Date
सोम, कार्तिक ३०, २०८३
Mon, November 16, 2026
Home Blog Page 548

बारा २ मा उपेन्द्र यादवकाे जित निश्चित

0

वीरगंज । बाराकाे क्षेत्र नं. २ मा जनता समाजवादी पार्टी (जसपा) नेपालका अध्यक्ष उपेन्द्र यादवकाे जित निश्चित भएकाे छ । प्रतिनिधि सभा सदस्यकाे लागि बैशाख १० गते आइतबार सम्पन्न उपनिर्वाचनकाे पछिलाे मतपरिणाम अनुसार यादव जित निश्चित भएकाे हाे । 

६७ हजार ६५७ मत गणना गर्दा जसपा अध्यक्ष यादवले २७ हजार ७०५ मत पाएका छन् भने उनका निकटतम प्रतिस्पर्धी जनमत पार्टीका शिवचन्द्र कुशवाहाले २३ हजार १६७ मत पाएका हुन् । एक हजार ४ सय ५० मत गणना गर्न वाकी रहँदा यादवले कुशवाहा भन्दा ४ हजार ५ सय ३८ मतले अगाडी रहेका कारण उनकाे जित निश्चित भएकाे हाे ।

तेस्राे स्थानमा एमालेका उम्मेदवार पुरुषाेतम पाैडेलले ९ हजार ७ सय ५६ मत, चाैथाे स्थानमा राष्ट्रिय स्वतन्त्र पार्टीका रमेश खरेलले २ हजार ८ सय २४ मत, पांचाै स्थानमा आम जनता पार्टीका अरुण कुमार ज्ञवालीले २ हजार ७ सय ३३ मत पाएका हुन् ।

यस क्षेत्रमा एक लाख ५ हजार मतदाता रहेपनि ६५.६६ प्रतिशत अर्थात ६९ हजार एक सय ७ मत मात्र खसेकाे छ । तालिम केन्द्र कलैयामा मतगणना जारि रहेकाेले अबकाे केही बेरमा अन्तिम मत परिणाम पनि आउने निर्वाचन अधिकृतकाे कार्यालयले जनाएकाे छ ।

नक्कली नोटसहित महिला पक्राउ

0

बीरगंज । धनुषा प्रहरीले ७ लाखभन्दा बढीको नक्कली नोटसहित एक महिलालाई पक्राउ गरेको छ ।

जनकपुर उपमहानगरपालिका – २३ स्थित बसपार्कबाट बिदेह नगरपालिका – ६ बस्ने २५ वर्षीया अनु कुमारी साहलाई प्रहरीले पक्राउ गरेकाे हाे ।

साहको साथबाट १ हजार दरको ४ सय ९२ थान र ५ सय दरको ५ सय ५९ थान नक्कली नेपाली नोट बरामद गरिएको जिल्ला प्रहरी कार्यालय धनुषाले जनाएकाे छ ।

प्रहरी चौकी जिरोमाईलबाट खटिएको प्रहरीले उनलाई उक्त नक्कली नोटसहित फेला पारी पक्राउ गरेको छ ।

बर्दी नलगाउने प्रहरी : दर्जा हबल्दार, परिचय इन्सपेक्टर

0
तस्बिर : समाजिक संजाल
जनकपुर । एक जना तल्लो दर्जाका प्रहरीले आफूलाई उपल्लो दर्जाको प्रहरी हुँ भन्दै तस्कर र व्यापारीसँग पैसा असुल्ने गरेको समाचार प्राप्त भएकाे छ । ति प्रहरी लामाे समयदेखि एकै ठाउँमा कार्यरत रहेका नेपाल प्रहरीका हबल्दार महेन्द्र प्रसाद महतो उर्फ एमपी राज महतो हुन् ।
 
सामाजिक सञ्जाल फेसबुक र साथीभाइहरु बीच एमपी राज महतोका नामले परिचय बनाएका प्रहरी हबल्दार महतोको आफूलाई प्रहरी इन्स्पेक्टरको रुपमा तस्कर र व्यापारी माझ चिनाउने गरेका छन् । हालसालै त उनले आफूलाई डीएसपी समेत भन्न भ्याएको जनकपुर गणका एकजना डीएसपीले सुनाउँदै थिए ।
 
