Date
बिहि, मंसिर ३, २०८३
Thu, November 19, 2026
Home Blog Page 720

पटेल परिवारलाई क्षतिपुर्ति दिलाउन माग गर्दै गृहमन्त्रीलाई ज्ञापन

0

वीरगंज । विश्व हिन्दु परिषद नेपालले मुस्लिम युवाको आक्रमणबाट ज्यान गुमाएका बाराकाे कलैया १९, ईनरवारीका राधेश्याम पटेलको परिवारलाई यथाशिघ्र क्षतिपुर्ती उपलब्ध गराउँन माँग गर्दै गृहमन्त्री बालकृष्ण खाँडलाई ज्ञापन पत्र बुझाएको छ ।

परिषद नेपालका महासचिव जितेन्द्र कुमार सिंह र हिन्दु स्वयंसेवक संघका सह राष्ट्रिय संघचालक एवं अवकाश प्राप्त एआईजी कल्याण तिम्लसिनाको टोलीले शुत्रबार गृहमन्त्री खाँडलाई भेटेर ज्ञापन पत्र बुझाउँदै स्थानिय प्रशासनमा भएको सहमती अनुसार यथाशिघ्र क्षतिपुर्ती उपलब्ध गराउँन माँग गरिएको हो ।

गृहमन्त्री खाँडलाई ज्ञापन पत्र बुझाउँदै, महासचिव सिंहले ,‘ सरकारी पक्षबाटै सहमति गराउने तथा कार्यान्वयन नहुने हो भने घटनाले उग्र रूप लिने र सोको जिम्मेवारी नेपाल सरकारले नै लिने चेतावनी समेत दिए ।’

उनले भने, क्षतिपुर्तीमा पनि भेदभाव जस्तो घृणित कार्य हुँदैन, ‘सुनसरी जिल्लामा मुस्लिम युवाको मृत्यु भएको घटनामा सरकारले तत्काल पीडित पक्षलाई क्षतिपुर्ति दिएको तर हाम्रो हिन्दू युवालाई मारेको घटनामा हालसम्म पनि क्षतिपुर्ति नपाउँदा सरकारको काम निष्पक्ष भयो भनेर मान्न सकिने स्थिति देखिएन् ।’

मुस्लिम समुदायको आक्रमणबाट पटेलको उपचारको क्रममा मृत्यु भएपछि आक्रोशित स्थानियले आन्दोलन शुरु गरेपछि त्यसलाई समाधान गर्न स्थानिय प्रशासनले पिडित परिवारलाई क्षतिपुर्ती बापत १० लाख र उपचार भएको खर्च वापत ११ लाख २४ हजार ५ सय र मृतक पटेललाई धार्मिक शहिद घोषणा गर्नुपर्ने सहमती गरेका थिए ।

सरकारले माँग प्रति कुनै सुनवाई नगरेपछि खाँडलाई भेटेर नै माँग पुरा गराउँन ध्यानकर्षण गराएको महासचिव सिंहले बताए । उनले भने, ‘ सहमतिको कार्यन्वयन सम्बन्धमा जिल्लाका प्रमुख जिल्ला अधिकारीले पत्र गृह मन्त्रालय पठाईसकेको भन्ने बुझिन आएतापनि हालसम्म पीडितका परिवारले राहत नपाएको हुँदा माननीय गृहमन्त्रीज्यूको ध्यानाकर्षण गराएका हौ ।’

जिल्ला प्रशासन कार्यालयमा भएको छलफल र सहमति अनुसार स्व. राधेश्याम पटेललाई यथाशिघ्र धार्मिक शहिद घोषणा गरी निजको परिवारले पाउनुपर्ने क्षतिपुर्ति भराईपाउँन नेपाल सरकारसँग विश्व हिन्दू परिषद् नेपाल जोडदार माँग गरेको उनले बताए ।

