सप्तरीमा नफलेको फल बारामा फल्दैन : प्रभु साह
बारामा द्रुत सिकाइ सहयोग सम्बन्धि कार्यक्रम सम्पन्न
वीरगंज । बाराको सिमरामा दुई दिने आधारभुत तहमा सिकाइ आपुरण र द्रुत सिकाइ सहयोग सम्बन्धि कार्यक्रम साेमबार सम्पन्न भएको छ । एनसेट नेपालको आयोजना र एजुकेसन नेपाल, युनिसेफ नेपालको सहयोगमा आधारभुत तहमा सिकाइ आपुरण र द्रुत सिकाइ सहयोग सम्बन्धि कार्यक्रम सम्पन्न भएको हो ।
आधारभुत तहमा सिकाइ आपुरण र द्रुत सिकाइ सहयोग सम्बन्धि कार्यक्रममा पर्साका ६ वटा स्थानीयतह र बाराका ७ वटा स्थानीय तहका शिक्षा प्रमुख र योजना प्रमुख गरि दुई / दुई जना सहभागी भएका थिए ।
यस्तै बारा कै कोल्हभी नगरपालिकाबाट १७ जना, विद्यालय ब्यवस्थापन समितिका १/१ जना र फेटा गाउँपालिकाबाट १८ विद्यालयका व्यवस्थापन समितिबाट १/१ जनाको सहभागिता रहेको थियो ।
त्यस्तै अभिमुखीकरणबाट सिकाइ आपूरण र द्रुत सिकाइ सहयोग सम्बन्धी विभिन्न क्रियाकलापहरु तथा साधनहरुको प्रयोग सम्बन्धी जानकारी विस्तृत रूपमा छलफल तथा अभ्यास गरेको थियो ।
एनसेटका कार्यक्रम संयोजक मित्रदेव यादवका अनुसार आधारभुत तहमा सिकाइ आपुरण र द्रुत सिकाइ सहयोग सम्बन्धि कार्यक्रम सिकाईको आवश्यकता किन र कसका लागि , कहिले र कसरी गर्ने भने कुराको बारेमा जानकारी प्रस्तुत भएको थियो ।
यस्तै न्यूनतम सिकाइ सक्षमताको मापनको कार्य ढाँचा र नमुना प्रशन पत्र तथा विद्यार्थी वर्गीकरण र विषय वस्तुको छनौट तथा सिकाइ आपुरणको रणनीतिहरु के के हुन् र यसको कार्यान्वयन योजना निर्माण र कार्यान्वयनको बारेमा विस्तृत छलफल समेत गरिएको थियो ।
जिल्ला शिक्षा विकास तथा समन्वय इकाई पर्साका प्रमुख फत्त बहादुर श्रेष्ठको अध्यक्षतामा भएको कार्यक्रममा मधेस प्रदेशको तालिम केन्द्र बाराको प्रमुख ठूलो बाबु दाहाल लगायतको उपस्थिति रहेकोे थियो ।
कार्यक्रममा एनसेटका सुशील पन्डितले स्वागत गरेका थिए भने कार्यक्रममा सहजीकरणकर्ताको भुमिका उद्धव राय यादव, राम बहादुर पण्डित, नारायण प्रसाद अधिकारीले गरेका थिए ।
ओबिसीको महाधिवेशन वीरगंजमा, एमाले अध्यक्ष ओलीले उद्घाटन गर्ने
बचतकर्ताको रकम लिएर ‘यादगार’ सहकारीका संचालक फरार
वीरगंज । वीरगंज महानगरपालिका वडा नं. १७ स्थित यादगार बचत तथा ऋण सहकारी सँस्था लि. का संचालक बचतकर्ताको करोडौ रकम लिई फरार भएका छन् । सहकारीका संचालक वीरगंज महानगरपालिका वडा नं. १५ भिस्वा निवासी राहुल सिंह, श्रीमती शान्ति चौधरीले बचतकर्ताको करिब १० करोड रकम लिई फरार भएका हुन् ।
विगत लामो समयदेखि संचालित सो सहकारी सँस्थामा रानीघाट, अशोकवाटिका, श्रीपुर, रामगढवा क्षेत्रका अधिकाँश सर्वसाधारणहरुले खाता खोली रकम बचत गर्दै आएका थिए । गरिब परिवारदेखि न्यून्तम वर्गका बचतकर्ताहरुले रकम बचत गर्दै आएकोमा एकाएक संचालक फरार भएपछि बचतकर्ता मर्कामा परेका हुन् ।
