वीरगंज । पर्साकाे पाेखरिया नगरपालिका वडा नं. १० शिवबर्वामा बिहिबार निशुल्क आँखा शिविर सम्पन्न भएकाे छ । वडा कार्यालयकाे आयाेजना र किरण आँखा अस्पतालकाे प्राविधिक सहयाेगमा स्वास्थ्य बिमा कार्यक्रम अन्तर्गत शिविर सम्पन्न भएकाे स्थानिय मनाेहर साहले जानकारी दिए ।
उनका अनुसार वडा कार्यालयमा भएकाे शिविरमा १३८ जनाले आँखा परिक्षण गराएका थिए । जसमध्ये ५६ जनामा माेतियाबिन्दु फेला परेकाे थियाे । माेतियाबिन्दु फेला परेकाे सबै जनाकाे निशुल्क शल्यक्रिया समेत गरिने छ ।
पोखरिया नगरपालिका वडा नं. १० का वडाध्यक्ष साेनालाल प्रसाद गाेढकाे अध्यक्षतामा भएकाे शिविरमा स्थानिय नेता शंकर प्रसाद यादव, रामबचन महतो, अब्दुल गनी मिया लगायतकाे उपस्थिती रहेकाे थियाे ।
शिविरमा किरण आँखा अस्पतालकी डा. सरिता सिन्हाले बिरामीहरुकाे आँखा परिक्षण गरेकी थिइन ।