पिडित परिवारलाई क्षतिपुर्ती र दोषि उपर कडा भन्दा कडा कार्वाही नगरिएक त्यसको परिणाम नराम्रो हुने चेतावनी समेत उनले दिए । ज्ञापन पत्र बुझदै गृहमन्त्री खाँडले तत्कालै पिडित परिवारलाई सम्पूर्ण क्षतिपर्ती उपलब्ध गराउँन आवश्यक प्रकृया अगाडी बढाउँन अर्थ सचिवलाई आदेश दिए ।

२०७८ सालको छठपर्व मनाउने क्रममा कार्तिक २५ गतेका दिन हिन्दू भक्तहरू र स्थानीय मुसलमान युवाहरू बीच विवाद हुदाँ राधेश्याम पटेलमाथि सांघातिक हामला भएको थियो । उनको टाउकोमा गम्भीर चोट लागि वीरगन्जको न्यूरो अस्पतालमा उपचारको क्रममा पुस २१ गते मृत्यु भएको थियो ।

तीनै तहकाे निर्वाचन एकैपटक हुनुपर्छ : राष्ट्रियसभा सदस्य अर्याल

0

वीरगंज । नेकपा माओवादी केन्द्रकी नेतृ एवम् नवनिर्वाचित राष्ट्रियसभा सदस्य उर्मिला अर्यालयले तीनै तहकाे निर्वाचन एकैपटक हुनु पर्ने वताएकी छन् । समाजवादी प्रेस संगठन पर्साले शुक्रबार वीरगंजमा आयाेजना गरेकाे पत्रकार सम्मेलनमा वाेल्दै नेतृ अर्यालयले तीनै तहकाे निर्वाचन एकैपटक हाेस् भने आफुले चाहेकाे वताएकी हुन् । 

उनले राष्ट्रियसभाको निर्वाचनमा आफूलाई मत दिएर निर्वाचित गराएकाेमा पाँच दलीय गठबन्धनलाई धन्यवाद दिइन् । उनले हाल देशको शासन सत्ता चलाइरहेको पाँच दलीय गठबन्धनलाई अझ बलियो बनाउनुपर्नेमा शीर्ष नेताहरूको ध्यानाकर्षण गराइन् ।

वीरगंजकाे राधेमााईस्थित पार्टी कार्यालयमा भएकाे पत्रकार सम्मेलनमा वाेल्दै अर्यालले मधेश प्रदेशको विकासको मुद्दा गहन रुपले उठाउने प्रतिबद्धता व्यक्त गरिन् । उनले पर्सा जिल्लाको विकासमा आफुले विशेष भुमिका निभाउने बताइन् ।

पत्रकार सम्मेलनमा पत्रकारहरुले सोधेको प्रश्नको जवाफ दिदै अर्यालले सन्तुलित रुपमा मधेश प्रदेशको राजधानी जनकपुरधाम बनाईएको बताईन् । उनले भौगोलिक र पूवार्धारकै हिसाबमा जनकपुरधामलाई राजधानी बनाईएको बताईन् ।

पर्सावासी वीरगंजलाई प्रादेशीक राजधानी बनाउँनु पर्ने माँग राख्दै दिनहुँ आन्दोलन गरीरेहेकाे समयमा नवनिर्वाचित राष्ट्रिय सभा पर्साकी नेतृ अर्यालले मधेश प्रदेशको राजधानी जनकपुर उपयुक्त ठाउँमा रहेको बताएकी हुन् । सप्तरीमा राजधानी राख्दा वीरगंजबासी रिसाउँथे होला, उलने भनिन्, ‘सन्तुलन बनाउँन मधेश प्रदेशको विचमा रहेको र भौगोलिक र पूर्वाधारको आधारमा जनकपुर नै राजधानी उपयुक्त छ ।

महिलाहरुलाई राजनितिक, आर्थिक तथा सामाजिक रुपमा कसरी अगाडि बढाउने भन्ने विषयमा पनि आफुले राष्ट्रिय सभामार्फत काम गर्ने अर्यालले दाबी गरिन् ।