गरिब निमुखा परिवारका सदस्यहरुले दैनिकी खर्चबाट कटौती गरि दैनिक ५ सय देखि १ हजार रुपैया गरेर ५० हजारदेखि ९ लाखसम्म जम्मा गरेका थिए । जम्मा गरेको पैसा निकाल्ने बेला आएपछि संचालक नै फरार भएको पीडित बचतकर्ताको गुनासो छ ।
एक एक पैसा जोडेर जम्मा गरेको पैसा लिएर संचालक फरार भएपछि आफ्नो भविष्य नै अन्धकारमा परेको आँशु झार्दै बचतकर्ता महिलाले भनिन् आफूले पैसा जम्मा गर्न नमानेको अवस्थामा एजेन्टले त्यो पैसाको जिम्मा आफू लिने भनेर जम्मा गराए, अहिले आएर जिम्मेवारीबाट पछाडि भागि रहेको बताइन् ।
उनले सहकारीका संचालकले आफ्नो ४५ हजार रुपैया लिएर संचालक फरार भएको बताइन् । विभिन्न व्यक्तिको घर घरमा गई भाँडा माज्ने कार्य गरेर एक एक पैसा जम्मा गरि राखेको पैसा एजेण्ट धर्मेन्द्रले एक मुष्ट सहकारीमा जम्मा गराएका थिए, आफू जिम्मेवार हुने भनेर जबरजस्ती पैसा हाल्न लगाए अहिले मेरो घरमा खाना खाने अवस्था छैन, बच्चाहरु भोकै छन्, कहाँबाट ल्याएर बच्चाकहरुलाई खान दिने भन्दै दुःखेसो पोखिन् ।
एक छाक खाना कटौती गरि जम्मा गरेको पैसा लिएर संचालक फरार भएको सुनेपछि रुखको हाँगाबाट खसेझै महसुस भएको उनीहरुको भनाई छ । दैनिक ज्यालादारीमा काम गर्ने गरिब, निमुखा परिवारको लागि ५० हजारदेखि १० लाख रुपैया धेरै ठूलो रकम हो । विगत दुई वर्षदेखि बचत गरेको पैसा लिएर संचालक फरार भएको उनीहरुको गुनासो छ ।
आफूले कमाएको पैसाको केही भाग जम्मा गरे भोलिको दिनमा कुनै व्यापार व्यावसाय गर्न सकिन्छ, छोराछोरीहरुको विवाह गर्न सकिन्छ भनेर जम्मा गरेको पैसा लिएर संचालक फरार भएपछि आफूहरु अन्यायमा परेको बचतकर्ताहरुको गुनासो छ ।
विगत ४ महिना अघिदेखि नै सहकारी भाग्ने शंका लागेपछि बचतकर्ताहरुले आफूले जम्मा गरेको पैसा निकाल्ने तर्खरमा थिए । तर बैंकका संचालकले पुनः चतुर बुद्धि प्रयोग गरि बचतकर्ताहरुलाई फकाई अचानक सम्पर्क विहीन भएका छन् । बचतकर्ताहरुले सहकारी सँस्थाका कोषाध्यक्ष स्थानीय बलिराम साहको भरमा सहकारीमा खाता खोली पैसा जम्मा गर्ने गरेका थिए ।
केही दिन अगाडिदेखि नै सहकारीको गतिविधि शंकास्पद लागेपछि बचतकर्ताहरुले आफ्नो पैसा निकाल्न खोज्दा बलिराम साहले आफू स्थानीय भएको र सहकारी कति कतै नजाने भनेर बचतकर्ताहरुलाई विश्वस्त गराएका थिए ।
तर कोषाध्यक्ष बलिराम साह पनि विगत डेढ महिनादेखि सम्पर्क विहीन छन् । त्यस पश्चात बचतकर्ताहरुलाई शंका लागेपछि सहकारीको कार्यालयमा हेर्दा विगत दुई हप्तादेखि ताल्चा लागेको थाहा परेपछि बचतकर्ताहरु पीडामा परेका हुन् ।
उजरी परे पनि कारवाही भएन
वचतकर्ताहरुले १५ दिन पहिला नै जिल्ला प्रहरी कार्यालय र जिल्ला प्रशासन कार्यालयमा सहकारीका संचालक विरुद्ध उजरी दिए पनि सुनवाई नभएकाे गुनासाे गरेका छन् । सहकारी संस्थाका संचालकहरुकाे खाेजी कार्यमा प्रहरीले चासाे नदेखाएकाे पिडितहरुकाे गुनासाे छ । परिवारकाे सम्पर्कमा फरार संचालकहरु रहेकाे पिडितहरुकाे भनाई छ ।
