Date
मङ्ल, मंसिर १, २०८३
Tue, November 17, 2026
Home Blog Page 550

अनैतिक सम्बन्ध थाहा भएपछि युवककाे हत्या, फरार दम्पती पक्राउ

0

वीरगंज । बारा प्रहरीले एक युवककाे हत्या आराेपित फरार दम्पतीलाई पक्राउ गरेकाे छ । पक्राउ पर्नेमा वीरगंज महानगरपालिकाकाे वडा नं. १५ भिस्वा निवासी २४ बर्षिय रामु भन्ने कैलाश महताे र उनकी श्रीमती २० बर्षिय राेशनी भन्ने हिरा देवीलाई रहेका छन् ।

बाराकाे बिश्रामपुर गाउँपालिका वडा न.५ इटयाही टोल स्थित दरवारकोलनी क्षेत्रमा भुलन चौरसियाको खेतमा रहेको परालको भुषमा २०७९ मंसिर २७ गते राती एक युवककाे शव फेला परेकाे थियाे । साे शव बाराकाे जितपुर सिमरा उपमहानगरपालिकाकाे वडा न.८ राजानगर टोलमा बस्ने गुड्डु साह कानुको छोरा वर्ष २२ को सुरज भन्ने महेश साहकाे थियाे ।

उनकाे शव कर्तव्य गरी मारी मृतककाे लाश लुकाई छिपाई राखेको अवस्थामा प्रहरी फेला परेको थियाे ।

प्रहरीका अनुसार प्रतिवादी रोशनी र मृतक सुरज लिभिङ टुगेदरमा रोशनी कै कोठामा बस्दै आएका थिए । सुरज  र रोशनी बिच बिवाह गर्ने कुरा समेत चलेकाे थियाे । तर रोशनीकाे पहिला नै बिवाह भई छोरी समेत रहेकाे हुँदा सुरजकाे घर परिवारका मानिसहरुले बिवाह गर्न मानेका थिएनन् ।

त्यसैबिच घटना भएकाे मिति २०७९ मंसिर २७ गते राती रोशनी र सुरजलाई रोशनीका श्रीमान रामु भन्ने कैलाश महतोले दुवैलाई घटनास्थल नजिकै साथमा भेटेका थिए । त्यसै क्रममा मृतक सुरज र राेशनीका श्रीमान रामु बिच विवाद भएकाे थियाे ।

बिवाद कै क्रममा निज श्रीमान श्रीमतीले सुरजलाई डिस (केवल) को तारले घाँटीमा कसी कर्तव्य गरी मारी मृतककाे लाश दबाउने छुपाउने उद्देश्यले परालको भुषमा लुकाई छिपाई राखि भागेका थिए ।

भागने क्रममा भारतको बिहार, दिल्ली हुँदै केरला मलप्पुरम जिल्ला पुगेकोमा निजहरुलाई केरला प्रहरीसँग समन्वय गरी खोज तलास गरिएकाे थियाे । खाेजतलाश कै क्रममा मिति २०८० बैशाख ०६ गते नेपाल र भारतको सिमाना नजिकबाट प्रतिवादीहरु रामु र निजको श्रीमती रोशनीलाई पक्राउ गरिएको जिल्ला प्रहरी कार्यालय बाराका प्रवक्ता प्रहरी नायब उपरिक्षक पुरुषाेत्म प्रसाद पाण्डे वताए ।

निजहरुलाई कर्तव्य ज्यान मुद्दामा बारा जिल्ला अदालतबाट मिति २०८० बैशाख ०६ गतेदेखि नै लागु हुने गरी ७ दिनको म्याद थप गरी निजहरुलाई न्यायिक हिरासतमा राखी थप अनुसन्धान कार्य भई रहेको उनले जानकारी दिए ।

राजविराज कारागारमा कैदीको मृत्यु

0

सप्तरी । राजविराज कारगारका एक कैदीको आज मृत्यु भएको छ । मृत्यु हुनेमा सप्तरीको महादेवा गाउँपालिका–३ बथनाहाका ५४ वर्षीय मिथलेशकुमार यादव रहेका छन् ।

राजविराज कारागारमा मानव बेचबिखन ओसारपसार मुद्दामा सजाय काटिरहेका यादव बिरामी भएपछि बिहीबार राजविराजस्थित गजेन्द्रनारायण सिंह अस्पताल भर्ना गरिएको थियो । राजविराजबाट रिफर भई उपचारका क्रममा कोशी अस्पताल विराटनगर पु¥याइएका यादवको मृत्यु भएको कारागार प्रमुख किशोरकुमार रामले बताउनुभयो ।