समाजवादी प्रेस संगठनको अध्यक्ष मनोज पटेलको अध्यक्षमा भएको पत्रकार सम्मेलनमा प्रदेश सभा सदस्य पस्मिना कादरी, माओवादी केन्द्रका पर्सा जिल्लाा इन्चार्ज विजय महतो, जिल्ला संयोजक रामदरश कुशवाहा लगायतकाे उपस्थिती रहेकाे थियाे भने कार्यक्रमकाे संचालन संगठनका उरपाध्यक्ष शम्भु कुमार सुमनले गरेका थिए ।

कर्मचारीलाई दुर्व्यवहार गर्नेमाथी कारवाही नगरे कामकाज ठप्प पार्ने संगठनकाे चेतावनी

0
वीरगंज । पर्साकाे धाेबिनी गाउँपालिकाकाे याेजना शाखा प्रमुख पप्पु पटेलमाथी दुर्व्यवहार भएकाे छ । गाउँपालिकाकाे वडा नम्बर १ की वडा सदस्य शान्तिदेवीका श्रीमान् धर्मन राउत कुर्मीसहित ठेकेदार र स्थानीकाे एक समुहले पटेललाई दुर्व्यवहार गरेका हुन् ।
 
गाउँपालिकाबाट कृषकलाई वितरण गर्नु पर्ने मोटर आफुले भनेकाे ठेक्दारमार्फत खरिद नगरेकाे आक्राेशमा धर्मनसहितकाे समुहले योजना शाखा प्रमुख पप्पुलाई उनकै कार्यकक्षमा गाली गलौजसहित लछार पछार गर्दै कुटपिटकाे प्रयास समेत गरेकाे नेपाल निजामती कर्मचारी संगठन पर्साले जनाएकाे छ ।
 
स्रोतका अनुसार धर्मनले एक जना ठेकेदारसंग कमिसन लिएर उनलाई नै मोटर खरिदका लागि जिम्मा दिने डिल गरेका थिए । तर त्याे ठेक्दारकाे सप्लार्यस मार्फत गाउँपालिकाले माेटर खरिद नगरेपछि धर्मनसहितकाे समुहले बिहिबार गाउँपालिकाकाे याेजना शाखा प्रमुख पप्पुकाे कै कर्यकक्षमा उनलाई २ घण्टा सम्म थुनी कोठा बाहिर समेत निस्कन नदीई बेइज्जत गरेको हाे ।
 
संगठनका अध्यक्ष अमित कुमार गिरी र सचिव सुरेन्द्र प्रसाद यादवले एक प्रेस विज्ञप्ती जारी गर्दै कर्मचारीलाई दुर्व्यवहार गर्नेमाथी कारवाही नगरे कामकाज ठप्प पार्ने चेतावनी दिएका छन् ।
जारी विज्ञप्तीमा धोबिनी गाँउपालिकाले १ देखि ५ नं. वडाका किसानहरुलाई मोटर वितरण गर्ने योजना स्वीकृत भै स्वीकृत योजना अनुसार धोविनी गाउँपालिकाले उक्त मोटर प्रकृया अनुसार खरिद गरी आवश्यक किसानहरुलाई मोटर वितरण गर्नको लागि वडामा पठाइसकिएकाे उल्लेख छ ।
 
कर्मचारी संगठनले ५।७ जना व्यक्तिहरुसंगै बिहिबार गाउँ कार्यपालिका कार्यालयमा पुगेका धर्मनले दुराशय मनशायले कार्यालयको कुनै पनि सामान खरिद गर्नको लागि र विकास योजना मैले भने मुताविक गर भन्दा मानेन र मोटर खरिदमा समेत मैले भनेको ठेकेदार मार्फत खरिद नगरेको र भने अनुसार वितरण नगरेको भनी जथाभावी गाली गलौँज गरी लछार पछार गर्दै कुटपिट समेत गर्ने प्रयास गरेको तथा कार्यालय कक्षमै २ घण्टा थुनी कोठा बाहिर समेत निस्कन नदीई बेइज्जत गरेको घटना प्रति गम्भीर ध्यानाकर्षण भएको जनााएकाे छ ।
यस्तो कार्यले राष्ट्र सेवक कर्मचारीहरुको मनोबल कमजोर हुने तथा सेवा प्रवाहमा समेत प्रभावकारीता कायम नरहने कुरा विज्ञप्तीमार्फत सचेत गराउँदै कर्मचारी संगठनले यसरी प्रतिशोध तथा पूर्वाग्रहबाट प्रेरित भएर कर्मचारीहरुको मान सम्मान तथा इज्जत प्रतिष्ठासँग खेलवाड गर्ने निज धर्मनलाई कानुन बमोजिम यथासिघ्र कारवाही गरी पिडित कर्मचारीलाई न्याय दिन प्रशासनसंग माग गरेकाे छ ।
 
