Date
मङ्ल, मंसिर १, २०८३
Tue, November 17, 2026
Home Blog Page 664

वीरगंज महानगरकाे ११ ‍‍‍औँ अधिवेशन असार १० गते हुने

0

वीरगंज । वीरगंज महानगरपालिकाकाे ११ ‍‍‍औँ अधिवेशन यही असार १० गते हुने भएकाे छ । महानगरले शुक्रबार सूचना जारी गर्दै वीरगञ्ज महानगरपालिकाकाे ११ औँ नगर अधिवेशन असार १० गते बिहान ८ बजेदेखि नगर सभागृहमा गर्ने जानकारी दिएकाे हाे ।

नगर कार्यपालिकाकाे जेठ ३१ बसेकाे बैठककाे निर्णय अनुसार नगरअधिवेशनमा प्रस्तुत गर्ने एजेण्डा पनि तय गरिएकाे छ ।

नगरअधिवेशनमा आगामी आर्थिक वर्ष २०७९/०८० काे नीतिहरु प्रस्ताव गर्ने, बजेट याेजना तथा कार्यक्रम प्रस्ताव गर्ने, आर्थिक विधेयक २०७९ र विनियाेजन विधेयक २०७९ पेश गर्नुका साथै विविध विषयमाथि छलफल हुने कार्यसूची तय गरिएकाे प्रमुख प्रशासकिय अधिकृत बलिराम ढकालले जानकारी दिए ।

महानन्द माविमा पुरस्कार वितरण तथा सम्मान कार्यक्रम

0

वीरगंज । वीरगंज महानगरपालिकाकाे वडा नम्बर २८ मा रहेको महानन्द प्रसाद उपाध्याय माध्यमिक विधालयमा शुक्रबार पुरस्कार वितरण तथा सम्मान कार्यक्रम सम्पन्न भएको छ ।

कार्यक्रममा शैक्षिक सत्र २०७८ को वार्षिक परिक्षामा कक्षागत उत्कृष्ट नतिजा ल्याएका विधार्थीहरुलाइ पुरस्कार वितरण गरिएको थियाे । यस्तै स्थानीय तहको निर्वाचनमा वडा नम्बर २८ मा निर्वाचित वडाध्यक्ष र वडा सदस्यहरुलाई विद्यालयले सम्मान समेत गरेकाे थियाे ।

विद्यालय व्यवस्थापन समितिका अध्यक्ष राजेश कुमार साहको अध्यक्षता एंव प्रदेश सांसद राजेश्वर प्रसाद साहको प्रमुख आतिथ्यतामा भएको कार्यक्रममा वडाअध्यक्ष सर्युग महतोका साथै वडा सददस्यहरुलाई फुलमाला र अबीर लगाएर सम्मानीत गरिएको विद्यालयका प्रधानाध्यापक राजेश्वर पाण्डेले जानकारी दिए ।

गणतन्त्रमा मुलुकको अवस्था झन जर्जर बन्याे : अध्यक्ष लिङदेन

0

वीरगंज । राष्ट्रिय प्रजातन्त्र पार्टी (राप्रपा) का केन्द्रिय अध्यक्ष राजेन्द्र लिङदेनले देशको अवस्था बारे जनताले सोच्ने बेला आइसकेको बताएका छन् । वीरगंजमा शुक्रबार राप्रपाले आयोजना गरेको पार्टी प्रवेश कार्यक्रमलाई सम्बोधन गर्दै अध्यक्ष लिङदेनले देशलाई अहिलेको दुर्दशाममा पुर्‍याउने नेताहरुलाई पनि जनताले अब चिन्नु पर्ने बेला भइसकेकाे बताए ।

राजतन्त्र हुँदा जनताले अधिकार र सुख पाएन भन्ने बहाना बनाएर नेताहरुले राजा हटाएर गणतन्त्र ल्याएको भएपनि गणतन्त्रमा मुलुकको अवस्था झन जर्जर बनेको उनले बताए । राजतन्त्र हटाएर गणतन्त्र ल्याएको १६ वर्ष पुरा गरि १७ वर्ष भइसकेको भन्दै उनले तर जनताले राजतन्त्रको बेलाको भन्दा अहिले गणतन्त्रमा झन दुख पाइरहेकाे आरोप लगाए ।