मृतकका श्रीमती मञ्जुदेवी यादवका अनुसार छारेरोग र कलेजो रोगबाट ग्रसित मिथलेशको खुट्टा सुनिएपछि अस्पताल भर्ना गरिएको थियो । मानव बेचबिखन ओसारपसार मुद्दामा अदालतबाट कैद सजाय तोकिएपछि फरार रहेका उनी २०७७ चैत ११ गते घरबाटै पक्राउ परेका थिए । इलाका प्रहरी कार्यालय हनुमान नगबाट खटेको प्रहरी टोलीले यादवलाई घरबाटै पक्राउ गरेको थियो ।

सोही दिनदेखि उनी कारागारमा छन् । उनलाई अदालतले पाँच वर्ष कैद सजाय तोकेको थियो । शवलाई विराटनगरबाट राजविराज ल्याइएको छ । शवको परीक्षणका लागि राजविराजस्थित गजेन्द्रनारायण सिंह अस्पतालमा राखिएको छ ।

बाल विकास सहयोगी कार्यकर्ता ३९ वर्षीया द्रौपतीदेवी चौधरी, सप्तकोशी फत्तेपुरका ३१ वर्षीय मुकेशजङ्ग खडका र मिथिलेश यादवले तालिममा भाग लनभन्दै झुक्याई दुई बालिकालाई २०७० असार २२ गते इटहरी नगरपालिका–१ स्थित रङ्गमञ्च गेस्ट हाउस पु¥याएका थिए । होटलमा पुगेपछि पीडितलाई ललाइफकाइ शारीरिक सम्बन्ध राख्नका लागि सुरुमा पैसाको प्रलोभन दिएको र नमाने पछि डर त्रास देखाइ आरोपितले हातपात गरेका थिए । होटलमा द्रौपतीदेवीले मुकेश र मिथलेशसँग पीडितलाई बेचबिखन गर्ने तयारी गरिरहेको सुनेर सोही राति १० बजे बालिका होटलबाट भागेका थिए ।

आरोपित खड्कालाई प्रहरीले २०७० साउन १८ गते पक्राउ गरेको थियो । खड्का २०७० भदौ १३ गते जिल्ला अदालतका न्यायाधीश रामप्रसाद अधिकारीको एकल इजलाशले पुर्पक्षका लागि कारागारमा थुनामा थिए । पछि पक्राउ परेकी द्रौपतीदेवी राजविराज कारगारमा कैद भुक्तान पूरा गरिसकेकी छन् । रासस

भन्सार राजश्वको निश्चित प्रतिशत वीरगंजले पाउनुपर्छ : मेयर सिंह

0

वीरगंज । वीरगंज महानगरपालिकाका मेयर राजेशमान सिंहले वीरगंज भन्सारबाट उठ्ने भन्सार राजश्वको निश्चित प्रतिशतको रकम वीरगंज महानगरपालिकालाई उपलब्ध गराउन सरकारसंग माग गरेका छन् ।

शुक्रबार अर्थमन्त्रालयमा आयोजित अन्तर सरकारी वित्तीय हस्तान्तरणका लागि परामर्श तथा समन्वय कार्यक्रममा बोल्दै मेयर सिंहले अर्थमन्त्री प्रकाश शरण महतसंग वीरगंज नाकाबाट उठ्ने भन्सार राजश्वको निश्चित प्रतिशत रकम वीरगंज महानगरलाई उपलब्ध गराउन आग्रह गरेका हुन् ।

अर्थमन्त्री महतलाई वीरगंज महानगरका बारे जानकारी गराउँदैै मेयर सिंहले देशको कूल राजश्व संकलनमा वीरगंजकाे योगदान आधाभन्दा बढी भए पनि केन्द्र सरकारबाट वीरगंज सँधै उपेक्षामा पर्दै आएको गुनासो गरे ।

उनले भने, ‘कूल आयात निर्यातको ७० प्रतिशत कारोबार वीरगंज नाकाबाटै हुन्छ, कूल अर्थतन्त्रमा वीरगंजकाे योगदान आधा भन्दा बढी छ तर वीरगंज र वीरगंजवासीले सवारीसाधानको धुवाँधुलो र प्रदुषण मात्रै पाइरहेका छन्, मालवाहक सवारीको चापले सडकहरु भत्किने गरेका छन्, तर राज्यबाट पाउने लाभ शुन्य जस्तैछ ।’