धनुषा जिल्ला प्रहरी कार्यालयमा दरबन्दी भए पनि उनी लामो समयदेखि संघीय प्रहरी कार्यालय जनकपुरमा काजमा कार्यरत छन् । कारण ठेकिएको दरबन्दीमा जाँदा प्रहरी हबल्दारको ड्रेस लगाउनु पर्ने डर उनलाई छ ।
 
प्रहरी स्रोतका अनुसार महतोले हबल्दारमा बढुवा भएदेखि प्रहरीको ड्रेस लगाएका छैनन् । ठाँटबाँटका साथ झिल्के भएर हिँड्ने उनी कहिले रारा पुग्छन् त कहिले मुगु, अनि कहिले बर्दिया राष्ट्रिय निकुञ्ज । प्रहरीका हाकिमहरूसँग बाक्लो उठबस, फोटो सेसन अनि आईजी, एआईजी र डीआईजीसँग फोन गरेर अरूलाई देखाउने, तर्साउने अनि प्रभावित पार्ने उनको वर्षौंदेखिको धन्दा हो ।
 
सिपाहीका रुपमा उत्तम सुवेदी धनुषाको एसपी हुँदा घुमुवा रहेका महतोको सेक्स स्क्याण्डल बाहिरिएपछि केही समय नुवाकोट खेदिनु परेको थियो । बिगत ७-८ बर्षदेखि संघीय प्रहरी कार्यालय जनकपुरमा बसेर सिभिलमा घुम्ने उनले १० बर्ष यता प्रहरीको ड्रेस नै नलगाएको बताइन्छ ।
 
प्रहरीका ठूला हाकिमसँग बाक्लो उठबस गर्ने उनले प्रहरीका सिपाही देखि जुनियर अधिकृतसम्मलाई सरुवा बढुवा गराइदिन्छु र काज मिलाई दिने भन्दै पैसा उठाउने गरेका छन् । खास गरी एआईजीबाट हालै अवकाश लिएका उत्तम सुवेदी, आईजीपीबाट अवकाश पाएका धीरजप्रताप सिंह लगायतका हाकिमहरूसँग उनको नजिकको उठबस र उठतीपुठती चल्ने गरेको दावी समाचार स्रोतको छ ।
 
अझ सिंह आईजी हुँदा त उनले तराईका जिल्लाबाट आईजीका नाममा लाखौं असुलेर आतंक मच्चाएको स्राेत बताउन्छ । हाकिमका नाममा पैसा उठाउने तर अझ सिंह आईजी हुँदा त उनले तराईका जिल्लाबाट आईजीका नाममा लाखौं असुलेर आतंक मच्चाएको स्रोतले जनाएकाे छ ।
 
हाकिमका नाममा पैसा उठाउने तर थोरै रकम मात्र उनीहरूलाई दिएर धेरै आफैले राख्ने गरेको प्रहरीहरू बीच चर्चा हुने गरेको छ । करिब ९ लाख पर्ने रायल ईन्फिल्ड बाइक चढेर सानका साथ  हिँड्ने, कार फेरि फेरि चढ्ने उनको आम्दानीको स्रोत के हो भनेर अन्य प्रहरीदेखि सर्वसाधारण पनि चकित हुने गरेका छन् ।
 
हबल्दार जागीरले त्यो हैसियत कसरी सम्भव हुन्छ ? मूल घर सर्लाही भएपनि उनी जनकपुरको मुझेलियामा आलिशान तीन तले घरमा बस्ने गरेका छन् । तर त्यो घर खरिदको आर्थिक स्रोत के हो भन्ने जवाफ कसैसँग छैन् । हालसालै मात्र काठमाडौंमा पनि घडेरी जोडेका उनले अहिले आफूलाई प्रदेश डीआईजीको घुमुवाका रुपमा परिचय दिने गरेका छन् । 
 
