Date
बिहि, मंसिर ३, २०८३
Thu, November 19, 2026
Home Blog Page 719

कर्मचारी दुर्व्यवहार गर्नेलाई कारवाही गर्न संगठनकाे २४ घण्टे अल्टिमेटम

0

वीरगंज । कर्मचारी दुर्व्यवहार गर्नेलाई कारवाही गर्न माग गर्दै नेपाल निजामती कर्मचारी संगठन पर्साले साेमबार पर्साका प्रमुख जिल्ला अधिकारी उमेश कुमार ढकाललाई ज्ञापन पत्र बुझाएकाे छ । धाेविनी गाउँपालिकाका याेजना शाखा प्रमुख पप्पु पटेलालाई दुर्व्यवहार गर्नेलाई कारवाहीकाे माग गर्दै संगठनले ज्ञापन पत्र बुझाएकाे हाे ।

गाउँपालिकाकाे वडा नम्बर १ की वडा सदस्य शान्ति देवीका श्रीमान् धर्मन राउत कुर्मीसहित ठेकेदार र स्थानीकाे एक समुहले माघ १३ गते बिहिबारका दिन याेजना शाखा प्रमुख पटेललाई दुर्व्यवहार गरेका थिए ।
 
संगठन पर्साका अध्यक्ष अमित कुमार गिरीकाे नेतृत्वमा जिल्ला प्रशासन कार्यालय पर्सामा पुगेकाे कर्मचारीहरुकाे एक समुहले दुर्व्यवहार गर्ने कुर्मीमाथी कारवाही गर्ने माग गर्दै प्रमुख जिल्ला अधिकारी ढकाललाई ज्ञापन पत्र बुझाएकाे हाे ।
 
गाउँपालिकाबाट कृषकलाई वितरण गर्नु पर्ने मोटर आफुले भनेकाे ठेक्दारमार्फत खरिद नगरेकाे आक्राेशमा धर्मनसहितकाे समुहले योजना शाखा प्रमुख पप्पुलाई उनकै कार्यकक्षमा गाली गलौजसहित लछार पछार गर्दै कुटपिटकाे प्रयास समेत गरेकाे थियाे ।
 
धर्मनले एक जना ठेकेदारसंग कमिशन लिएर उनलाई नै मोटर खरिदका लागि जिम्मा दिने डिल गरेका थिए । तर त्याे ठेक्दारकाे सप्लार्यस मार्फत गाउँपालिकाले माेटर खरिद नगरेपछि धर्मनसहितकाे समुहले बिहिबार गाउँपालिकाकाे याेजना शाखा प्रमुख पप्पुकाे कै कर्यकक्षमा उनलाई २ घण्टा सम्म थुनी कोठा बाहिर समेत निस्कन नदीई बेइज्जत गरेका थिए ।
 
संगठनले बुझाएकाे ज्ञापन पत्रमा राष्ट्र सेवक कर्मचारीहरुको मनोबल कमजोर हुने तथा सेवा प्रवाहमा समेत प्रभावकारीता कायम नरहने कुरा ज्ञापनमार्फत सचेत गराउँदै कर्मचारी संगठनले यसरी प्रतिशोध तथा पूर्वाग्रहबाट प्रेरित भएर कर्मचारीहरुको मान सम्मान तथा इज्जत प्रतिष्ठासँग खेलवाड गर्ने निज धर्मनलाई कानुन बमोजिम यथासिघ्र कारवाही गरी पिडित कर्मचारीलाई न्याय दिन प्रशासनसंग माग गरेकाे छ ।
 
दाेषीलाई २४ घण्टाभित्र समातेर कारवाही पक्रिया अगाडी नबढाए पर्सा जिल्लाको सम्पूर्ण स्थानिय तह लगायत अन्य कार्यालयहरु बन्द गरी आन्दाेलनकाे अन्य कार्यक्रमहरु अगाडी बढाइने चेतावनी दिदै संगठनले सोको सम्पूर्ण जिम्मेवार जिल्ला प्रशासन कार्यालय पर्साकाे हुने जनाएकाे छ ।
 
ज्ञापन पत्र बुझाउन निजामती कर्मचारी आधिकारिक ट्रेड युनियन पर्साका अध्यक्ष सुबेदार यादव, नेपाल निजामती कर्मचारी संगठन पर्साका उपाध्यक्ष सन्दिप कुमार पटेल, सचिव सुरेन्द्र यादव, काेषाध्यक्ष राजेश राम, धाेविनी गाउँपालिकाका प्रमुख प्रशासकिय अधिकृत राजु साह लगायतकाे कर्मचारीहरु पुगेका थिए ।  