वीरगंज भन्सार कार्यालयले मात्रै वार्षिक साढे दुई खर्ब भन्दा बढी राजश्व उठाएर सरकारलाई दिदै आएको भन्दै मेयर सिंहले भने, ‘साढे दुइ खर्ब उठाएर दिने वीरगंज महानगरले केन्द्र सरकारबाट वर्षमा कति बजेट पाउँछ ? भन्न पनि मलाई अप्ठ्यारो लागिरहेको छ ।

वीरगंज नाकाबाट संकलन हुने राजश्व अन्य पालिका सरह बाँडफाँड हुने अवस्थाले वीरगंजलाई घाटा मात्रै भएको उनले बताए ।
त्यसैले प्रभावित क्षेत्रको आधारमा वीरगंज भन्सार लगाएतका कार्यालयबाट संकलीत राजश्वको निश्चित प्रतिशत रकम वीरगंज महानगरले पाउनु पर्ने अर्थमन्त्री महत समक्ष मेयर सिंहले बताए ।

वीरगंजलाई देशकै आर्थिक राजधानी भनिदै आएको भए पनि त्यस अनुसारको पूर्वाधार र सेवा सुविधा राज्यबाट नपाएकाले वास्तविक रुपमै आर्थिक राजधानी बन्ने गरी वीरगंजकाे पुर्वाधार विकासमा जोड दिन पनि उनले अनुरोध गरे ।

यसका साथै मेयर सिंहले संस्थागत घरवहाल कर आन्तरीक राजश्व कार्यालयले उठाउने काम बन्द गर्नुपर्ने, मालपोत रजिष्ट्रेशन शुल्क मासिक रुपमा दाखिला गर्ने व्यवस्था मिलाउनु पर्ने, आन्तरिक आय ठेक्का व्यवस्थापनका लागि नमुना कानुन निर्माण गर्नु पर्ने माग पनि राखे ।

साथै वीरगंज महानगरमा शिक्षक अभाव हुँदा पठन पाठनमा समस्या भइरहेको भन्दै शिक्षा मन्त्रालयले नै दिएको प्रतिवेदन अनुरुपको शिक्षक नियुक्तिको व्यवस्था मिलाउन पनि उनले आग्रह गरे ।

शिक्षा मन्त्रालयले वीरगंजको लागि ३ सय शिक्षक थप आवश्यक रहेको प्रतिवेदन यस अघि नै दिइसकेको छ । ३ सय शिक्षक नियुक्तीको लागि बजेट व्यवस्थापन गर्न माग गर्दै उनले शिक्षक अभावका कारण शैक्षिक गुणस्तर वृद्धिमा असर पुगिरहेको बताए ।

यस्तै मेयर सिंहले वीरगंजकाे आर्थिक अवस्था चलाएमान बनाउन देशकै मुख्य नाकाको रुपमा रहेको सीमा नाकालाई २४ सै घण्टा खुला राख्ने व्यवस्था मिलाउन पनि माग गरे ।

अर्थमन्त्री डा.प्रकाश शरण महतको अध्यक्षतामा अर्थमन्त्रालयमा आयोजित कार्यक्रममा विभिन्न मन्त्रालयका सचिव, प्रदेशका प्रतिनिधि लगायतको सहभागिता रहेको थियो ।

आगलागीमा १५ घर नष्ट

0

सप्तरी । सप्तरीको खडक नगरपालिकामा घुरबाट सल्केको आगोका कारण १५ घर जलेर नष्ट हुँदा रु ६५ लाख बराबरको क्षति भएको छ ।

खडक नगरपालिका–९ बज्राहीगुठी टोलमा घर पछाडि बालेको घुरबाट सल्केको आगोले १५ घर, ती घरभित्र रहेको अन्नपात, लत्ताकपडा, भाँडावर्तन, गरगहनार नगद गरी ६५ लाख २० हजार बराबरको क्षति भएको सप्तरी प्रहरीले जनाएको छ ।

आगोले सुरेन्द्रप्रसाद चौधरी, धीरेन्द्रचौधरी, राजेन्द्रप्रसाद चौधरी हरिहर देवीचौधरी, भरत चौधरी, मोहनप्रसाद चौधरी, शत्रुघ्न चौधरी, रवीन चौधरी, अमिन चौधरी, सचिन चौधरी, सबुरलाल चौधरी, मिश्रिलाल चौधरी, हरि चौधरी, नेमन चौधरी र नन्दचौधरीको घर जलेर नष्ट भएको छ ।