बचत कर्ताले बजार प्रतिधिहरुलाई आफ्नाे पइसा फिर्ता गर्न भनिरहँदा उनीहरु पनि तनावमा परेका छन् ।
गैरकानूनी सम्पत्ति आर्जन गरेको अभियोगमा तत्कालीन नासु घिमिरेविरुद्ध मुद्दा दायर
काठमाडौँ । अख्तियार दुरुपयोग अनुसन्धान आयोगले रु दुई करोड १४ लाख ४६ हजार छ सय ५७बराबरको गैरकानूनी सम्पत्ति आर्जन गरेको अभियोगमा भन्सार विभागका तत्कालीन नायब सुब्बा रघुनाथ घिमिरेविरुद्ध आज विशेष अदालतमा मुद्दा दायर गरेको छ ।
“घिमिरेले रु सात करोड ३९ लाख सम्पत्ति जोडेका छन्, जसमध्ये उनको वैध आम्दानी रु पाँच करोड २५ लाख मात्र हो, रु दुई करोड १४ लाख ४६ हजार छ सय ५२ गैरकानूनी आर्जन गरेको देखिन्छ”, अख्तियारद्वारा आज जारी विज्ञप्तिमा भनिएको छ । विसं २०५२ देखि २०७९ सालसम्म सरकारी सेवामा रहेका घिमिरेले गैरकानूनी आर्जन गरेको सम्पत्ति श्रीमती शारदा गौतमको नाममा राखेको देखिएको छ । घिमिरेले विमानस्थल भन्सार, राजस्व अनुसन्धान विभागलगायतका निकायमा बसेर राजस्व छल्ने र गैरकानूनी काम गरी सम्पत्ति कमाएको अख्तियारको भनाइ छ ।
अख्तियारले तत्कालीन नासु घिमिरेले जागिर अवधिभर विभिन्न कार्यालयमा बसी करोडौँ सम्पत्ति कमाएर श्रीमतीलगायत परिवारका विभिन्न व्यक्तिको नाममा लुकाएर राखेको, विभिन्न कम्पनीमा लगानी, शेयर खरिद, जग्गा खरिदलगायतको कार्य गरी गैरकानूनी सम्पत्ति आर्जन गरी भ्रष्टाचार गरेको भन्ने उजुरी निवेदन सम्बन्धमा अनुसन्धानपछि मुद्दा दायर गरेको हो । रासस
सहकारी बलियो बनाउन महानगर तयार छ : मेयर सिंह
वीरगंज । वीरगंज महानगरपालिकाका मेयर राजेशमान सिंहले सहकारी बलियो बनाउन महानगरले नीतिगत तथा व्यवहारिक रुपमा काम अगाडी बढाएको बताएका छन् ।
६६ औँ राष्ट्रिय सहकारी दिवसका अवसरमा वीरगंजमा आयोजित कार्यक्रमलाई सम्बोधन गर्दै उनले दैनिक कमाएर जीवन निर्वाह गर्नेहरुको सहारा रहेको सहकारीलाई बलियो बनाउन महानगर सँधै तयार रहेको बताए ।
उनले तीन खम्बे अर्थ नीति अनुरुप सहकारी एक खम्बा रहेकाले यसलाई विश्वसनीय र सेवा चुस्त बनाउन सहकारीकर्मीहरुले आफ्नो ठाउँबाट भूमिका निर्वाह गर्न पनि आग्रह गरे ।
कार्यक्रममा महानगरका उप मेयर इम्तियाज आलमले केही सहकारीका कारण समग्र सहकारी बदनाम हुनु पर्ने अवस्था अन्त्य गर्न सकारी संचालकले बदमासी गर्न नहुने बताए ।
कार्यक्रममा नेफस्कुनका हरेराम पटेलले स्थानीय सरकारले सहकारी दर्ता गरिदिएर मात्रै नभई उनीहरुलाई प्रशिक्षण तथा नियमनमा अग्रसर भइदिनु पर्ने बताए ।
कार्यक्रम अघि ‘सहकारीको दिगोपना, स्वनियमन र सुशासन’ भन्ने नाराका साथ घण्टाघरबाट निस्केको प्रभातफेरी नगरपरिक्रमा पछि पुनः घण्टाघर पुगेर काेण सभामा परिणत भएको थियो ।
