामको विवाह भएको सम्झनामा आज देशभर रामसीताको पूजाआराधना गरी यो पर्व मनाउन लागिएको हो। मिथिलाको प्राचीन राजधानी जनकपुरधाममा भगवान् सीता र रामको विवाह महोत्सव आज विधिपूर्वक हुँदैछ।

त्रेतायुगमा मिथिलाका राजा जनकले आफ्नी छोरी सीताको स्वयंवरका लागि राखिएको शिवधनुषलाई अयोध्याका राजा दशरथका जेठा छोरा रामले शिवधनुषलाई भाँचेपछि मार्गशीर्ष शुक्ल पञ्चमीका दिन राम र सीताको भव्य समारोहबीच विवाह सम्पन्न भएको थियो।

पहिले तिरहुतियागाछीमा मनाइने यो महोत्सव दुई दशकदेखि रङ्गभूमिमा विशेष कार्यक्रमसहित मनाउने गरिएको छ।उक्त महोत्सवपहिले एक महिनासम्म भव्यरूपमा मनाउने गरिएकामा हाल चार दिनमात्र मनाइन्छ।

यस अवसरमा सहभागी हुन नेपालका विभिन्न प्रदेशका साथै छिमेकी मुलुक भारतको अयोध्याबाटसमेत श्रद्धालुहरू जन्तीको रुपमा सहभागी हुने गर्छन् । गत वर्ष भने कोरोना संक्रमणको कारण औपचारिकता पूरा गर्नमात्र राम-जानकी विवाह महोत्सव मनाइएको थियो ।

 

पर्सामा तस्करी बढ्याे, प्रहरी प्रशासन माैन

0

वीरगंज । पर्साकाे सिमा नाकाबाट हुने तस्करी बढेकाे छ । वीरगंजसहित ग्रामिण भेगकाे अधिकांश नाकाबाट पहिला भन्दा अहिले तस्करी बढेकाे प्रत्यक्षदर्शीहरुले वताएका छन् ।

सिमा रहेका सशस्त्र प्रहरी तथा नेपाल प्रहरीले तस्करहरुलाई छुट दिएपछि सिमा क्षेत्र अहिले व्यापक तस्करी बढेको हाे । सथानियहरुका अनुसार पर्सामा नयाँ प्रहरी प्रमुखमा रमेश कुमार बस्नेत आएपनि तस्करीको समान रोक्नुको साटो झन तस्करी फस्टाएको देखिन्छ ।

सिमामा खटिने सस्त्र प्रहरी, नेपाल प्रहरीका चौकी ईन्चार्ज तथा जिल्ला प्रहरी कार्यलय पर्साकाे क्राइम शाखा र सदा पोशाकका प्रहरीसंगकाे सेटिङमा तस्करीकाे लाइन खुलेकाे हाे ।

पर्साको सिमावर्ती वीरगंजकाे इनार्वा, श्रीसिया, अलाैं, विन्दवासिनीकाे झाैवा, इटियाही, अमरपटी, प्रसाैनी भाठा, पकहा मैनपुरकाे धाेरे, खेस्राहा, जगरनाथपुरकाे जानकीटोला, दसौता, पाडेपुर, छिपहरमाईकाे भिस्वा, भलुवहिया, मिर्जापुर, टिहुकी, चारगाहा लगायतकाे नाका भएर तस्करी भइरहेकाे स्थानियहरुले वताएका छन् । 

भारतीय बजार रक्साैल, भेलाही, सिकटा, मैनाटार, इनार्वा, प्रसुतीपुर बजारबाट सशस्त्र प्रहरी र नेपाल प्रहरी कै मिलोमतोमा कपडा, हार्डवेयरकाे सामान, कस्टमेटिक, रजनीगन्धा, राजनिवास, सुर्ती, चिनी, अण्डा, तेल, भाडाकुडा, कुखुराका चल्ला लगायतका भारतिय समानहरु नेपाल भित्री रहेका छन् ।

त्यसैगरि नेपालबाट भारत तर्फ डिजेल, पेट्रोल, केराउ, माेटर, सुपाडी, रक्सी, कबाडकाे सामान, ड्राम, युनिलिबर कम्पनीका कस्टमेटिक समान भरततर्फ निकासी भईरहेको छ । यस मध्ये सब भन्दा बढी पेट्राैलियम पदार्थकाे तस्करी भारत तर्फ भइरहेकाे प्रत्यक्षदर्शीहरुले वताएका छन् ।

विशेष गरेर सांझ र विहानकाे समयमा तस्करी भइरहेकाे प्रत्यक्षदर्शीहरुले वताएका छन् । तस्करी बढे पनि तस्करी नियन्त्रणकाे मुख्य जिम्मेवारी रहेका सशस्त्र प्रहरीका प्रमुख एसपी राजेन्द्र खड्का पनि माैन देखिएका छन् ।