लिङगदेनले भने ,‘ हिजो राजा हुँदा के के दुख थियो जनतालाई ? आज गणतन्त्र हुँदा के के सुख पाएका छन्, जनताले ? राजतन्त्रमा देशको अर्थतन्त्र कस्तो थियो ? अहिले गणतन्त्रमा आर्थिक अवस्था कस्तो छ ? यो कुराको मुल्यांकन अब जनता आफैले गर्ने बेला भएको छ ।

अध्यक्ष लिङ्गदेनले राजाभन्दा बढी राष्ट्रपति पाल्न महँगो भएको बताए । राजसंस्थामाथि अहिलेका नेताहरूले विभिन्न आरोप लगाउँदै राजालाई पाल्न धेरै खर्च भयो, राजाले लुटेर विदेशमा रकम जम्मा गरेको जस्ता अनावश्यक आरोप लगाउनेहरू अहिले कति भ्रष्टाचार गरिरहेका छन्, सबै नेपालीलाई थाहा भएको उनको भनाई थियो । 

देशको अस्तित्व खतरामा परेको बताउँदै अहिलेका राजाहरूले बलजफ्ती एमसिसी पास गरेका कारण नेपालमा विदेशी हस्तक्षेप बढ्दै गएको उनले आरोप समेत लगाए ।

अमेरिकाले एमसिसी पास गराएपछि अहिले एसपिपी पास भए देशमा अमेरिकी सेनाको वर्चस्व बढ्ने र नेपालको अवस्था युक्रेनको जस्तो हुने उनले ठोकुवासमेत गरे । दल प्रवेश कार्यक्रममा मुलुकलाई जोगाउनका लागि आउँदो चुनावमा राप्रपालाई अत्यधिक मत दिएर प्रत्यक्ष प्रधानमन्त्रीसहित अभिभावकको रूपमा राजसंस्थालाई स्थापना गर्न उचित समय आएको उनले बताए ।

कार्यक्रममा नेकपा माओवादी केन्द्रका युवा नेता विराज यादव सहित सयाैंकाे संख्यमा राप्रपामा प्रवेश गरेका थिए ।

अञ्चल संयोजक नवराज ढकालको सभापतित्वमा शुरू भएको कार्यक्रममा मोहन यादव, जगरनाथप्रसाद कुर्मी, अङ्गद ठाकुर, सुमेश्वर तिवारी, राप्रपाका वीरगंज महानगर अध्यक्ष जलेश्वर सर्राफ लगायतकाे सहभागिता रहेकाे थियाे ।

विश्रामपुरमा ५ महिलासहित २६ जनाद्वारा रक्तदान

0
वीरगंज । पर्साको बहुदरमाई नगरपालिका वडा नं. ७ बिश्रामपुरमा शुक्रबार रक्तदान कार्यक्रम सम्पन्न भएकाे छ । विश्व रक्तदाता दिवसको अवसरमा  भएकाे कार्यक्रममा ५ महिलासहित २६ जनाले रक्तदान गरेकाे नेपाल रेडक्रस सोसाईटी पर्सा शाखाका सदस्य शिवनाथ यादवले जानकारी दिए ।
 
नेपाल रेडक्रस सोसाइटी विश्रामपुर उपशाखाका सभापति हासिम अंसारीको अध्यक्षतामा भएको कार्यक्रममा बहुदरमाई नगरपालिकाका नगर प्रमुख सिंघासन साह रक्तदाताहरुलाई रगत जम्मा गर्ने प्याकेट हस्तान्तरण गर्दे कार्यक्रमको शुभारम्भ गरेका थिए ।
 
