वीरगंज । रोटरी क्लब अफ वीरगंज मेट्रोपोलिस र रोट्रयाक्ट क्लब अफ वीरगंज मेट्रोपोलिसकाे संयुक्त आयाेजनामा शनिबार नि: शुल्क स्वास्थ्य शिविर सम्पन्न गरेको छ ।
वीरगंज महानगरपालिका वडा – २६ आठराहा सुगौलीमा भएकाे शिविरमा २ सय ८८ जनाले स्वास्थ्य परिक्षण गराएकाे रोट्रयाक्ट क्लब अफ वीरगंजका चार्टर अध्यक्ष प्रकाश कर्णले जानकारी दिए ।
शिविरमा त्रिलोकी क्लिनिक वीरगंजका विशेषज्ञ चिकित्सक डा. सिभ कुमार झा, किरण आँखा अस्पतालका टिम र डा. अमर क्याल, सहारा डेन्टल केयर वीरगंजका डा. एहसान आलम अन्सारीले विरामीहरुकाे स्वास्थ्य परिक्षण गरेका थिए ।
शिविरमा वीरगंज महानगरपालिका वडा २६ आठराहा सुगौलीका अध्यक्ष शम्भु मिश्रा लगायतकाे उपस्थिती रहेकाे थियाे । शिविरमा नेशनल मेडिकल कलेजका एमबीबीएस अध्यनरत विद्यार्थीहरुले प्राविधिक सहयाेग गरेका थिए ।
