Date
मङ्ल, मंसिर १, २०८३
Tue, November 17, 2026
Home Blog Page 549

वीरगंजका चार सामूदायिक विद्यालयमा अंग्रेजी माध्यम लागु

0

वीरगंज । वीरगंज महानगरपालिकाले ४ वटा सामूदायिक विद्यालयमा पूर्ण रुपमा अंग्रेजी माध्यम लागु गरेको छ । महानगरले नयाँ शैक्षिक सत्रबाट त्रिजुद्ध, नृसिंह, माइस्थान विद्यापिठ र सिदार्थ माविमा पूर्ण रुपमा अंग्रेजी माध्यममा पढाउन सुरु गरेकाे हो ।

पूर्ण रुपमा अंग्रेजी माध्यममा पठनपाठन सुरु गर्न लागेको त्रिजुद्ध माविले सोमबार कक्षा ५ देखि ९ सम्म अध्ययन गर्ने विद्यार्थीका लागि प्रवेश परीक्षा लिएको छ ।

पूर्ण रुपमा अंग्रेजी माध्यममा पठनपाठन  सुरु हुन लागेको विद्यालयमा विद्यार्थीको चाप बढी हुँदा प्रवेश परीक्षा लिएको विद्यालयका प्रधानाध्यापक नवीन कुमार मिश्रले जानकारी दिए ।

कक्षा ५ दखि ९ सम्म अध्ययनका लागि करिब ३ हजार भन्दा बढी विद्यार्थीले प्रवेश परीक्षामा सहभागिता जनाएको प्रअ मिश्रले बताए ।
सोमबार प्रवेश परीक्षा लिएका विद्यार्थीको नतिजा बिहीबार प्रकाशित गरिने महानगरको शिक्षा महाशाखा प्रमुख अरबिन्दलाल कर्णले बताए ।

पहिले अंग्रेजी माध्यममा शुल्क लिएर अध्यापन गराउँदै आएकोमा विद्यार्थी विद्यार्थी बिचमै विभेद भएपछि महानगरले विभेद हटाउन पूर्ण रुपमा निशुल्क अंग्रेजी माध्यममा मात्रै अध्यापन गराउन लागेको हो ।

पूर्ण रुपमा अंग्रेजी माध्यममा पढाउन लागिएका ४ विद्यालय सहित पहिले वीरगंजमा सुरजीदेवि मावि र त्रिभुवन हनुमान माविले पनि अंग्रेजी माध्यममा समेत कक्षा सञ्चालन गर्दै आएका थिए । यश पटकबाट भने ४ वटालाई पूर्ण रुपमा अंग्रेजी र अन्यलाई नेपाली माध्यम बनाइएको हो ।

शुल्क लिएर अंग्रेजी माध्यममा पढाउँदा कतिपय विद्यालयमा व्यवस्थापन समितिसँग विवाद देखिएको थियो भने केही विद्यालयको पारदर्शितामा प्रश्न उठिरहेको थियो । सामुदायिक विद्यालयका प्रधानाध्यापकले बोर्डिङ चलाएको भन्दै सरोकारवालाले विरोध गर्दै आइरहेका थिए ।

महानगरको नेतृत्व परिवर्तन भएसँगै सामुदायिक विद्यालयमा विभेदरहित शिक्षा प्रदान गर्न मेयर राजेशमान सिंहले पहल थालेका थिए । उनकै निर्देशनमा वीरगंजका ४ वटा विद्यालयमा पूर्ण रुपमा अंग्रेजी माध्य लागु भएकाे हाे ।

पटक पटकको छलफल र विज्ञहरुसंगको रायपछि पहिलो चरणमा ४ वटा विद्यालयबाट पूर्ण रुपमा अंग्रेजी माध्यममा पठनपाठनको सुरुवात गरिएको मेयर सिंहले बताए । नेपालीमा अध्ययन गर्न चाहनेका लागि पूर्ण रुपमा अंग्रेजी लागू भएका ४ वटा बाहेकका अन्य विद्यालयमा व्यवस्था मिलाइएको उनले वताए ।

महानगरमा ९१ वटा सामुदायिक विद्यालय छन् । विद्यालयमा आवश्यक स्रोत साधनको व्यवस्थापन महानगरले नै गर्ने गरि अंग्रेजी माध्यम सुरु गरेकाे हाे ।

