Date
मङ्ल, मंसिर १, २०८३
Tue, November 17, 2026
Home Blog Page 553

विकास र समृद्धिको पाइला अगाडि बढाउन केन्द्रित रहन्छु : मन्त्री रिजाल

0

वीरगंज । उधोग वाणिज्य तथा आपुर्तिमन्त्री रमेश रिजालले सम्वत २०८० को आगमनसँगै विकास र समृद्धिको पाइला अगाडि बढाउन केन्द्रित रहने प्रतिबद्धता जनाउँदै नव वर्षको शुभकामना व्यक्त गर्नु भएको छ।

मन्त्री रिजालले सम्वत २०७९ मा संविधान र लोकतन्त्रको रक्षाका लागि जनताले दिएको अभिभारा र मतले लोकतान्त्रिक-वाम गठबन्धनको काँधमा मुलुकको जिम्मेवारी रहेको बताउनु भयो । जनमतकै आधारमा बनेको लोकतान्त्रिक-वाम गठबन्धनले मुलुकको बृहत्तर विकास र जनजीबिकामा सफलता पाउनु पर्ने रहेको बताउदै जनताले दिएको जिम्मेवारी पूरा गर्ने दायित्व आफुहरुमा रहेको स्पष्ट पार्नु भएको छ ।

मन्त्री रिजालले शुभकामना सन्देशमा नयाँ वर्षको आगमनसँगै रोजगारीको अवसर श्रृजना गर्न र उद्योग विकासमा ध्यान दिनु अहिलेको आवश्यकता रहेको बताउनु भएको छ । नेपालमा समेत विश्वव्यापीरुपमा देखिएको आर्थिक संकटको असर परेको उल्लेख गर्दै यसका लागि निजी क्षेत्रसँग सहकार्य गर्दै जनताको जीवन उकास्नका निमित्त आफु क्रियाशील रहेको स्पस्ट पार्नुभएको छ ।

जिल्ला मै पहिलो सखुवा प्रसाैनी ईन्धनकाे अनलाइन लगबुक राख्दै

0

वीरग‌ंज । पर्साकाे सखुवा प्रसाैनी गाउँपालिकाकाे कर्मचारी व्यवस्थापन र ईन्धन व्यवस्थापन बारे विभिन्न गुनासाेलाई सम्बाेधन गर्न बिहिबार बसेकाे गाउँ कार्यपालिका बैठक विभिन्न महत्त्वपूर्ण निर्णयहरू गरेकाे छ ।

गाउँपालिका अध्यक्ष यसवन्त यादवकाे अध्यक्षतामा बसेकाे कार्यपालिकाकाे बैठकले गाउँपालिकाकाे ईन्धन खर्च व्यवस्थापन गर्नकाे लागि ईन्धनकाे अनलाइन लगबुक राख्न PAMS काे प्रयाेग गर्ने निर्णय गरेकाे छ । याे विधि प्रयाेग गर्नेमा पर्सा जिल्लामै पहिलाे पालिका सखुवा प्रसाैनी भएकाे छ ।

यस्तै बैठकले गाउँपालिकाकाे संगठन तथा व्यवस्थापन सर्वेक्षण ( O&M survey ) गरी दरबन्दि संरचना एकिन गर्ने र दरबन्दी अनुसारकाे कर्मचारि व्यवस्थापन गर्ने निर्णय गरेकाे प्रमुख प्रशासकिय अधिकृत देवनाथ साहले वताए । 

केही दिन पहिला मात्र गाउँपालिकाकी उपाध्यक्ष शर्मिला बिष्टले आयाेजना गरेकी पत्रकार सम्मेलन मै गाउँपालिकामा बढी इन्धन खर्च भएकाे र कर्मचारी भर्नामा अनियमितता भएकाे वताएपछि त्यसलाई सम्बाेधन गर्न बसेकाे बैठकले यस्ताे निर्णयहरु गरेकाे हाे । उपाध्यक्ष बिष्टले आफुले नभएको कुरा पनि केही मिडियाले लेखेको भन्दै आपती जनाईन ।

