वीरगंज । वीरगंज महानगरपालिकाका नवनिर्वाचित मेयर र उपमेयरले शनिबार आफै सडकमा झाडु लगाएका छन् ।
- Advertisement -
मेयर राजेशमान सिंह र उपमेयर इम्तियाज आलमले शनिबार बिहान महानगरपालिका सरसफाइ शाखाका कर्मचारीहरुलाई संगै लिएर विभिन्न स्थानको सडक र नाला सरसफाइ गराएका हुन् । दुवै जना आफैले पनि सडकमा झाडु पनि लगाएका थिए ।
वीरगंजकाे विर्ता चोक, मकालु चोक, कैलाश होटल चोक, घडीअर्वा, माइस्थान हुँदै घण्टाघर सम्म पुगेर दुवै जनाले सडक र नाला सरसफाइ गराएका थिए ।
यसका साथै सडक र सडक पेटिमा थुपारिएका गिट्टी बालुवा पनि महानगरका कर्मचारीबाट उठाउन लगाएका थिए ।
त्यस क्रममा वडा नम्बर ४ का वडा अध्यक्ष जगत साह कानु, वडा नम्बर ६ का वडा अध्यक्ष जयप्रकाश अग्रवाल, वडा नम्बर ९ का वडा अध्यक्ष जवाहर प्रसाद गुप्ता लगायतको पनि सहभागीता रहेको थियो ।