अन्यथा पर्सा जिल्लाको सम्पूर्ण कार्यालय बन्द गर्ने चेतावनी दिदै संगठनले सोको सम्पूर्ण जिम्मेवार सम्बन्धित प्रशासनकाे हुने जनाएकाे छ ।

जनमतकाे उग्र प्रदर्शन : दर्जनाैं सरकारी गाडीमा तोडफोड र आक्रमण

0

वीरगंज । मधेश प्रदेशको राजधानी जनकपुरधाममा बुधबार राष्ट्रिय सभा निर्वाचनका दिन डा. सीके राउत नेतृत्वको  जनमत पार्टीका नेता-कार्यकर्ताहरूले सरकारी गाडीमा तोडफोड गरेका छन् । राष्ट्रियसभाको निर्वाचनमा सहभागी हुन आउने क्रममा जनमतका कार्यकर्ताले प्रदेश सभा सदस्य, पालिका प्रमुख र उप प्रमुखका गाडी ताेडफाेड गरेका हुन् ।

उनीहरुले राष्ट्रिय सभाका लागि मतदान गर्न आउँदै गरेका जसपा मधेश प्रदेशका सांसद अशोक यादव, सर्लाहीको हरिवन नगरपालिकाका मेयर गणेश प्रसाई र उप मेयर रेणुका पाैडेल सवार गाडीसहित दर्जनाैं सरकारी गाडीमा तोडफोड गरेका हुन् ।

तोडफोडका क्रममा सांसद यादवसहित आधा दर्जन घाइते भएका छन् । 

जनमतका कार्यकर्ताको प्रदर्शनले राष्ट्रियसभा मतदान स्थल महेन्द्रनारायण निधि प्रतिष्ठान वरपरको अवस्था तनावग्रस्त बनेको थियाे ।जनमत पार्टीका कार्यकर्ताहरुले जनप्रतिनिधि सवार गाडीलाई निशाना बनाएका थिए । 

जसपा नेतृ एवम् संघीय मन्त्री रेणु यादवले गौरमा सीके राउतको नाम लिँदै अर्को नरसंहार मच्चाउने बताएयता जनमत पार्टीका नेता कार्यकर्ता झनै आक्रमक भएका छन् । 

जनमतका नेता कार्यकर्ताहरु ‘पहिला किसानलाई मल देऊ, त्यसपछि मतदान गर’ सहितका नारा लगाउँदै प्रदर्शनमा उत्रिएका थिए ।उनीहरु लाठी र भाटासहित मतदानस्थलमा प्रवेश गर्न खोज्दा प्रहरीसँग झडप समेत भएको थियाे । 

मतदान स्थल महेन्द्रनारायण निधि प्रतिष्ठान वरपर बाक्लो संख्यामा सुरक्षाकर्मी परिचालन गरिएको थियाे । 

जनमतका कार्यकर्ताहरुले मतदान गर्न प्रदेशका आठ जिल्लाबाट आउने प्रदेशसभा सदस्य, पालिका प्रमुख र उपप्रमुखको गाडीलाई लक्षित गरेर आक्रमण गरिरहेका थिए । जनकपुरको विभिन्न चोकहरुमा प्रदर्शनमा उत्रेका जनमतका कार्यकर्ताले मतदानस्थलसम्म पुग्न नदिन सरकारी सवारीसाधन तोडफोड र आक्रमक थालेका थिए । 

