Date
बिहि, मंसिर ३, २०८३
Thu, November 19, 2026
Home Blog Page 718

धाेबिनी गाउँपालिकाकाे विवाद सहमतीमा टुङ्गियाे, आन्दाेलन स्थगित

0

वीरगंज । पर्साको धोबिनी गाउँपालिकाकाे विवाद सहमतीमा टुङ्गिएकाे छ । गाउँपालिकाकाे योजना शाखा प्रमुख पप्पु पटेलमाथी भएकाे दुर्व्यवहार सम्बन्धमा आइतबार इलाका प्रहरी कार्यालय पाेखरियामा भएकाे छलफलमा सहमती भएपछि टुङ्गिएकाे हाे ।  

छलफलकाे क्रममा गाउँ कार्यपालिका सदस्य शान्ति देवीका श्रीमान् धर्मन राउत कुर्मीले आफुसंग गल्ती भएको स्वीकार गर्दै अब देखी फेरी यस्तो घटना नदोहोरिने शर्तमा लिखित र मौखित रुपमा योजना प्रमुख पटेलसंग माफी मागेपछि विवाद टुंगिएकाे नेपाल निजामती कर्मचारी संगठन पर्साका सचिव सुरेन्द्र यादवले वताए ।

गत माघ १३ गते धर्मनसहित ५/७ जानाको समूहले याेजना शाखा प्रमुख पटेललाई उनकै कार्यकक्षमा दुर्व्यवहार गरेका थिए । साेही घटनाकाे दाेषी उपर कारवाहीकाे माग गर्दै नेपाल निजामती कर्मचारी संगठन पर्साकाे अगुवाईमा कर्मचारीहरु आन्दाेलन गर्दै आएका थिए ।

आपसी समजदारीमा दाेषी व्यक्तिले गल्ती स्विकार गर्दै अबदेखी त्यस्ताे घटना नदाेहरिने लिखित सहमती गरेपछि जारी आन्दाेलन स्थगित भएकाे संगठन पर्साका अध्यक्ष अमित कुमार गिरीले जानकारी दिए ।

योजना शाखा प्रमुख पटेलले घटना भएकाे भाेली  पल्टै दाषीमाथी कारवाहीकाे माग गर्दै इलाका प्रहरी कार्यालय पाेखरियामा उजरी समेत दिएका थिए । साे उजरी दर्ता गर्न सरकारी वकिल कार्यालय पर्साले प्रहरीलाई निर्देशन समेत दिइसकेकाे थियाे ।

छलफलमा धोबिनी गाउँपालिकाका अध्यक्ष सुरेस प्रसाद कुर्मी, प्रमुख प्रशासकीय अधिकृत राजु साह, नेपाली कांग्रेशका नेता रमेश पाण्डे, श्रीकान्त यादव लगायतको उपस्तिथि रहेको थियो ।

माओवादी केन्द्रकाे क्षेत्रिय इन्चार्जमा दास र गद्दी, संयाेजकमा पटेल

0

वीरगंज । नेकपा माओवादी केन्द्र पर्सा जिल्ला समन्वय समितिको बैठकले विभिन्न निर्णयहरु गरेको छ । बैठकले पार्टीको रिक्त रहेको प्रतिनिधिसभा निर्वाचन क्षेत्र नम्बर २ र ४ तथा प्रदेशसभा निर्वाचन क्षेत्रमा ३ जना युवालाई जिम्मेवारी दिएको छ ।

नेकपा माओवादी केन्द्र जिल्ला समन्वय समिति पर्साका अध्यक्ष रामदरश कुश्वाहाको अध्यक्षता तथा जिल्ला इन्चार्ज विजय महतोको अध्यक्षतामा भएको बैठकले प्रतिनिधिसभा निर्वाचन क्षेत्र नम्बर २ को इञ्चार्जमा युवा नेता अमिताभ बच्चन दास ‘रोहित’ लाई जिम्मेवारी दिएको छ ।

त्यस्तै प्रतिनिधिसभा निर्वाचन क्षेत्र नम्बर ४ को इञ्चार्जमा इमदाद गद्दी (सुगा) तथा प्रदेशसभा निर्वाचन क्षेत्र नम्बर २ को (ख) काे संयाेजकमा संतोष पटेललाई जिम्मेवारी दिने निर्णय गरेको छ ।