तस्कर र व्यापारीहरूलाई नयाँ डीआईजीको घुमुवा आफू नै बस्ने तय भएको भन्दै लाइन मिलाएर पैसा असुल्न थालिसकेको बताइन्छ । अझ आईजीपी बसन्त कुँवरका लागि पनि मधेशमा पैसा उठाउने जिम्मा आफ्नै भएको भन्दै उनले गफ चुट्ने गरेका छन् । त्यसैका लागि उनले अर्का हबल्दार सुरेन्द्र ठाकुरलाई काज दरबन्दी फिर्ता गराइसकेका छन् ।
 
ठाकुर रमाना लिएर रातमाटे गण हिँडेका छन् । गफ लगाउन माहिर मानिएका महतोले मधेश प्रदेशका वैध अवैध क्रसर उद्योग, जुवा अखडा तथा गाईगोरु तस्करहरूबाट मोटो रकम महिनावारी हाकिमका नाममा असुल्ने गरेको बताइन्छ । चर्चित गोरु तस्कर शम्भू सिंहदेखि महोत्तरीका ठूला क्रसर व्यवसायी विजय साह, बेतन शर्मासँग उनको पुरानो सम्बन्ध रहेको बताइन्छ । अझ विजय साहसँग त उनको पाटर्नरसीप विजनेश नै रहेको आशंका प्रहरीहरुले गर्ने गर्छन ।
 
हरेक साँझ विजयको जनकपुरस्थित डिपोमा उनको बसउठ हुने गरेको छ । एकजना प्रहरी भन्छन्, एमपी राजलाई तपाई प्रहरी कार्यालयमा कहिल्यै भेटनु हुन्न, त्यही डिपोमा गयो भने चाहि पक्का भेट हुन्छ । क्रसर व्यवसायी बेतन शर्माको सिराहा, महोत्तरी र धनुषा लगायतका स्थानमा थुप्रै अवैध क्रसर उद्योग निर्वाध चलिरहेका छन् । त्यसको संरक्षण यिनै महतोले गर्ने गरेका छन् ।
 
त्यसबाहेक महोत्तरी, सर्लाही र धनुषामा सञ्चालन हुने ठूला जुवाखालबाट ठेक्कामा पैसा असुली पनि यिनै महतोले गर्ने गरेको बताइन्छ ।

जित्ने सम्भावना बढेपछि मतगणना स्थल पुगे उपेन्द्र यादव

0

वीरगंज । जितकाे सम्भावना बढ्दै गएपछि जनता समाजवादी पार्टी (जसपा) नेपालका अध्यक्ष उपेन्द्र यादव मतगणना स्थल पुगेका छन् । मतगणना स्थल तालिम केन्द्र कलैया पुगेका अध्यक्ष यादवले मतगणनाको प्रारम्भिक नतिजाकै आधारमा प्रतिक्रिया दिनु उचित नहुने बताए । 

बारा-२ को उपनिर्वाचनमा प्रतिनिधि सभा सदस्य पदका उम्मेदवारसमेत रहेका अध्यक्ष यादवले जारी मतगणनाको प्रारम्भिक नतिजाको विषयमा अहिले प्रतिक्रिया दिने बेला नभएको बताए ।

मतगणना स्थल अगाडि सञ्चारकर्मीसँग संक्षिप्त कुराकानी गर्दै यादवले प्रारम्भिक नतिजाले आफू जित तर्फ अग्रसर भएपनि प्रतिक्रिया दिने अहिले उचित समय नभएको बताए । ‘अहिले मतगणना भइरहेको छ । प्रतिक्रिया दिने बेला भएको छैन’ यादवले भने ‘प्रारम्भिक नतिजा राम्रो छ । पछि राम्रोसँग प्रतिक्रिया दिनेछु ।’

यादवले आफू चुनाव जित्नेमा विश्वस्त रहेको दावी गरे । उनले भने ‘चुनाव जित्ने विश्वस्त नभई त चुनाव नै लडिँदैन ।’ उनले मतगणनास्थल पुगेर मतगणनाको विषयमा जानकारी लिएका थिए ।

समचार तयार पार्दासम्म मतगणनाको प्राप्त मतपरिणाममा यादव फराकिलो मतान्तरसहित अग्र स्थानमा छन् । उनले १८ हजार ९६ मत प्राप्त गरेका छन् भने उनका निकटम प्रतिद्वन्द्वी जनमत पार्टीका शिवचन्द्र कुशवाहाले १३ हजार ८३ मत पाएका छन् ।

