वीरगंज । पर्साको बहुदरमाई नगरपालिका वडा नं. ७ बिश्रामपुरमा शुक्रबार रक्तदान कार्यक्रम सम्पन्न भएकाे छ । विश्व रक्तदाता दिवसको अवसरमा भएकाे कार्यक्रममा ५ महिलासहित २६ जनाले रक्तदान गरेकाे नेपाल रेडक्रस सोसाईटी पर्सा शाखाका सदस्य शिवनाथ यादवले जानकारी दिए ।
नेपाल रेडक्रस सोसाइटी विश्रामपुर उपशाखाका सभापति हासिम अंसारीको अध्यक्षतामा भएको कार्यक्रममा बहुदरमाई नगरपालिकाका नगर प्रमुख सिंघासन साह रक्तदाताहरुलाई रगत जम्मा गर्ने प्याकेट हस्तान्तरण गर्दे कार्यक्रमको शुभारम्भ गरेका थिए ।
कार्यक्रममा वडा नं. ७ का वडाध्यक्ष बिरेन्द्र प्रसाद यादव, ईब्राहिम देवान, अलिअसरगर देवान, हरिन्द्र साह, स्थानीय जसपाका नेत महन्थ यादव, उपशाखाका पदाधिकारीहरुको सहभागिता रहेको थियो ।
कार्यक्रममा रक्त संचार केन्द्रका प्राविधिक जितेन्द्र कुश्वाहाको नेतृत्वको प्राविधिक टोलीले सहयोग गरेकाे थियाे भने कार्यक्रमका संचालन रेडक्रस सोसाईटी पर्सा शाखका सदस्य शिवनाथ यादवले गरेका थिए ।