कार्यक्रममा वडा नं. ७ का वडाध्यक्ष बिरेन्द्र प्रसाद यादव, ईब्राहिम देवान, अलिअसरगर देवान, हरिन्द्र साह, स्थानीय जसपाका नेत महन्थ यादव, उपशाखाका पदाधिकारीहरुको सहभागिता रहेको थियो ।
 
कार्यक्रममा रक्त संचार केन्द्रका प्राविधिक जितेन्द्र कुश्वाहाको नेतृत्वको प्राविधिक टोलीले सहयोग गरेकाे थियाे भने कार्यक्रमका संचालन रेडक्रस सोसाईटी पर्सा शाखका सदस्य शिवनाथ यादवले गरेका थिए ।

निजि विद्यालयहरुकाे मिलाेमताेमा पुस्तक पसलहरु अभिभावकलाई ठग्दै

0

वीरगंज । वीरगंजका नाम चलेका निजि विद्यालयहरुकाे मिलाेमताेमा पुस्तक पसलहरु अभिभावकहरुलाई ठग्दै आएका छन् । प्रत्येक नयाँ शैक्षिक सत्रमा निजि विद्यालयहरुले पाएक पर्ने पुस्तक पसलहरुसंग लाखाैंकाे डिल गर्ने गरेका छन् । जिसकाे मार अभिभावमाथी पर्ने गरेकाे छ ।

वीरगंजका गाैतम, जिएचपि, दिल्ली पब्लिक, ग्यान्दा, केदेम्बरी, साउथजाेन लगायतका निजि विद्यालयहरु गणेश पुस्तक पसल, पुजा पुस्तक पसल, लक्ष्मि पुस्कत पसल लगायतका पुस्तक पसलहरुसंग लाखाैकाे डिल गर्ने गरेका छन् । यी पुस्तक पसलहरुले आफ्नाे पसलबाट पुस्तकहरु लिन विद्यार्थी संख्याकाे आधारमा ५ लाखदेखि १० सम्म दिने गरेका छन् ।

अभिभावले आफु पाएक पर्ने पसलबाट किताब किन्नु पर्नेमा विद्यालयहरुले भने कै पुस्तक पसलहरुबाट किन्नु पर्ने बाध्यता रहेकाे छ ।विद्यालयहरुले कमिशन कै लागि प्रत्येक बर्ष प्रत्यक कक्षाकाे नयाँ पुस्कहरु लागु गर्ने गरेका छन् । नयाँ पुस्तकहरुकाे नमावली कमिशन लिएका पुस्तक पसलहरुलाई मात्र उपलब्ध गराउने गरेका छन् ।

कतिपै मुल्य विना कै पुस्तकहरु मनपरी ढंगले मुल्य लिएर समेत बिक्री गर्ने गरेका छन् । सरकारी नियम अनुसार सबै पुस्तकमा अनिवार्य रुपमा मुल्य हुनु पर्नेमा नुना पब्लिसर एण्ड डिस्ट्रिव्युटर प्रा.लि. काठमाडौंद्वारा प्रकाशित पुस्तक वीरगंजस्थित गणेश पुस्तक भण्डारमा मुल्य बिना कै बिक्री भइरहेकाे फेला परेकाे छ ।

वीरगंजका लागि अधिकृत बिक्रेता गणेश पुस्तकमा साे प्रकाशनको पुस्तकहरुमा बिक्रि मुल्य समेत उल्लेख गरिएको छैन् । वितरकले आफु खुशी आफ्नो भण्डारको नामको अलगबाट झोलामा एक सेटको पुस्तकको मुल्य छापेर अभिभावकहरुसँग मनपरी मुल्य असुली गरि रहेको छ ।

नुना प्रकाशनको पुस्तक स्कुलमा लगाई दिनको लागि भण्डारले बिधार्थी संस्थाको अधारमा एउटा स्कुलका प्रिन्सिपलका ५ लाख देखि १० लाख सम्म कमिसन दिएको नाम नछापर्ने सर्तमा एक जना पुस्तक व्यवासायीले बताएका छन् । यो धन्दा भण्डारले बिगत लामो समय देखि गर्दै आएको भएपनि शैक्षिक सत्र २०७८/०७९ को लागि बिक्रि वितरण गरेको पुस्तकमा अभिभावकहरुसँग साविक भन्दा बढी मुल्य असुली कालो धन कमाएको छ ।