यसैगरी तेस्रो स्थानमा रहेको नेकपा एमालेका उम्मेदवार पुरुषोत्तम पौडेलले ५ हजार ४५९ मत, चाैथाे स्थानमा राष्ट्रिय स्वतन्त्र पार्टीका उम्मेदवार रमेश खरेल २ हजार १६३ मत र पांचाै स्थानमा आम जनता पार्टीका उम्मेदवार अरुण कुमार ज्ञवाली एक हजार ९९० मत ल्याएका छन् ।

बैशाख १० गते आइतबार सम्पन्न उपनिर्वाचनमा खसेकाे ६३ हजार ९०८ मत मध्ये ४१ हजार ७६८ मत गणना भइसकेकाे जिल्ला निर्वाचन कार्यालय बाराका निर्वाचन अधिकारी सराेज चाैधरीले वताए । जस मध्ये ५३४ मत बदर भएकाे छ भने अझै २२ हजार १४० मत गणना गर्न वाकी रहेकाे उनले जानकारी दिए ।

भारी मतान्तरले पुन: रवि लामिक्षाने विजयी

0

वीरगंज । चितवन निर्वाचन क्षेत्र नं. २ मा पुन: राष्ट्रिय स्वतन्त्र पार्टीका सभापति रवि लामिक्षाने विजयी भएका छन् । बैशाख १० गते आइतबार सम्पन्न प्रतिनिधि सभा सदस्यकाे उपनिर्वाचनकाे अन्तिम मत परिणाम अनुसार भारी मतान्तरले लामिक्षाने विजयी भएका हुन् ।

अन्तिम परिणामअनुसार लामिछानेले ५४ हजार १७६ मत ल्याएर विजयी भएकाे मुख्य निर्वाचन अधिकृतकाे कार्यालयले जनाएकाे छ । उनका प्रतिस्पर्धी गठबन्धनबाट नेपाली कांग्रेस उम्मेदवार जीतनारायण श्रेष्ठले ११ हजार २१४ मत प्राप्त गरे । दुई जना बीचको मतान्तर ४२ हजार ९६२ रहेको छ ।

एमालेका उम्मेदवार रामप्रसाद न्यौपाने १० हजार ९३६ मत ल्याएर तेस्रो बने । मंसिर ४ को चुनावमा रविले ४९ हजार ३०० मत प्राप्त गरेका थिए । त्यस भन्दा यस पालिकाे निर्वाचनमा ४ हजार ८७६ बढी मत ल्याएर विजयी भएका हुन् ।

अनेक लाञ्छना लगाउनेलाई जनताले एकमुष्ट जवाफ दिए : रवि लामिक्षाने

भारी मतान्तरले निर्वाचित भएपति सभापति लामिछानेले आफूहरूमाथि लगाएको आरोपको जवाफ चितवनवासीले दिएको बताए । उनले निर्वाचनको क्रममा आफूहरूमाथि गरेको अपमानको जवाफ जनताले दिएको बताए ।

उनले भने, ‘निर्वाचनको क्रममा हामीमाथि विभिन्न लाञ्छना लगाएका छन् । विभिन्न आरोप प्रत्यारोप लगाएका छन् । अपमान गरेका छन् । सार्वजनिक अभिव्यक्ति नै सुन्न नसक्नेछन् । व्यक्तिगत तहमै उत्रिएर गालीगलौज गरेका छन् । कतिपयल जवाफ दिनुस् भन्नुहुन्थ्यो । तर, मैले भन्ने गर्थें- यसको जवाफ मैले राख्नु पर्दैन चितवनवासीले राखेका छन् भनेर । आज सबैको जवाफ एकमुष्टरूपमा चितवनले स्वस्तिक छाप लगाएर दिएको छ ।’