शम्भुनाथर राजविराज नगरपालिकाको वारुणयन्त्रको सहयोगमा स्थानीयवासी र नेपाल प्रहरीले आगो नियन्त्रणमा लिएको जिल्ला प्रहरी कार्यालय सप्तरीका प्रहरी नायब उपरीक्षक नरेश कुमार सिंहले बताउनुभयो । रासस

ट्रकको ठक्करबाट दुई जनाको मृत्यु

0
bike accident_kalikatimes

सर्लाही । सर्लाहीको लालबन्दी नगरपालिका–६ स्थित पूर्व–पश्चिम राजमार्गमा भएको सवारी दुर्घटनामा दुई जनाको ज्यान गएको छ ।

लालबन्दी नगरपालिका– ६ स्थित पूर्व–पश्चिम राजमार्ग अन्तर्गत कालिञ्जोर पुल नजिक भएको दुर्घटनामा महोतरी गौसलाका काका भतिजको घटनास्थलमै मृत्यु भएको प्रहरीले जनाएको छ ।

लालबन्दीबाट रानीगञ्जतर्फ जाँदै गरेको मधेश प्रदेश ०३९००१ ख ८१५ नं को ट्रकले सोही दिशातर्फ जाँदै गरेको ना ३३ प ७५१३ नम्बरको मोटरसाइकललाई ठक्कर दिँदा मोटरसाइकल चालक महोतरीको गौसला नगरपालिका– ११ का श्रवणकुमार महतो र भतिज विक्रम कूमार महतोको घटनास्थलमै मृत्यु भएको जिल्ला प्रहरी कार्यालय सर्लाहीका प्रहरी प्रमुख प्रहरी उपरीक्षक नरेशराज सुवेदीले जानकारी दिनुभयो ।

उहाँका अनुसार ट्रक चालक सुनसरीको इटहरी– १० बस्ने अन्दाजी वर्ष ३४ कन जीतेन्द्र चौधरीसहित दुर्घटनामा संग्लग्न ट्रक र मोटरसाइकल इलाका प्रहरी कार्यालय लालबन्दीको नियन्त्रणमा छन् । रासस

उपनिर्वाचन : आज राति १२ बजेदेखि प्रचारप्रसार निषेधको अवधि

0

काठमाडौँ । यही वैशाख १० गते आइतबार हुन लागेको तीन क्षेत्रको उपनिर्वाचनका लागि आज राति १२ बजेदेखि प्रचारप्रसार निषेधको अवधि हुने भएको छ ।

प्रतिनिधिसभा सदस्यका लागि बारा निर्वाचन क्षेत्र नं २, तनहुँ निर्वाचन क्षेत्र नं १ र चितवन निर्वाचन क्षेत्र नं २ मा हुन लागेको निर्वाचनका लागि निषेधको अवधि लागू हुने भएको हो ।

उपननिर्वाचनका लागि आयोगले निर्वाचन आयोग ऐन, २०७३ को दफा २२ ले दिएको अधिकार प्रयोग गरी २०७९ चैत २४ गतेदेखि जारी गरेको सो निर्वाचन आचारसंहिता, २०७९ मा निर्वाचनलाई स्वच्छ, स्वतन्त्र, निष्पक्ष, विश्वसनीय, पारदर्शी तथा भयमुक्त वातावरणमा सम्पन्न गर्न मतदान हुने दिनको अघिल्लो ४८ घण्टादेखि मतदानको दिन मतदान केन्द्र बन्द नहुञ्जेलसम्म प्रचारप्रसार निषेधको अवधि लागू हुने व्यवस्था गरिएको छ ।

उक्त व्यवस्थाबमोजिम आज मिति २०८० वैशाख ७ गतेको राति १२ बजेदेखि वैशाख १० गते मतदान केन्द्र बन्द नभएसम्म प्रचारप्रसार निषेधको अवधि कायम रहने निर्वाचन आयोगका सहायक प्रवक्ता सूर्यप्रसाद अर्यालले जनाउनुभयो ।