गाउँपालिकामा जेनेरेटर- १ वटा, माेटरसाईल – २५ वटा, गाउँपालिकाकाे स्काेर्पियाे – १ वटा, भाडाकाे स्काेर्पियाे – १ वटा, ट्रेक्टर – १ वटा, सक्सन मेशिन – १ वटा, टिप्पर – १ वटा, जेसिबि – १ वटा, बरूण यन्त्र – १ वटा, एम्बुलेन्स -२ वटा रहेका कारण अलि इन्धनकाे खर्च बढेकाे भएकाे हुन सक्ने गाउँपालिकाले जनाएकाे छ ।

वीरगंज महानगरपालिका पछि जिल्ला मै सबै भन्दा बढी सवारी साधन सखुवा प्रसाैनीमा रहेकाे र गाउँपालिकाे दुइटै एम्बुलेन्स निशुल्क रुपमा संचालन हुँदै आएकाेमा अलि बढी इन्धनकाे खर्च हुने स्वाभाविक रहेकाे गाउँपालिका अध्यक्ष यसवन्त यादवकाे भनाई छ । उनले कर्मचारी भर्ना पनि नियम सम्बत भएकाे दाबी गरे ।

सवारी साधन कै हिसाबले ईन्धन खर्च भएकाे र ईन्धनकाे मुल्य गत वर्षकाे तुलनामा याे वर्ष धेरै महंगाे भएकाेले खर्च धेरै देखिएकाे प्रमुख प्रशासकिय अधिकृत साहकाे भनाई छ ।

वीरगंजकी सम्मी सुप्रबल जनसेवाश्री पदकबाट विभूषित

0

वीरगंज । समाज सेवी सम्मी कुमारी अग्रवाल सुप्रबल जनसेवा श्री (तृतीय श्रेणी) पदकद्वारा राष्ट्रपतिबाट विभूषित भएकी छन् ।

वीरगंज स्थित अनिल रुङ्गाटा क्मपलेक्समा सञ्चालनमा रहेको सुविधा बचत तथा ऋण सहकारी संस्थाकी अध्यक्ष समेत रहेकी अग्रवाल सुप्रबल जनसेवा पदकद्वारा विभूषित भएकी हुन् ।

संविधान दिवसको अवसरमा राष्ट्रपति विद्यादेवी भण्डारीले समाज सेवी अग्रवाल सहित ९९८ जनालाई मानपदवी, अलंकार र पदकबाट विभूषित भएका छन् ।

२०७९ भदौ ३१ गतेको मन्त्रिपरिषद्को निर्णय अनुसार राष्ट्रपति विभूषित हुनेहरूको नाम सार्वजनिक गरेको थियो । सोही अनुसार शुक्रबार पदकद्वारा राष्ट्रपति रामचन्द्र पौडेलले विभूषित गरेका हुन् ।

यस्तै नेपाल रत्न दिवंगत पूर्वप्रधानमन्त्री सुशील कोइरालालाई दिएको छ । यस्तै, राष्ट्र गौरवबाट दिवंगत राजनीतिज्ञ जीवराज न्यौपाने ‘आश्रित, मन्त्रिपरिषद्का पूर्वअध्यक्ष खिलराज रेग्मी र संस्कृतिविद् सत्यमोहन जोशी विभूषित भएका छन् ।

बारा २ मा गठबन्धनको कार्यालय स्थापना, उपेन्द्र यादव जिताउ अभियान तिब्रता

0

कलैया । बारा निर्वाचन क्षेत्र नम्बर २ मा पाँच दलीय गठबन्धनले सम्पर्क कार्यालय स्थापना गरेको छ ।

उपनिर्वाचन नजिकिँदै गर्दा प्रचार प्रसारलाई तिब्रता दिन महागढीमाई नगरपालिका-२ बरियारपुरमा स्थापना गरिएको कार्यालयको आज जनता समाजवादी पार्टी नेपाल (जसपा) का अध्यक्ष उपेन्द्र यादव, नेपाली कांग्रेसका केन्द्रीय सदस्य एवम् पूर्वगृहमन्त्री बालकृष्ण खाँण र लोकतान्त्रिक समाजवादी पार्टी नेपाल (लोसपा) का मधेश प्रदेश प्रमुख, प्रदेशसभा सदस्य एवम् पूर्वमन्त्री जितेन्द्र सोनलले संयुक्त रुपमा उदघाटन गरेका छन् ।