भ्रष्टाचारमुक्त देश बनाउन पत्रकारकाे जिम्मेवारी महत्वपूर्ण : पूर्वमन्त्री चाैरसिया

0

वीरगंज । नेपाली कांग्रेसका केन्द्रिय सदस्य एवम् पूर्वमन्त्री अजय कुमार चाैरसियाले भ्रष्टाचारमुक्त देश बनाउन सबै भन्दा बढी जिम्मेवारी पत्रकारकाे भएकाे वताएका छन् । कालिका टाईम्स दैनिकाे प्रथम बार्षिकाेत्सवकाे अवसरमा आयाेजित निजामती कर्मचारी र पत्रकार बिचकाे मैत्रिपूर्ण फूटबल प्रतियाेगितामा वाेल्दै नेता चाैरसियाले पत्रकारहरुले चाहे भ्रष्टारमुक्त देश बनाउन सक्ने वताए ।

उनले भने “खेलले  समाजलाई अनुशासित बनाउने काम गरेहेकाे हुन्छ । खेल खेल्दा एउटा संदेश दिइरहेका हुन्छ, खेलाडीहरुले खेलकाे नियमकाे अधिनमा रहेर अनुशासित भएर जसरी खेलखेली रहेका हुन्छन् । त्यस्तै सबैले आ आफ्ना पेशा र व्यवसाय अनुसार इम्दारिता, नैतिकता पालना गर्नु पर्ने हुन्छ ।”

कार्यक्रमका प्रमुख अतिथीसमेत रहेका नेता चाैरसियाले देश बनाउने हाे, देशकाे विकास गर्ने हाे भने हामीले सुशासन, प्रदारिर्शता र भ्रष्टाचार मुक्तकाे पक्षमा उभ्नै पर्ने वताए । उनले भने “पत्रकारहरुले चाहे पब्लिक ओपनियन, भ्रष्टाचारमुक्त शासन, प्रशासन, प्रदार्शिताकाे पक्षमा देशलाई उभाउन सक्छन् । राजनितिककर्मी भित्र रहेकाे कमिकमजाेरी केलाउन सक्छन् ।”

जनताले चाहेकाे सुशासन, प्रदार्शिता भ्रष्टाचारमुक्तका लागि राजनितिकर्मी, कर्मचारी, पत्रकार सबैले आफ्नाे पेशा र व्यसाय अनुसार नैतिक मुल्य र मान्य अनुसार दायित्व निभाउनु पर्ने नेता चाैरसियाकाे भनाई थियाे । उनले कालिका टाईम्सलाई सुभकामना दिदै पत्रिकार स्थानिय स्तर मै समिति मात्र नरही प्रदेशस्तर र राष्ट्रिय स्तरकाे बन्नु पर्ने वताए । 

कार्यक्रमका विशिष्ट अतिथी प्रदेश सभा सदस्य राजेश्वर साहले कालिका टाईम्स दैनिककाे अगामी यात्राकाे सफलताकाे कामना गर्दै शुभकामना दिदै जनतामुखि कलम चलाउनु पर्ने वताए ।

उनले कालिका टाईम्सले धेरै संघर्ष र कठिनाईहरु पार गर्दै दाेस्राे बर्षमा प्रबेश गरेकाे वताउँदै अगामी दिनमा झन राष्ट्र, समाज र जनताकाे लागि जनतामुखी विकृतिहरु हटाउन अझै सशक्त भएर जनताकाे माझ सत्य तथ्य र निश्पक्ष समाचाहरुले पकाशन गर्नु पर्ने  वताए । 

पत्रिकाकाे बार्षिकाेत्सवकाे अवसरमा मैत्रिपूर्ण फुटबल प्रतियाेगिता, पत्रकारकाे समुह विजयी

0

वीरगंज । पर्साका पत्रकार र निजामती कर्मचारीबीच भएको मैत्रीपूर्ण फुटबल प्रतियोगितामा पत्रकारको टोली विजयी भएको छ । वीरगंजबाट प्रकाशित कालिका टाईम्स दैनिक पत्रिकाकाे प्रथम बार्षिकोत्सवको अवसरमा आयोजना गरिएको मैत्रीपूर्ण फुटबल प्रतियोगितामा पत्रकारहरुको टोली ७–३ गोल अन्तरले विजयी भएको हो ।