निर्वाचन (कसुर तथा सजाय) ऐन, ७३ को दफा २४ को उपदफा ५ तथा निर्वाचन आचारसंहिता, २०७९ को दफा १७ बमोजिम उक्त अवधिमा निर्वाचन प्रचारप्रसारलगायत कुनै पनि प्रकारका छलफल, अन्तरक्रिया, सभा, सम्मेलन, कार्यशाला, गोष्ठी आदि गर्न तथा उम्मेदवारको पक्ष वा विपक्षमा कुनै पनि प्रकारको प्रचारप्रसार गर्न, मत माग्न, एसएमएस, फेसबुक, भाइबरजस्ता विद्युतीय माध्यम तथा सामाजिक सञ्जालबाट मत माग्न निषेध गरिएको आयोले सम्बन्धित सबैमा स्मरण गराएको छ ।

साथै निर्वाचन आचारसंहिताविपरीत वक्तव्य दिन, प्रेस विज्ञप्ति निकाल्न, प्रकाशन तथा प्रसारण गर्न, सञ्चारमाध्यमबाट जित वा हारको पूर्वानुमानका सामग्री प्रसारजस्ता कार्य नगर्न/नगराउन आयोगले आग्रह गरेको छ । रासस

इदमा जरूरतमंदलाई आवश्यक सहयाेग

0

वीरगंज । मुस्लिम धर्मावलम्बीहरुको महान पर्व इद उल फित्रको अवसरमा जरूरतमंदलाई साडी, सूट र सेवई वितरण गरिएकाे छ ।प्रत्येक बर्ष झै यस बर्ष पनि असहाय, विपन, एकल महिला लगायतका जरूरतमंदलाई युवा नेता रुस्तम शेखले साडी, सूट र सेवई वितरण गरेका हुन् ।

नेता शेखले वीरगंज महानगरपालिका वडा नम्बर १३ का ५५ जना असहाय, विपिन, एकल महिला लगायत जरूरतमंदलाई साडी, सूट र सेवई वितरण गरेकाे जानकारी दिए । उनले पर्वमा सहयोग गर्न पाउँदा आफुलाई खुशी लागेकाे बताए ।

सिर्सिया प्रदुषण नियन्त्रणमा सहयोग गर्न उद्योग मन्त्रीलाई मेयर सिंहकाे आग्रह

0

वीरगंज । वीरगंज महानगरपालिकाले नवनियुक्त उद्योग, वाणिज्य तथा आपूर्ति मन्त्री रमेश रिजालाई सम्मान गरेको छ ।
मन्त्री भएपछि गृहजिल्ला आएका रिजाललाई मेयर राजेशमान सिंहले बिहीबार आफ्नै कार्यकक्षमा स्वागत तथा सम्मान गर्दै कार्यकाल सफलताको शुभकामना व्यक्त गरेका हुन् ।

मन्त्री रिजालाई सम्मान गर्दै मेयर सिंहले वीरगंजकाे लाइफलाइनको रुपमा रहेको सिर्सिया नदीमा उद्योगबाट भइरहेको प्रदुषण नियन्त्रणका लागि आफूले प्राथमिकताका साथ काम गरिरहेको र त्यसमा मन्त्रालयको सहयोगको आवश्यकता रहेको बताए ।

वीरगंजमा नयाँ औद्योगिक क्षेत्रको विकास तथा उद्योग ग्राम स्थापनाको काम हुनेमा आफू विश्वस्त रहेको भन्दै मेयर सिंहले यहाँका औद्योगिक समस्या समाधानमा पनि मन्त्री रिजालको ध्यानाकर्षण गराए ।

बजेट अभावमा नागरिकमुखि योजनाहरु कार्यान्वयनमा लैजान कठिन भएको भन्दै त्यसमा पनि आवश्यक साथ र समन्वय गरिदिन मेयर सिंहले आग्रह गरे ।

नवनियुक्त मन्त्री रिजालले सिर्सिया नदी प्रदुषण नियन्त्रणका लागि महानगरले गरिरहेको प्रयास सह्रानीय रहेको भन्दै त्यसमा मन्त्रालयले आवश्यक सहयोग गर्ने प्रतिबद्धता जनाए ।

‘धेरै वर्ष पहिले आमाले पनि यो नदीमा छठका बेला पुजा गर्नुभएको मलाई सम्झना छ,’ उनले भने, ‘अहिले त नदीको पानी धेरै कालो देखिन्छ, गन्हाउने पनि भएको छ, यसलाई स्वच्छ बनाउन महानगरले गरिरहेको प्रयास राम्रो छ, मन्त्रालयबाट मैले गर्नु पर्ने सहयोग गर्न म तयार छु ।’

