वीरगंज । जिल्ला प्रशासन कार्यालय पर्साले वीरगंज महानगरपालिका क्षेत्रभित्र कर्फ्यू आदेश जारी गरेको छ । पर्साका प्रमुख जिल्ला अधिकारी दिनेश सागर भूषालले सोमबार साँझ ५ बजेदेखि कर्फ्यू आदेश जारी गरेका हुन् ।

वीरगंजकाे सुरक्षामा पर्न सक्ने सम्भावित जोखिमलाई मध्यनजर गर्दै स्थानीय प्रशासन ऐन, २०२८ को दफा ६ (क) बमाेजिम अर्काे सूचना नहुनजेल सम्मकाे लागि कर्फ्यू आदेश जारी गरिएको पर्साका सहायक प्रमुख जिल्ला अधिकारी शिव प्रसाद लम्सालले जानकारी दिए ।

उनका अनुसार वीरगंज महानगरपालिकाको सीमा क्षेत्र पूर्वमा नगवा चौक (बारा जिल्ला सिमाना), पश्चिममा तिलावे पुल, उत्तरमा परवानीपुर पर्सा तथा दक्षिणमा मित्तेरीपुल (भन्सार क्षेत्र) मा कर्फ्यू आदेश जारी गरिएको छ ।

कर्फ्यू आदेश जारी गरिएको क्षेत्रभित्र कसैले आवत जावत गर्न, भेला हुन, बाहिर हिड्डुल गर्न, जुलुस प्रदर्शन गर्न, घेराउ र्‍याली गर्न एवं अन्य कुनै प्रकारको उच्श्रृङ्खल गतिविधि गर्न नपाउनेगरि सोमबार बेलुका ५ बजेदेखि अर्को आदेश नभएसम्मको लागि कर्फ्यू आदेश जारी गरिएको सहायक प्रजिअ लम्सालले बताए ।

किन जारी भयाे कर्फु आदेश ?

गत फागुन ३ गते विहीबार रौतहट जिल्लाको ईशनाथ नगरपालिकाको मोतिपुरमा सरस्वतीकाे मुर्ती सेलाउन जाने क्रममा दुई पक्षबीच  झडप भएको थियाे । सोही घटनाकाे विराेधमा एक समुहले वीरगंजमा विराेध प्रदर्शन गर्दै जिल्ला प्रशासन कार्यालयमा ज्ञापन पत्र बुझाउन पुगेकाे थियाे ।

साेही क्रममा अर्काे समुहले छपकैयाबाट विराेध प्रदर्शन गर्दै आदर्शनगर सम्म पुगेपछि प्रहरीले उनीहरुलाई त्यही राेकन खाेजेकाे थियाे । त्यसै क्रममा प्रहरी र प्रदर्शनमा उत्रेकाहरु बिच झडप समेत भएकाे थियाे । प्रहरीले भिड तितरवितर पार्न केही राउन्ड आश्रु ग्यास समेत प्रहार गरेकाे थियाे ।

त्यसपछि पनि अवस्था साम्य नभएपछि हुन सक्ने सम्भावित घटनालाई मध्यनजर गर्दै प्रशासनले कर्फु आदेश जारी गरेकाे वताइन्छ ।

वीरगंज । पर्सा क्षेत्र नम्बर १ का प्रतिनिधि सभा सदस्य (सांसद) प्रदीप यादवले शिक्षाबाट कोही पनि बञ्चित हुनु नपर्ने बताएका छन् । 

 साउथ जोन माद्यामिक विद्यालयले १५ औँ वार्षिकोत्सवकाे अवसरमा आयोजित कार्यक्रमलाई सम्बोधन गर्दै सांसद यादवले समाज रुपान्तरणका लागि शिक्षाको अपरिहार्यताका बारेमा प्रकाश पार्दै शिक्षाको पहुँचबाट टाढा रहेका बालबालिकालाई विद्यालयसम्म ल्याउन प्रोत्साहन गर्ने अभियानको थालनी गर्नुपर्नेमा जोड दिएका हुन् ।

पूर्व वन तथा वातावरण मन्त्रीसमेत रहेका यादवले विद्यालयसम्म नपुगेका बालबालिकाको खोजी गर्दै उनीहरुलाई विद्यालय लैजाने अभियान सुरु गर्न सुझाव दिए । विगतमा छोरालाई मात्रै पढाउने र बिहे गरेर जाने छोरीलाई पढाउन नहुने मान्यता बिस्तारै हराउँदै गएको र अहिले छोरा भन्दा पनि छोरीलाई बढी पढाउने संस्कारको विकास हुँदै गएकोमा उनले खुशी व्यक्त गरे ।

जनता समाजवादी पार्टीका सचेतक समेत रहेका यादवले साउथ जोनले छोटो समयमा बिधार्थी एवं अभिभावहरुको मन जित्न सफल भएकोमा सराहना गरेका थिए । उनले गुणस्तरीय शिक्षा प्रदान गरि रहेको साउथ जोन माविका बिधार्थीहरुले देखाएको क्रियाकलापबाट आफु प्रभावित भएको बताए । 

