Date
बिहि, मंसिर ३, २०८३
Thu, November 19, 2026
Home Blog Page 731

रक्तसञ्चार केन्द्रलाई कुर्सी हस्तान्तरण 

0
वीरगंज । लाईफ बैंक, काठमाडौंले गैरआवासीय नेपाली संघ रक्त सञ्चार समितिको संयोजनमा  नेपाल रेडक्रस सोसाइटी रक्तसञ्चार सेवा  विरगंज, पर्सालाई चार वटा रक्तदान कुर्सी हस्तान्तरण गरेको छ ।
 
उक्त कुर्सी एक कार्यक्रमका बिच ब्लड डोनर्स एसोसिएसन पर्साका सचीव अरबिन्द कुमार सिंहले रेडक्रस पर्साका कोषाध्यक्ष महन्थ प्रसाद यादव, उपमन्त्री साबिर अहम्मद एराजलाई हस्तान्तरण गरेका थिए ।
 
कुर्सी हस्तान्तरण गर्दै सचिव सिंहले रक्तदान एवं सक्तसन्चार केन्द्रलाई हरेक निकायबाट सहयोग उपलब्ध गराउने प्रतिबद्धता समेत व्यक्त गरे ।
 
कार्यक्रममा रक्तसञ्चार केन्द्र इन्चार्ज सौरभ राज पाण्डे, प्राबिधिक डिल्लीमाया घिमिरे, राजन श्रीवास्तव, मन्ताज मिया, कुमार दहाल, हरि राउत लगायतको उपस्थिति थियाे ।

पत्रकार महासंघ पर्साकाे निर्णय सच्याउन चार संगठनकाे माग

0

वीरगंज । नेपाल पत्रकार महासंघ पर्सा शाखाको निर्णय सच्याउन चार पत्रकार संगठनले माग गरेका छन् ।

प्रेस युनियन पर्सा, प्रेस सेन्टर पर्सा, समाजवादी प्रेस संगठन पर्सा र राष्ट्रिय दलित पत्रकार संघ पर्साले मंगलबार संयुक्त रुपमा प्रेस विज्ञप्ती जारी गर्दै नेपाल पत्रकार महासंघ पर्साकाे पछिल्ला गतिबिधिले पर्सेली पत्रकारहरुको मानमर्दन एवम् सिगो महासंघकै गरिमामाथी आँच आउने काम भइरहेको प्रति हाम्रो गम्भीर ध्यानाकर्षण भएको जनाएकाे छ । 

जारी विज्ञप्तीमा श्रमजिवी पत्रकारहरुको हकहित, वृतिविकास तथा सुरक्षाको लागि काम गर्नु पर्नेमा बहुमतको दम्भ देखाउने, अल्पमतको खिल्ली उडाउने तथा नेपाल पत्रकार महासंघको चरित्र बिपरितका एक पछि अर्को गतिबिधिहरु नेपाल पत्रकार महासंघ पर्साले गरी रहेको अवस्था बिद्यमान रहेकाे उल्लेख गरिएकाे छ ।

पत्रकारिता मार्फत पर्सेली समाजलाई एउटा नयाँ दिशा प्रदान गर्ने अग्रज पत्रकार स्व.गोपाल गिरीको स्मृतिमा स्थापित गोपाल गिरी पत्रकारिता पुरस्कार वितरणमा समेत नेपाल पत्रकार महासंघ पर्साले उचित मापदण्ड पालना नगरी बहुमतको दम्भले आफ्ना आस्थाका संगठनका सदस्यहरुलाई पुरस्कृत गर्ने घोषणा गरी महासंघ भित्र प्रेस चौतारीकरण गर्न खोजिएको भन्दै चार पत्रकार सम्बध संगठनले आपत्ति जनाएका छन् ।

प्रेस युनियन पर्साका अध्यक्ष रामनारायण कुर्मी, प्रेस सेन्टर पर्साका अध्यक्ष दिपक गाैतम, समाजवादी प्रेस संगठन पर्साका अध्यक्ष मनाेज पटेल र राष्ट्रिय दलित पत्रकार संघ पर्साका अध्यक्ष श्याम पासवानद्वारा हस्ताक्षरित विज्ञप्तीमा कार्य समिति भित्रबाटै असहमती जनाउँदा जनाउँदै त्यस्ता बिरोधका स्वरहरुलाई वास्तै नगरिनु लोकतन्त्र बिरोधी कार्य हो । बिभिन्न गोष्ठी, भेला तथा तालिममा पर्साको प्रतिनिधि पठाउँने सवालमा समेत एकल निर्णय गरी एउटै आस्थाका पत्रकारहरुलाई पठाउँनु अनुचित रहेको उल्लेख गरिएकाे  छ ।