पार्टीको सम्मेलन तथा संगठन निर्माण नभएको स्थानीय तहहरुमा संगठन निर्माण गर्ने, १४ वटै स्थानीय तहमा पार्टी कार्यालय खोल्ने, नियमित बैठक बस्ने र लेवी प्रति सदस्य २० रुपैंया उठाउने निर्णय गरिएको पार्टीका जिल्ला सचिव बालेश्वर थारुले जानकारी दिए । 

प्रमुख प्रशासकिय अधिकृतहरुकाे बैठक सम्पन्न, आन्दाेलनमा एकवद्धता

0

वीरगंज । पर्साका प्रमुख प्रशासकिय अधिकृतहरूकाे बिहिबार बैठक सम्पन्न भएकाे छ । वीरगंज महानगरपालिकाकाे कार्यालयमा बसेकाे बैठकले कर्मचारी दुर्व्यवहार विरुद्धकाे आन्दाेलनलाई निरन्तरता दिने निर्णय गरेकाे छ ।

बैठकले कार्यस्थलमा सुरक्षाकाे अनुभुती नभएसम्म आन्दाेलनका कार्यक्रमलाई निरन्तरता दिने र साे आन्दाेलनमा पर्साका सबै स्थानिय तहहरुकाे एकबद्धता रहने, धाेबिनी गाउँपालिकाका याेजना शाखा प्रमुख पप्पु पटेलालाई दुर्व्यवहार गर्नेमाथी प्रहरी प्रशासनबाट कारवाही पक्रिया अगाडी नबढेकाे सम्बन्धमा र कर्मचारीहरुकाे सुरक्षा सवालमा प्रमुख जिल्ला अधिकारी उमेश कुमार ढकालसंग कुरा गर्न वीरगंज महानगरपालिकाका प्रमुख प्रशासकिय अधिकृत निश्चल राज पाण्डेलाई अनुराेध गर्ने निर्णय गरेकाे छ ।

साथै आन्दाेलन सम्बन्धमा जिल्लास्थित जिल्ला स्तरका सम्पूर्ण ट्रेड युनियनहरु, आधिकारिक ट्रेड युनियन र स्थानिय तहका ट्रेड युनियनहरुसंग समन्वय गरी अगाडी बढने निर्णण गरिएकाे बिन्दवासिनी गाउँपालिकाका प्रमुख प्रशासकिय अधिकृत अमित कुमार गिरीले वताए ।

बैठकले जिल्लाका सम्पूर्ण पालिकाकाे प्रमुख प्रमुख प्रशासकिय अधिकृतहरुकाे बैठकले अनिवार्य रुपले १५/१५ दिनमा बस्ने समेत निर्णय गरेकाे छ ।

वीरगंज महानगरपालिकाका प्रमुख प्रशासकिय अधिकृत पाण्डेकाे अध्यक्षतामा बसेकाे बैठकमा पाेखरिया नगरपालिकाका प्रमुख प्रशासकिय अधिकृत सन्देश यादव, जगरनाथपुर गाउँपालिकाका प्रमुख प्रशासकिय अधिकृत राज कुशवाहा, जिराभवानी गाउँपालिकाका प्रमुख प्रशासकिय अधिकृत प्राण मेहता, छिपहमाई गाउँपालिकाका सुनिल चाैधरी, पकहा मैनपुर गाउँपालिका सुधांशु शेखर प्रसाद, सखुवा प्रसाैनी गाउँपालिकाका अरविन्द ठाकुर लगायतकाकाे उपस्थिती रहेकाे थियाे ।

सिडियाेले शान्ति सुरक्षा दिलाउन नसकेपछि कर्मचारीहरु आन्दाेलित

यस अघि दुर्व्यवहार गर्नेमाथी कारवाहीकाे माग गर्दै निजामती कर्मचारीहरुले जिल्ला प्रशासन कार्यालय घेराउ गरेका थिए । धाेबिनी गाउँपालिकाका याेजना शाखा प्रमुख पटेलालाई दुर्व्यवहार गर्नेलाई कारवाहीकाे माग गर्दै नेपाल निजामती कर्मचारी संगठन पर्साकाे अगुवाईमा कर्मचारीहरु जिल्ला प्रशासन कार्यालय घेराउ गरेका थिए ।

कर्मचारीहरु कार्यालयकाे कामकाज ठप्प पारी कार्यालय समय १०:३० बजेदेखी ११:३० बजे सम्म एक घण्टा जिल्ला प्रशास कार्यालयकाे मुल गेटमा प्रदर्शन गरेका थिए । प्रदर्शनकाे क्रममा कर्मचारीहरुले धाेषीलाई कारवाही गर, शान्ति सुरक्षा कायम गर, कर्मचारी एकता जिन्दावाद लगायतकाे नारा समेत लगाएका थिए ।