उदघाटन कार्यक्रमलाई कांग्रेसका केन्द्रिय सदस्य खाँणले बारा-२ मा जसपा अध्यक्ष उपेन्द्र यादवले पाँच दलीय गठबन्धनको प्रतिनिधत्व गरिरहेको कारण उनि नेपाली कांग्रेससमेतको उम्मेदवार भएको बताए । उनले कांग्रेस बाराका नेता र कार्यकर्ताहरुलाई खुलेर यादवलाई जिताउन चुनावी अभियानलाई तिब्र बनाउन आग्रह गरे ।

खाँणले भने, ‘उपेन्द्रजी जसपा पार्टीको मात्र उम्मेदवार हुनुहुन्न् । उहाँलाई पाँच दलीय गठबन्धनले उठाएको छ, उहाँ जति जसपाको उम्मेदवार हुनुहुन्छ उतिकै कांग्रेसको पनि हुनहुन्छ । उहाँलाई जिताउने सम्पूर्ण कांग्रेसी नेता कार्यकर्ताहरुको कर्तव्य हो । कांग्रेसका सम्पूर्ण साथीहरुसँग म उपेन्द्रजीलाई जिताउन खुलेर लाग्न आग्रह गर्न चाहन्छु ।’

त्यस्तै जसपा अध्यक्ष यादवले बारा जील्ला र समग्रमा मधेशको विकास र समृद्धि आफ्नो मूल चुनावी अजेण्डा भएको बताए । उनले निर्वाचनमा उम्मेदवारको पृष्ठभूमि र उसले गरेको कामको मूल्यांकन गरेर मतदान गर्न आग्रह गरे । भ्रम फिजाएर मधेशीहरुका बीच द्वन्द्वको सृजना गर्नेबाट सावधान रहन आग्रह गर्दै उनले भने, ‘जातीयता, बाहिरिया, भित्रिया जस्तो द्वन्द्व सृजना गर्ने विषयको उठान गर्नेहरुसँग सावाधान रहन आवश्य छ ।

बाहिरी शक्तिबाट परिचालितहरुले मधेशी जनताको भलोको बारेमा सोच्न सक्दैनन् । मधेशको लागि हालसम्म कसले के गरेको छ, मधेशी जनताले पाएको अधिकारको लागि कसले कति योगदान पुर्याएको छ । यसको मूल्यांकन गरेर मात्र मतदान गर्नुहोला ।’

लोसपा मधेश प्रदेशका प्रमुख जितेन्द्र सोनलले पनि उपेन्द्र यादव जस्तो नेता संसद् बाहिर रहनु संघीयताको लागि घातक भएको बताए । पछिल्लो समय संघीयतालाई कमजोर पार्ने शक्तिहरु सक्रिय भइरहँदा यसको संरक्षणका लागि आवाज उठाउन उपेन्द्र यादव जस्तो नेताको संसद्मा उपस्थिति अपरिहार्य रहेको उनले बताए ।

कार्यक्रममा जसपाका मधेश प्रदेश अध्यक्ष रामबाबु प्रसाद यादव, नेपाली कांग्रेस बाराका अध्यक्ष राजेशराय यादव, जसपा बाराका अध्यक्ष रामबाबु यादव, रामकिशोर यादव प्रमोद गुप्ता, युवा नेता मुकेश कुशवाहा, नेपाली काग्रेसका नेता उपेन्द्र यादव एवम् पाँच दलिय गठबन्धन दलका स्थानिय नेता कार्यकर्ताहरुको उपस्थिती रहेको थियो ।

व्यावहारिक शिक्षण सम्बन्धी तालिम सम्पन्न

0

वीरगंज । लिटिल बड्डी इन्टरनेशनल प्रिस्कुलद्वारा आयोजित ३ दिने व्यावहारिक शिक्षण सम्बन्धी तालिम सम्पन्न भएको छ । पूर्व प्राथमिक र प्राथमिक तहको पठनपाठन पुस्तक भन्दा पनि सामग्रीमा आधारित हुनुपर्छ भन्ने अभिप्रायका साथ आयोजना गरिएको तालिम बिहिवार सम्पन्न भएको हो ।

मङ्गलवारदेखि सुरु भएको सामग्रीमा आधारित शिक्षण तालिम लिटिल बड्ठी इन्टरनेशनल प्रिस्कुल वीरगंजका प्रबन्ध निर्देशक बिजय कुमार बलको अध्यक्षतामा सम्पन्न भएको हो ।