जारी विज्ञप्ती मार्फत नेपाल पत्रकार महासंघ पर्साको पछिल्लो बैठकले गठन गरेका बिभिन्न समिति तथा उप–समितिहरुमा सबै आस्थाका पत्रकारहरुलाई समेटनु पर्नेमा त्यसो नगरिएकाले त्यो कदम सच्याउन चार संगठनले जोडदार माग गरेका छन् ।

त्यसै गरी चार संगठनहरुले पुरस्कार बितरणमा पनि मापदण्ड बनाई आवश्यक छलफल तथा छनौट समिति निर्माण गरी पुरानो निर्णयलाई बदर गरी पुनः नयाँ निर्णय गर्न समेत माग गरेका छन् । हाम्रा मागलाई नेपाल पत्रकार महासंघ पर्साले बेवास्ता गरे हामी कडा प्रतिवादमा उत्रिन बाध्य हुने जारी बिज्ञप्ती मार्फत संगठनहरुले जानकारी समेत गराएका छन् ।

रेडक्रस पर्साकाे सभापतिमा कडेलसहित उनकाे प्यानल विजयी

0
वीरगंज । नेपाल रेडक्रस सोसाइटी पर्साकाे सभापतिमा बिरेन्द्र राज कडेल दाेस्राे पटक निर्वाचित भएका छन् । शुक्रबार राती आएकाे अन्तिम मत परिणाम अनुसार कडेल  ७८ मत प्राप्त गरी निर्वाचित भएका हुन् । उनकाे प्रतिद्वन्धि बृजकिशाेर पटेलले ४५ मत प्राप्त गरेका छन् ।
 

रेडक्रस पर्सा शाखाकाे मन्त्रीमा ९१ मत प्राप्त गरी शैलेन्द्र चाैरसिया विजयी भएका छन् । उनकाे प्रतिद्वन्धि अन्जु श्रेष्ठले ३५ मत प्राप्त गरेकी छन् । उप काेषाध्यक्षमा दयाशंकर सिंह राजपुरत ८८ मत प्राप्त गरी विजयी भएका छन् । उनकाे प्रतिद्वन्धि प्रभाकर कुमार गुप्ताले ३५ मत प्राप्त गरेका छन् ।

३  महिला सदस्यकाे लागि भएकाे निर्वाचनमा विना कुमारी चाैलागाई ९५ मत, वविता कुमारी कानु ९३ मत र विधा कुमारी श्रेष्ठ ९१ मत प्राप्त गरी विजयी भएका छन् भने निर्माला कुमारी काफ्ले (भण्डारी)ले ४३ मत प्राप्त गरी पराजित भएकी छन् । 
 
७ खुल्ला सदस्यकाे लागि भएकाे निर्वाचनमा मदन प्रसाद साह कानु ९७ मत, दिनानाथ राैनियार ९६ मत, राजेश्वर प्रसाद चाैरसिया ९५ मत, जितेन्द्र बर्मा ९३ मत, बिनोद गिरि ९२ मत, काशी प्रसाद साह तेली ८८ मत र नवनित आग्रवाल ८७ मत प्राप्त गरी विजयी भएका छन् ।
 
खुल्ला सदस्य पदका उम्मेदवार विनाेद मेहता ५३ मत, सरेन्द्र प्रसाद कानु ४८ मत र मनाेज राम ३८ मत प्राप्त गरी पराजित भएका छन् । शुक्रबार भएकाे निर्वाचनमा खसेकाे १२६ मत सबै सदर भएकाे थियाे ।
 
यस अघि नै महिला उप सभापतिमा मधु राणा, उप सभापतिमा भागवती प्रसाद चाैरी, काेषाध्यक्षमा महन्त प्रसाद यादव र उप मन्त्रीमा सावीर अहम्मद एराज निर्विराेध निर्वाचित भएका थिए ।

जानकारीको आभावमा प्रदेश २ कुपोषणको शिकार हुँदै : मुख्यमन्त्री राउत

0
जनकपुरधाम । मुूख्यमन्त्री लालबाबु राउतले अन्नको भण्डारको रुपमा रहेको प्रदेश २ को बालबालिका कुपोषणको शिकार हुनुमा कुपोषण सम्बन्धि जानकारीको आभाव प्रमुख कारण रहेको बताएका छन् ।
 
राष्ट्रिय पोषण तथा खाद्य सुरक्षा समन्वय समितिले बिहिबार जनकपुरधाममा आयोजना गरेको बहुक्षेत्रीय पोषण योजना सम्बन्धि प्रदेश स्तरीय अभिमुखीकरण कार्यक्रमलाई सम्बोधन गर्दै मुख्यमन्त्री राउतले सो कुरा वताएका हुन् ।
 