महानगरका प्रमुख प्रशासकीय अधिकृत लक्ष्मी प्रसाद पौडेलको अध्यक्षतामा भएको कार्यक्रममा जिल्ला स्थिति विभिन्न सहकारी संस्थाका प्रतिनिधि तथा सहकारीकर्मीको उपस्थिति रहेको थियो ।
अलौंको यज्ञमा दलितमाथि भएको विभेद बारे दलित आयोगको चासो
वीरगञ्ज । वीरगञ्जको अलौमा सम्पन्न महायज्ञमा दलित समुदायलाई बस्न नदिएको घटना बारे राष्ट्रिय दलित आयोगले चासो देखाएको छ । चैत ८ देखि १६ गतेसम्म चलेको महायज्ञमा दलितलाई समावेश नगराइएको विषयले देशव्यापी रुपमा चर्चा पाएपछि आयोगले चासो देखाएको हो ।
आइतवार वीरगञ्ज आएका आयोगका सदस्य टुन्ज वराइलीले जिल्लाका सुरक्षा निकायका प्रमुखदेखि अलौका जनप्रतिनिधि एवम् स्थानीयसँग घटनाका बारेमा जानकारी लिएका छन् । कुनै पनि सार्वजनिक समारोहमा दलितलाई वञ्चित गराउनु संविधानको उलंघन गर्नु भएको बताउँदै वराइलीले यस घटनाको सत्यतथ्य पत्ता लगाई आगामी दिनमा यस्ता घटना दोहोरिन नदिन दबाब सृजनाका लागि वीरगञ्ज आएको बताए ।
उक्त घटनामा सुरक्षा निकायदेखि अन्य सरोकारवालाको भूमिकाका सम्बन्धमा उनले प्रमुख जिल्ला अधिकारी हिरालाल रेग्मि, सशस्त्र प्रहरी उपरीक्षक सुमन थपलिया, जिल्ला प्रहरी कार्यालय पर्साका प्रमुख प्रहरी उपरीक्षक कोमल शाह, राष्ट्रिय अनुसन्धान पर्साका अधिकृत हेमन्त कुवँर लगायतसँग छलफल गरेका छन् ।
खुलेयाम रुपमा विभेद भएको भनेर अलौका दलित समुदायले जिल्ला प्रशासन कार्यालय पर्सामा ज्ञापन पत्र दिएको बताउँदै प्रमुख जिल्ला अधिकारी रेग्मिले भने, ‘संविधानले नै विभेदजन्य गतिविधि गर्न वर्जित गरेको अवस्थामा स्थानीयले गर्न हुँदैन भनेर हामीले कानुनी आधार देखाउनुका साथै पटक पटक छलफल गरेर सहमती गराउने प्रयास ग¥यौँ । महायज्ञ हुनुभन्दा अघिल्लो दिन उहाँहरु आफै मिलेको भन्दै हामीलाई नै यज्ञमा बोलाउन निम्तो दिन आउनुभयो । हामीले केही गर्नै परेन ।’
आयोगका सदस्य वराइलीले आगामी दिनमा पनि जातकै आधारमा हुने विभेदजन्य घटनामा सहमती नगराई कानुनी प्रक्रियाका आधारमा कारवाही गर्न सुरक्षा निकायलाई निर्देशन दिएका छन् । वराइलीले आइतवार नै वीरगञ्ज महानगरपालिका वडा नम्बर १७ अलौमै पुगेर त्याहाँका वडाअध्यक्ष सञ्जिव बहादुर क्षेत्री र स्थानीय दलित समुदायसँग पनि छलफल गरेका छन् ।
महायज्ञमा भएको यथार्थबारे जानकारी लिँदै वराइलीले समाजको परम्परागत संस्कारभन्दा पनि कानुनको पालना गर्न आग्रह गरे । साथै वराइलीले वडा कार्यालयबाट हरेक आर्थिक वर्षमा दलित समुदायकै लागि भनेर निश्चित बजेट बिनियोजन गर्न पनि वडाअध्यक्ष क्षेत्रीलाई अनुरोध गरेका छन् ।
जसमा क्षेत्रीले सकारात्मक संकेत दिँदै आफ्नो वडाका हरेक गतिविधिमा दलित समुदाय प्राथमिकतामा रहेको बताए । संविधानलाई नै टेकेर आफु वडाअध्यक्षमा निर्वाचित भएको हुँदा कानुनको अवज्ञा गर्न नसक्ने वडाअध्यक्ष क्षेत्रीको भनाई छ । उनकाअनुसार उक्त वडामा जातकै आधारमा कुनै पनि किसिमको विभेद छैन ।