प्रदेश प्रहरी विपद व्यावस्थापन गुल्मको खेलमैदानमा भएको खेलमा पत्रकारहरुको टोलीले पहिलो हाफमा ५–१ को अग्रता लिएको थियो । दोश्रो हाफमा पत्रकारहरुको टोलीले पुनः गोल गर्दै ६–१ को अन्तर बनाएको थियो ।

कर्मचारीहरुको टोलीले पत्रकारहरुको टोलीमाथि दबाव बढाउदै थप दुईगोल गरेपनि खेल समाप्तीमा ७–३ को अन्तरमा उपविजेतामा नै चित्त बुझाउनु पर्‍याे । विजयी भएका पत्रकारहरुको टोलीलाई प्रमुख अतिथि पूर्व मन्त्री एवम् नेपाली कांग्रेसका केन्द्रीय सदस्य अजय कुमार चौरसियाले शिल्ड र मेडल वितरण गरेका थिए ।

त्यस्तै उपविजेता कर्मचारीहरुकाे टोलीलाई प्रदेशसभा सदस्य राजेश्वर साह तेलीले शिल्ड वितरण गरेका थिए । विजेता टिमलाई पत्रकारहरुलाई जिल्ला प्रहरी कार्यालय पर्साका प्रमुख प्रहरी उपरीक्षक रमेश कुमार बस्नेतले र उप विजेता कर्मचारीहरुलाई रेडियाे वीरगंजका कार्यकारी अध्यक्ष ध्रुव साहले मेडल लगाईदिएका थिए ।

 

प्रतियोगिताको उत्कृष्ट खेलाडी पत्रकारहरुको तर्फबाट मनोज पटेल घोषित भएका थिए । उनलाई नेपाल पत्रकार महासंघका केन्द्रीय सदस्य केसी लामिछानेले शिल्ड तथा मेडल वितरण गरेका थिए ।

कालिका टाईम्स दैनिकका प्रवन्ध निर्देशक छठु साहको अध्यक्षतामा भएको कार्यक्रममा नेकपा एकीकृत समाजवादीका वीरगंज महानगर अध्यक्ष मनोज चौधरी, लोकतान्त्रिक समाजवादी पार्टीका महानगर अध्यक्ष ओमप्रकाश सर्राफ, जिल्ला प्रहरी कार्यालय पर्साका प्रहरी उपरीक्षक रमेश कुमार बस्नेत, समाजवादी प्रेस संगठनका केन्द्रीय सदस्य राघव साह, रेडियाे वीरगंज एवम् टिभि वीरगंजका कार्यकारी अध्यक्ष ध्रुव साह, प्रेस सेण्टर नेपाल पर्साका अध्यक्ष दीपक गौतम, प्रेस चौतारी पर्साका उपाध्यक्ष तुलसी भण्डारी, नेपाल निजामती कर्मचारी संगठन पर्साका उपाध्यक्ष संदिप पटेल लगायतले शुभकामना मन्तव्य वयक्त गरेका थिए ।

पत्रिकाका सम्पादक शम्भु कुमार सुमनले संचालन र कालिका टाईम्स अनलाइनका सम्पादक एवम् समाजवादी प्रेस संगठनका केन्द्रिय सदस्य बृजलाल पासवानले स्वागत मन्तव्य राखेकाे कार्यक्रमममा पर्सागढी नगरपालिकाका मेयर लाेकनारायण यादव, सखुवा प्रसाैनी गाउँपालिकाका अध्यक्ष प्रदिप जयसवाल, पर्साका सहायक प्रमुख जिल्ला अधिकारी भिमकान्त पाैडेल, वीरगंज उद्याेग वाणिज्य संघका अध्यक्ष सुबाेध गुप्ता, नेपाल पत्रकार महासंघ पर्साका काेषाध्यक्ष संजिव मिश्रा, नेपाली कांग्रेस पर्सा क्षेत्र नं. २ का सभापति महममद सहाबुदिन, नेता रमेश पाण्डे, रामरुप कुर्मी, नविन सिंह, राकेश यादव, सामाजिक संस्था जिल्ला समन्वय समिति पर्साका अध्यक्ष इब्राहिम देवान, महासचिव राम प्रबेश साह, प्रेस सेण्टर नेपालका केन्द्रीय सदस्य नीरज पिठाकोटे मगर, अनेरास्ववियु क्रान्तिकारीका शिवम साह, नेवि संघका दिलिप राज कार्की, मनाेज साह, डा. महेश सिंह धामी लगायतको आतिथ्यता रहेको थियो । 