शिवचन्द्रलाई पछाडी पार्दै पुन: उपेन्द्रले कायम गरे अग्रता

0

वीरगञ्ज । जनता समाजवादी पार्टी (जसपा) नेपालका अध्यक्ष उपेन्द्र यादवले जनमत पार्टीका शिवचन्द्र कुशवाहलाई फेरी पछाडी पारेका छन् । बिचमा पछाडी परेका उपेन्द्रले अहिले फेरी शिवचन्द्रलाई पछाडी पारेका हुन् । 

उपेन्द्रले मतान्तर पनि बढाउँदै अग्रता बनाएका छन् । उपेन्द्रको मत एक हजार ६ सय ५० छ भने शिवचन्द्रको एक हजार ४ सय ६६ छ । शिवचन्द्र उपेन्द्रभन्दा १८४ मतले पछाडी छन् ।

बाराको क्षेत्र नम्बर २ मा उपेन्द्र र शिवचन्द्रबिच राेचक प्रतिस्पर्धा देखिएकाे छ । तेस्राे नम्बरमा एमालेका पुरुषाेतम पाैडेल ७ सय २३ मत ल्याएर छन्  ।

यसैगरी  चितवन र तनहुँमा राष्ट्रिय स्वतन्त्र पार्टीका उम्मेदवारको अग्रता धेरै देखिन्छ । 

उपेन्द्रलाई पछि पार्दै शिवचन्द्रले लिए अग्रता

0

वीरगंज । बारा क्षेत्र नं. २ मा जनमत पार्टीका उम्मेदवार शिवचन्द्र कुशवाहले अग्रता लिएका छन् । जनता समाजवादी पार्टी (जसपा)का उम्मेदवार उपेन्द्र यादवलाई पछि पार्दै उनले अग्रता लिएका हुन् ।

करैयामाई नगरपालिका वडा १ र २ को २ हजार ७४ मत गणना गर्दा यादवलाई कुशवाहले १०८ मतान्तरले पछि पारेका छन् । कुशवाहले ८९५ मत प्राप्त गरेका छन् भने यादवले ७८७ मत प्राप्त गरेका छन् ।

एमालेका पुरुषोत्तम पौडेलले ५२३ मत प्राप्त गरेका छन् । रास्वपाका रमेश खरेलले भने २३९ मत प्राप्त गरेको निर्वाचन अधिकृतको कार्यालयले जनाएको छ ।

बारा २ काे मतगणना ११ बजेदेखि गर्ने निर्णय

0

वीरगंज । बारा निर्वाचन क्षेत्र नम्बर २ मा प्रतिनिधि सभा सदस्यका पदका लागि आइतबार सम्पन्न उपनिर्वाचनको मतगणना आज बिहान ११ बजेदेखि हुने भएको छ ।

मतगणना गर्ने बारे बसेको सर्वदलीय बैठकले बिहान ११ बजेबाट मतगणना गर्ने निर्णय गरेको जिल्ला निर्वाचन कार्यकालय बाराका निर्वाचन अधिकारी सराेज चाैधरीले जानकारी दिए । शिक्षा तालिम केन्द्र कलैयामा हुने मतगणना सम्पुर्ण तयारी भईसकेको उनले वताए ।

साेमबार विहान ७ बजे बस्न भनिएकाे ‘सर्वदलीय बैठक ८ बजे देखि बसेकाे थियाे । सर्वदलिय बैठकले खाना खाएर बिहान ११ बजेबाट मतगणना सुरु गर्ने निर्णय गरेकाे हाे ।

अन्तर-बैङ्क क्रिकेट प्रतियोगिताकाे उपाधि नबिल बैङ्कले जित्याे

0

वीरगंज । नेपाल राष्ट्र बैङ्ककाे ६८ औं वार्षिकोत्सवको अवसरमा नेपाल राष्ट्र बैङ्क वीरगंज कार्यालयले आयाेजना गरेको अन्तर – बैङ्क क्रिकेट प्रतियोगिता २०८० काे उपाधि नबिल बैङ्कले जितेकाे छ ।