उनले उद्योग ग्राम निर्माणका लागि आफूले सकेको पहल गर्ने र एक पटक मन्त्रालयमा आउन निम्ता दिँदै सचिवहरुसँगै राखेर आवश्यक व्यवस्था मिलाउन लगाउने बताए ।

सम्मान कार्यक्रममा महानगर उपप्रमुख इम्तियाज आलम, प्रमुख प्रशासकीय अधिकृत लक्ष्मी प्रसाद पौडेल, विभिन्न वडाका वडाअध्यक्षहरु लगायतको सहभागिता रहेको थियो ।

महागढीमाई क्षेत्र विकास कोष स्थापना गराउँन्छु : उपेन्द्र यादव

0

वीरगंज । जनता समाजवादी पार्टी (जसपा) नेपालका अध्यक्ष उपेन्द्र यादवले महागढीमाई मन्दिर क्षेत्रलाई धार्मिक पर्यटकीय केन्द्रकाे रुपमा विकास गरिने बताएका छन् ।

बिहिबार बाराको महागढीमाई नगरपालिकास्थित बरियारपुरमा आयोजित वृहत चुनावीसभालाई सम्बोधन गर्दै पाँच दलीय गठबन्धनको तर्फबाट बारा निर्वाचन क्षेत्र नम्बर २ मा प्रतिनिधिसभा सदस्य पदका उम्मेदवारसमेत रहेका यादवले महागढीमाई मन्दिर विकास कोष स्थापना गरेर यस क्षेत्रलाई धार्मिक पर्यटकीय स्थलको रुपमा विकास गरिने बताए ।

उनले भने, ‘महागढीमाई मन्दिर एउटा धार्मिक स्थल मात्र होइन । ऐतिहासिक पर्यटकीय स्थल पनि हो । यसको विकास गरेर यहाँका स्थानीयहरुको समृद्धिको लागि काम गर्नुछ । काठमाडौँमा पशुपतिनाथ मन्दिरको विकास कोष र लुम्बिनी विकास कोष जस्तै यस क्षेत्रमा महागढीमाई क्षेत्र विकास कोष स्थापना गरेर यसलाई धार्मिक पर्यटकीय स्थलको रुपमा विकसित गर्न पहल गर्नेछु ।’

उनले पाँच दलीय गठबन्धनले आफूलाई बारा जिल्लाको जनताको बीचमा रहेर काम गर्ने उद्देश्यले पठाएको हुँदा आफू निर्वाचित भएपछि यस क्षेत्रको जनतासँग काँधमा काँध मिलाएर अगाडि बढ्ने बताए । उनले भने, ‘मलाई बारा जिल्लाको जनताको बीच रहेर काम गर्न पाँच दलीय गठबन्धनले साझा उम्मेदवार बनाएर पठाएको छ । म अब यहीँ तपाईँसँग काँधमा काँध मिलाए अगाडि बढ्छु । यहाँको विकास निर्माणको कामलाई पूरा गर्छु । बारा-२ मात्र नभइ समग्र जिल्लाको समृद्धिको लागि काम गर्छु ।’

यादवले निर्माणको पर्खाइमा रहेको बाराको निजगढ विमानस्थलको काम पनि छिट्टै सुरु गरिने बताउँदै भने, ‘बारामा एउटा अन्तराष्ट्रिय स्तरको विमानस्थलको आवश्यकता छ । जुन छिट्टै पूरा हुन्छ । जग्गा अधिग्रहण र मुआब्जालगायतको विषयलाई छिटोभन्दा छिटो समाधान गरेर विमानस्थल निर्माणको कामलाई अगाडि बढाउँन म सम्माननीय प्रधानमन्त्रीसँग अनुरोध गर्न चाहन्छु ।’

नेकपा एमालेका अध्यक्ष केपी ओलीका कारण नागरिकता विधेयक पास नभएको यादवले आरोप लगाए । पूर्वप्रधानमन्त्री शेरबहादुर देउवा नेतृत्वको सरकारले दुई/दुई पटक प्रतिनिधिसभा र राष्ट्रियसभाबाट समेत नागरिकता विधेयक पास गरेर पठाउँदासमेत एमाले अध्यक्ष केपी ओलीको इसारामा तत्कालिन राष्ट्रपति विद्यादेव भण्डारीले त्यसलाई प्रमाणीकरण नगरेको उनले आरोप लगाए । उनले नवनिर्वाचित राष्ट्रपति रामचन्द्र पौडेलसँग नागरिकता विधेयक पास गर्न आफूले पहल गर्ने बताए ।