अभिभावक ठगी प्रकरणमा जिल्ला स्थित अनुगम समितिका पदाधिकारीहरुले चुपी साधेको अभिभावकहरुको भनाई छ ।

यसरी मनपरी चर्को मुल्य ठोकी वितरकहरुले करौडोको गठी गरी रहदा नियमन निकाएको मौनतालाई अभिभावकहरुले अर्थपूर्ण रुपमा हेरेका छन् । सरकारले तीन बर्षमा एक पटक पुस्तक परिवर्तन गर्न भनेको भएपनि पब्लिकेशनहरुले त्यसको धज्जी उडाउँदै आएको छ । पुस्तकमा थाह नपाउने गरी समान्य परिवर्तन गरी नुना प्रकाशनले हरेक बर्ष पुस्तक परिपर्तन गर्दै आएको स्रोतको दावी छ ।

गणेश पुस्तक भण्डारले कतिपय स्कुलहरुलाई बिधार्थी संख्याको अधारमा हरेक कक्षाको किताब सेट झोलामा प्याक गरी पठाएका छन् । यसरी पठाइएको पुस्तकहरु स्कुलबाटै बिक्रि वितरण हुने गरेको छ । समान्यता बाहिरको पसलमा खरिद गर्दा स्टेशनरी पसलेहरुले एउटा कितावमा १० देखि २० प्रतिशत सम्म छुट दिने गरेका छन् । तर स्कुलमा खरिद गर्दा एक पैसाको छुट लिन मुश्किल रहेको अभिभावकहरुको भनाई छ ।

नुना पब्लिसरको पुस्तक बिद्यासंदन मावि मुर्ली., होलीएन्जल स्कुल मुर्ली, माउण्ट हरमण प्रसौनी विर्ता, चिल्ड्रेन वल्र्ड मा.वि. श्रीपुर लगायतको स्कुलहरुलाई लगाइएको छ । पुस्तक अभिभावकले कहीबाट खरिद गरेपनि स्कुलको बिधार्थी संख्याको अधारमा प्रिन्सिपललाई कमिसन अफिसमै पुग्ने गरेको छ ।

यसैगरी वीरगंजकाे रानीघाटस्थित रहेकाे न्यु पुजा पुस्तक भण्डारले तोकेको मुल्य भन्दा बढी दाममा पुस्तक बिक्रि वितरण गरी लाखौ रुपैयाको ठगी गरिरहेकाे पाइएकाे छ । नयाँ शैक्षिक सत्रको बेलामा निजि स्कुलका संचालक तथा प्रिन्सिपलहरुलाई आर्थिक प्रलोभनमा पारी भण्डारले पुस्तकहरु परिवर्तन गर्ने गरेको तथा अभिभावकहरुसँग मनलाग्दी रकम असुली गर्ने गरेको छ ।

नयाँ शैक्षिक सत्र शुरु भएको बेला देखि नै भण्डारले एमआरपी बिनाका पुस्तकहरु बिक्रि बितरण गरी अभिभावकलाई ठगी गरेको छ ।

नेपाल सरकार शिक्षा, बिज्ञान तथा प्रविधि मन्त्रालय पाठ्यक्रम विकास केन्द्र सानोठिमी, भक्तपुर प्रकाशक रहेको तथा जनक शिक्षा समाग्री केन्द्र लि. मुद्रक रहेको सरकारी समुदायिक बिद्यालयको पुस्तक पनि मुल्य भन्दा बढी दाममा भण्डार बिक्रि वितरण गरी रहेको अभिभावकहरुको भनाई छ ।