वीरगंजस्थित आदर्शनगर रंगशालामा आइतबार भएको प्रतियाेगिताकाे फाइनल खेलमा हिमालयन बैङ्कलाई २० रनले हराउँदै नबिल बैङ्क विजयी भएकाे हाे । विजेता र उप-विजेता टिमलाई नेपाल राष्ट्र बैङ्कका निर्देशक अजित रेग्मी र उप-निर्देशक रचना शर्मा पराजुलीले पुस्कृत गरेका थिए ।

नेपाल राष्ट्र बैङ्क लगायत अन्य २२ वटा बैङ्क तथा वित्तीय संस्थाहरूको सहभागिता रहेको उक्त प्रतियोगिताको उत्कृष्ट ब्याट्सम्यान हिमालयन बैङ्कका अरविन्द यादव, उत्कृष्ट बलर नबिल बैङ्कका रोशन मिश्रा, उत्कृष्ट फिल्डर माछापुच्छ्रे बैङ्कका किरण नेपाल र उत्कृष्ट महिला खेलाडी राष्ट्र बैङ्कका इशा भुजेल घाेषित भएका थिए ।

नेपाल राष्ट्र बैङ्कका सहायक निर्देशक नरेश सर्राफ उक्त प्रतियोगिताको संयोजक थिए ।

बाराको ईनारवा बुथ कब्जाको प्रयास, पत्रकारलाई पनि प्रबेशमा राेक

0

वीरगंज । बाराको क्षेत्र नम्बर २ मा भईरहेको प्रतिनिधि सभा सदस्य उपनिर्वाचन अन्तर्गत बाराको महागढीमाई नगरपालिका–२ को ईनरवास्थित मतदान केन्द्रमा बुथ कब्जाको प्रयास भएको बुझिएको छ । केन्द्रमा पुगेका पत्रकारलाई समेत रोक लगाइएको छ ।

ईरनवास्थित मतदान केन्द्रमा शङ्कास्पद गतिविधि भइरहेको सूचना पाएर पुगेका पत्रकारहरुलाई मतदान अधिकृत दिवाकर झाले मतदान केन्द्र परिसरभित्र प्रवेशमा रोक लगाएका हुन् ।

त्यसलगत्तै मतदान केन्द्र बाहिर रहेका स्थानीयहरुले पत्रकारसँग समेत दुर्व्यवहार गर्न खोजेका थिए । त्यसपछि त्यहाँ रहेका प्रहरीले सञ्चारकर्मीहरु उद्धार गरेका थिए ।

दुईटा मत पत्र खसाउन खोजेका जसाका नेता पक्राउ

यसअघि मात्रै, बाराको देवताल गाउँपालिका–७ स्थित पिपरन जब्दी मतदान केन्द्रबाट जनता समाजवादी पार्टी नेपाल (जसपा) एक नेता पक्राउ परेका छन् । मतदान गर्ने क्रममा जसपाका नेता एवम् जिल्ला समन्वय समितिका सदस्य रामसागर यादवलाई मतपेटिका सुरक्षामा खटिएका प्रहरीले पक्राउ गरेको हो ।

प्रहरीकाअनुसार मत पेटिकामा यादवले स्वस्तिक छाप लगाएको २ वटा मत पत्र खसाउन खोजेपछि प्रहरीले उनलाई पक्राउ गरेको हो । पक्राउ परेका यादवलाई जिप्रका बारामा लगिएको छ ।

यादव पक्राउ परेपछि जसपाका स्थानीय नेता कार्यकर्ता विवाद गरेका छन् । विवाद बढेपछि यो मतदान केन्द्रमा नेपाल प्रहरी, सशस्त्र प्रहरी र नेपाली सेनाको थप बल मगाइएको छ । अहिले उक्त केन्द्रमा शान्तिपूर्ण मतदान भने जारी छ ।

मध्यान्ह १ बजेसम्म २५ प्रतिशत मत खस्याे

बारा निर्वाचन क्षेत्र नम्बर २ मा जारी प्रतिनिधिसभा सदस्यका लागि उपनिर्वाचनमा मध्यान्ह १ बजेसम्म २५ प्रतिशत मत खसेको छ । प्रमुख निर्वाचन अधिकृत मुकेश उपाध्यायकाअनुसार बारा–२ मा ८३ मतदानस्थलका १३७ मतदान केन्द्रमा मतदान भइरहेको छ । 