तालिमको समापन कार्यक्रमलाई सम्बोधन गर्दै प्याब्सन पर्साका प्रवक्ता अशोक संग्रौलाले शिक्षकहरुको क्षमता अभिवृद्धिका लागि यस्ता तालिमहरु जरुरी रहेको बताए । पूर्व प्राथमिक तहका बालबालिकालाई पनि कापी कलम लिएर घोकाएर पढाउने प्रवृतिले शिक्षाको विकास नहुने हुँदा संग्रौलाले सिकाईमुलक शिक्षामा जोड दिनुपर्ने आवश्यक्ता औँल्याए ।

वीरगंज युवा समाजका संस्थापक अध्यक्ष कमल चौगाईले बालबालिकाहरुलाई खेलाउँदै सिकाउँदै गर्नका लागि शिक्षकहरु पनि तालिम लिनुपर्ने बताए । अरु विद्यालयले पनि यस्ता तालिम आयोजना गर्नुपर्ने चौगाईको भनाई छ ।

तालिमको समापन समारोहमा प्याब्सन पर्साका सचिव राहुल श्रीवास्तव, प्याब्सन वीरगंज महानगरका कोषाध्यक्ष सुरज बाबु पटेल, प्रकाश कर्ण लगायतको उपस्थिती रहेको थियो । तालिमको समापन समारोहको सहजीकरण लिटिल बड्डी इन्टरनेशनल प्रिस्कुल वीरगंज एकेडेमीकी प्रमुख एञ्जीला क्षेत्रीले गरेकी थिइन् ।

तालिममा लिटिल बड्डी इन्टरनेशनल प्रिस्कुल, माउण्ट मकालु मावि, साउथ जोन मावि, मिनिल्याण्ड मावि, डल्फिन एकेडेमी लगायतका विद्यालयका ३० जना शिक्षकहरु तालिममा सहभागीता रहेको थियो । सहभागीहरुलाई व्यावहारिक एवम् सामग्रीमा आधारित शिक्षणका सम्बन्धमा झापाकी पूजा संग्रौला मरासिनीले प्रशिक्षण दिएकी थिइन्

नयाँ बर्षकाे अवसरमा वीरगंजमा रात्री बजार, सांसद यादव र मेयर सिंहद्वारा उद्घाटन

0
वीरगंज । नयाँ बर्षकाे अवसरमा वीरगंजमा रात्री बजार लागेकाे छ । वीरगंजमा महानगरपालिकाकाे आयाेजना लागेकाे रात्री बजारकाे बिहिबार एक कार्यक्रमकाे बिच पर्सा क्षेत्र नं. १ का प्रतिनिधि सभा सदस्य (सांसद) प्रदिप यादव एवम् वीरगंज महानगरपालिकाका मेयर राजेशमान सिंहले संयुक्त रुपमा उद्घाटन गरेका थिए ।
 
३ दिने रात्री बजारकाे उद्घाटन गर्दै सांसद यादवले नेपालको इतिहासमा पहिलो पटक वीरगंजमा रात्री बजारकाे आयोजना गरेकाे महानगरपालिकालाई धन्यावाद दिए । उनले नेपाली नयाँ वर्षको पूर्वसन्ध्या आयोजित रात्री बजारबाट कोभिड -१९ महामारीले थलिएको वीरगंज महानगरका व्यापार, व्यवसाय र उद्यमलाई फेरि नयाँ उँचाइसम्म पुर्याउँदै अर्थतन्त्रलाई पुन: चलायमान बनाउन ठूलो योगदान गर्ने विश्वास व्यक्त गरे ।
 
आदर्शनगर चोकदेखि कैलास चोक हुँदै पुरानो बसपार्क, चिल्ड्रेनपार्कसम्म लाग्ने रात्री बजारमा १०० भन्दा बढी थरिथरिका स्टलहरु राखिएकाे छ । शिक्षा, स्वास्थ्य सम्बन्धि जानकारी मुलक स्टलका साथै विभिन्न खानाका परिकार, लत्ताकपडा, जुत्ताचप्पल तथा अन्य विविध किसिमका स्टलहरु रहेका छन् । साथै रात्रि बजारमा झाँकी तथा विभिन्न सांस्कृतिक प्रस्तुती समेत रहेन आयाेजकले जनाएकाे छ । 