वीरगंज ७ मा लाेसपाकाे कमिटी गठन

0

वीरगंज । वीरगंज महानगरपालिकाकाे वडा नं. ७ मा लोकतान्त्रिक समाजवादी पार्टी (लाेसपा), नेपालकाे एकाई कमिटी गठन गरिएको छ । लाेसपाकाे एक भेलाले जगु साहको अध्यक्षतामा ४१ सदस्यीय वडा एकाई कमिटी गठन गरेकाे हाे ।

नवगठित कमिटीकाे उपाध्यक्षहरुमा अमित श्रीवास्तव, मोहमद सलामत, सचीव अनुज सिन्हा लगायतको सहभागीता रहेका छन् ।

महानगर अध्यक्ष ओमप्रकाश सरार्फको अध्यक्षतामा सम्पन्न भेलामा लाेसपका पर्सा जिल्ला अध्यक्ष पुरुषोत्तमलाल झा, नेताहरु शशी कपुर मियाँ, नेजामोदिन सम्मानी, नगर सह–सचीव रेखा सरार्फ, नगर सदस्यहरु नरेश अग्रवाल, प्रकाश सरार्फ, युवाको केन्द्रिय सदस्य मोहमद अरसद लगायतको उपस्तिथि रहेको थियो । कार्यक्रमकाे सहजिकरण नगर सचिव सन्जय पटेलले गरेका थिए । 

बजेट निकासा भएपनि पुल निर्माण नहुँदा स्थानिय मार्कामा

0
वीरगंज । पर्साको धोबिनी गाउँपालिका वडा नं. १ घोडदौडास्थित ओरिया खोलामा निर्माण भइरहेको झोलुङ्गे पुल निर्माण नहुँदा स्थानीयहरु मर्कामा परेका छन् । विगत ३ वर्ष अगाडि निर्माण कार्य शुरु गरिएको झोलुङ्गे पुलको बजेटमा व्यापक भ्रष्टाचार हुँदा निर्माण कार्य अलपत्र परेपछि स्थानीयहरु मर्कामा परेका हुन् ।
 
निर्माण कार्य अलपत्र भएसँगै धोबनी गाउँपालिकाको एउटा बस्ती नेपालसँग सम्पर्क विहीन नै हुने भएकाे छ । पुल निर्माण नहुँदा धोबिनी गाउँपालिकाको वडा नं. १ मै पर्ने करिब ३ सय घरधुरीको बस्ती पालिकासँगै सम्पर्क विहीन हुने गरेको छ । वर्षा याममा ओरिया खोलामा बाढी आएपछि उक्त टोल पालिकासँग सम्पर्क विहीन हुने गरेको स्थानीयहरुको भनाई छ ।
 
केही सामान किन्नको लागि भारतमै जानुपर्ने अवस्था छ । पालिकाको कामको लागि पनि स्थानीयहरु नदी तरेर आउनुपर्ने हुन्छ, भन्दै उनीहरुले विरामी पर्दा एम्बुलेन्स जान सक्ने अवस्था छैन, यातायातको सुविधा छैन, पुल निर्माण हुँदा केही सहजता हुने विश्वास थियो तर उपभोक्ता समितिले निर्माण कार्य नगर्दा समस्या भएको स्थानीयहरुको भनाई छ ।
 
घोडदौडालाई पालिकासँग जोड्नको लागि ८ महिनामा झोलुङ्गे पुल निर्माण सम्पन्न गर्ने गरि २०७५ सालमा उपभोक्ता समिति र गाउँपालिकासँग सम्झौता भएको थियो । करिब ९६ लाखको बजेटमा निर्माण हुन लागेको उक्त पुल निर्माणका लागि उपभोक्ता समितिले ५३ लाख रुपैया पालिकाबाट निकाशा गराई सकेको छ तर निर्माण कार्यको नाममा १०/१० फिटको २ वटा विम्ब मात्रै खडा गरिएको छ ।
 
स्थानिय सुरेश प्रसाद कुर्मीको अध्यक्षतामा गठित उपभोक्ता समितिले निर्माणको कार्यको जिम्मा लिएको थियो । २०७५/०७६ को जेष्ठ मसान्तमा सम्झौता भएको ३ वर्ष हुन लाग्दा हालसम्म झोलुङ्गे पुल निर्माण हुन सकेको छैन । पैसा अभावमा अहिले निर्माण कार्य अलपत्र छाडिएको छ ।
 