यस निर्वाचन क्षेत्रमा १ लाख ५ हजार २४८ जना मतदाता रहेको जिल्ला निर्वाचन कार्यालय बाराले जनाएको छ । जसमा ५८ हजार ९३४ पुरुष र ४६ हजार ३१४ महिला मतदाता छन् । 

बारा–२ मा जिल्लाको पचरौता नगरपालिका, महागढी नगरपालिका, सुवर्ण गाउँपालिका, देवताल गाउँपालिका, करैयामाई गाउँपालिका र कोल्हवी नगरपालिकाको वडा नम्बर–८ समावेश छ ।

यस क्षेत्रमा नेकपा एमालेबाट पुरूषोत्तम पौडेल, जनता समाजवादी पार्टी (जसपा) नेपालबाट उपेन्द्र यादव, राष्ट्रिय स्वतन्त्र पार्टीबाट रमेश खरेल, जनमत पार्टीबाट शिवचन्द्र कुशवाहा, आम जनता पार्टीबाट अरूण ज्ञवालीलगायत ३६ जना चुनावी प्रतिस्पर्धामा छन् ।  

मुख्यमन्त्री यादवलाई स्पष्टीकरण

0

वीरगंज । निर्वाचन आयोगले मधेश प्रदेशका मुख्यमन्त्री सरोज कुमार यादवलाई स्पष्टिकरण साेधेकाे छ । आयाेगले उपनिर्वाचनको स्वच्छता, स्वतन्त्रता र निष्पक्षतामा प्रतिकूल असर पर्ने गरी अनुमति बिना निर्वाचन आचारसंहिताविपरीत कार्य गरेको सम्बन्धमा मुख्यमन्त्री यादवसंग स्पष्टीकरण सोधेकाे हाे ।

वैशाख १० गते आइतबारका दिन बारा जिल्ला क्षेत्र नं. २ मा प्रतिनिधि सभा सदस्य उपनिर्वाचन भइरहेको अवस्थामा निर्वाचनको स्वच्छता, स्वतन्त्रता र निष्पक्षतामा प्रतिकूल असर पर्नेगरी अनुमतिविना निर्वाचन आचारसंहिता विपरीत हुने गरी उहाँलाई के कति कारणबाट पचरौता नगरपालिका क्षेत्रमा जानु भएको हो ? भनी स्पष्टीकरण सोधिएकाे आयाेगका उप सचिव कमल ज्ञवालीले जानकारी दिए ।

आयाेगले उहाँलाई ‘तपाई त्यहाँ जाँदा प्रयोग गरेको सवारी साधन र सुरक्षा ब्यवस्था सरकारी हो, होइन ? तपाईको यो कार्यले पदको गरिमा र निर्वाचन आचार संहिता, २०७९ को दफा ५ को उलंघन हुन्छ, हुँदैन ? निर्वाचन आचारसंहिता उलंघन गरेकोमा तपाईलाई निर्वाचन आयोग ऐन, २०७३ बमोजिम कारवाही किन नगर्ने ? भनी २४ घण्टा भित्र लिखित स्पष्टीकरण पेश गर्न निर्देशन समेत दिइएको छ ।

सञ्चारगृहमा उच्छृङ्खल हर्कत गर्नेमाथि कारवाही गर्न पत्रकार महासंघको माग

0

वीरगंज । वीरगञ्जबाट प्रकाशित हुँदै आएको अनलाइन न्यूज पोर्टल यात्राडेली डटकमको कार्यालयमा पुगेर उच्छृङ्खल गतिविधि गर्नेमाथी कडा कारवाही गर्न नेपाल पत्रकार महासंघ पर्साले माग गरेको छ ।

“अभिभावक संघको मुद्दामा अदालतद्वारा अन्तरिम आदेश दिन अस्विकार” शिर्षकमा प्रकाशित गरेको समाचारलाई आफू अनुकूल पुर्नलेखन गरिदिन दवाव दिँदै अभिभावक संघ पर्साका अध्यक्ष सन्दीपकुमार साह एकदर्जनभन्दा पनि अपरिचित व्यक्तिसँग समूह बनाएर यात्राडेलीको कार्यालय पुगेर उच्छृङ्खल गतिविधि गर्दै हुलहुज्जत गर्न खोजेको भन्दै नेपाल पत्रकार महासंघ पर्साका सचिव भूषण यादवले शनिबार एउटा प्रेस विज्ञप्ति जारी गर्दै उनिहरुमाथि कडा कारवाही गर्न माग गरेका छन् ।