गाउँपालिकाकाे वडा नम्बर १ की वडा सदस्य शान्ति देवीका श्रीमान् धर्मन राउत कुर्मीसहित ठेकेदार र स्थानीकाे एक समुहले माघ १३ गते बिहिबारका दिन याेजना शाखा प्रमुख पटेललाई दुर्व्यवहार गरेका थिए ।

दाेषीलाई कारवाही गर्न जाहेरी लिएर जादाँ पनि प्रहरीले दर्ता नगरेकाे निजामती कर्मचारी संगठन पर्साका अध्यक्ष अमित कुमार गिरीले वताए । जाहेरी दर्ताकाे लागि प्रमुख जिल्ला अधिकारी उमेश कुमार ढकाल र प्रहरी उपरिक्षक रमेश कुमार बस्नेतसंग पहल गर्दा पनि दर्ता नभएकाे उनले गुनासाे गरे ।

अध्यक्ष गिरीले कर्मचारीलाई शान्ति सुरक्षाकाे व्यवस्था मिलाईदिन प्रमुख जिल्ला अधिकारी ढकालसंग मागसमेत गरे । 

गाउँपालिकाबाट कृषकलाई वितरण गर्नु पर्ने मोटर आफुले भनेकाे ठेक्दारमार्फत खरिद नगरेकाे आक्राेशमा धर्मनसहितकाे समुहले योजना शाखा प्रमुख पप्पुलाई उनकै कार्यकक्षमा गाली गलौजसहित लछार पछार गर्दै कुटपिटकाे प्रयास समेत गरेकाे धाेबिनी गाउँपालिका प्रमुख प्रशासकिय अधिकृत राजु साहले वताए ।

कर्मचारीहरुका अनुसार धर्मनसहितकाे समुहले पप्पुलाई उन कै कर्यकक्षमा २ घण्टा सम्म थुनी कोठा बाहिर समेत निस्कन दिएका थिएन ।

कर्मचारी संगठनले माघ १७ गते साेमबार कर्मचारी दुर्व्यवहार गर्ने कुर्मीमाथी कारवाहीकाे माग गर्दै प्रमुख जिल्ला अधिकारी ढकाललाई ज्ञापन पत्रसमेत बुझाएकाे थियाे । ज्ञापन पत्रकाे सङ्गबन्धमा कुनै सुनवाई नभएपछि कर्मचारीहरु आन्दाेलित भएका हुन् ।

नव प्रबेशी शाखा अधिकृतहरुलाई कर्मचारी संगठनद्वारा सम्मान

0

वीरगंज । नेपाल निजामती कर्मचारी संंगठन पर्साले शाखा अधिकृतमा सिफारिस भएका कर्मचारीहरुलाई सम्मान गरेकाे छ । संगठनले जिल्ला समन्व समिति पर्सा नजिक रहेकाे आफ्नै भवनमा बधाई तथा शुभकामना कार्यक्रमकाे आयाेजना गरी पर्साका नवप्रवेशी शाखा अधिकृतहरुलाई सम्मान गरेकाे हाे ।

संगठनले शाखा अधिकृतमा सिफारिस भएका अनामिका राैनियार, संदिप कुमार पटेल, महमद नवाज हुसेन, रेखा कुमारी, राकेश ओझा, मुन्ना साह राैनियार, श्यामबाबु राउत, सुमित कुमार सिंह र गाैरीशंकर कुमार सिंहलाई सम्मान गरेकाे हाे ।

 संगठन पर्साका अध्यक्ष अमिति कुमार गिरीकाे अध्यक्षता र नेकपा एमालेका केन्द्रिय सदस्य अरविन्द सिंहकाे प्रमुख आतिथ्यतामा भएकाे कार्यक्रममा निजामती कर्मचारी आधिकारिक ट्रेड युनियन पर्साका अध्यक्ष सुबादार यादव, धाेबिनी गाउँपालिकाकाे प्रमुख प्रशासकिय अधिकृत राजु साह, जिल्ला निर्वाचन कार्यालय बाराका निर्वाचन अधिकारी सराेज कुमार चाैधरी लगायतकाले शुभकामना मन्तव्य राखेका थिए भने कार्यक्रमकाे संचालन संगठन पर्साका सचिव सुरेन्द्र यादवले गरेका थिए ।