उग्र प्रदर्शनका कारण मतदाताहरूलाई जनकपुरधामस्थित मतदानस्थलमा लैजान प्रहरी तैनाथ गरिएको थियाे । जनमतका कार्यकर्ताहरूको समूह मतदानस्थलमै प्रवेश गरेपछि प्रहरीले बल प्रयोग गरेर रोकेको थियो । 

स्वतन्त्र मधेशको मुद्दासहित तत्कालिन प्रधानमन्त्री केपी शर्मा ओलीमाझ आत्मसमर्पण गरेर मूलधारको राजनीतिमा आएका डा. सिके राउत पछिल्लो समय मधेशमा आन्दोलन चर्काइरहेका छन् । कहिले भ्रष्टाचारी भन्दै जनकारवाही त कहिले किसान आन्दोलनको नाममा आगजनी, तोडफोड जस्ता उग्र गतिविधिसहितका क्रियाकलाप जारी राखेका छन् । 

जनमत पार्टी नेकपा एमाले र लोकतान्त्रिक समाजवादीप्रति नरम देखिएको छ । तर जनमतका कार्यकर्ता जनता समाजवादीसहित पाँच दलीय गठबन्धन दलप्रति आक्रमक छन् । खास गरी जनता समाजवादी पार्टी जसपा सांसदलाई लक्षित गरी आन्दोलन गरिरहेका छन् । 

गत माघ ५ गते रौतहटको गौरमा भौतिक पूर्वाधार तथा यातायात मन्त्री रेणु यादवलाई कार्यक्रम स्थलमा जान अवरोध गरेको थियो । 

त्यसपछि सुरक्षा घेरामा कार्यक्रममा पुगेकी मन्त्री यादवले आक्रोशमा सिके राउतप्रति लक्षित गर्दै पुनः गौर नरसंहार दोहोर्‍याउने र सिके राउतको हत्या गर्ने चेतावनी दिएकी थिइन् । त्यसयता उनी पनि विवादमा तानिकी छन् ।

डाक्टरमाथि पनि आक्रमण

केही समयदेखि मधेश प्रदेशमा उग्र प्रदर्शन गर्दै आएका डा. सिके राउत नेतृत्वको जनमत पार्टीका कार्यकर्ताले बुधबार जनकपुरमा एकजना डाक्टरमाथि पनि आक्रमण गरेका छन् ।

राष्ट्रिय सभाको निर्वाचन भइरहँदा जनकपुरधामस्थित पिडारी चोकमा जलेश्वर अस्पतालका मेडिकल सुपरिटेन्डेन्ट डा. सतिश साहमाथि आक्रमण गरेका हुन् । जनकपुरबाट कामको सिलसिलामा बर्दिबासतर्फ जाने क्रममा लाठी र भाटासहित प्रदर्शनमा उत्रिएका जनमतका कार्यकर्ताले साहमाथि आक्रमण गरेका थिए ।

जनमतका कार्यकर्ताको आक्रमणबाट डा. साहको मुखमा आठवटा टाँका लगाउनुपरेको छ । जनमतका कार्यकर्ताले उनी सवार सरकारी गाडीमा पनि तोडफोड गरेर क्षति पुर्‍याएका छन् । डा. सीके राउत नेतृत्वको जनमत पार्टीका नेता कार्यकर्ताको उग्र प्रदर्शनका कारण मधेश प्रदेशमा बुधबार भएको राष्ट्रियसभा निर्वाचनका क्रममा पटक पटक तनाव भएको थियाे ।

मधेश सरकारले छानबिन गर्ने

मधेश प्रदेश सरकारले बुधबार जनकपुरधाममा सिके राउत नेतृत्वको जनमत पार्टीका कार्यकर्ताद्वारा गरिएको तोडफोड एवम् हिंसात्मक प्रदर्शनको छानबिन गर्ने भएको छ ।

प्रदेश सरकारका प्रवक्ता एवम् अर्थमन्त्री शैलेन्द्र प्रसाद साहले विज्ञप्ति प्रकाशित गरी घटनाको छानबिन र पीडितलाई क्षतिपुर्ति एवम् दोषीलाई कारबाही गर्न सम्बन्धित निकायलाई निर्देशन दिएका छन् ।