उनले अन्नको भण्डार मात्र नभई, दुध, फलफुल लगायतका खाद्य सामग्रीको पर्याप्तता हँदा हुँदा उपयोग सम्बन्धि जानकारीको आभावमा बालबालिका कुपोषणको शिकार हुनु दुखद रहेको बताए । पोषण सम्बन्धि प्रदेशमा संचालित कार्यक्रमहरु व्यवहारमा उत्रिन नसकेको प्रति चिन्ता व्यक्त गर्दै मुख्यमन्त्री राउतले पोषण सम्बन्धि कार्यक्रमलाई जनस्तर सम्म पु¥याउन सरोकारबलाहरुलाई निर्देशन समेत दिए ।
 
उनले भने, ‘ पोषण सम्बन्धी तथ्यांकहरुले प्रदेशको अवस्था सुधारोन्मुख रहेको देखाएपनि सन्तोषजनक छैन । कार्यक्रममा तिब्रता ल्याउनुस ।’ 
 
राष्ट्रिय योजना आयोगका सदस्य डा. उमाशंकर प्रसाद साहको अध्यक्षतामा भएको उक्त कार्यक्रममा योजना आयोगका सहसचिव डा. किरण रुपाखेती, पोषण कार्यक्रम निर्देशक लक्ष्मी घिमिरे, पोषण शाखा प्रमुख लिला विक्रम थापा, संघीय मामिला तथा समान्य प्रशासन मन्त्रालयका सह सचिव बसन्त अधिकारी, प्रदेश नीति आयोगका दानीकान्त झासहितले पोषणको अवस्था बारे प्रस्तुती गरेका थिए ।
 
कार्यक्रममा प्रदेश नीति तथा योजना आयोगका उपाध्यक्ष डा. भोगेन्द्र झा, प्रदेश सभा सदस्य प्रमिला दास, शारदा थापा, सरस्वति चौधरी, संविधान सभा सदसय डा. विजय कुमार सिंह लगायतकाे सहभागिता रहेको थियो ।

भन्सार छलीकाे सामान र औषधीसहित ट्रक पक्राउ

0

वीरगंज । विल विजक भन्दा बढी खुद्रा मालबस्तुहरू तथा औषधीहरू लोड गरेकाे ट्रक प्रहरीले पक्राउ गरेकाे छ ।

जिल्ला प्रहरी कार्यालय पर्साबाट खटिएको प्रहरी टोलीले बिहिबार दिउसाे ४ बजे वीरगञ्ज महानगरपालिकाकाे वडा नं. २१ परवानीपुर चोकस्थित सडकखण्डबाट प्रदेश नं.२-०३-००१ ख ०१२९ नम्बरको मालवाहक ट्रकलाई नियन्त्रणमा लिएकाे हाे ।

विल विजक भन्दा बढी खुद्रा मालबस्तुहरू तथा औषधीहरू लोड गरेकाे ट्रक पोखरा लग्दै गरेको सूचना प्राप्त भई खटिएको टोलीले  मालवाहक ट्रकलाई रोकी जाँच गर्ने क्रममा सूचना अनुरूप नै भन्सार छली गरी ल्याइएका खुद्रा सामानहरू तथा औषधी फेला परेको जिल्ला प्रहरी कार्यालय पर्साले जनाएकाे छ ।

उक्त ट्रक तथा चालक जिल्ला बारा परवानीपुर गाउँपालिका वडा नं.२ बस्ने वर्ष ३३ को  नसरूदीन मियाँलाई नियन्त्रणमा लिई रू. ६० लाख मूल्याङ्कन गरी आवश्यक कारवाहीको लागि बिहिबार नै राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

हन्ड्रेडस ग्रुपद्वारा आगलागी पिडितलाई सहयाेग

0

वीरगंज । हन्ड्रेडस ग्रुप वीरगंजले एक आगलागी पिडितलाई सहयाेग गरेकाे छ । ग्रुपले वीरगंज महानगरपालिकाकाे वडा नं. १४ बहुअरी निवासी आगलागी पिडित राजा रामा यादवलाई सहयाेग गरेकाे हाे ।

आफुहरुले आगलागी पिडित यादवकाे घर मै पुगी एक बाेरा चालम, नुन, दाल, तेल, चिउरा, डलबुट, आलु, प्याज, कम्बल ३ थान लगायतका सामग्री सहयाेग गरेकाे ग्रुपका विशेष साहले जानकारी दिए । 

 केही दिन अगाडी भएकाे आगलागीमा राजा राम यादवकाे घर पूर्ण रुपले जलेर नष्ट भएकाे थियाे ।