उपभोक्ता समितिले सम्झौता भएसँगै २ पटक गरि ५३ लाख पेश्की लिई सकेको छ । सम्झौता भएकै वर्ष २०७५/०७६ मा ३५ लाख तथा २०७६/०७७ मा १८ गरि उपभोक्ता समितिले ५३ लाख पेश्की लिइसकेको छ । पेश्की पठाइएको ४ दिनभित्र बैंकबाट पुरै पैसा निकालिएको छ तर त्यो पैसा कहाँ गयो ? कसले लियो भन्ने अतो पतो छैन ।
 
हाल उपभोक्ता समितिको खातामा ६ हजार मात्रै पैसा रहेको छ । पालिकाका तत्कालीन प्रमुख प्रशासकीय अधिकृत अशोक रौनियारले उक्त पेश्की दिएका हुन् । अधिकृत रौनियारले पालिकामा एउटा मात्रै होइन, अस्पताल भवन निर्माण कार्यदेखि अन्य विकास निर्माण कार्यमा पनि निर्माण कार्य नहुँदै धमाधम पेश्की दिएका छन् ।
 
उनी सरुवा भएपछि २०७८ को असोज ८ गते प्रमुख प्रशासकीय अधिकृतको जिम्मेवारी सम्हालेका राजु साहले कात्तिक १० गते उपभोक्ता समितिको नाममा निर्माण कार्य किन हुन नसकेको भनेर चिठी काटेपछि निकाशा भएको बजेटमा भ्रष्टाचार भएको रहस्य बाहिरिएको थियो ।
 
यसबारे प्रमुख प्रशासकीय अधिकृत राजु साहले २०७५ सालमा उपभोक्ता समितिसँग ८ महिनामा निर्माण सम्पन्न गर्न सम्झौता भएपनि तीन वर्ष वित्न लाग्दा हालसम्म निर्माण कार्य हुन नसकेको बताए । ओरिया खोला पारी भारतसँग जोडिएको कारण उक्त बस्तीमा अपराधिक गतिविधि समेत हुन सक्ने सम्भावनालाई मध्यनजर गर्दै नेपाल सरकारले १ करोडको योजना ल्याएको थियो तर विडम्बना बजेटमा भ्रष्टाचार भएपछि निर्माण कार्य अलपत्र परेको हो ।
 
वर्षा याममा उक्त बस्ती नेपालसँग ३ महिनासम्म सम्पर्क विहीन हुने गरेको छ । यस अवस्थामा सो पुल चाँडो भन्दा चाँडो बनाउनुपर्नेमा उपभोक्ता समितिले निर्माण कार्य अलपत्र पारेपछि स्थानीयहरु मर्कामा परेको उनको भनाई छ ।
 
उपभोक्ता समितिको खातामा ५३ लाख गइसक्या छ र त्यस खाताबाट सबै पैसा गायब भएको छ, काम भने ५/६ लाखको मात्रै भएको भन्दै आफू हाजिर भएपछि निर्माण गर्न ताकेता गर्दा विभिन्न चलखेल शुरु भएको बताए ।
 
गाउँपालिका अध्यक्ष सुरेश प्रसाद कुर्मीले यसबारे आफूलाई औपचारिक रुपमा केही जानकारी नरहेको बताए । उनले आफूले सुने अनुसार यो गाविसकै बेलाको बजेट रहेकोले आफूले उपभोक्ता समिति गठन गराई उनीहरुलाई नै निर्माण कार्यको जिम्मा लगाएको कारण यसबारे उपभोक्ता समितिलाई नै औपचारिक जानकारी हुने बताए ।
 
उनका अनुसार पुल निर्माणको कार्य तलको काम सम्पन्न भइसकेको र फ्लामको लागि सम्झौता भइसकेको तर कोरोना संक्रमणको कारण ल्याउन नसकिएकोले पुुल निर्माणमा ढिलाई भएको बताए ।
 
पुल निर्माण नभएपछि स्थानीयहरुलाई आउजाउ गर्न समस्या भएको आफूलाई पनि जानकारी रहेको बताए । यसबारे अख्तियार दुरुपयोग अनुसन्धान आयोगमा पनि उजुरी परेकोले अख्तियारले छानविन गरि रहेकोले यसमा आफ्नो केही संलग्नता नरहेकोले उपभोक्ता समितिका अध्यक्ष र आफ्नो नाम एउटै रहेको कारण आफूलाई बद्नाम गराउन खोजिएको बताए ।
 