बारा २ मा कांग्रेसको एउटापनि भोट दायाँबायाँ हुँदैन : सभापति यादव

0

वीरगंज । नेपाली काँग्रेस बाराका सभापति राजेशराय यादवले बारा निर्वाचन क्षेत्र नम्बर २ मा पाँच गठबन्धनका साझा उम्मेदवार उपेन्द्र यादवको जित सुनिश्चित रहेको दाबी गरेका छन् ।

राजेशरायले जनता समाजवादी पार्टी नेपाल (जसपा) का राष्ट्रिय अध्यक्षसमेत रहेका उपेन्द्र गठबनधनका साझा उम्मेदवार भएकाले उनलाई जिताउने विषय कांग्रेसको प्रतिष्ठासँग जोडिएको बताए ।

बारा-२ मा चुनावी प्रचार प्रसारमा व्यस्त रहेका कांग्रेस जिल्ला सभापति यादवले सञ्चारकर्मीसँग कुरा गर्दै उपेन्द्रलाई जिताउन जिल्लाकै सम्पूर्ण कांग्रेसी नेता कार्यकर्ताहरु अहोरात्र खटिइरहेको बताए । उनले भने, ‘कांग्रेसको एक भोट पनि दायाँबायाँ हुँदैन, बारा-२ मा पहिले जति भोट कांग्रेसलाई पथ्र्यो, त्यो भन्दा बढि नै भोट उपेन्द्र जीलाई कांग्रेसले यसपालि दिलाएर जिताउँछ, यो मेरो ठोकुवा हो ।’

मधेशको हक अधिकार र पहिचान दिलाउन सफल राष्ट्रिय नेता उपेन्द्र स्वंय अहिले बारा-२ मा चुनाव लडिरहेकाले यो बाराका समग्र कांग्रेसीका लागि पनि गौरव र शानको विषय भएको राजेशरायले बताए ।

उनले अहिले बारा कांग्रेसमा कुनैपनि मतभेद र विवाद पनि नभएकाले जिल्लाको पुरै पार्टीपंत्ती एकढिक्का भएर उपेन्द्रलाई जिताउन लागि परेको पनि बताए । उनले भने, ‘कांग्रेसका एक एक कार्यकर्ता उपेन्द्र जीलाई जिताउने महाअभियानमा दिनरात नभनी खटेका छन्, त्यसका कारण बारा-२ मा यसपालि उपेन्द्र यादवजीको ऐतिहासिक जित हुने निश्चित छ ।’

जातीयता र साम्प्रदायिकताको नारा दिनेहरुबाट सचेत रहन उपेन्द्र यादवकाे आग्रह

0

बारा । जनता समाजवादी पार्टी (जसपा) नेपालका अध्यक्ष उपेन्द्र यादवले जातीयता र साम्प्रदायिकताको नारा दिनेहरुबाट सचेत रहन आग्रह गरेका छन् ।

बिहिबार बाराको करैयामाई गाउँपालिकामा आयोजित जनता दर्शन तथा घरदैलो कार्यक्रमलाई सम्बोधन गर्दै बारा निर्वाचन क्षेत्र नम्बर २ मा पाँच दलीय गठबन्धनबाट प्रतिनिधिसभा सदस्य पदका उम्मेदवारसमेत रहेका यादवले सामाजिक एकता र सद्भाव भड्काउने तत्व सक्रिय भएर लागेकोले जातीयता र साम्प्रदायिकताको नारा दिनेहरुबाट सचेत रहन आग्रह गरेका हुन् ।

यादवले जातिय र साम्प्रदायिक नारा लगाएर समाजमा हिंसा भड्काउन खोज्ने तत्वहरुलाई भोट मार्फत् जवाफ दिन आग्रह गरे । उनले भने, ‘जातीयताको कुरा गरेर जनतालाई भड्काउने र सामाजिक एकता र सद्भाव विथोल्नेहरुबाट सावधान रहनुपर्छ, यसले न त त्यस्ता व्यक्तिको हित गर्छ न त समाजलाई ।’

परिवर्तनकारी शक्तिहरुको कठोर संघर्ष तथा मधेस विद्रोहकै कारण आज देशमा संघीय लोकतान्त्रिक गणतन्त्रात्मक शासन व्यवस्था आएकोले यसको रक्षा गर्नु सबैको जिम्मेवारी भएको उनले बताए ।