“वीरगञ्जबाट प्रकाशित हुँदै आएको यात्राडेली डटकमले मिति २०८० वैशाख ८ गतेका दिन उच्च अदालत जनकपुर अस्थायी इजलास वीरगञ्जले जारी गरेको आदेशको आधारमा “अभिभावक संघको मुद्दामा अदालतद्वारा अन्तरिम आदेश दिन अस्विकार” शिर्षकमा प्रकाशित समाचारलाई लीएर अभिभावक संघ पर्साका अध्यक्ष सन्दीपकुमार साहसहितका एक दर्जनभन्दा बढी अपरिचित व्यक्तिहरु यात्राडेली डटकमको कार्यालयमा पुगी उच्छृङ्खल गतिविधि गरेकोमा हाम्रो ध्यानाकर्षण भएको छ,” विज्ञप्तिमा उल्लेख गरिएको छ ।

अदालातबाट जारी भएको आदेशको आधारमा लेखिएको सामाचारलाई समेत आफ्नो अनुकूल नभएको भनि सञ्चारगृह मै पुगेर हुलहुज्जत गर्नु प्रेस स्वतन्त्रताको ठाडो उल्लङ्घन भएको ठहर गर्दै छ स्वतन्त्र रुपमा पत्रकारिता गर्न नदिने यस्ता उच्छृङ्खल समूहलाई कानूनसमतको कारवाही गर्न समेत विज्ञप्ति मार्फत माग गरिएको छ ।

शनिबार बिहान करिब पौने ११ बजेको समयमा अभिभावक संघ पर्साका अध्यक्ष सन्दीपकुमार साहसहित एक दर्जन भन्दा बढी अपरिचित व्यक्ति यात्राडेलीको कार्यालयमा पुगेर हुलहुज्जत गर्दै उच्छृङ्खल गतिविधि गरेका थिए । यात्राडेली डटकममा शुक्रबार उच्च अदालत जनकपुर, अस्थायी इजलास वीरगञ्जले जारी गरेको आदेशको आधारमा “अभिभावक संघको मुद्दामा अदालतद्वारा अन्तरिम आदेश दिन अस्विकार” शिर्षकमा प्रकाशित गरेको समाचारलाई आफू अनुकूल बनाइदिन दवाव दिन उनीहरु कार्यालय आएको यात्राडेलीका प्रवन्ध निर्देशक एवम् सञ्चालक रामकुमार सर्राफले बताए ।

सर्राफकाअनुसार शनिबारका दिन कार्यालयमा कोही नभएको समयमा एक दर्जनभन्दा बढीको समूह बनाएर पुगेका उनीहरुबाट कार्यालय छेउछाउमका मान्छेसमेत तर्सिएका थिए । ‘शनिबार हुँदा कार्यालयमा कोहि थिएन । उनीहरुले अचानक भिड लगाएर होहल्ला गर्न थालेपछि स्थानीयहरुले हामीलाई फोन गरेर जानकारी गराए,’ सार्रफले भने, ‘भिडभाड भएको जानकारी पाएपछि हामीले प्रहरीलाई खबर गरेका थियौं । प्रहरी पुगेको देखेर उनीहरु फरार भएका थिए ।’

सञ्चारगृहले अदालतले जारी गरेको आदेशको आधारमा समेत समाचार बनाउँदा अभिभावकहरुको सङ्गठन जस्तो जिम्मेवार संस्थाबाट यस्तो गतिविधि हुन् दु:खद् भएको सर्राफले बताए । उनले अभिभावक संघ र त्यसका अध्यक्ष साहविरुद्ध आफूहरुले कानूनी प्रक्रियासमेत अगाडि बढाएको जानकारी दिए ।

ओमानमाथि नेपालको सानदार जीत

0

काठमाडौँ । एसिसी प्रिमियर क्रिकेट कप अन्तर्गत नेपालले ओमानमाथि ८४ रनले विजयी भएको छ । कीर्तिपुरस्थिति त्रिवि मैदानमा शुक्रबार भएको खेलमा बायाँ हाते युवा अलराउन्डर कुशल मल्लको कीर्तिमानी शतकको मदतमा नेपाली ओमानमाथि सानदार सित निकालेको हो ।