समयक्रमसँगै सबै परिवर्तन हुने बताउँदै वडाअध्यक्ष क्षेत्रीले भने, ‘पहिला पहिला छोएको खाने समेत चलन थिएन, अहिले सबै सँगै बसेर खाने मात्रै हैन, महायज्ञमा पनि ८ दिनसम्म दलित समुदायले नै भण्डारा चलाएर सबै भक्तजनदेखि दर्शालुहरुलाई बिहान बेलुकाको खानाको समेत व्यवस्था गरे ।
त्यसैले एकैपटक असहज भएपनि विस्तारै सबै सुधार हुन्छ ।’ स्थानीय दलित अगुवा खुबलाल महरा भन्छन्, ‘जलयात्रा, कलश यात्रा देखि हवनसम्म पनि हामी सहभागी भयौँ, मात्रै बेदी (यज्ञस्थल) मा बस्न पाएनौ । तर अर्काे वर्षदेखि हुने महायज्ञमा त्यसमा पनि बस्न पाउने गरी सहमती भएको छ ।’
८ दिनसम्म चलेको महायज्ञमा दैनिक बिहान र बेलुका गरी कम्तिमा ५ सय जनासम्मको खानाको व्यवस्था दलित समुदायले नै गरेको महराले बताए । अर्काे वर्षदेखि हुने हरेक सामाजिक एवम् धार्मिक कार्यहरुमा दलित समुदायको पनि समान सहभागीता हुनेमा उनी विश्वस्त छन् ।
सो अवसरमा राष्ट्रिय खेलकुद परिषद्का कार्यकारिणी सदस्य एवम् दलित अगुवा मानदेव हजरा, दलित अभियानता मेघराज पासवान लगायत उपस्थित थिए ।
उपनिर्वाचनका लागि सोमबार उम्मेदवारी दर्ता
काठमाडाैं । आगामी वैशाख १० मा हुने प्रतिनिधिसभा सदस्यको उपनिर्वाचनका लागि यही चैत २० गते सोमबार उम्मेदवारको मनोनयनपत्र दर्ता हुँदैछ ।
निर्वाचन आयोगले तय गरेको कार्यक्रम अनुसार निर्वाचनमा भाग लिन दर्ता भएका राजनीतिक दलका तर्फबाट र स्वतन्त्र उम्मेदवारले सम्बन्धित मुख्य निर्वाचन अधिकृतको कार्यालयमा उम्मेदवारको मनोनयनपत्र दर्ता गर्नुहुनेछ ।
गत मङ्सिर ४ गतेको निर्वाचनमा निर्वाचित रवी लामिछाने नागरिकतासम्बन्धी मुद्धामा सर्वाेच्च अदालतको फैसलाबाट पदमुक्त भएपछि चितवन क्षेत्र नं. २, राष्ट्रपतिमा रामचन्द्र पौडेल निर्वाचित भएपछि तनहुँ निर्वाचन क्षेत्र नंं. १ र उपराष्ट्रपतिमा रामसहायप्रसाद यादव निर्वाचित भएपछि बारा निर्वाचन क्षेत्र नं. २ का लागि उपनिर्वाचन हुन लागेको हो ।
उपनिर्वाचनका लागि शनिबार मुख्य निर्वाचन अधिकृतको कार्यालय स्थापना भइसकेको छ । रासस
घुससहित मालपोत कार्यालय बाराका खरिदार र लेखापढी पक्राउ
वीरगंज । मालपोत कार्यालय बारामा कार्यरत खरिदार र लेखापढी गर्ने पक्राउ परेका छन्।
अख्तियार दुरूपयोग अनुसन्धान आयोग टंगालले दुई जनालाई १५ हजार घुससहित पक्राउ गरेको प्रवक्ता भोला दाहालले जानकारी दिए।
पक्राउ पर्नेमा मालपोत कार्यालय बाराका खरिदार रामविश्वास साह र लेखापढी गर्ने गौरीशंकर कुशवाह छन्।
जग्गा रजिष्ट्रेशन पास गराइदिने भन्दै सेवाग्राहीसँग घुस रकम माग गरेको भन्ने सूचना अख्तियारले पाएको थियो। उक्त सूचनाको आधारमा खटिएको टोलीले आइतबार उनीहरूलाई पक्राउ गरेको हो ।