भण्डारले मुल्य नछापिएको पुस्तकहरु आफु खुशी मुल्य राखी बिक्रि गरीरहेको गुनासो गर्न थालेपछि न्यु पुजा पुस्तकमा ग्राहक बनेर पुगेकाे संचारकर्मीकाे टालीसँग पनि पसलले तोकेको मुल्य भन्दा बढी दाम लिएको थियो । समुदायिक बिद्यालयको कक्षा ९ काे नेपाली पुस्तकको सरकारी मुल्य १०९ रुपैया तोकिएकोमा भण्डारले १५० देखि १६० रुपैयामा बिक्री गरी रहेको छ । साे पुस्तक खरिदकाे बिल माग्दा पसलका संचालक दिन मानेका थिएन ।

त्यतीमात्र नभई भण्डारले निजि स्कुलमा दिने गरेका पुस्तकहरुमा पनि मुल्य नरहेको तथा आफुखुशी अभिभावकसँग रकम असुली गरी रहेको छ । भण्डार बिक्री गरी रहेको त्रिज्योती प्रकाशनको कितावहरु समेत एमआरपी नरहेको तथा आफ्नो पसलको नाममा झोला बनाई झोलामाथी मुल्य लेखेर आफ्नो अनुकुल रकम लिने गरेका छन् । भण्डारले बीरगंजमा बिक्रीका लागि सकार गरेको प्रकाशन समुहका पुस्तकहरु खासै गतिलो नरहेको भएपनि स्कुलका संचालक तथा प्रन्सिपलहरुलाई मोटो रकम दिएर पुस्तक स्कुलहरुमा लगाउने गरेको छ ।

भण्डारले बिद्यार्थी संख्याको अधारमा ५ लाख देखि ठूला स्कुलका संचालकहरुलाई १० लाख सम्मको कमिसन दिने गरेको छ । एकजना पुस्तक एक जना शिक्षक अनुसार पुस्तकको व्यापार ठूलो आर्थिक भ्रष्टाचार रहेको भएपछि नियमन निकाय समेत आर्थिक प्रलोभनमा परी मौन वस्ने गरेकाे गुनासाे गरे ।

खुल्ला सरकार साझेदारी विषयक अभिमुखिकरण सम्पन्न

0

वीरगंज । मधेश प्रदेशकाे राजधानी जनकपुरधाममा खुल्ला सरकार साझेदारी विषयक अभिमुखिकरण कार्यक्रम बिहिबार सम्पन्न भएकाे छ । गैरसकारी संस्था महासंघ नेपालकाे आयाेजनामा भएकाे अभिमुखिकरण कार्यक्रमकाे उद्घाटन मधेश प्रदेशका आन्तरिक मामिला तथा संचार मन्त्री भरत प्रसाद साहले गरेका थिए ।

कार्यक्रमकाे उद्घाटन गर्दै मन्त्री साहले गैर सकारी संस्थाहरु समन्वय गर्न प्रदेश सरकार तयार रहेकाे वताए । उनले भने “सरकारलाई सहयाेग गर्ने गैर सरकारी संस्थाहरु नै हुन्, प्रदेश सरकार साझेदारी गर्न तयार छ ।” 

गैर सरकारी संस्थाहरुकाे काम समाजिक र समाजकाे हितकाे लागि भएकाे मन्त्री साहकाे भनाई थियाे ।

गैर सरकारी संस्था महासंघ मधेश प्रदेशका उपाध्यक्ष नागेन्द्र दुबेकाे अध्यक्षतामा भएकाे कार्यक्रममा प्रदेश सभा सदस्य मंजु यादव, बबिता चाैधरी, गैर सरकारी संस्था महासंघ नेपालका महासचिव अर्जुन भट्टराई, सूचना आयाेगका पूर्ण आयुक्त कृष्णहरी सापकाेटा लगायतकाले मन्तव्य राखेका थिए भने कार्यक्रमकाे संचालन गैर सरकारी संस्था महासंघ पर्साका अध्यक्ष छठु साहले गरेका थिए ।

