वीरगंज । पर्साकाे धाेबिनी गाउँपालिका वडा नं. ५ मा रहेकाे श्री अजिज मियाँ माध्यमिक विद्यालय धाेविनीमा बुधबार १० काेठे भवनकाे शिलान्यास गरिएकाे छ ।
प्रदेश सरकार र राष्ट्रपति शैक्षिक सुधार कार्यक्रम अन्तर्गत निर्माण हुने विद्यालय भवनकाे वडाध्यक्ष मनाैवर अहमदले शिलान्यास गरेका हुन् । भवन शिलान्यास गर्दै वडाध्यक्ष अहमदले भवन निर्माणपछि विद्यालयमा रहेकाे कक्षा काेठा अभावकाे समस्या समाधान हुने वताए ।
प्रदेश सरकारकाे ३० लाख र राष्ट्रपति शैक्षिक सुधार कार्यक्रमकाे ३६ लाख गरि ६६ लाखकाे लागतमा ठेक्दार मार्फत भवन निर्माण हुने विद्यालयका प्रधानाध्यापक जितेन्द्र रामले जानकारी दिए ।