त्यस्तै उनले बारामा रहेका राजमार्गहरुलाई भारतको सिमासम्म पुर्‍याएर चार लेनको सडक बनाउने, कोरोनाको कारण बन्द रहेको कवही छोटी भन्सारलाई पुन: सूचारु गराउने जस्ता काम गर्ने प्रतिबद्धता व्यक्त गरे । उनले यहाँको किसानलाई सिँचाइको व्यवस्था गर्नै पनि बताए । किसानको खेत खेतमा सिँचाई पुर्‍याउने तथा मल खाद उपलब्ध गराउन सरकारलाई उनले आग्रह गरे । घरविहिन नागरिकलाई सरकारको जनता अवाज योजनाअन्तर्गत अवासको व्यवस्था गर्नुपर्ने उनले बताए । यस्तै उनले बारामा गुणस्तर शिक्षा प्रणालीको विकास गर्ने बताए ।

उपेन्द्र जि जिते हरेक तप्का, समुदायको विकास हुन्छ : अध्यक्ष नेपाल

0

वीरगंज । नेकपा (एकीकृत समाजवादी) का अध्यक्ष माधव कुमार नेपालले माधव नेपालले बाराको निजगढ विमानस्थल शिलान्यास गर्ने समय आएको बताएका छन् ।

बाराको महागढीमाई नगरपालिकास्थित बरियारपुरमा बिहिबार पाँच दलीय गठबन्धनको चुनावीसभालाई सम्बोधन गर्दै पूर्व प्रधानमन्त्रीसमेत रहेका नेपालले निजगढ विमानस्थल निर्माण काम चाँडै सञ्चालन गर्न प्रधानमन्त्रीलाई आग्रह समेत गरे ।

उनले भने, ‘म पूर्वप्रधानमन्त्री शेरबहादुर देउवाजीलाई पनि पटकपटक भने की अब निजगढ विमानस्थललाई शिलान्यास गर्ने समय आएको छ । अब प्रचण्डजी हुनुहुन्छ उहाँलाई पनि म आग्रह गर्छु । सबै प्रकिया पूरा भएको छ, अब छिटोभन्दा छिटो विमानस्थल निर्माणको शिलान्यास गर्नुपर्छ भन्ने मेरो विश्वास छ ।’

भोजपुरीमा सम्बोधन गर्दै अध्यक्ष नेपालले आमसभाको उपस्थितिले उपेन्द्र यादवको जित सुनिश्चित गरेको वताए । उनले उपेन्द्र यादवको जितले नै यश क्षेत्रको विकास हुने दाबी गर्दै भारी मतले गठबन्धनका सांझा उम्मेदवार उपेन्द्र यादवलाई जिताउन आग्रह समेत गरे ।

उनले भने “जात पर ना पात पर, उपेन्द्र यादवको भावना र विचारको आधारमा मतदान गर्नु पर्छ । उम्मेदवारको खुबी र क्षमताको आधारमा मतदान गर्नु हाेला, जुन उपेन्द्र जिमा छ ।”

महागढीमाई धार्मिक मात्र नभएर ऐतिहासिक र पर्यटकीय क्षेत्र भएको बताउँदै यसको विकासका लागि वृहत योजना बनाएर अगाडि बढ्ने बारा-२ बाट प्रतिनिधिसभा सदस्य उम्मेदवार उपेन्द्र यादवले सारेका योजनाहरु सराहनीय भएको उनले बताए । 

नेपालले बारा जिल्लाका महिला, बालबालिका, युवा, कृषक, मजदुरदेखि व्यापारी र बुद्धिजीविसम्मको समस्या समाधान गर्नका लागि सबैभन्दा योग्य उम्मेदवार उपेन्द्र यादव भएको बताउँदै नेपालले भने, ‘उहाँ जिते हरेक तप्का, समुदाय र समूहको समस्या समाधान हुन्छ ।’

उपेन्द्र यादव जिते क्षेत्र मात्र नभएर सम्पूर्ण बारा जिल्ला र मधेश प्रदेशकै विकासमा ठूलो टेवा पुग्ने उनले विश्वास व्यक्त गरे ।