वीरगंजकाे माईस्थान बजारबाट केटिएम वाइक चाेरी

0

वीरगंज । वीरगंजकाे माईस्थान बजारबाट केटिएम वाइक चाेरी भएकाे छ । वीरगंज १६ नगवा निवासी सराैभ कुमार साहकाे बा.प्र. ०३-००५ प ०००९ नम्बरकाे २०० सिसिकाे केटिएम वाइक चाेरी भएकाे हाे ।

लक्ष्मी बैंकमा कार्यरत सराैभ बुधबार सांझ माइस्थान तरकारी खरिद गर्न गएकाे बेला मिना बजार कम्पलेक्स अगाडीबाट उनकाे वाइक चाेरीकाे भएकाे थियाे ।

वाइक चाेरी गर्नेहरु सिसि टिभि क्यामराकाे फुटेजमा देखिएकाेले प्रहरीले तादरुकता साथ खाेज तलाश गरे वाइक पता लाग्न सक्ने पिडित सराैभका बुवा पत्रकार संजय साहले वताए । 

माइस्थान बजार क्षेत्रकाे अधिकांश ठाउँमा सिसि क्यामरा रहेकाे छ । साे क्षेत्रबाट पनि वाइक चाेरी हुनु माेटरसाइकल चाेरहरुकाे गिराेह सक्रिय रहेका देखिन्छ ।

पत्रकारद्वय नेपाल र मिश्रलाई एकैदिन मातृ शाेक

0

वीरगंज ।  पर्साका दुई जना पत्रकारलाई एकैदिन मातृ शोक परेको छ । पत्रकारद्वय शत्रुधन नेपाल र संताेष मिश्रलाई एकै दिन मातृ शाेक परेकाे हाे ।

नेपाल पत्रकार महासंघ पर्साका पूर्व अध्यक्ष एवम् प्रतिक दैनिकका सम्पादक शत्रुधन नेपालकी आमा ९२ बर्षिय पदमा नेपालको निधन भएकाे छ ।

नेपालकी आमा विगत चार/पाँच दिनदेखि बिरामी थिइन् । उनको छपकैयास्थित निजी निवासमा बुधबार साँझ निधन भएको हो । उनका दुईजना छोरा र चार छोरी छन् ।

उनकाे बुधबार राति नै वीरगंजकाे अशाेकबाटिकास्थित आर्यघाटमा अन्त्येष्टि समेत गरिएकाे थियाे ।

यसैगरी चन्द्रसूर्यवाणी दैनिक र क्राइम चेक सप्ताहिक पत्रिकाका सम्पादक  सन्तोष मिश्राकाे आमाको बुधबार नै निधन भएकाे छ ।

नेपाल पत्रकार महासंघ, एसाेसिएट प्रदेश समिति सदस्य समेत रहेका सम्पादक मिश्रकी आमाको उपचारको क्रममा काठमाण्डौमा निधन भएको परिवारिक स्राेतले जनाएकाे छ । 

नक्कली नोटसहित एक भारतिय नागरिक पक्राउ

0

वीरगंज । शसस्त्र प्रहरी बोर्डर आउट पोष्ट बंकुलले नक्कली नोटसहित एक भारतिय नागरिकलाई पक्राउ गरेको छ  ।

भारतको गोरखपुर निवासी २३ बर्षिय संजय सक्सेनालाई नक्कली नेपाली र भारतिय रकम सहित बिहिबार बिहान सशस्त्र प्रहरीले पक्राउ गरेको हाे । सक्सेनाको साथबाट नक्कली नेपाली  रूपैया ५० हजार, भारतिय रूपैया हजार र पाँच सय दरको  ५० हजार गरि १ लाख ३१ हजार ६ सय साथबाट बरामद भएकाे सशस्त्र प्रहरीले जनाएकाे छ ।

शसस्त्र प्रहरी बाहिनी बर्दिबासलाई आएको सुचनाको आधारमा सक्सेनालाई रौतहटको बंकुलको एक चिया पसलबाट नियन्त्रणमा लिएर आवश्यक कार्यवाहिको लागि ईलाका प्रहरि कार्यालय बंकुलमा बुझाईएको छ ।