जनकपुरधाममा राष्ट्रिय सभा सदस्यको निर्वाचनका लागि मतदानमा सहभागी हुन आएका जनप्रतिनिधिहरुको सवारी साधनमा जनमत पार्टीका कार्यकर्ताहरूले तोडफोड गर्नुका साथै आक्रमणसमेत गरेका थिए । 

‘पूर्व घोषित विरोधका कार्यक्रमहरु नरहेको अवस्थामा पनि प्रदेश सभा सदस्य माननीय अशोक यादव, हरिवन नगरपालिका मेयर, उपमेयर, जलेश्वर अस्पतालका मेसु डा. सतिश साह लगायतका व्यक्तिहरूमाथि गरिएको साङ्घातिक आक्रमण एवम् सवारी साधनमा गरिएको तोडफोड घटनाको वास्तविक छानविन गरी सम्बन्धित जनप्रतिनिधि एवम् चिकित्सकलाई क्षतिपूर्ति उपलब्ध गराउन एवम् दोषी उपर कार्वाही गर्न प्रदेश सरकार तालुक निकायलाई  निर्देशित गर्दछ’ प्रदेश सरकारको विज्ञप्तिमा भनिएको छ।

साथै, लोकतान्त्रिक मूल्य र मान्यतामा विश्वास राखि अहिंसात्मक तवरबाट आफ्नो विचार एवम् अभिमत प्रकट गर्न जनमत पार्टी लगायत सम्वद्ध सबैमा प्रदेश सरकारले आग्रह गरेको छ।

राष्ट्रिय सभा सदस्यमा पर्साकी उर्मिला अर्याल विजयी

0

वीरगंज । राष्ट्रिय सभा निर्वाचनमा मधेश प्रदेशबाट महिलातर्फ सत्ता गठबन्धनका उम्मेदवार उर्मिला अर्याल विजयी भएकी छन् । नेकपा माओवादी केन्द्रकी उम्मेदवार पर्साकी अर्याल महिला समूहबाट विजयी भएकी हुन् ।

अर्याल ६ हजार १ सय ५६ मतभार सहित विजयी भएकी निर्वाचन आयाेग नेपालका प्रवक्ता एवम् सह सचिव शालिग्राम शर्मा पाैडेलले जानकारी दिए । अर्याल नेपाली कांग्रेस, माओवादी केन्द्र, नेकपा एकीकृत समाजवादी र जनता समाजवादी पार्टी गठबन्धनकी उम्मेदवार थिइन ।

उनका निकटतम प्रतिद्वन्द्वी एमाले-लोसपा गठबन्धनबाट महिला उम्मेदवार रुपाकुमारी यादवले ३ हजार २२८ मतभार ल्याएकी हुन्। यादव लोसपाबाट उम्मेदवार थिइन ।

४३२ मतभार बदर भएको छ । स्थानीय तहको प्रमुख र उपप्रमुखको मतभार १८ र प्रदेशसभा सदस्यको मतभार ४८ रहेको छ । जस अनुसार स्थानीय तहका ४ हजार ८२४ र प्रदेश सभाका ४ हजार ९९२ गरी कूल ९ हजार ८१६ मतभार रहेको छ ।

त्यस्तै, राष्ट्रिय सभा सदस्यमा मधेश प्रदेशबाट अन्य समूहमा माेहमद खालिद निर्वाचित भएका छन् । सत्ता गठबन्धन कै उम्मेदवार खालिद ६ हजार ६ सय ७८ मत भारसहित विजयी भएका हुन् ।

खालिद जनता समाजवादी पार्टीका उम्मेदावर थिए ।  

नेपालको जनसंख्या २ करोड ९१ लाख ९२ हजार पुग्याे

0

काठमाण्डाै । नेपालको जनसंख्या २ करोड ९१ लाख ९२ हजार ४ सय ८० पुगेको छ । केन्द्रीय तथ्याँक विभागले राष्ट्रिय जनगणना २०७८ को प्रारम्भिक विवरण सार्वजनिक गर्दै नेपालको जनसंख्या  २ करोड ९१ लाख ९२ हजार ४ सय ८० पुगेको जानकारी दिएको हो ।