चन्दा संकलन गरेर ब्युटिसियन तालिम

0

वीरगंज । शान्भी फाउन्डेसन अफ नेपाल वीरगंज पर्साकाे आयाेजनामा निःशुल्क १५ दिने ब्युटिसियन तालिम सुरु भएकाे छ । फाउन्डेसनको कार्यालय माईस्थानमा सुरु भएकाे तालिमकाे साेमबार एक कार्यक्रमका बिच वडा प्रहरी कार्यालय बिर्ताका प्रहरी निरिक्षक बिदुर सिवाकोटीले उदघाटन गरेका थिए ।

तालिमकाे उदघाटन गर्दै प्रहरी निरिक्षक सिवाकाेटीले छोटो अवधिको यो तालिमले पूर्ण रुपमा क्षमतावान हुन नसके पनि आउने दिनमा तालिमलाई निरन्ता दिनु पर्ने वताए । उनले नियमित रुपमा तालिममा सहभागी भई सिक्न आग्रह गर्दै तालिम पश्चात आत्मनिर्भर बनी आय आर्जन गर्न समेत सुझाए ।

समाजमा विद्यमान महिला हिंसालाई रोक्न सबैले आ-आफ्नो स्थानबाट सहयोग गर्नु पर्नेमा जोड दिदै प्रहरी निरिक्षक सिवाकाेटीले प्रहरीको तर्फबाट हुन सक्ने सम्पूर्ण सहयोग गर्न आफु तयार रहेको प्रतिबद्धता जनाए ।

सो अवसरमा नेपाली काँग्रेसकी महिला नेतृ रम्भा मिश्र, वडा नं. ६ का वडाध्यक्ष जयप्रकाश साह, जनमत पार्टीका पर्सा जिल्ला सह–संयोजक मुकेश द्विवेदी, तालिमकी प्रशिक्षिका मधु सिंह, अनिल यादव, हन्ड्रेडस ग्रुप अफ पर्साका अध्यक्ष विक्की सर्राफ, श्याम गुप्ता लगायतकाले तालिमको सफलताको कामना गरेका थिए ।

आयोजक संस्थाका अध्यक्ष सानु कुमारीको अध्यक्षता भएको उदघाटन कार्यक्रमकाे सञ्चालन विवेक कुमार झाले गरेका थिए । फाउन्डेसनका सम्पूर्ण पदाधिकारी एवं सदस्यहरुले आफुहरुमा चन्दा संकलन गरेर तालिमको संचालन गरेको विवेक कुमार झाले बताए ।

जगरनाथपुरमा ११ दिने बिष्णु महायज्ञ सुरु, गाउँपालिका अध्यक्ष यादवद्वारा उदघाटन

0

वीरगंज । पर्साकाे जगरनाथपुर गाउँपालिका वडा नं. २ जानकीटाेलामा श्री सहस्त्र बिष्णु महायज्ञ सुरु भएकाे छ । जानकीटाेला गाउँवासीकाे आयाेजना आयाेजित ११ दिने महायज्ञकाे उदघाटन गाउँपालिका अध्यक्ष श्रीकान्त प्रसाद यादवले गरेका हुन् ।

महायज्ञकाे उदघाटन गर्दै गाउँपालिका अध्यक्ष यादवले यज्ञले ज्ञान प्राप्त हुनुकाे साथै धर्मकाे रक्षा र प्रचार प्रचार हुने वताए । उनले यज्ञ शान्तिकाे प्रतिक समेत रहेकाे वताए ।

महायज्ञकाे पहिलाे दिन मंगलबार कलश यात्रा निकालिएकाे यज्ञ आयाेजक समितिका अध्यक्ष कृष्णमा्ेहन यादवले वताए । जानकीटाेलामा पहिलाे पटक महायज्ञकाे आयाेजना गरिएकाे उनले वताए । 

महायज्ञकाे कलश यात्रामा गाउँपालिकाकी उपाध्यक्ष बबिता सिंह क्षेत्री, प्रमुख प्रशासकीय अधिकृत कृष्णनन्दन राय, वडाध्यक्ष नेपाली कुशवहा,लक्ष्मी साह तेली, रामअयाेध्या पटेल लगायत स्थानीयहरुकाे उपस्थिति रहेको थियो । 

