वीरगंज । उधोग वाणिज्य तथा आपुर्तिमन्त्री रमेश रिजालले सम्वत २०८० को आगमनसँगै विकास र समृद्धिको पाइला अगाडि बढाउन केन्द्रित रहने प्रतिबद्धता जनाउँदै नव वर्षको शुभकामना व्यक्त गर्नु भएको छ।
मन्त्री रिजालले सम्वत २०७९ मा संविधान र लोकतन्त्रको रक्षाका लागि जनताले दिएको अभिभारा र मतले लोकतान्त्रिक-वाम गठबन्धनको काँधमा मुलुकको जिम्मेवारी रहेको बताउनु भयो । जनमतकै आधारमा बनेको लोकतान्त्रिक-वाम गठबन्धनले मुलुकको बृहत्तर विकास र जनजीबिकामा सफलता पाउनु पर्ने रहेको बताउदै जनताले दिएको जिम्मेवारी पूरा गर्ने दायित्व आफुहरुमा रहेको स्पष्ट पार्नु भएको छ ।
मन्त्री रिजालले शुभकामना सन्देशमा नयाँ वर्षको आगमनसँगै रोजगारीको अवसर श्रृजना गर्न र उद्योग विकासमा ध्यान दिनु अहिलेको आवश्यकता रहेको बताउनु भएको छ । नेपालमा समेत विश्वव्यापीरुपमा देखिएको आर्थिक संकटको असर परेको उल्लेख गर्दै यसका लागि निजी क्षेत्रसँग सहकार्य गर्दै जनताको जीवन उकास्नका निमित्त आफु क्रियाशील रहेको स्पस्ट पार्नुभएको छ ।
