वीरगंज । नेकपा एमाले निकट अखिल नेपाल पिछडावर्ग ओबिसी महासंघको प्रथम केन्द्रिय महाधिवेशन वीरगंजमा हुने भएको छ । आउँदो चैत २२ र २३ वीरगंज नगर सभा गृहमा पिछडावर्ग ओबिसी महासंघको प्रथम केन्द्रिय महाधिवेशन हुने लागेको हो ।
वीरगंजमा साेमबार पत्रकार सम्मेलनको आयोजना गरेर अखिल नेपाल पिछडावर्ग ओबिसी महासंघले प्रथम महाधिवेशनलाई भव्य रुपमा सफल बनाउन तयारी थालिएको केन्द्रिय अध्यक्ष तेजप्रकाश निषादले जानकारी दिए । उनका अनुसार पिछडावर्ग ओबिसी महासंघको प्रथम महाधिवेशनमा २२ जिल्लाका ३ सय ३१ जना प्रतिनिधि सहभागी हुनेछन ।
महाधिवेशनको उद्घाटन नेकपा एमालेका अध्यक्ष एवं पुर्व प्रधानमन्त्री केपी शर्मा ओलीले गर्ने केन्द्रिय उपाध्यक्ष अकलेश साहले वताए । महाधिवेशने तयारीको बारेमा पुर्व जानकारीका लागी चैत २१ गते पार्टीका संगठन विभाग प्रमुख भानुभक्त ढकाल र सचिव रचना खड्का वीरगंज आईपुग्ने उपाध्यक्ष साहले बताए ।
साहका अनुसार महाधिवेशनमा तराई मधेश २२ जिल्लाका ४४ जातजातीबाट प्रतिनिधि सहभागी हुने छन ।
पत्रकार सम्मेलनमा पिछडावर्ग ओबिसी महासंघका महासचिव जयप्रकाश महतो, उपमहासचिव धनराज गुप्ता, कोषाध्यक्ष लिला कुशवाहा, केन्द्रिय सदस्य रामबाबु चौरसीया, केन्द्रिय सदस्य राजेश सिंह, ओबिसि पर्साका सचिव चन्दन सहनी, अनेरास्ववियु पर्साका सचिव पवन यादव, युवा नेता निपु साह लगायतका नेताहरुको सहभागीता रहेको थियो ।