महायज्ञमा बुधवारदेखि विभिन्न विदवानहरुद्वारा प्रवचन राख्नुकाे साथै रामलिला समेत प्रस्तुत हुने आयाेजकले जनाएकाे छ ।

तनहुँ १ मा रास्वपाका डा वाग्ले विजयी

0
तनहुँको प्रतिनिधि सभा निर्वाचन क्षेत्र नम्बर १ मा भएको उपनिर्वाचनमा विजयी रास्वपाका उम्मेदवार डा. स्वर्णिम वाग्ले मङ्गलबार दमौलीमा आयोजित धन्यवाद र्‍यालीमा सहभागी हुँदै । तस्बिर : रासस

दमौली । तनहुँ क्षेत्र नं १ को प्रतिनिधिसभा सदस्य पदमा राष्ट्रिय स्वतन्त्र पार्टी (रास्वपा)का डा स्वर्णिम वाग्ले निर्वाचित भएका छन् । मंगलबार बिहान सम्पन्न मतगणना अनुसार उनले ३४ हजार ९ सय ११ मत प्राप्त गरेर विजयी भएका हुन् ।

उनको प्रतिस्पर्धी नेपाली कांग्रेसका गोविन्द भट्टराईले २० हजार १ सय २२ मत प्राप्त गरेका छन् । त्यस्तै नेकपा (एमाले)का सर्वेन्द्र खनालले ८ हजार ४ सय ८८ मत प्राप्त गरेकाे सहायक निर्वाचन अधिृकत मीनबहादुर कुँवरले जानकारी दिए ।

यसैगरी राप्रपाका शोभा गुरुङले २ सय १८, नागरिक उन्मुक्ति पार्टीका भीमबहादुर सुनारले ९९, नेमकिपाका रामप्रसाद प्रजापतिले ३१, नेकपा समाजवादीका गणेश श्रेष्ठले पाँच, मङ्गोल नेशनल अर्गनाइजेशनका प्रेमबहादुर थापाले एक सय ६६ र राष्ट्रिय जनमुक्तिका पूर्णबहादुर रानाले ८७ मत प्राप्त गरेका हुन् ।

निर्वाचनमा ६५ हजार तीन सय १६ मत खसेकाेमा ६४ हजार एक सय ३५ मत सदर भएको थियो भने एक हजार एक सय ८१ मत बदर भएको थियो ।

तनहुँ–१ का प्रतिनिधिसभा सदस्य नेपाली कांग्रेसका रामचन्द्र पौडेल राष्ट्रपति पदमा निर्वाचित भएपछि रिक्त यो स्थानमा आइतबार निर्वाचन भएको थियो । कांग्रेसकाे गढकाे रुपमा रहेकाे याे क्षेत्रमा कांग्रेस कै डा वाग्ले रास्वपा प्रवेश गरेर चुनाव लडेका थिए ।

बारा २ मा उपेन्द्र यादवकाे अग्रता कायमै, मतान्तर बढाउँदै

0

वीरगंज । बारा २ मा सत्तारुढ गठबन्धनका उम्मेदवार जनता समाजवादी पार्टी (जसपा) अध्यक्ष उपेन्द्र यादवले मतान्तर बढाएका छन ।

यादवले ९ हजार ८७० मत ल्याएर अग्रता बढाएका हुन् । उनलाई पछ्याइरहेका जनमत पार्टीका उम्मेदवार शिवचन्द्र कुशवाहाले ६ हजार ७७१ मत ल्याएका छन् । उनीहरुबीच ३ हजार १०१ मतान्तर रहेको छ ।

यस्तै नेकपा एमालेका पुरुषोतम पौडेलले अहिलेसम्म ३ हजार ७०० मत पाएर तेस्रो र राष्ट्रिय स्वतन्त्र पार्टीका रमेश खरेलले १ हजार १७४ मत ल्यार चौथौं र आम जनता पार्टीका अरुण ज्ञवाली  ५८७ मत ल्याएर पाँचौ स्थानमा छन् ।