३ सय ११ रनको विशाल विजयी लक्ष्य पछ्याएको ओमान ४६.३ ओभरमा २ सय २६ रनमा अल आउट भयो । ९ विकेटमात्र गुमाएको भए पनि ओमानले एकजना ब्याटर अघिल्लो इनिङ्समा चोटग्रस्त भएपछि ब्याटिङ गर्न सकेनन् ।

ओमानका मोहम्मद नदीमले सर्वाधिक ६५ रन बनाएपनि जितका लागि प्राप्त हुन सकेन । सन्दीप गौड ४६ , आयन खान २९, फैयज बट १९, जतिन्दर सिंह १५, आदिल शफिक १३ र कलिमुल्लाह २ रनमा आउट भए ।  नेपालका लागि सन्दीप लामिछाने र करण केसीले ३–३ विकेट लिए भने दिपेन्द्र सिंह ऐरी दुई र ललित राजवंशी एक विकेट लिए ।

यता टस हारेर ब्याटिङ गरेको नेपालको सुरुवात भने खराब रह्यो । नेपालले  पहिलो रन २८ औं बलमा जोडेको थियो । तेस्रो ओभरको दोस्रो बलमा ओपनर कुशल भुर्तेललाई शून्यमा आउट हुँदा चौथो ओभरको चौथो बलमा आसिफ शेख पनि शून्यमै आउट भए ।

तेस्रो विकेटका लागि रोहित पौडेल र भीम सार्कीले ५४ रनको साझेदारी गरे । रोहित २३ र भीम ३३, आरिफ शेख २९, करण केसी  २९, सन्दीप लामिछाने १० र दीपेन्द्रसिंह ऐरी ७ रन जोडे । यता ओमानका लागि आयन खानले २ विकेट, बिलाल खान, कलिमुल्लाह, जिशान मकसुद, फैयज बट, अकिब इलियास र जतिन्दर सिंहले समान एक एक विकेट लिए । 

समूह ए मा नेपाल, ओमान, कतार, मलेसिया र साउदी छन् । नेपालले पहिलो खेलमा मलेसियालाई ६ विकेटले पराजित गरेको थियो । नेपालले आफ्नो तेस्रो खेल सोमबार साउदी अरेवियासँग खेल्नेछ ।

सन्दीप र कुशलकाे कीर्तिमान

नेपालको जितमा कुशल मल्लले कीर्तिमानी शतक हाने । आफ्नो एकदिवसीय करियरकै पहिलो शतक प्रहार गरेका उनी नेपालका लागि एकदिवासीय अन्तर्राष्ट्रियमा छिटो शतक प्रहार गर्ने खेलाडीको कीर्तिमान पनि बनाएका छन् । ९ चौका र १० छक्का प्रहार गरेका उनले ६४ बलमै १०८ रन बनाए । 

यसअघि सर्वाधिक छिटो एक दिवसीय सतकको कीर्तिमान नेपालका कप्तान रोहितकुमार पौडेलको नाममा थियो । पौडेलले विश्वकप लिग २ अन्तरगत पपुवा न्यूगिनीविरुद्ध ९१ रनमा सतक प्रहार गरेर बनाएको रेकर्ड मल्लले भत्काएका हुन् । रोहितले भन्दा ३२ कम बल खेलेर कुशलले शतक हाने‍ ।

कुशलले आजकै इनिङमा सर्वाधिक छक्का हानेर अर्को रेकर्ड पनि बनाए । सतक बनाउन उनले १० छक्का प्रहारे । कुशल नेपालका लागि शतक हान्ने सबैभन्दा कान्छा खेलाडीसमेत बनेका छन् । उनी अहिले १९ वर्षका भए ।  उनी ओमानविरुद्धको खेलमा प्लेयर अफ द म्याच चुनिएका छन् । 

 यस्तै आजको खेलमा स्टार स्पेनर सन्दीप लामिछानेले एकदिवसीय अन्तर्राष्ट्रियमा छिटो सय विकेट लिने खेलाडीको कीर्तिमान पनि बनाएका छन् । यसअघि यो कीर्तिमान अफगानिस्तानका रसिद खानको नाममा थियो। रसिदले ४४ खेलबाट सय विकेट लिएका थिए।