पुन: मेयर मै चुनाव लड्छु : मेयर सरावगी

0

वीरगंज । स्व. विजयप्रकाश विन दोस्रो स्मृति पत्रकारिता पुरस्कारबाट वीरगंजका अग्रज पत्रकार पुरुषोत्तम सिँह भट्टराई पुरस्कृत भएका छन् । स्व. विन्दुदेवी स्मृति प्रतिष्ठानद्वारा स्थापित पत्रकारिता पुरस्कार यस बर्ष भट्टाराईलाई प्रदान गरिएकाे हाे । 

कार्यक्रमका प्रमुख अतिथी वीरगंज महानगरपालिकाका मेयर विजय कुमार सरावगीले पुरस्कार राशी ११ हजार १ सय ११ रूपैंयासहित फुल, माला र सम्मान पत्रले भट्टराईलाई सम्मान गरेका थिए । 

पुरस्कार वितरण समाराेहलाई सम्बाेधन गर्दै मेयर सरावगीले वीरगंजकाे व्यावसायिक पत्रकारिता विकासमा साथ र सहयोग सदैव रहेन बताए । उनले इतिहासलाई जीवित राख्न अग्रजहरुको योगदानको सम्मान गर्न आवश्यक रहेको समेत वताए ।

 मेयर सरावगीले वीरगंज महानगरपालिकाले सञ्चार माध्यमहरुको विकास र सम्वद्र्धनका लागि पहिलो पटक सञ्चार ऐन ल्याएको बताउँदै यसले बीरगंजकाे पत्रकारिताको विकास र वीरगंजकाे विकासका लागि सकारात्मक भूमिका निर्वाह गर्नेमा विश्वास व्यक्त गरे ।

उनले आगामी स्थानीय तहको निर्वाचनमा पुनः आफुले मेयरमै चुनाव लड्ने वताए । मेयर सरावगीले यस अघि पनि एक कार्यक्रममा वाेल्दै पार्टीले टिकट दिए आफु पुन: मेयर मै चुनाव लड्ने वताएका थिए । 

प्रतिष्ठानका अध्यक्ष तुलसी भण्डारीको अध्यक्षतामा भएकाे कार्यक्रममा नेपाल पत्रकार महासंघका केन्द्रिय सचिव दिपेन्द्र चौहान, केन्द्रिय सदस्य केसी लामिछाने लगायतको उपस्थिती रहेको थियो । 

डिन पर्साकाे अध्यक्षमा पटेल

0

वीरगंज । डिप्लोमा इन्जिनियर्स एसोशिएसन, नेपाल (डिन) जिल्ला समिति, पर्साको १४ औं जिल्ला अधिवेशन शनिबार सम्पन्न भएकाे छ । भुटन देवी माई वीरगंजमा सम्पन्न अधिवेशनले रामबाबु पटेलकाे अध्यक्षतामा १३ सदस्यीय जिल्ला कार्य समिति सर्वसहम्मत चयन गरेकाे छ ।

जुन समितिकाे उपाध्यक्षमा शम्भु साह, सचिवमा पुरुषाेत्म चाैरसिया, सह सचिवमा लालबाबु कुशवाहा, काेषाध्यक्षमा संताेष कुमार साह, सदस्यहरुमा राकेश कुमार साह, राहुल साह, रामबालक राय यादव, पुन्जय कुमार साह, राजेश प्रसाद बस्ताेला, रेशमा शर्मा, नगिना शर्मा, नगिना प्रसाद साह तेली र जयचन्द्र प्रसाद चाैरसिया चयन भएका छन् । 

शम्भु साहको सभापतित्वमा भएकाे अधिवेशनमा पूर्व जिल्ला अध्यक्ष तथा पूर्व केन्द्रिय सदस्य विजय गुप्ता, मधेश प्रदेश अध्यक्ष राजिनन्द प्रसाद चौधरी, प्रदेश सचिव ईश्वरदेव यादव तथा प्रदेश सदस्य पूनम साह, मकवानपुर पूर्व डिन अध्यक्ष श्रीपति चौधरी, पूर्व डिन सचिव सुनिल कर्ण लगायतकाे उपस्थिती रहेकाे थियाे ।

सस्ताे, सुलभ, वैज्ञानिक प्रविधिकाे विकास गराैं मुल नाराकाे साथ अधिवेशन सम्पन्न भएकाे हाे ।