बारा २ मा राेचक प्रतिस्पर्धा, उपेन्द्र यादवकाे अग्रता

0

वीरगंज । बारा निर्वाचन क्षेत्र नं. २ मा राेचक प्रतिस्पर्धा देखिएकाे छ । जनता समाजवादी पार्टी (जसपा) नेपालका अध्यक्ष उपेन्द्र यादव र जनमत पार्टीका उम्मेदवार शिवचन्द्र कुशवाहा बिच राेचक प्रतिस्पर्धा देखिएकाे हाे । 

प्रतिनिधि सभा सदस्यकाे बैशाख १० गते सम्पन्न उपनिर्वाचनकाे मतगणना अहिले शिक्षा तालिम केन्द्र कलैयामा जारि छ । सुरुवाती देखि नै जसपाका अध्यक्ष यादवले अग्रता लिए पनि बिचमा फेरी जनमतका कुशवाहा पछाडी पारेका थिए । पछि फेरी जसपाका यादवले अग्रता लिएका थिए । 

साेमबार राति ९ बजे सम्म यादवले कुशवाहा भन्दा ६ सय मतकाे अग्रता कायम गरेकाे थियाे । तर पछि राति १० बजेकाे पछिलाे मतपरिणाम अनुसार मतान्तर घटढै गएकाे थियाे । यादवले ३ हजार २ सय १४ मत ल्याउँदा कुशवाहाले २ हजार ८ सय १३ मत ल्याएका थिए । तेस्राे स्थानमा एमालेका उम्मेदवार पुरुषाेतम पाैडेलले एक हजार ३ सय ३५ ल्याएका थिए । 

राष्ट्रिय स्वतन्त्र पार्टीका रमेश खरेलले ६१४ मत, आम जनता पार्टीका अरुण कुमार ज्ञवालीले २ सय ६९ मत पाएका थिए ।

यस क्षेत्रमा एक लाख ५ हजार मतदाता रहेपनि ६५.६६ प्रतिशत ६९ हजार एक सय ७ मत मात्र खसेकाे छ । जस मध्ये हाल सम्म ८ हजार ५ सय ८ मत गणना भइसकेकाे जिल्ला निर्वाचन कार्यालय बाराका निर्वाचन अधिकारी सराेज चाैधरीले जानकारी दिए ।

करैयामाई गाउँपालिका र सुर्वण गाउँपालिकाकाे वडा नं. १ देखि ५ सम्म मतगणना भइसकेकाे निर्वाचन अधिकृतकाे कार्यालयले जनाएकाे छ ।      

शिवचन्द्रको दावी  “जसपाकाे गढमा राम्राे मत पाए, चुनाव मै जित्छु”

 जनमत पार्टीका उम्मेदवार शिवचन्द्र कुशवाहले आफूले नै चुनाव जित्ने दावी गरेका छन् । उनले जसपाकाे पकड भएको क्षेत्रमा समेत आफूले राम्रो मत प्राप्त गरेको बताउँदै निर्वाचनको अन्तिम मतपरिणाम आउँदा आफै जित्ने दावी गरेका हुन् ।

मतगणना स्थल बाहिर सञ्चारकर्मीहरुसँग कुरा गर्दै कुशवाहले करैयामाईमा जसपाको पकड क्षेत्र भएपनि आफूले सम्मानजनक मत प्राप्त गरेको उल्लेख गर्दै जित्ने दावी गरे ।

हाल करैयामाई गाउँपालिकाका विभिन्न वडाको मतगणना भइरहेको छ । सुरुवाती चरणमा अग्रता लिएका यादवलाई केहि समयका लागि कुशवाहले पछारेका थिए । यद्दपी पछिल्लो मतपरिणामअनुसार यादवले फेरी अग्रता लिएका छन् ।

करैयामाईमा आफूले सम्मानजनक मत पाएको र महागढीमाईको मतपेटिका खुले आफूले अग्रता लिने बताउँदै कुशवाहले भने, ‘करैयामाई १, २ र ३ भनेको जसपाले जितेको ठाउँमा मेरो मत नै अघि देखिएपछि यो मलाई बोनस आएको प्रमाणित नै गरिसक्यो । अब अन्त गन्दा अघिपछि हुन्छ । हुँदै जाँदाखेरि अन्तिममा महागढिमाईले सबैलाई पछार्दिन्छु ।’