संघीयता विरोधी शक्तिहरु विभिन्न नाममा सल्बलाई रहेकोले आमजनता सचेत रहनुपर्नेमा जोड दिँदै अध्यक्ष यादवले भने, ‘प्राप्त उपलब्धिहरुको रक्षा गर्न तथा बाँकी अधिकारहरुको सुनिश्चितताका लागि संघर्ष गर्नु आवश्यक छ, त्यसैले झुठा भ्रम फैलाएर मिठा सपना बाँड्ने तत्वहरुको पहिचान गरौं ।’

देश र मधेशका लागि कसले के गरे ? कतिको संघर्ष गरे? कसको कति योगदान छ? कसको संघर्षले के परिवर्तन आएको हो? यसको लेखाजोखा न्यायप्रेमी जशशनताले गर्नुपर्नेमा जोड दिँदै उनले भने, ‘हावादारी कुरा गरी भ्रम फैलाउनेहरुले जनताको मुक्तिकालागि के गरेका छन् ? जनताले के पाएको हो ? हाम्रा भावी सन्ततीलाई कहाँ लग्दैछ ?’।

घरदैलो कार्यक्रममा संघीय सांसद प्रदिप यादव, अजय चौरसिया, प्रदेश सांसद श्यामबाबु पटेल, जनता समाजवादी पार्टीका नेता प्रमोद गुप्ता, रामकिशोर यादव, नेपाली काग्रेस बाराका सभापती राजेशराय यादव, करैयामाई गाउँपालिका पूर्व अध्यक्ष एवं नेपाली काग्रेस नेता भुनेश्वर धामी, महिला नेतृ चित्रलेखा चौधरी, जसपाका नेता जोगिन्द्र पंडित, पारस जैसवाल, सुरेन्द्र साह लगायत ५ दलिय गठबन्धनका स्थानिय नेता तथा कार्यकर्ताहरुको सहभागीता रहेको थियो ।

कालिकामाईमा व्यक्तिगत घटना दर्ता सप्ताह सुरु, अध्यक्ष गुप्ताले गरे उदघाटन

0
वीरगंज । पर्साको कालिकामाई गाउँपालिकामा व्यक्तिगत घटना दर्ता सप्ताह कार्यक्रम सुरु भएकाे छ । देशभर जस्तै कालिकामाई गाउँपालिकाले पनि वैशाख १ देखि ७ गते सम्म घटना दर्ता सप्ताह मनाउन थालेकाे हाे ।  घटना दर्ता सप्ताहकाे एक कार्यक्रम बिच गाउँपालिका अध्यक्ष बशिष्ठ कुमार गुप्ताले उदघाटन गरेका हुन् ।
 
कालिकामाई गाउँपालिकाको पञ्जीकरण शाखाले आयोजना गरेको साप्ताह व्यापी कार्यक्रमकाे ब्यानर पढेर गाउँपालिका अध्यक्ष गुप्ताले उदघाटन गरेका थिए ।  गाउँ कार्यपालिकाको कार्यालय हरिहरपुर विर्ताकाे सभाहलमा भएकाे कार्यक्रमलाई सम्बाेधन गर्दै अध्यक्ष गुप्ताले घटना दर्ता सम्बन्धि जनचेतना अभिवृद्धि गर्न सन्देशमूलक होर्डिङ्ग बोर्ड गाउँपालिका भित्र लगाउने प्रतिवद्धता जनाए । साथै उनले स्थानिय संचार माध्यमबाट प्रचार प्रसार गराउने समेत बताए ।
 
प्रत्येक वडाको वडा कार्यालयमा व्यक्तिगत घटना दर्ता सम्बन्धि सन्देशमूलक ब्यानर राख्नुकाे साथै प्रभातफेरी आयोजना गर्ने याेजना रहेकाे पञ्जीकरण शाखाका प्रमुख भेष साहले बताए । 
 
गाउँपालिका अध्यक्ष गुप्ताकाे अध्यक्षतामा भएकाे कार्यक्रममा उपाध्यक्षका प्रतिनिधि राधाकृष्ण चाैरसिया, वडाध्यक्ष लालबाबु चाैरसिया, साेनालाल चाैरसिया, जयनारायण कुर्मी, वडा सचिव, पालिकाको विभिन्न शाखामा कार्यरत शाखा प्रमुख, कर्मचारी, समाजसेवी लगायतको सहभागीता रहेको थियो । कार्यक्रमको संचालन पञ्जीकरण शाखाका एम.आई.एस. अपरेटर लक्ष्मण साहले गरेका थिए ।