जसमा पुरुषको जनसंख्या १ करोड ४२ लाख ९१ हजार ३ सय ११ र महिलाको जनसंख्या १ करोड ४९ लाख १ हजार १ सय ६९ छ । प्रारम्भिक विवरणअनुसार विदेशमा रहेका नेपालीको जनसंख्या २१ लाख ६९ हजार ४ सय ७८ र नेपालमा जम्मा परिवार संख्या ५६ लाख ४३ हजार ९ सय ४५ रहेको छ । जनसंख्याको वृद्धिदर शून्य दशमलव ९३ प्रतिशत रहेको छ ।

यसअघि २०६८ सालको जनगणनाअनुसार नेपालको जनसंख्या २ करोड ६४ लाख ९४ हजार ५ सय ४ थियो । यसमा पुरुषको जनसंख्या १ करोड २८ लाख ४९ हजार ४१ र महिलाको १ करोड ३६ लाख ४५ हजार ४ सय ६३ थियो । यस्तै १० वर्षअघिको जनगणनाअनुसार घरपरिवारको संख्या ५४ लाख २३ हजार २ सय ९७ थियो ।

विभागका उपनिर्देशक हेमराज रेग्मीका अनुसार २०७८ सालको जनगणनाको विस्तृत तथ्याँक भने ६ महिनाभित्र आउनेछ । विभागले भदौ ३० गतेदेखि असोज १८ सम्म घर तथा घर–परिवारको सूचीकरण तथा कात्तिक २५ देखि मंसिर ९ गतेसम्म मुख्य जनगणनाको काम गरेको थियो । 

बालिकालाई भारततर्फ लैजानेक्रममा एक जना पक्राउ

0

वीरगंज । मानव बेचबिखन तथा ओसारपसारकाे अभियाेगमा प्रहरीले एक जनालाई नियन्त्रणमा लिएकाे छ । १४ बर्षिया बालिकालाई अर्घाखाँची लगेर बिहे गर्ने भनेर भारत लैजान खोजेको युवकलाई पर्सा प्रहरीले पक्राउ गरेको छ भने पीडित बालिकाको उद्धार गरेको छ ।

बैतडी जिल्ला घर भएकी बालिका गत माघ ७ गतेदेखि सम्पर्कविहीन रहेको र निजको खोजतलास भइरहेको अवस्थामा माघ १० गते वीरगंजबाट रक्सौल लैजान लागेको अवस्थामा शङ्कराचार्य गेटमा खटिएको प्रहरी टोली र माइती नेपाल संस्थाको समन्वयमा सोधपुछको क्रममा शङ्कास्पद अवस्थामा बालिकाको उद्धार गरिएको जिल्ला प्रहरी कार्यालय पर्साले जनाएकाे छ ।

बालिकालाई अर्घाखाँची जिल्ला सन्धिखर्क नगरपालिका वडा नं. ७ घर भई हाल चितवन जिल्ला भरतपुर महानगरपालिका वडा नं. १ पोखरा बसपार्क बस्दै आएका २८ वर्षीय राजु अधिकारीले ललाइफकाइ भारततर्फ लगिरहेको अवस्थामा निजलाई समेत नियन्त्रणमा लिइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

अभियुक्त अधिकारीले बालिकालाई बैतडीमै पुगेर आफ्नो कब्जामा पारी माघ ७ गते नै लिएर आएको र आफ्नो घर अर्घाखाँची लैजाने तथा अहिले घरमा बस्ने, उमेर पुगेपछि बिहे गर्ने प्रलोभन देखाएर भगाएको अनुसन्धानको क्रममा खुलेको प्रहरी प्रवक्ता खनालले बताए ।

अभियुक्तलाई पर्सा जिल्ला अदालतबाट ७ दिनको म्याद थप गरी मानव बेचबिखन तथा ओसारपसार कसुरमा अनुसन्धान अगाडी बढाइएको जिल्ला प्रहरी कार्यालय पर्साका प्रवक्ता खनालले जानकारी गराए ।