बिद्यालयका प्रधानाध्यापक सरोज चौधरीको सभापतित्व एवं सांसद यादवकाे प्रमुख आथित्यमा सम्पन्न भएको बार्षिकाेत्सव समारोहमा बिधार्थीहरुले बिभिन्न खाले सांस्कृतिक एवं संगितिक कार्यक्रमहरु प्रस्तुत गरेका थिए ।

बार्षिकाेत्सवकाे अवसरमा बिद्यालयले बिभिन्न विदामा उत्कृष्ट नतिजा दिएका बिधार्थीहरुलाई सम्मान समेत गरेका थिए । बार्षिकाेत्सव अवसरमा आयाेजित कार्यक्रममै स्कुलले आयोजना गरेको सिगिङ्ग र डान्सिङ्ग प्रतियोगिताको फाईनल राउन्ड समेत सम्पन्न भएकाे थियाे । सबै प्रतियोगिताको बिजेताहरुलाई बार्षिकाेत्सवकाे अवसरमा पारेर बिद्यालयले सम्मान तथा पुरस्कार बितरण गरेको थियाे ।

वीरगंजकाे तेजारथटाेलस्थित साह दरबार हाेटलमा भएकाे कार्यक्रममा वीरगंज महानगरपालिका शिक्षा महाशाखाका प्रमुख अरविन्दलाल कर्ण, प्याब्सनका केन्द्रिय सदस्य छेदुप लामा, मधेश प्रदेशका उपाध्यक्ष श्याम केसी, एनप्याब्सन पर्साका अध्यक्ष राम श्रेष्ठ, महानगर अध्यक्ष जियालाल गुप्ता, ट्राफिक प्रहरी कार्यालय वीरगंजका प्रमुख भांसकर खतिवडा, नेपाल पत्रकार महासंघ पर्साका अध्यक्ष अनुप तिवारी, समाजवादी प्रेस संगठन नेपाल पर्साका अध्यक्ष शम्भु कुमार सुमन, नेता एवं अभियन्ता नेजामोदिन समानि लगालयतको उपस्थिती रहेको थियो ।

कार्यक्रमको संचालन एवं सजिकरण स्कुलका सहायक प्रधानाध्यापक अशोक संग्रौलाले गरेका थिए । कार्यक्रममा स्कुलले तयार पारेको स्मारिका पुस्तिकाको कार्यक्रमका प्रमुख अतिथी तथा विशिष्ट अथितीहरुले संयुक्त रुपमा बिमोचन समेत गरेका थिए ।

वीरगंज । जनता समाजवादी पार्टीका प्रमुख सचेतक प्रदीप यादवले शिक्षा नै समाज विकासकाे प्रमुख आधारस्तम्भ भएकाे बताएका छन् ।

वीरगंजकाे श्रीपुरमा रहेकाे ओेम नेशनल एकेडेमीको नवाैं वार्षिकोत्सव समाराेहमा प्रमुख अतिथीका रुपमा सम्बाेधन गर्दै यादवले शिक्षाले नै समाजलाई समृद्ध र सभ्य बनाउने बताए । प्रतिनिधि सभा सदस्य समेत रहेका यादवले भने,`जुन समाज शिक्षित हुदैन त्याे समाज हरेक क्षेत्रमा पिछडिएकाे हुन्छ । त्यहाँ सभ्यताकाेपनि कमी देखिन्छ । त्यसकारण समाजलाई समृद्ध र विकसित बनाउने प्रमुख कडी शिक्षा नै हाे ।´

पूर्व वनमन्त्री समेत रहेका यादवले अहिलेकाे शिक्षा प्रणालीमा रुपान्तरणकाे आवश्यकता रहेकाे ओैंल्याए । उनले भने,`केवल रटाएर पढाउनु भन्दा व्यवहारमा लागु हुनेगरि सिकाउने विधीमा शिक्षकले जाेड दिनुपर्छ ।´

अहिले आधुनिक र प्रविधिको युगमा बालबालिकालाई सहि दिशा र समाज रुपान्तरण तिर अग्रसर भएर पठन पाठन र अध्यापन गर्न गराउन आवश्यक रहेको उनले बताए ।

उनले ओम नेशनल ऐकेडमीले विगतदेखि शैक्षिक उत्कृष्टता सहित विद्यार्थीहरुको सर्वाङ्गीण विकासको निम्ति अनवरत रुपमा क्रियाशिल रहेको र यसले छोटो अवधिमै शैक्षिक क्षेत्रमा आफ्नो पहिचान बनाउन सफल भएको बताए ।

वाषिर्कोत्सव समारोहमा विद्यार्थीहरुले सांस्कृतिक कार्यक्रमपनि प्रस्तुत गरेका थिए । साथै वार्षिक परिक्षामा उत्कृष्ट अंक ल्याएका विद्यार्थीलाई पुरस्कार वितरण पनि गरिएको थियाे ।