पकहाँ मैनपुरमा उपाध्यक्ष कन्या विवाहकाे अनुदान २६ जनाले पाए

0

वीरग‌ज । पर्साको पकहाँ मैनपुर गाउँपालिकाले उपाध्यक्ष कन्या विवाह अनुदान कार्यक्रम लागु गरेकाे छ । गाउँपालिकाको आर्थिक बर्ष २०७९।०८० को योजना अन्तर्गत उमेर पुगेर विवाह गर्ने महिलालाई प्राेत्साहन गर्न विवाह अनुदान कार्यक्रम लागु गरिएकाे उपाध्यक्ष सर्फुन नेसाले वताइन ।

विवाह अनुदान कार्यक्रम अन्तर्गत नै बिहिबार एक कार्यक्रमकाे बिच २६ जना कन्यालाई ४५ हजारका दरले चेक हस्तान्तरण गरिएकाे छ । गाउँपालिकाको सभाहाल भएकाे कार्यक्रममा २६ जनालाई ११ लाख १७  हजारको चेक हस्तान्तरण गरिएकाे गाउँपालिकाले जनाएकाे छ ।

उपाध्यक्ष सर्फुन नेसाको अध्यक्षतामा र गाउँपालिका अध्यक्ष सुरेश मेहताको प्रमुख आतिथ्यमा भएकाे कार्यक्रममा २० बर्ष उमेर पुगेर बिवहा गर्ने २६ जनालाई अभिभावककाे राेहबरमा अनुदान रकमकाे चेक हस्तान्तरण गरिएको प्रमुख प्रशासकिय अधिकृत राज कुश्वाहाले बताए ।

बालबिवाह, न्युनिकरण तथा अन्तका लागी गाउँपालिकामा उपाध्यक्ष कन्या विवाह अनुदान कार्यक्रम लागु भएपछि पालिकाका ५ वटै वडामा २० बर्ष पुगेर मात्रै विवाह गर्ने चल्नको विकास भएकाे छ । बालविवाहले गर्दा शारिरिक, मान्सिक, आर्थिक तथा समाजिक विकासका साथै शिक्षामा हुने नोक्सानीको यो कार्यक्रमले निरुत्साहित गरेको वक्ताहरुले वताएका हुन् ।

कार्यक्रमलाई सम्बाेधन गर्दै गाउँपालिका अध्यक्ष मेहताले कन्या विवाह अनुदान कार्यक्रमले शिक्षाको सवाललाई पनि धेरै मदत गरेको वताए । उनले २० बर्ष घरमा बसेर कुर्नु भन्दा २० बर्ष सम्म अध्ययन अध्यापन गरी जीवनमा खुशी तथा सुख प्राप्त गर्नु नै राम्राे हुने वडा नम्बर १ धोरेकी संगीता कुमारी सोनीले बताईन ।

कार्यक्रम अन्तर्गत ३ जना दलित, २ जना मुस्लिम र २१ जना पिछडा बर्गका कन्याहरुले अनुदानकाे रकम पाएका छन् । 

२० बर्ष पारी भई बिहे गर्ने पुजा कुमारी राम, सबिना खातुन, अफसाना खातुन, शान्ति कुमारी राम, प्रियंका कुमारी, बिभा कुमारी, चान्दनी कुमारी लगायत २६ जनालाई अनुदान रकमकाे चेक हस्तान्तरण गरिएकाे हाे ।

कार्यक्रममा पूर्व गाविस अध्यक्ष नसुरल्लाह मियाँ, कांग्रेस नेता लक्ष्मण पटेल, वडा नम्बर १ का वडाध्यक्ष बलिराम चौरसिया, प्रमुख प्रशासकिय अधिकृत राज कुश्वाह, कार्यपालिका सदस्य रामावती देवी लगायतकाले मन्तब्य राखेका थिए ।

कार्यक्रममा राकेश कुश्वाहा, समाजसेवी बिरेन्द्र यादव, कार्यपालिका सदस्य नेक महम्मद मियाँ, रामबहादुर साह लगायत कन्या र अभिभावक सहित कर्मचारीहरुको सहभागीता रहेको थियो भन्ने कार्यक्रमकाे संचालन अनिल साहले गरेका थिए ।