उक्त कीर्तिमान तोड्दै सन्दीप अब ओडिआईमा सर्वाधिक छिटो ४२ खेलमा एक सय विकेट लिने पहिलो खेलाडी बनेका हुन् ।

नेपाल ओडिआईमा कीर्तिमानी याेगफल बनायाे । ओमानविरुद्ध  नेपालले ओडिआईमा हालसम्मकै उच्च योगफल बनायाे । यसअघि नेपालले ओडिआईमा उच्च योगफल अघिल्लो महिना आइसिसी विश्वकप लिग २ मा पपुवा न्युगिनीविरुद्ध टियु मैदानमा २ सय ९७ रन थियो । 

बारा २ मा हुने उपनिर्वाचनको सम्पूर्ण तयारी पूरा

0

वीरगंज । बारा क्षेत्र नम्बर २ मा हुन गइरहेको उपनिर्वाचनको सम्पूर्ण तयारी पूरा भएको छ । यही बैशाख १० गते आइतबार हुने उपनिर्वाचनकाे सम्पूर्ण तयारी पुरा भएकाे जिल्ला निर्वाचन कार्यालय बाराका निर्वाचन अधिकारी सराेज चाैधरीले वताए । 

निर्वाचन हुने बारा क्षेत्र नम्बर २ को सम्पूर्ण मतदान केन्द्रमा मतदान अधिकृत, सहायक मतदान अधिकृतलगायत कर्मचारी तथा सुरक्षाकर्मी पुगिसकेको जिल्ला निर्वाचन अधिकारी चाैधरीले जानकारी दिए । 

मतदान केन्द्रमा खटिसकेका कर्मचारीले मतदानलाई सहज हुने गरी आवश्यक संरचना तयार पार्ने काम सुरु गरिसकेको मुख्य निर्वाचन अधिकृत मुकेश उपाध्यायले जानकारी दिए । उनका अनुसार गर्भवती, अशक्त, जेष्ठ नागरिकलाई लाइनमा बस्नु नपर्ने र उनीहरुलाई पहिलो प्राथमिकतामा राखेर मतदान गर्ने ब्यवस्था मिलाइएको छ ।

यस्तै बाराको कलैयास्थित शैक्षिक तालिम केन्द्रमा मतगणनास्थल तय गरिएको र मतगणनास्थलमा आवश्यक तयारी भइरहेको जनाइएको छ । 

बारा क्षेत्र नम्बर २ मा एक हजार छ सय ८८ नेपाल प्रहरी, छ सय पाँच सशस्त्र प्रहरी र तीन सय नेपाली सेनालाई निर्वाचनमा परिचालन गरिएको बाराका प्रमुख जिल्ला अधिकारी नवराज सापकोटाले वताए । कसैले मतपेटिका चलाउन र धाँधली गर्न खोजेको अवस्थामा त्यस्ता व्यक्तिलाई सिधै गोली हान्न सक्ने गरी सुरक्षाकर्मीलाई निर्देशन दिइएको प्रजिअ सापकोटाले बताए । 

निर्वाचनका समयमा जिल्ला प्रशासन कार्यालयले उपलब्ध गराएको पासबाहेक अन्य सवारी साधन सञ्चालनमा रोक लगाइएको छ । जिल्ला प्रशसान कार्यालयबाट पास लिएको भए पनि त्यसको दुरुपयोग भएको पाइएमा कानुन बमोजिम त्यस्तालाई कारवाहीसमेत गरिने प्रजिअ सापकोटाको भनाइ छ ।

निर्वाचन क्षेत्रमा ८२ मतदान स्थलमा एक सय ३८ मतदान केन्द्र तोकिएको छ । त्यसमध्ये ६५ मतदानस्थल अतिसंवेदनशिल र १७ सामान्य रहेको जिल्ला प्रशासन कार्यालयले जनाएको छ । 

४४ वडा समेटिएको सो निर्वाचन क्षेत्रमा एक लाख पाँच हजार दुई सय ४८ मतदाता रहेको जिल्ला निर्वाचन कार्यालय बाराले जनाएकाे छ ।